https://www.subhashdeshmukh.in/

Subhash Deshmukh, Lokmangal House, Juna Puna Naka, Solapur (2026)

09/10/2026

दक्षिण सोलापूरमधील उर्वरित २१ गावांचा टंचाई कृती आराखड्यात समावेश करा!

आपल्या दक्षिण सोलापूर तालुक्यात सध्या पाणीटंचाईची गंभीर परिस्थिती निर्माण झाली आहे. ऑक्टोबर ते डिसेंबर २०२६ या कालावधीसाठी तयार करण्यात आलेल्या टंचाई कृती आराखड्यात तालुक्यातील काही गावांचा समावेश झालेला नाही. त्यामुळे फताटेवाडी, होटगी स्टेशन, सावतखेड, हत्तूर-चंद्राळ, कुलकर्णी तांडा यांसह उर्वरित २१ गावांचा या आराखड्यात समावेश करावा, अशी मागणी दक्षिण सोलापूर पंचायत समितीचे गटविकास अधिकारी यांच्याकडे केली आहे.

पाणीटंचाईच्या काळात संबंधित गावांना टँकरद्वारे पाणीपुरवठा आणि इतर आवश्यक उपाययोजनांचा लाभ मिळण्यासाठी टंचाई कृती आराखड्यात समावेश असणे महत्त्वाचे आहे. त्यामुळे या २१ गावांतील नागरिकांना पाणीटंचाईचा सामना करताना मदत मिळावी, यासाठी संबंधित अधिकाऱ्यांनी या मागणीची तातडीने दखल घेऊन आवश्यक कार्यवाही करावी.

पाणीटंचाईचा सामना करणारे एकही गाव मदतीपासून वंचित राहू नये, यासाठी प्रशासनाने विलंब न करता उर्वरित २१ गावांचा ऑक्टोबर ते डिसेंबर २०२६ या कालावधीच्या टंचाई कृती आराखड्यात समावेश करावा, अशी आग्रही मागणी आहे.

#दक्षिण_सोलापूर #पाणीटंचाई #टंचाई_कृती_आराखडा

08/10/2026

नटसम्राट नाना पाटेकर यांना भावपूर्ण श्रद्धांजली !💐💐🙏

ज्येष्ठ अभिनेते नाना पाटेकर यांच्या निधनाने मनाला चटका लागला आहे. भारतीय चित्रपटसृष्टीतील खरेखुरे नटसम्राट म्हणून त्यांनी आपल्या अभिनयाने वेगळी ओळख निर्माण केली. त्यांच्या अभिनयातील सहजता, ताकद आणि वास्तवाशी जोडलेला भाव कायम रसिकांच्या मनात राहील.

अभिनयासोबतच 'नाम फाउंडेशन'च्या माध्यमातून माणुसकी जपत शेतकरी आणि गरजूंसाठी केलेले काम नानांच्या संवेदनशील व्यक्तिमत्त्वाची दुसरी बाजू आहे. एक महान कलाकार आणि संवेदनशील माणूस म्हणून नानांची उणीव कायम जाणवत राहील.

ॐ शांती 🙏

08/10/2026

देशाच्या सुरक्षेसाठी अहोरात्र कार्यरत असणाऱ्या आपल्या भारतीय हवाईदलास सलाम! भारतीय हवाईदल स्थापना दिनाच्या या निमित्ताने सर्व वीर जवानांना अभिवादन, जे कोणत्याही कठीण परिस्थितीत भारताच्या सीमांचे आणि आकाशाचे रक्षण करण्यासाठी सदैव सज्ज असतात.

अतुलनीय साहस, उच्च शिस्त आणि राष्ट्रनिष्ठेच्या जोरावर आपल्या हवाई योद्ध्यांनी देशाला सुरक्षेचा भक्कम विश्वास दिला आहे. मातृभूमीच्या सेवेसाठी समर्पित असलेल्या भारतीय हवाईदलाच्या सर्व जवानांना आणि त्यांच्या परिवारांना हार्दिक शुभेच्छा!

#भारतीय_वायुसेना _स्थापना_दिन

07/10/2026

सेवा, समर्पण आणि राष्ट्रनिर्माणाच्या प्रवासातून विकसित भारताचा संकल्प!

📍 करमाळा

करमाळा येथे भारतीय जनता पार्टी, सोलापूर ग्रामीण पश्चिम जिल्ह्याच्या वतीने आयोजित ‘विकसित भारत संकल्प सभा – सेवा ज्योती यात्रा’ कार्यक्रमास उपस्थित राहून आदरणीय पंतप्रधान श्री. नरेंद्रजी मोदी यांच्या संबोधनाचे लाईव्ह प्रक्षेपण सर्वांसोबत पाहिले. सार्वजनिक जीवनातील २५ वर्षांच्या प्रवासाचा उल्लेख करताना त्यांनी देशवासीयांनी दिलेल्या विश्वासाबद्दल व्यक्त केलेली कृतज्ञता आणि ‘सबका साथ, सबका विकास, सबका विश्वास, सबका प्रयास’ या भावनेतून विकसित भारत घडविण्याचा संदेश दिला.

‘विकसित भारत @2047’ हे केवळ सरकारचे ध्येय नसून प्रत्येक भारतीयाचे स्वप्न आहे. गरीब, शेतकरी, महिला, युवा, कामगार आणि समाजातील प्रत्येक घटकाच्या सहभागातूनच विकासाची ही वाटचाल पुढे जाऊ शकते. जनधन, उज्ज्वला, आयुष्मान भारत, स्वच्छ भारत, डिजिटल इंडिया, पायाभूत सुविधा, महिला सक्षमीकरण, स्टार्टअप इंडिया आणि आत्मनिर्भर भारत यांसारख्या उपक्रमांमधून सामान्य नागरिकांच्या जीवनात होत असलेले बदल या विकासयात्रेची दिशा स्पष्ट करतात.

पंतप्रधान श्री. नरेंद्रजी मोदी यांच्या ‘सेवा हीच साधना आणि राष्ट्रहित हेच सर्वोच्च ध्येय’ या विचारातून प्रेरणा घेत दक्षिण सोलापूरसह संपूर्ण सोलापूर जिल्ह्याच्या विकासासाठी काम करण्याचा संकल्प यानिमित्ताने अधिक दृढ झाला. या कार्यक्रमास आमदार राजेंद्र राऊत, भाजपा सोलापूर ग्रामीण पश्चिम जिल्हाध्यक्ष गणेश चिवटे, जिल्हा परिषद अध्यक्ष दीपक वैद्य, रणजीतभैया शिंदे, रश्मीदिदी बागल, अमृताताई वाघे, पंडितकाका देशमुख, पुजाताई ढेरे, पुनमताई इंगवले, भाजपा सरचिटणीस सचिनजी शिंदे, प्रदेश उपाध्यक्षा महिला आघाडी रुपालीताई लठ्ठे, महिला आघाडी जिल्हाध्यक्ष सुरजाताई बोबडे यांच्यासह विविध पदाधिकारी, लोकप्रतिनिधी आणि कार्यकर्ते उपस्थित होते.

विकसित भारताचे स्वप्न साकार करण्यासाठी केवळ सरकारचे प्रयत्न पुरेसे नाहीत; त्यासाठी प्रत्येक नागरिकाचा सहभाग आणि जबाबदारी महत्त्वाची आहे. २०४७ पर्यंत भारताला विकसित राष्ट्र बनविण्याच्या या संकल्पात दक्षिण सोलापूरसह आपल्या सर्वांचा सहभाग राहावा, यासाठी आपण एकत्रितपणे पुढे जाऊया.

BJP Maharashtra

07/10/2026

आपण हे करून दाखवू, We Will Do It...

Narendra Modi
BJP Maharashtra

07/10/2026

२५ वर्षांपूर्वी सुरू झालेल्या आदरणीय पंतप्रधान श्री. नरेंद्रजी मोदी यांच्या सार्वजनिक जीवनातील प्रवासाने अनेक टप्पे पार केले. या प्रवासातून दृष्टीला कृतीची जोड देत विकसित भारताचे स्वप्न पूर्ण होत आहे.

Narendra Modi
BJP Maharashtra

07/10/2026

माढा तालुक्यातील तुळशी गावासाठी पाण्याचा प्रश्न सोडविण्याच्या दिशेने प्रत्यक्ष कामाला सुरुवात…!

07/10/2026

LIVE : विकसित भारत संकल्प सभा | आदरणीय पंतप्रधान श्री. नरेंद्रजी मोदी यांचं देशवासियांना संबोधन...

06/10/2026

जलसंधारणातून जलसमृद्धी, जलसमृद्धीतून ग्रामसमृद्धी!

📍 तुळशी, माढा

माढा तालुक्यातील तुळशी येथील अनेक वर्षांपासून प्रलंबित असलेला पाणीप्रश्न केवळ आश्वासनांनी नाही, तर प्रत्यक्ष कामातून सोडवण्याचा निर्धार केला आहे. याच उद्देशाने जलतज्ज्ञ डॉ. सुरेश खानापूरकर सर यांच्याशी संपर्क साधून गावाची पाहणी करून सविस्तर अहवाल मागवून घेतला. त्यांच्या मार्गदर्शनानुसार तुळशी गावात शिरपूर पॅटर्नच्या माध्यमातून जलसंधारणाची कामे करण्याचा संकल्प करण्यात आला असून, आज लोकमंगल परिवाराच्या माध्यमातून लोकमंगल फाउंडेशनअंतर्गत या कामाला प्रत्यक्ष सुरुवात झाली. तुळशी ग्रामस्थांनीही उत्स्फूर्त प्रतिसाद देत या कामात लोकसहभागाची भूमिका स्वीकारली, ही समाधानाची बाब आहे.

तज्ज्ञांच्या प्राथमिक अहवालानुसार गाव परिसरात सुमारे १८ बंधारे उभारण्याची आवश्यकता असून, संपूर्ण जलसंधारण प्रकल्पासाठी अंदाजे १० कोटी रुपयांचा खर्च अपेक्षित आहे. एवढ्या मोठ्या प्रकल्पासाठी लोकसहभागासोबतच उपलब्ध शासकीय आणि सामाजिक माध्यमांतून निधी व आवश्यक सहकार्य मिळवण्यासाठी प्रयत्न सुरू आहेत. पाईपलाईन किंवा टँकरने पाणी देणे हा तात्पुरता उपाय आहे; मात्र पावसाचे वाहून जाणारे पाणी अडवून ते जमिनीत मुरवणे, भूजलपातळी वाढवणे आणि पाणीसाठा निर्माण करणे हाच तुळशीच्या पाणीप्रश्नावरचा कायमस्वरूपी उपाय आहे. या कामातून पिण्याचे पाणी, शेती आणि पशुधनासाठीच्या पाण्याची उपलब्धता वाढण्यास मदत होईल आणि तुळशीला जलसमृद्ध, हिरवेगार गाव बनवण्याचा मार्ग मोकळा होईल.

माझ्याकडून जे शक्य होईल ते मी करून दाखवेन. चमत्कार केल्याशिवाय नमस्कार कोणी घालत नाही. त्यामुळे शब्दांपेक्षा प्रत्यक्ष कामाला महत्त्व देत आज पहिलं पाऊल उचललं आहे. माझ्या विनंतीला मान देऊन तातडीने तुळशी गावाचा अहवाल तयार करून प्रत्यक्ष कामाला सुरुवात करण्यासाठी सहकार्य केल्याबद्दल जलतज्ज्ञ डॉ. सुरेश खानापूरकर सरांचे मनःपूर्वक आभार मानले. तसेच या उपक्रमासाठी पुढाकार घेणाऱ्या लोकमंगल परिवाराचे, लोकमंगल फाउंडेशनचे आणि उत्स्फूर्तपणे सहभागी झालेल्या तुळशी ग्रामस्थांचे मनःपूर्वक अभिनंदन व आभार मानले. तुळशीचा पाणीप्रश्न तात्पुरता नव्हे, तर कायमस्वरूपी सुटावा, यासाठी आवश्यक ते सर्व सहकार्य करण्यास कटिबद्ध आहे.

06/10/2026

२५ वर्षांचा सेवासंकल्प...! 🇮🇳

आदरणीय पंतप्रधान श्री. नरेंद्रजी मोदी यांच्या सार्वजनिक जीवनातील २५ वर्षांच्या प्रवासाने जनसेवा आणि विकासाला केंद्रस्थानी ठेवले आहे. गुजरातपासून देशाच्या सर्वोच्च नेतृत्वापर्यंत पोहोचलेली ही वाटचाल आत्मनिर्भर भारताच्या संकल्पाला पुढे नेत आहे.

Narendra Modi
BJP Maharashtra
Bharatiya Janata Party (BJP)

Subhash Deshmukh

09/10/2026

08/10/2026

08/10/2026

07/10/2026

07/10/2026

07/10/2026

07/10/2026

07/10/2026

06/10/2026

06/10/2026

Address

Telephone

Website

Alerts

Contact The Organization

Shortcuts

Share

Listing takedown request