BJP Charaideo District

Home
India
Sonari
BJP Charaideo District

Call Directions Website Contact the organization

This is an Official page of BJP, Charaideo district. Operation handle of this page is under the District IT&SM and district President.

31/10/2026

অসমৰ জনপ্ৰিয় প্ৰাক্তন মুখ্যমন্ত্ৰী, বৰ্তমান কেন্দ্ৰীয় চৰকাৰৰ কেবিনেট মন্ত্ৰী তথা আমাৰ সকলোৰে শ্ৰদ্ধাৰ আৰু প্ৰেৰণাৰ উৎস শ্ৰী Sarbananda Sonowal ডাঙৰীয়াৰ পবিত্ৰ ওপজা দিন উপলক্ষে চৰাইদেউ জিলা বিজেপিৰ তৰফৰ পৰা আন্তৰিক শুভেচ্ছা তথা উলগ জনালোঁ।

অসমৰ সামগ্ৰিক বিকাশ, প্ৰগতি আৰু জাতীয় স্বাৰ্থ সুৰক্ষিত কৰাৰ ক্ষেত্ৰত তেখেতে আগবঢ়োৱা নিস্বাৰ্থ সেৱা আৰু শক্তিশালী নেতৃত্ব আমাৰ বাবে চিৰকাল আদৰ্শ হৈ ৰব।

মহাবাহু ব্ৰহ্মপুত্ৰৰ দৰেই বিশাল হৃদয়ৰ অধিকাৰী সৰ্বানন্দ সোণোৱাল ডাঙৰীয়াৰ সুস্বাস্থ্য, দীৰ্ঘায়ু আৰু কৰ্মময় জীৱনৰ উত্তৰোত্তর সফলতাৰ কামনাৰে ভগৱানৰ ওচৰত প্ৰাৰ্থনা জনালোঁ।

াইদেউ

BJP Assam Pradesh Nitumoni Prodhan

31/10/2026

ভাৰতৰ লৌহ পুৰুষ, অখণ্ড ভাৰতৰ খনিকৰ, ভাৰত ৰত্ন চৰ্দাৰ বল্লভভাই পেটেল দেৱৰ পবিত্ৰ জন্ম জয়ন্তী তথা "ৰাষ্ট্ৰীয় একতা দিৱস" উপলক্ষে চৰাইদেউ জিলা বিজেপিৰ তৰফৰ পৰা সকলোলৈকে আন্তৰিক শুভেচ্ছা জ্ঞাপন কৰিলোঁ।

স্বাধীন ভাৰতক একতাৰ ডোলেৰে বান্ধি এক শক্তিশালী ৰাষ্ট্ৰ হিচাপে গঢ়ি তোলাৰ ক্ষেত্ৰত চৰ্দাৰ পেটেল ডাঙৰীয়াৰ অনবদ্য অৱদান আৰু দৃঢ় নেতৃত্ব দেশবাসীৰ বাবে সদায় প্ৰেৰণাৰ উৎস হৈ ৰব।

আহক, এই পবিত্ৰ দিনটোত আমি সকলোৱে দেশৰ একতা, অখণ্ডতা আৰু সুৰক্ষা অক্ষুণ্ণ ৰখাৰ বাবে পুনৰবাৰ সংকল্পবদ্ধ হওঁ।

ভাৰত মাতা কী জয়!
বন্দে মাতৰম!

BJP Assam Pradesh Nitumoni Prodhan

30/10/2026

আজি ৩০ অক্টোবৰ। অসমৰ ইতিহাসৰ এক ক'লা আৰু মৰ্মান্তিক দিন। ২০০৮ চনৰ আজিৰ দিনটোতেই গুৱাহাটী, কোকৰাঝাৰ, বৰপেটা ৰোড আৰু বঙাইগাঁৱত সংঘটিত হোৱা বৰ্বৰ আৰু কাপুৰুষালি ধাৰাবাহিক বোমা বিস্ফোৰণত প্ৰায় ৮১ গৰাকীকৈ নিৰীহ লোকে অকালতে প্ৰাণ হেৰুৱাইছিল আৰু শ শ লোক চিৰদিনৰ বাবে পংগু হৈ পৰিছিল।

ভাৰতীয় জনতা পাৰ্টী, চৰাইদেউ জিলা সমিতিৰ তৰফৰ পৰা সেই ভয়াৱহ সন্ত্ৰাসবাদী আক্ৰমণত প্ৰাণ হেৰুওৱা প্ৰতিগৰাকী নিষ্পাপ শ্বহীদৰ পবিত্ৰ স্মৃতিত গভীৰ শ্ৰদ্ধাঞ্জলি জ্ঞাপন কৰিছোঁ। লগতে ভুক্তভোগী পৰিয়ালসমূহৰ প্ৰতি জ্ঞাপন কৰিছোঁ গভীৰ সমবেদনা।

সন্ত্ৰাসবাদৰ কোনো ধৰ্ম নাই, কোনো ক্ষমা নাই। আমাৰ চৰকাৰৰ দিনত অসমত সন্ত্ৰাসবাদ আৰু উগ্ৰপন্থী কাৰ্যকলাপ ওফৰাই যি শান্তি আৰু প্ৰগতিৰ এক নতুন যুগৰ সূচনা হৈছে, তাক অক্ষুণ্ণ ৰাখিবলৈ আমি সকলোৱে ঐক্যবদ্ধভাৱে সংকল্পবদ্ধ হ'ব লাগিব। সমাজখনক উগ্ৰবাদৰ পৰা মুক্ত কৰি এখন শান্তিপূৰ্ণ আৰু শক্তিশালী অসম গঢ়াই হ'ব এই শ্বহীদসকলৰ প্ৰতি আমাৰ প্ৰকৃত শ্ৰদ্ধাঞ্জলি।

আহক, আমি সকলোৱে মিলি সন্ত্ৰাসবাদৰ বিৰুদ্ধে থিয় দিওঁ আৰু হিংসামুক্ত, শান্তিপূৰ্ণ অসম গঢ়াৰ শপত লওঁ।

ভাৰত মাতা কী জয়!
জয় আই অসম!

BJP Assam Pradesh Nitumoni Prodhan

29/10/2026

অসমৰ প্ৰথমগৰাকী স্নাতক, দূৰদৰ্শী উদ্যোগী, বিশিষ্ট সমাজকৰ্মী তথা অসমীয়া সমাজক আধুনিকতাৰ পোহৰ দেখুওৱা মহান মনীষী ৰায়বাহাদুৰ জগন্নাথ বৰুৱা (বি.এ. জগন্নাথ) দেৱৰ পবিত্ৰ জন্ম জয়ন্তীত ভাৰতীয় জনতা পাৰ্টী, চৰাইদেউ জিলা সমিতিৰ তৰফৰ পৰা সশ্ৰদ্ধ প্ৰণাম জনাইছোঁ।

ঊনবিংশ শতিকাৰ শেষৰ ভাগত অসমীয়া ভাষা, শিক্ষা আৰু সমাজ জীৱনৰ উত্তৰণৰ বাবে তেখেতে আগবঢ়াই যোৱা অতুলনীয় অৱদান সদায় চিৰস্মৰণীয়। বিশেষকৈ অসমত উচ্চ শিক্ষাৰ ভেটি প্ৰতিষ্ঠা কৰা আৰু থলুৱা চাহ উদ্যোগক এক নতুন মাত্ৰা প্ৰদান কৰাত তেখেতৰ ভূমিকা আছিল অনন্য। তেখেতৰ পবিত্ৰ স্মৃতিত গঢ়ি উঠা ঐতিহাসিক যোৰহাট জগন্নাথ বৰুৱা মহাবিদ্যালয় (J.B. College) আজি সমগ্ৰ দেশতে উচ্চ শিক্ষাৰ এক অন্যতম প্ৰাণকেন্দ্ৰ।

আহক, আজিৰ এই পবিত্ৰ দিনটোত আমি সকলোৱে তেখেতৰ মহান কৰ্ম আৰু আদৰ্শৰে অনুপ্ৰাণিত হৈ আমাৰ জ্ঞানভিত্তিক সমাজ আৰু মাতৃভূমিৰ সৰ্বাংগীণ উন্নয়নৰ বাবে নতুন সংকল্প লওঁ।

BJP Assam Pradesh Nitumoni Prodhan

29/10/2026

ভাৰতীয় জনতা পাৰ্টি, চৰাইদেউ জিলাৰ এক অপূৰণীয় ক্ষতি।

অত্যন্ত দুখ আৰু গভীৰ বেদনাৰে জনাওঁ যে, আমাৰ চৰাইদেউ জিলা বিজেপিৰ প্ৰতিষ্ঠাপক সভাপতি তথা প্ৰাক্তন জিলা পৰিষদৰ সদস্য শ্ৰদ্ধেয় ৰাখাল কুমাৰ দেৱ ডাঙৰীয়া আৰু আমাৰ মাজত নাই। দীৰ্ঘদিন ধৰি চিকিৎসাধীন হৈ থকা অৱস্থাত আজি ডিব্ৰুগড়ত তেখেতে শেষ নিশ্বাস ত্যাগ কৰে।
তেখেতৰ বিয়োগত চৰাইদেউ জিলা বিজেপিয়ে এজন নিষ্ঠাৱান, কৰ্মঠ আৰু দূৰদৰ্শী অবিভাৱকক হেৰুৱালে। জিলাখনত দলীয় সংগঠন মজবুত কৰাৰ ক্ষেত্ৰত আৰু সমাজসেৱাত তেখেতৰ অনবদ্য অৱদান সদায় চিৰস্মৰণীয় হৈ থাকিব।

আমি তেখেতৰ পৱিত্ৰ আত্মাৰ চিৰশান্তি কামনা কৰাৰ লগতে শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰিলোঁ।

ওঁম শান্তি! 🙏

Rakhal Kumar
Assam Pradesh
Suruj Dehingia
Dharmeswar Konwar - ধৰ্মেশ্বৰ কোঁৱৰ
Nitumoni Prodhan
Himanta Biswa Sarma
Dilip Saikia

29/10/2026

আজি ভাৰতীয় জনতা পাৰ্টি, চৰাইদেউ জিলা সমিতিৰ এখন গুৰুত্বপূৰ্ণ বিষয়ববীয়া সভা জিলা মুখ্য কাৰ্যালয়ত সফলতাৰে অনুষ্ঠিত হৈ যায়।

জিলা সভানেত্ৰী শ্ৰীমতী নিতুমণি প্ৰধান ডাঙৰীযানীৰ সভাপতিত্বত অনুষ্ঠিত এই সভাত মাহমৰা সমষ্টিৰ মাননীয় বিধায়ক শ্ৰীযুত সূৰুজ দিহিঙীয়া ডাঙৰীয়া, জিলাখনৰ সমূহ বিষয়ববীয়া, জিলা মৰ্চাৰ সভাপতিসকল আৰু মণ্ডল সভাপতিসকল উপস্থিত থাকে।

সভাত আগন্তুক সাংগঠনিক কাৰ্যসূচীসমূহৰ সন্দৰ্ভত এক বিস্তৃত আলোচনা কৰা হয়। প্ৰধানকৈ জিলাখনৰ অন্তৰ্গত দুয়োটা বিধানসভা সমষ্টিৰ বিশিষ্ট আৰু প্ৰভাৱী ব্যক্তিসকলক সাক্ষাৎ কৰা, তেওঁলোকৰ সৈতে জনসংযোগ স্থাপন কৰা আৰু আগন্তুক লোকসভাভিত্তিক বিশাল কাৰ্যসূচীসমূহলৈ আমন্ত্ৰণ জনোৱাৰ পৰিকল্পনা সম্পৰ্কে গুৰুত্বপূৰ্ণ সিদ্ধান্ত গ্ৰহণ কৰা হয়।

BJP Assam Pradesh Dilip Saikia Himanta Biswa Sarma Ravindra Raju Nitumoni Prodhan

29/10/2026

অসমৰ কলা আৰু চলচ্চিত্ৰ জগতক নিজৰ অনন্য প্ৰতিভাৰে সমৃদ্ধ কৰা বৰেণ্য কাণ্ডাৰী শিল্পী গৌৰী বৰ্মনদেৱৰ পবিত্ৰ স্মৃতি দিৱসত ভাৰতীয় জনতা পাৰ্টী, চৰাইদেউ জিলা সমিতিৰ তৰফৰ পৰা শত-কোটি প্ৰণাম জনাইছোঁ।

চিত্ৰকলাৰ নিপুণ তুলিকাৰে অসমৰ প্ৰকৃতি আৰু সংস্কৃতিক কেনভাচত সজীৱ কৰি তোলাৰ সমান্তৰালভাৱে তেখেতে চলচ্চিত্ৰ পৰিচালনা আৰু চিত্ৰনাট্য ৰচনাৰ জৰিয়তেও অসমীয়া সাংস্কৃতিক জগতখনলৈ যুগান্তকাৰী বৰঙণি আগবঢ়াই থৈ গৈছে। তেখেতৰ সৃষ্টিশীল চিন্তা আৰু কলাত্মক দৃষ্টি কোণ আমাৰ নৱপ্ৰজন্মৰ বাবে সদায় অনুপ্ৰেৰণাৰ উৎস হৈ থাকিব।

আহক, আজিৰ এই পবিত্ৰ দিনটোত আমি এই মহান শিল্পীগৰাকীৰ গুণানুকীৰ্তন কৰোঁ আৰু অসমৰ শিল্প-সংস্কৃতিৰ ধাৰাটোক আগুৱাই লৈ যাবলৈ সংকল্পবদ্ধ হওঁ।

BJP Assam Pradesh Nitumoni Prodhan

29/10/2026

অসমৰ বিশিষ্ট নাট্যকাৰ, অভিনেতা, প্ৰযোজক, সমালোচক তথা সংগীত নাটক অকাডেমী বঁটা প্ৰাপক নাট্যপ্ৰাণ সত্যপ্ৰসাদ বৰুৱাদেৱৰ জন্মজয়ন্তীত ভাৰতীয় জনতা পাৰ্টী, চৰাইদেউ জিলা সমিতিৰ তৰফৰ পৰা শত-কোটি প্ৰণাম জনাইছোঁ।
অসমীয়া আধুনিক নাট্য আন্দোলনক এক ব্যতিক্ৰমী আৰু বৈপ্লৱিক মাত্ৰা প্ৰদান কৰাত তেখেতৰ অৱদান অতুলনীয়। 'জ্যোতিৰেখা', 'দুৱাৰ মুখত', 'নায়িকা নাট্যকাৰ' আদি যুগান্তকাৰী নাটক আৰু কালজয়ী নাট্য সমালোচনেৰে তেখেতে অসমীয়া নাট্য সাহিত্যৰ ভঁৰাল চহকী কৰি থৈ গৈছে। আকাশবাণী গুৱাহাটী কেন্দ্ৰৰ সৈতেও জড়িত থাকি তেখেতে নাটকক জনপ্ৰিয় কৰাত গুৰুত্বপূৰ্ণ ভূমিকা পালন কৰিছিল।
আহক, আজিৰ এই বিশেষ দিনটোত আমি এই মহান সংস্কৃতিৰ সাধকগৰাকীক স্মৰণ কৰোঁ আৰু অসমৰ চহকী নাট্য তথা কলা-সংস্কৃতিৰ ধাৰাটোক আৰু অধিক শক্তিশালী কৰাৰ সংকল্প গ্ৰহণ কৰোঁ।

BJP Assam Pradesh Nitumoni Prodhan

29/10/2026

অসমীয়া সাহিত্য আকাশৰ এক উজ্বল নক্ষত্ৰ, ভক্তিবাদী ধাৰাৰ অনন্য কবি তথা অসম সাহিত্য সভাৰ প্ৰাক্তন সভাপতি, মৌলৱী মফিজুদ্দিন আহমদ হাজৰিকা দেৱৰ আজিৰ এই পবিত্ৰ স্মৃতি দিৱসত ভাৰতীয় জনতা পাৰ্টী, চৰাইদেউ জিলা সমিতিৰ তৰফৰ পৰা শত-কোটি প্ৰণাম জনাইছোঁ।

তেওঁৰ অমৰ সৃষ্টি 'জ্ঞানমালিনী' কাব্যগ্ৰন্থৰ আধ্যাত্মিক আৰু মৰ্মস্পৰ্শী কবিতাসমূহে অসমীয়া সমাজক মানৱতা আৰু নৈতিকতাৰ এক চিৰন্তন শিক্ষা দি গৈছে। অতি সৰল ভাষাৰে জীৱন আৰু জগতৰ গভীৰ সত্যক তুলি ধৰা এইগৰাকী মহান মনীষীৰ সৃষ্টিৰাজি আৰু কৰ্মই অসমীয়া জাতিক সদায় পথ প্ৰদৰ্শন কৰি থাকিব।

আহক, আজিৰ এই পবিত্ৰ দিনটোত আমি সকলোৱে তেখেতৰ মহান আদৰ্শৰে অনুপ্ৰাণিত হৈ অসমীয়া ভাষা-সংস্কৃতিৰ উন্নয়নৰ বাবে সংকল্পবদ্ধ হওঁ।

BJP Assam Pradesh Nitumoni Prodhan

28/10/2026

শ্ৰদ্ধাঞ্জলি 🙏🎨

অসমৰ চিত্ৰকলা জগতৰ অন্যতম তাৰকা, বিশিষ্ট চিত্ৰশিল্পী, সিংহপুৰুষ নীল পৱন বৰুৱা দেৱৰ পৱিত্ৰ পুণ্য তিথিত ভাৰতীয় জনতা পাৰ্টি, চৰাইদেউ জিলা সমিতিৰ তৰফৰ পৰা গভীৰ শ্ৰদ্ধাঞ্জলি জ্ঞাপন কৰিছোঁ।

তেওঁৰ তুলিকাৰ পৰশ আৰু অনন্য সৃষ্টিৰাজিয়ে অসমৰ কলা-সংস্কৃতিৰ ভঁৰাল চহকী কৰাৰ লগতে নতুন প্ৰজন্মক সদায় অনুপ্ৰাণিত কৰি ৰাখিব। অসমীয়া সাংস্কৃতিক জগতলৈ তেওঁ আগবঢ়াই যোৱা অমূল্য অৱদান চিৰকাল স্মৰণীয় হৈ থাকিব।

এই পৱিত্ৰ দিনটোত মহান শিল্পীগৰাকীৰ অমৰ আত্মাৰ চিৰশান্তি কামনা কৰিলোঁ।

🌹 শত কোটি প্ৰণাম 🌹

BJP Assam Pradesh Nitumoni

Address

Sonari Town
Sonari
785690

Telephone

+918638480559

Website

http://www.charaideoassam.com/

Alerts

Be the first to know and let us send you an email when BJP Charaideo District posts news and promotions. Your email address will not be used for any other purpose, and you can unsubscribe at any time.