CPI-M Sorbhog

13/08/2026

বানপীড়িতলৈ সাহায্য, পুনৰ সংস্থাপন দিয়া আৰু বানপানী সমস্যাৰ সমাধানৰ দাবীত মুখ্যমন্ত্ৰীক সাক্ষাৎ চি পি আই (এম)ৰ-

📌📌 আজি চিপিআই(এম)ৰ অসম ৰাজ্যিক কমিটিৰ পক্ষৰ পৰা মুখ্যমন্ত্ৰীক সাক্ষাৎ কৰি স্মাৰক পত্ৰ প্ৰদান কৰা হয়।
CPI-M, Assam
Manoranjan Talukdar
Suprakash Talukdar

03/08/2026

যোৰহাটৰ বন‍্যাক্ৰান্তৰ কাষত চিপিআই(এম) দলৰ প্ৰতিনিধি দল

বানবিধ্বস্ত যোৰহাট জিলাত চি পি আই(এম) দলৰ ৰাজ্যিক কমিটিৰ উদ্যোগত আৰু যোৰহাট জিলা কমিটিৰ সহযোগত আজি সাহায্য অভিযান আৰম্ভ কৰা হয়। চিপিআই(এম) দলৰ অসম ৰাজ্যিক সমিতিৰ সম্পাদক সূপ্ৰকাশ তালুকদাৰৰ নেতৃত্বত আজিৰ কাৰ্যসূচীত যোৰহাট জিলা সম্পাদক তথা ৰাজ্যিক সমিতিৰ সদস্য সুনীল বৰুৱা, জিলা সম্পাদকমণ্ডলীৰ সদস‍্য ডঃ পিনাকী সেনগুপ্ত, দিব‍্যেন্দু দাস সহিতে দলৰ যুৱ-ছাত্ৰ সদস্যসকলৰ এটা বৃহৎ দলে সহযোগিতা আগবঢ়ায়। দলৰ প্ৰতিনিধি দলে আজি শ’লমৰাৰ ভোগদৈৰ চিগা মাথাউৰি পৰিদৰ্শন কৰে। ইয়াৰ পিছত পশ্চিম যোৰহাট অঞ্চলৰ ৰৌমাৰি, ৰঙাগৰা, চেঙেলীআটি, খঙীয়া চুক, মজিয়াভেটি আদি ঠাইৰ প্ৰায় ৩০০ ঘৰ পৰিয়ালক সাহায‍্য প্ৰদান কৰা হয়। চিপিআই(এম) দলৰ পক্ষৰ পৰা চাউল, দাইল, আলু, নিমখ আদি খাদ্যৰ টোপোলাৰ লগতে খোৱা পানী, ব্লিচিং পাউদাৰ, মমবাতি, মহ খেদোৱা ধূপ, চাবোন, চাৰ্ফ, আদি সামগ্ৰী পৰিয়ালসমূহক যোগান ধৰা হয়।

ইতিমধ্যেই বানাক্ৰান্ত জিলা কেইখনৰ চিপিআই(এম) দলৰ সদস্যসকলে বানাক্ৰান্ত অঞ্চলত খা-খবৰ লোৱাৰ লগতে সহায়-সহযোগিতা কৰা কামত যুক্ত হৈ আছে। কাইলৈ আৰু পৰহিলৈ দলৰ ৰাজ‍্যিক প্ৰতিনিধি দলটোৱে শিৱসাগৰ জিলা পৰিদৰ্শন কৰিব আৰু শিৱসাগৰ জিলাত বানাক্ৰান্তৰ সাহায‍্যৰ কাম-কাজত নিয়োজিত হ’ব।

09/05/2026

🔷বিৰোধী ঐক্য গঢ়ি তোলাত অহেতুক পলম হ'ল

🔷জন-অসন্তুষ্টি থকা সত্ত্বেও বিজেপি মৰ্চাই পুনৰ ক্ষমতা দখল কৰিলে: চিপিআই (এম)

চিপিআই(এম) অসম ৰাজ্যিক কমিটিৰ ৰাজ্যিক কাৰ্যালয়ত আজি এখন সংবাদমেল অনুষ্ঠিত হয়। ৰাজ্যিক সম্পাদক সুপ্ৰকাশ তালুকদাৰ, কেন্দ্ৰীয় কমিটিৰ সদস্য ইচফাকুৰ ৰহমান আৰু ৰাজ্যিক সম্পাদকমণ্ডলীৰ সদস্য সংগীতা দাসে সংবাদমেলত অংশগ্ৰহণ কৰে। সংবাদ মেলত বিতৰণ কৰা টোকা তলত দাঙি ধৰা হ'ল।

বিপুল সংখ্যক আসন লাভ কৰি বিজেপি নেতৃত্বাধীন মর্চা অসমত তৃতীয়বাৰৰ বাবে শাসন ক্ষমতালৈ আহিছে। বিজেপি চৰকাৰৰ প্রতি জনসাধাৰণৰ ব্যাপক অসন্তোষ থকা সত্ত্বেও বিজেপি মিত্রজোঁটটোৱে প্রায় ৪৮ শতাংশ ভোট আৰু ১০২খন লাভ কৰাটোৱে বহুতকে আশ্চর্যান্বিত কৰি তুলিছে।

অত্যাবশ্যকীয় সামগ্রীৰ ভয়াবহ দাম বৃদ্ধি, কর্মসংস্থান সৃষ্টিত চৰকাৰৰ শোচনীয় ব্যর্থতা, সাধাৰণ খেতিয়কক ভোগ দখল কৰি থকা মাটিৰ পৰা উচ্ছেদ কৰি কৰ্প'ৰেট ব্যবসায়ীলৈ লাখ লাখ বিঘা মাটি হস্তান্তৰৰ ষড়যন্ত্র, মুখ্যমন্ত্রীৰ পৰিয়ালকে ধৰি মন্ত্রী-বিধায়কৰ অকল্পনীয় সম্পত্তি আহৰণ আৰু ৰাজ্যখনত গণতান্ত্রিক আৰু নাগৰিক অধিকাৰ ব্যাপক হাৰত খর্বকৰণ আদিক লৈ শাসনাধিষ্ঠিত বিজেপি চৰকাৰৰ বিৰুদ্ধে জনসাধাৰণৰ মাজত ব্যাপক গভীৰ ক্ষোভ সৃষ্টি হৈছিল আৰু ৰাজ্যবাসীৰ বুজনসংখ্যকে বিজেপি চৰকাৰৰ বিকল্পৰ সন্ধান কৰিছিল।

কিন্তু তাৰ সৈতে সংগতি ৰাখি বিৰোধী দলসমূহে সময়মতে আৰু প্রয়োজন অনুসৰি ঐক্য গঢ়ি তোলাৰ কাৰণে উদ্যোগ লোৱাত সফল নহ'ল। এই ক্ষেত্রত প্রধান বিৰোধী দল কংগ্রেছ যিদৰে অধিক তৎপৰ হ'ব লাগিছিল, তেনেদৰে ৰাইজৰ দলৰ ভূমিকাও সমালোচনাৰ ঊর্ধ্বত নহয়। বিশেষকৈ বিৰোধী দলসমূহৰ মাজত আসন বুজাবুজিৰ প্ৰক্ৰিয়া সম্পন্ন হোৱাত অহেতুক বিলম্ব হোৱা বাবে ঐক্যবদ্ধ প্রচাৰ অভিযান আৰু সমাৱেশ আদি সঠিকভাবে সংগঠিত কৰিব পৰা নগ'ল। ফলত এখন বিকল্প চৰকাৰ গঠন সম্পর্কে জনসাধাৰণৰ মাজত প্রয়োজনীয় বিশ্বাস গঢ় লৈ নুঠিল। এই অৱস্থাৰ সুযোগ গ্রহণ কৰি বিজেপি নেতৃত্বাধীন মৰ্চা পুনৰবাৰ শাসন ক্ষমতালৈ ঘূৰি আহিল।

নির্বাচনৰ পূৰ্বে বিজেপি নেতৃত্বাধীন চৰকাৰখনে ভোটাৰসকলৰ বৃহৎ অংশক নানা ধৰণৰ আঁচনিৰ অন্তর্ভুক্ত কৰি হিতাধিকাৰী সৃষ্টি কৰিছিল। এওঁলোকক বিজেপিৰ পক্ষে প্ৰভাৱিত কৰাৰ লগতে বিৰোধী দলৰ সংস্পৰ্শলৈ আহিলে আঁচনিৰ সুবিধাৰ পৰা নাম কর্তন কৰা হ'ব বুলি ব্যাপক ভাবুকি প্রদান কৰিছিল। মুছলমানৰ বিৰুদ্ধে মুখ্যমন্ত্রীকে ধৰি মন্ত্রী-নেতাসকলৰ অবিৰত ঘৃণামূলক প্রচাৰ, পক্ষপাতিত্বমূলক উচ্ছেদ অভিযান আদিৰ মাজেৰে ভোটাৰসকলৰ মাজত ধর্মীয় মেৰুকৰণ কৰি বিজেপি দলে তাৰ পৰা ৰাজনৈতিক মুনাফা অর্জন কৰিছে। ৰাজ্যখনৰ প্ৰকৃত উন্নয়ন আৰু জনসাধাৰণৰ জীবন-জীৱিকাৰ মানোন্নয়ন, কর্মসংস্থান সৃষ্টিত ব্যর্থতা, শিক্ষা-স্বাস্থ্যসেৱাৰ ক্ষেত্ৰত শোচনীয় ব্যর্থতা আদিৰ পৰা দৃষ্টি আঁতৰাই নিজৰ ঠেক ৰাজনৈতিক স্বার্থ পূৰণ কৰিবলৈ ৰাজ্যখনৰ ঐক্য-সংহতি, শান্তি সম্প্রীতিক বিপদাপন্ন কৰিবলৈ বিজেপি দলে সামান্যও কুণ্ঠাবোধ কৰা নাই।

সমগ্র নির্বাচন পৰিচালনা কৰা নিৰ্বাচন আয়োগৰ ভূমিকাও আছিল পক্ষপাতমূলক। সমষ্টি পুনৰ-নিৰ্ধাৰণ (Delimitation) প্ৰক্ৰিয়াটো বিজেপিৰ শ্রুতলিপিত সাম্প্রদায়িক ভিত্তিত সম্পন্ন কৰি বিভাজনৰ ৰাজনীতিক সাৰ-পানী যোগালে। এই বিধান সভা নিৰ্বাচনৰ পূৰ্বেও ভোটাৰ তালিকাৰ বিশেষ সংশোধনী (এছআৰ) ৰ নামত বিজেপিৰ অনুকুলেই লাখ লাখ ভোটাৰ বিশেষকৈ ধর্মীয় সংখ্যালঘু ভোটাৰক হাৰাশাস্তি কৰা হ'ল। আনকি বহুতৰে নাম অন্যায়ভাবে ভোটাৰ তালিকাৰ পৰা আঁতৰোৱা হ'ল। নিৰ্বাচনৰ সময়ত মুখ্যমন্ত্রীয়ে দেখদেখকৈ প্ৰৰোচনামূলক আৰু সাম্প্রদায়িক বক্তব্য দাঙি ধৰা সত্ত্বেও নির্বাচন আয়োগে কোনো ধৰণৰ ব্যৱস্থা লোৱা দেখিবলৈ পোৱা নগ'ল। নির্বাচন আয়োগৰ এনে পক্ষপাতদুষ্ট ভূমিকাৰ বাবেই এক বৃহৎ সংখ্যক লোকে নির্বাচন ফলাফলৰ শুদ্ধতা সম্পর্কে সন্দেহ প্রকাশ কৰিছে।

বিৰোধী বিধায়কৰ সংখ্যা যথেষ্ট পৰিমাণে হ্রাস পোৱা অসম বিধান সভাত এইবাৰ কোনো বাঁওপন্থী বিধায়ক নির্বাচিত হোৱা নাই। ফলত বিধান সভাৰ ভিতৰত সাধাৰণ মানুহৰ আশা-আকাংক্ষা প্রতিফলনৰ প্রক্রিয়া ক্ষতিগ্রস্ত হ'ল। নির্বাচনী ফলাফল সম্পর্কে চিপিআই (এম)-এ শীঘ্রে নির্মোহ পর্যালোচনা কৰি ভৱিষ্যত কর্মপন্থা নির্ধাৰণ কৰিব। এইটো ঠিক যে বিজেপি মিত্রজোঁটে তৃতীয়বাৰৰ বাবে ক্ষমতালৈ আহি জনবিৰোধী, স্বৈৰতান্ত্রিক আৰু সাম্প্রদায়িক কর্মকাণ্ড তীব্ৰতৰ কৰাৰ আশংকা আছে। অসমৰ জনসাধাৰণৰ সমস্যাৰাজি সমাধানৰ বাবে আৰু গণতান্ত্রিক অধিকাৰৰ পক্ষে গণ আন্দোলন গঢ়ি তোলা আৰু সবল জনমত সৃষ্টি কৰাৰ বাবে দলে নতুনকৈ উদ্যোগ হাতত ল'ব।

06/05/2026

বিভিন্ন বাধা-বিপত্তি আৰু প্ৰলোভনৰ মাজতো গণতান্ত্ৰিক চেতনাৰে অনুপ্ৰাণিত হৈ বিৰোধী ঐক্য মঞ্চৰ সমৰ্থিত চিপিআই(এম) দলক ৪২.৫৩ শতাংশ ভোট প্ৰদান কৰা সৰভোগৰ সন্মানীয় ৰাইজলৈ ধন্যবাদ।

01/05/2026

“ঘামৰ দামে”
ঘামৰ টোপালত গঢ়া পথ,
শিলত খোদা জীৱনৰ ৰথ,
তোমালোকৰ হাততেই উঠিছে দেশ,
শ্ৰমিক—তুমিয়েই শক্তিৰ শেষ

08/04/2026

06/04/2026

আজি ভবানীপুৰ বজাৰত বিৰোধী ঐক্য মঞ্চৰ সমৰ্থিত চি পি আই(এম) ৰ মনোনীত প্ৰাৰ্থী কমৰেড মনোৰঞ্জন তালুকদাৰৰ ৰাইজৰ লগত মত বিনিময়

05/04/2026

ভৱানীপুৰ-সৰভোগ সমষ্টিত ৰাইজৰ জোৱাৰ -

📌📌 বিৰোধী ঐক্যমঞ্চৰ সমৰ্থিত চি পি আই (এম) প্ৰাৰ্থী মনোৰঞ্জন তালুকদাৰৰ সমৰ্থনত আজি ভৱানীপুৰ আৰু বৰপেটা ৰোডৰ গাইবন্ধাত অনুষ্ঠিত দুখনকৈ বিশাল জনসভা।

📌📌 বিৰোধী ঐক্যমঞ্চৰ নেতৃত্বৰ লগতে চি পি আই (এম)ৰ কেন্দ্ৰীয় নেত্ৰী বৃন্দা কাৰাট, চি পি আই (এম) ৰ অসম ৰাজ্যিক কমিটিৰ সম্পাদক সুপ্ৰকাশ তালুকদাৰৰ লগতে অসম প্ৰদেশ কংগ্ৰেছ সেৱা দলৰ ৰাজ্যিক সভাপতি দ‌্বীপ বায়ন, ৰাইজৰ দলৰ সম্পাদক আশ্ৰাফুল ইছলামে বক্তব্য ৰাখে।

03/04/2026

আজি বগুৰীগুৰী পঞ্চায়তৰ অন্তৰ্গত গেন্দা আকন্দ হাইস্কুল খেলপথাৰত বিশাল নিৰ্বাচনী জনসভা সম্বোধন কৰে Manoranjan Talukdar দেৱে। সভাত কংগ্ৰেছ দলৰ দ্বীপ বায়ন, কল্যানজিৎ দাস ডাঙৰীয়াসহ অন্যান্য নেতৃবৃন্দ উপস্থিত থাকে ।

02/04/2026

এয়া গৰ্ব, এয়া সাহস।
প্ৰলোভন আৰু আঁ‌চনি কাটি দিয়াৰ ভয়-ভাবুকি নেওচি সৰভোগৰ চুকে-কোণে বিৰোধী ঐক্যমঞ্চৰ প্ৰাৰ্থী মনোৰঞ্জন তালুকদাৰৰ প্ৰচাৰ -