10/08/2026
শিৱসাগৰ উপস্থিত Exploricaa ৰ সদস্য সকল :
Exploricaa -ৰ ফালৰ পৰা শিৱসাগৰৰ শিমলুগুৰিত বান সাহায্য বিতৰণ কৰা হয়। বানপীড়িতসকলৰ মাজত সৰু-বৰ ল’ৰা-ছোৱালীৰ কাপোৰ, চাদৰ-মেখেলা, টিৰপাল , বিস্কুতৰ পেকেট আদিকে ধৰি বিভিন্ন প্ৰয়োজনীয় সামগ্ৰী আগবঢ়োৱা হয়। সম্পাদক গুণজিৎ বসুমতাৰী আৰু সদস্য দ্বীপ তালুকদাৰৰ নেতৃত্বত যোৱা আমাৰ প্ৰতিনিধি দলটিয়ে শিমলুগুৰি, লিটন গাঁও আদিকে ধৰি বিভিন্ন অঞ্চলত উপস্থিত হৈ বানপীড়িত ৰাইজৰ বুজ লয়। শিমলুগুৰিৰ এগৰাকী সদাশয় ব্যক্তিয়ে আমাৰ দলটিক চাহ-জলপান আৰু দুপৰীয়াৰ আহাৰেৰে আপ্যায়ন কৰাৰ বাবে তেওঁলৈ অশেষ ধন্যবাদ।
এই সেৱামূলক যাত্ৰাত ভাৰতবৰ্ষৰ ভিন্ন প্ৰান্তৰ পৰা যিসকল ব্যক্তিয়ে আমালৈ সহায়-সহযোগিতাৰ হাত আগবঢ়ালে, তেওঁলোকক আন্তৰিক ধন্যবাদ জনাইছোঁ। বিশেষকৈ মুম্বাইৰ এগৰাকী মাৰাঠি ভগ্নীয়ে প্ৰথম আৰ্থিক সাহায্য আগবঢ়াই আমাৰ সমগ্ৰ দলটিক বিশেষভাৱে উৎসাহিত কৰি তুলিছিল। ইয়াৰ উপৰি বৰপেটা জিলাৰ খৰিচালা, ভুলুকাডোৱা, পালেংবাৰী, কলগাছিয়া তথা বঙাইগাঁও জিলাৰ মাণিকপুৰ, চকিহালী আৰু ঝাউবাৰী অঞ্চলৰ ৰাইজে যি অকৃত্রিম সহায় আগবঢ়ালে, তাৰ বাবে আমি চিৰকৃতজ্ঞ।
সৰভোগৰ বিশিষ্ট কবি শ্ৰীযুত কাব্যনীলদেৱে বস্ত্ৰ সাহায্য আগবঢ়াই কৰা সহায়ৰ বাবে তেওঁলৈকো আমাৰ ফালৰ পৰা আন্তৰিক ধন্যবাদ জ্ঞাপন কৰিলোঁ।
আমাৰ দলটিয়ে ধাৰাবাহিকভাৱে ৬ দিন বান সাহায্য সংগ্ৰহৰ কাম চলাইছিল। ক’ত কিমান ধন ব্যয় হ’ল, তাৰ সবিশেষ হিচাপ অতি সোনকালে আমাৰ Explorica পেজত প্রকাশ কৰা হ’ব। লগতে, যিসকল ব্যৱসায়ী তথা যিসকল দোকানীয়ে আমাক সহায় কৰিলে, তেওঁলোকৰ নামসমূহো লিপিবদ্ধ কৰা হৈছে আৰু সেয়া পেজত উল্লেখ কৰা হ’ব।
এই সমগ্ৰ কাৰ্যসূচী সুচাৰুৰূপে সম্পন্ন কৰাৰ বাবে গুণজিৎ বসুমতাৰী, দ্বীপ ভাইটি আৰু মৃণাল দাস Mrinal Das ভাইটিলৈ, নিপন দাস Nipan Das ,প্ৰণৱ জ্যোতি ৰায় সকলোলৈ আন্তৰিক ধন্যবাদ জ্ঞাপন কৰিলোঁ।
