CPIM Sreekrishnapuram Area Committee

24/08/2026

വില കൂടിയിട്ടില്ല തോന്നുന്നതാ...

01/07/2026

ഇല്ലാത്ത സാമ്പത്തിക തകർച്ച കാണിച്ച് സംസ്ഥാനത്തെ കോർപ്പറേറ്റുകൾക്ക് വിറ്റ് കമ്മീഷൻ തട്ടാനുള്ള പരിപാടിയാണ് സതീശൻ ആസൂത്രണം ചെയ്തിരിക്കുന്നത്

K.Premkumar MLA 🔥🔥🔥🔥

22/06/2026

21/06/2026

🚩 കയ്യൂർ രക്തസാക്ഷികൾ :
മരണത്തെ ചിരിച്ചു നേരിട്ട കർഷക പുത്രന്മാർ!

1943 മാർച്ച് 29-ന്റെ പുലർച്ചെ കണ്ണൂർ സെൻട്രൽ ജയിലിൽ ബ്രിട്ടീഷ് ഭരണകൂടം ക്രൂരമായി തൂക്കിലേറ്റിയ നാല് സാധാരണ കർഷക ചെറുപ്പക്കാരുടെ ചോരയുടെ കഥയാണിത്. ഇരുപത്തിയഞ്ചിൽ താഴെ മാത്രം പ്രായമുണ്ടായിരുന്ന ആ ധീരന്മാർ ഇവരാണ്:

🔸മഠത്തിൽ അപ്പു
🔸കോയിത്താറ്റിൽ ചിരുകണ്ഠൻ
🔸പൊടോര കുഞ്ഞമ്പു നായർ
🔸പള്ളിക്കൽ അബൂബക്കർ

🌾 പശ്ചാത്തലം :

അന്ന് ദക്ഷിണ കാനറ ജില്ലയുടെ ഭാഗമായിരുന്ന കാസർകോട്ടെ കയ്യൂർ ഗ്രാമം നീലേശ്വരം രാജവംശത്തിലെ ജന്മിമാരുടെ ക്രൂരമായ ചൂഷണത്തിന് ഇരയായിരുന്നു.

'വെച്ചുകാണൽ', 'നൂരി' തുടങ്ങിയ കെട്ടിച്ചമച്ച നികുതികൾ നൽകാൻ കർഷകർ നിർബന്ധിതരായി.

സഖാവ് പി. കൃഷ്ണപിള്ള, എ.കെ.ജി, ടി.എസ്. തിരുമുമ്പ് എന്നിവരുടെ നേതൃത്വത്തിൽ കർഷകർ ചെങ്കൊടിയേന്തി സംഘടിച്ചതോടെ ജന്മിമാരും ബ്രിട്ടീഷ് പൊലീസും കർഷകരെ ക്രൂരമായി മർദ്ദിക്കാനും വീടുകൾ കൊള്ളയടിക്കാനും തുടങ്ങി.

——————————

🌊 തേജസ്വിനി നദിയിലെ മരണം :

1941 മാർച്ച് 28-ന് പൊലീസിന്റെ ക്രൂരതയ്ക്കെതിരെ കർഷകർ പ്രതിഷേധ ജാഥ നടത്തി. ജാഥയ്ക്ക് മുന്നിലേക്ക് കർഷകരോട് ക്രൂരമായി പെരുമാറിയിരുന്ന സബ്ബരായൻ എന്ന സ്പെഷ്യൽ കോൺസ്റ്റബിൾ കടന്നുവന്നു.

പ്രകോപിതരായ ജനക്കൂട്ടത്തിൽ നിന്നും ഇയാളെ രക്ഷിക്കാൻ മുതിർന്ന നേതാക്കൾ ശ്രമിക്കുകയും, ചെങ്കൊടി പിടിപ്പിച്ച് ജാഥയ്ക്ക് മുന്നിൽ നടത്തുകയും ചെയ്തു. എന്നാൽ അവിടെനിന്നും ഓടി രക്ഷപ്പെടാൻ ശ്രമിക്കുന്നതിനിടെ സബ്ബരായൻ അബദ്ധത്തിൽ തേജ്വസിനി നദിയിൽ വീണ് മരണപ്പെട്ടു.

ഈ മരണം കമ്മ്യൂണിസ്റ്റ്-കർഷക മുന്നേറ്റത്തെ അടിച്ചമർത്താൻ ബ്രിട്ടീഷ് സർക്കാർ ആയുധമാക്കി. നിരപരാധികളായ ചെറുപ്പക്കാരെ അവർ കള്ളക്കേസിൽ കുടുക്കി.

——————————

⚖️ വിചാരണയും വധശിക്ഷയും :

കൃത്യമായ തെളിവുകളോ പരസ്പരവിരുദ്ധമല്ലാത്ത സാക്ഷിമൊഴികളോ ഇല്ലാതിരുന്നിട്ടും, പ്രസ്ഥാനത്തെ ഇല്ലാതാക്കാൻ കോടതി അഞ്ച് പേർക്ക് വധശിക്ഷ വിധിച്ചു. അതിൽ ചൂരിക്കാടൻ കൃഷ്ണൻ നായർക്ക് പ്രായപൂർത്തിയായില്ലെന്ന കാരണത്താൽ ശിക്ഷ ജീവപര്യന്തമാക്കി ചുരുക്കി. ബാക്കി നാല് പേരുടെയും വധശിക്ഷ ഉറപ്പിച്ചു.

——————————

🔒 തടവറയിലെ അവസാന വാക്കുകൾ :

തൂക്കിലേറ്റുന്നതിന് മുൻപ് കമ്മ്യൂണിസ്റ്റ് പാർട്ടി അഖിലേന്ത്യാ ജനറൽ സെക്രട്ടറി പി.സി. ജോഷി, പി. കൃഷ്ണപിള്ളയോടും പി. സുന്ദരയ്യയോടും ഒപ്പം ഇവരെ ജയിലിൽ സന്ദർശിച്ചു. മരണത്തെ മുന്നിൽ കണ്ടിട്ടും അവർ പറഞ്ഞ വാക്കുകൾ ചരിത്രമായി :

🔹പൊടോര കുഞ്ഞമ്പു :
"എന്റെ കടമ ഞാൻ നിർവഹിച്ചു എന്ന് പാർട്ടി കരുതുന്നുണ്ടെങ്കിൽ, അതിൽക്കൂടുതൽ ഞാൻ ഒന്നും ആഗ്രഹിക്കുന്നില്ല."

🔹മഠത്തിൽ അപ്പു : "രാജ്യത്തിന്റെ സ്വാതന്ത്ര്യത്തിന് വേണ്ടിയാണ് ഞങ്ങൾ ജീവൻ നൽകുന്നത്. കൂടുതൽ കരുത്തോടെ ഞങ്ങൾ കഴുമരത്തിലേക്ക് നടന്നു കയറും."

🔹കോയിത്താറ്റിൽ ചിരുകണ്ഠൻ : "ഞങ്ങൾ വെറും നാല് പേരാണ്, എന്നാൽ ഇന്ത്യയിലെ കോടിക്കണക്കിന് മനുഷ്യർ കർഷകരാണ്. ഞങ്ങളെ തൂക്കിലേറ്റാം, അവരെ നശിപ്പിക്കാൻ കഴിയില്ല."

🔹പള്ളിക്കൽ അബൂബക്കർ :
"ഞങ്ങൾ ഭയമില്ലാതെ കഴുമരത്തിലേക്ക് നടക്കുമെന്ന് സഖാക്കളോടും പറയുക. എന്റെ അമ്മയ്ക്ക് പ്രായമായി, അനുജന്മാരെ പാർട്ടിയുടെ പ്രവർത്തകരായി വളർത്തുക..."

കണ്ണീരോടെ യാത്ര പറഞ്ഞ പി.സി. ജോഷി അവരെ വിശേഷിപ്പിച്ചത് , "ഒരിക്കലും വാടാത്ത മനുഷ്യത്വത്തിന്റെ വറ്റാത്ത പുഷ്പങ്ങൾ" എന്നാണ്.

🚩 1943 മാർച്ച് 29-ന്റെ പുലരിയിൽ, സഹതടവുകാരുടെ കണ്ഠമിടറിയ മുദ്രാവാക്യങ്ങൾക്കിടയിലൂടെ വിറയ്ക്കാത്ത കാലടികളോടെ ആ നാല് ചെറുപ്പക്കാർ കഴുമരത്തിലേക്ക് നടന്നു കയറി.

കഴുത്തിൽ കയർ മുറുകുമ്പോഴും ആ ജയിലറകളെ പ്രകമ്പനം കൊള്ളിച്ചുകൊണ്ട് അവർ ഉറക്കെ മുദ്രാവാക്യം വിളിച്ചു :
"കമ്മ്യൂണിസ്റ്റ് പാർട്ടി സിന്ദാബാദ്! ജന്മിത്വം തുലയട്ടെ! സാമ്രാജ്യത്വം തുലയട്ടെ!"

സ്വന്തം ജീവൻ ബലിനൽകി അവർ കൊളുത്തിവെച്ച ആ വിപ്ലവ സൂര്യൻ ഇന്നും പോരാട്ടങ്ങൾക്ക് വഴിവിളക്കായി ജ്വലിച്ചുനിൽക്കുന്നു. കയ്യൂരിന്റെ ധീര സ്മരണകൾക്ക് മുന്നിൽ പ്രണാമം! 🙏

17/06/2026

PM ശ്രീ : വി.ഡി. സതീശൻ്റെ കള്ളങ്ങൾ, സച്ചിദാനന്ദൻമാരുടെ അറിവില്ലായ്മ, മാധ്യമങ്ങളുടെ കാപട്യം. എല്ലാം ഒരു കുടക്കീഴിൽ.

17/06/2026

ഇന്ത്യ കൂടുതൽ കാലം ഭരിച്ചതിൻ്റെ 'റെക്കോഡ്' നരേന്ദ്ര മോദിക്കല്ല; ജവഹർലാൽ നെഹ്‌റുവിനാണ്.
സംഘപരിവാറിൻ്റെ, T-20 മോഡൽ റെക്കോഡിന് പിറകിലെ ഈ കാര്യങ്ങൾ കൂടി ജനങ്ങൾ അറിയേണ്ടതല്ലേ?

27/05/2026

ഇന്ന് കാലത്ത് കണ്ണു തിരുമ്മി എഴുന്നേൽക്കുമ്പോൾ തന്നെ തങ്ങളുടെ ഇഷ്ടതോഴരായ മാധ്യമങ്ങൾക്ക് വിരുന്നൊരുക്കിയിരിക്കുകയാണ് മോദിയും പിന്നിൽ നിന്ന് റിമോട്ട് നിയന്ത്രിച്ച് സതീശനും : "പ്രതിപക്ഷനേതാവ് പിണറായിയുടെ വീട്ടിൽ ഇഡി റെയ്ഡ് ". സൂക്ഷ്മമായി പരിശോധിച്ചാൽ ഒരു കാര്യം വ്യക്തമാകും; ഇന്നലെ ഇതേ മാധ്യമങ്ങൾ ആഘോഷമാക്കിയ ഒരു വാർത്തയുണ്ട്, മുഖ്യമന്ത്രി ഇന്ത്യൻ പ്രധാനമന്ത്രിയെ സന്ദർശിച്ചത്. അതിൻ്റെ സ്വാഭാവികമായ തുടർച്ചയായിട്ട് വേണം ഇന്ന് കാലത്ത് 6.30 തൊട്ട് അരങ്ങേറുന്ന ഈ ആഭാസനാടകത്തെ കാണാൻ. എല്ലാം കൂടി കൂട്ടിവായിക്കുമ്പോൾ വൃത്തികെട്ട ഒരു ഗൂഢാലോചനയുടെ ദുർഗന്ധം പുറത്തുവരുന്നുണ്ട്.

പിണറായിക്കെതിരായ ഹീനമായ നീക്കങ്ങൾ യുഡിഎഫും ബിജെപിയും തുടങ്ങിയിട്ട് കുറെ കാലമായി. പക്ഷേ ഒന്നും ചെയ്യാൻ ഇതുവരെ അവർക്കായിട്ടില്ല. ഇപ്പോൾ എൽഡിഎഫ് സർക്കാർ അധികാരത്തിൽ നിന്ന് ഒഴിഞ്ഞ തക്കം നോക്കി ആയുധങ്ങൾക്ക് മൂർച്ചകൂട്ടി കുത്താനുള്ള ശ്രമമാണ് നടക്കുന്നത്. കോൺഗ്രസ്സിനോടും ബിജെപിയോടും ഒന്നേ പറയാനുള്ളൂ, സൂര്യനസ്തമിക്കാത്ത രാജ്യത്തുനിന്ന് വന്നവരെന്ന ഡംഭും കൊണ്ട് കമ്മ്യൂണിസ്റ്റുകാരെ ഇല്ലാതാക്കി കളയാമെന്ന് കരുതിയ ബ്രിട്ടീഷുകാർ വരെ പത്തിതാഴ്ത്തി പോയിട്ടേ ഉള്ളൂ. സ്വാതന്ത്ര്യത്തിനുശേഷം അടിച്ചമർത്താൻ പലതവണ നോക്കിയിട്ടും കൈ കഴച്ചതല്ലാതെ മറ്റൊന്നും സംഭവിച്ചിട്ടില്ല.

102 സീറ്റിന്റെ ബലത്തിൽ ഞങ്ങളെ ഇല്ലാതാക്കി കളയാമെന്നാണ് വിചാരമെങ്കിൽ പ്രിയപ്പെട്ട സതീശാ നിങ്ങൾ വിഡ്ഢികളുടെ സ്വർഗ്ഗത്തിലെ രാജാവ് മാത്രമായി മാറുമെന്ന് തിരിച്ചറിഞ്ഞാൽ കൊള്ളാം. സിപിഎമ്മിന്റെ സമരവീര്യം നിങ്ങൾ ശരിക്കറിഞ്ഞിട്ടില്ല. ജനപിന്തുണയുടെ വലിയ ശക്തിയും ഊർജ്ജവും ഉണ്ടതിന്. ഏത് ബ്രഹ്മാസ്ത്രത്തെയും നേരിടാനുള്ള, നല്ല ഉശിരുള്ള പ്രവർത്തകരുടെ സന്നദ്ധതയുമുണ്ട്. അത്, പോലീസുകാരുടെ ലാത്തി കണ്ടാൽ നാലുപാടും ചിതറിയോടുന്ന നാല് യൂത്ത് കോൺഗ്രസുകാരുടെ കൈകൊട്ടിക്കളിയല്ല എന്ന് ഓർക്കുക.

നിങ്ങൾ രണ്ടു കൂട്ടരും ഉയർത്തിയ ഇതിലും വലിയ നുണയുടെ ചീട്ടുകൊട്ടാരങ്ങൾ തകർന്നടിയുന്നത് നാട്ടുകാർ കണ്ടിട്ട് അധിക നാളായില്ല. നിങ്ങളൊരുക്കിയ വൻസ്ഫോടനങ്ങൾക്കു മുമ്പിൽ പോലും ഒരു കുലുക്കവുമില്ലാതെ നിന്ന ഞങ്ങളെ കമ്പിത്തിരി കത്തിച്ചു പേടിപ്പിക്കാൻ നോക്കുന്നത് ഒരുതരം മാനസിക വിഭ്രാന്തിയുടെ ലക്ഷണമാണെന്ന് മനസ്സിലാക്കി ചികിത്സിച്ചാൽ നന്ന്.

ഇ.എൻ. സുരേഷ്ബാബു
ജില്ലാ സെക്രട്ടറി
സി.പി.ഐ. (എം)