Andhra Pradesh CM

Directions Website

Andhra Pradesh CM The official page of The Chief Minister’s Office, Andhra Pradesh.

10/10/2026

రాష్ట్రంలో ప్రకృతి సేద్యం విస్తీర్ణం పెంపు, పీఎండీఎస్‌పై గౌరవ ముఖ్యమంత్రి శ్రీ నారా చంద్రబాబు నాయుడు నేడు టెలికాన్ఫరెన్స్ నిర్వహించారు. ఈ టెలికాన్ఫరెన్స్‌కు మంత్రి శ్రీ కే. అచ్చెన్నాయుడు, రైతులు, కమ్యూనిటీ రిసోర్స్ పర్సన్లు, వ్యవసాయ శాఖ అధికారులు హాజరయ్యారు.

నేచురల్ ఫార్మింగ్ విస్తరణకు అందరూ యుద్ధ ప్రాతిపదికన పనిచేశారు. అందరికీ అభినందనలు తెలియజేస్తున్నాను అని సీఎం అన్నారు.

2016లో కేవలం 40 వేల మంది రైతులతో ప్రారంభమైన ప్రకృతి వ్యవసాయం నేడు 17.73 లక్షల మంది రైతులకు చేరిందనీ, రసాయన ఎరువుల వినియోగంతో పోలిస్తే, ప్రకృతి వ్యవసాయం ద్వారా రైతుల ఆదాయం 47 శాతం మేర పెరుగుతుందని సీఎం అన్నారు.

కృష్ణా డెల్టా రైతులు, సాగునీటి సంఘాల ప్రతినిధులు నేడు సచివాలయంలో గౌరవ ముఖ్యమంత్రి శ్రీ నారా చంద్రబాబు నాయుడు ను కలిశారు....
10/10/2026

కృష్ణా డెల్టా రైతులు, సాగునీటి సంఘాల ప్రతినిధులు నేడు సచివాలయంలో గౌరవ ముఖ్యమంత్రి శ్రీ నారా చంద్రబాబు నాయుడు ను కలిశారు. పట్టిసీమ ప్రాజెక్టు ద్వారా కృష్టాడెల్టాకు ఇప్పటి వరకూ 500 టీఎంసీల నీటిని తీసుకువచ్చిన సీఎంకు వారు ధన్యవాదాలు తెలిపారు. గోదావరి వరద నీటిని కృష్ణాడెల్టాకు, శ్రీశైలంలో పొదుపు చేసిన కృష్ణా నీటిని రాయలసీమకు ఇచ్చి సీఎం వాటర్ మ్యాన్ అయ్యారని వారు అన్నారు. ఈ కార్యక్రమంలో రాష్ట్ర జలవనరుల శాఖ మంత్రి శ్రీ నిమ్మల రామానాయుడు కూడా పాల్గొన్నారు.

గౌరవ ముఖ్యమంత్రి శ్రీ నారా చంద్రబాబు నాయుడు అధ్యక్షతన నేడు సచివాలయంలో రాష్ట్ర మంత్రివర్గ సమావేశం జరిగింది.
10/10/2026

గౌరవ ముఖ్యమంత్రి శ్రీ నారా చంద్రబాబు నాయుడు అధ్యక్షతన నేడు సచివాలయంలో రాష్ట్ర మంత్రివర్గ సమావేశం జరిగింది.

ప్రకాశం జిల్లా కొండెపి నియోజక వర్గం లోని గర్భకండ్రిక భూముల సమస్య పరిష్కారం పై 8 గ్రామాల రైతులతో గౌరవ ముఖ్యమంత్రి శ్రీ న...
09/10/2026

ప్రకాశం జిల్లా కొండెపి నియోజక వర్గం లోని గర్భకండ్రిక భూముల సమస్య పరిష్కారం పై 8 గ్రామాల రైతులతో గౌరవ ముఖ్యమంత్రి శ్రీ నారా చంద్రబాబు నాయుడు కొండెపిలో భేటీ అయ్యారు. 50 ఏళ్లుగా పెండింగ్‌లో ఉన్న భూ సమస్యకు శాశ్వత పరిష్కారం చూపుతూ నిర్ణయం తీసుకున్నారు. నర్సింగోలులో రైతుల కష్టాలు సీఎం స్వయంగా విన్నారు. 4 మండలాల్లో 8 గ్రామాల్లో 2,915.10 ఎకరాల భూములకు పరిష్కార మార్గం చూపిన సీఎం 1,301 మంది రైతులకు ప్రయోజనం కలిగించారు. కొండపి మండలంలో ఇలవర, వెన్నూరు గ్రామాల్లో 281 మంది రైతులకు 1003 ఎకరాలకు హక్కుల కల్పన చేశారు.జరుగుమిల్లి మండలం లో పచ్చవ, వర్దినేని పాలెం, నర్సింగోలు, కె.బిట్రగుంట గ్రామాల్లో 569 మందికి 1260 ఎకరాల భూమి కి పట్టాలు జారీ చేశారు. నాగులుప్పలపాడు మండలం ఓబన్నపాలెం లో 430 మందికి 567 ఎకరాల మేర పట్టాలు పంపిణీ చేశారు. సింగరాయకొండ కలికివాయ లో 21 మందికి 62 ఎకరాల మేర పట్టాలు పంపిణీ చేశారు. దీర్ఘ కాలం గా పెండింగ్ లో ఉన్న భూ సమస్య కు పరిష్కారం చూపడం పై రైతులు సీఎం కు ధన్యవాదాలు తెలిపారు.



గౌరవ ముఖ్యమంత్రి శ్రీ నారా చంద్రబాబు నాయుడు నేడు ప్రకాశం జిల్లా కొండెపి నియోజకవర్గంలో పర్యటించారు. నరసింగోలు గ్రామంలో మీ...
09/10/2026

గౌరవ ముఖ్యమంత్రి శ్రీ నారా చంద్రబాబు నాయుడు నేడు ప్రకాశం జిల్లా కొండెపి నియోజకవర్గంలో పర్యటించారు. నరసింగోలు గ్రామంలో మీ భూమి మీ హక్కు కార్యక్రమంలో పాల్గొని రైతులకు పట్టాదారు పాసుపుస్తకాలను పంపిణీ చేశారు. అనంతరం ప్రజావేదిక సభలో ప్రసంగించారు.




కొండెపి నియోజకవర్గం నరసింగోలు గ్రామంలో గౌరవ ముఖ్యమంత్రి శ్రీ నారా చంద్రబాబు నాయుడు కు మంత్రులు, ఎంపీ, ఎమ్మెల్యేలు, పలువు...
09/10/2026

కొండెపి నియోజకవర్గం నరసింగోలు గ్రామంలో గౌరవ ముఖ్యమంత్రి శ్రీ నారా చంద్రబాబు నాయుడు కు మంత్రులు, ఎంపీ, ఎమ్మెల్యేలు, పలువురు కార్పొరేషన్ ఛైర్మన్లు, కూటమి నేతలు, అధికారులు ఘన స్వాగతం పలికారు.

కేంద్ర ఓడరేవులు, నౌకాయాన శాఖ మంత్రి శ్రీ శర్బానంద సోనోవాల్‌తో గౌరవ ముఖ్యమంత్రి శ్రీ నారా చంద్రబాబు నాయుడు నేడు ఢిల్లీ లో...
08/10/2026

కేంద్ర ఓడరేవులు, నౌకాయాన శాఖ మంత్రి శ్రీ శర్బానంద సోనోవాల్‌తో గౌరవ ముఖ్యమంత్రి శ్రీ నారా చంద్రబాబు నాయుడు నేడు ఢిల్లీ లో భేటీ అయ్యారు. ఆంధ్రప్రదేశ్‌లో సముద్ర ఆధారిత ఆర్థిక కార్యకలాపాలను మరింత విస్తరించేందుకు కేంద్ర ప్రభుత్వం సహకరించాలని ఈ సందర్భంగా సీఎం కోరారు. రాష్ట్రంలో పోర్టుల అభివృద్ధి, మూలపేట పోర్టులో టెర్మినల్‌ ఏర్పాటు, దుగరాజపట్నంలో షిప్‌ బిల్డింగ్‌ సెంటర్‌ ఏర్పాటుపై చర్చించారు. రాష్ట్రానికి ఉన్న సుదీర్ఘ తీరప్రాంతాన్ని సద్వినియోగం చేసుకుంటూ పోర్టుల ఆధారంగా పారిశ్రామిక, వాణిజ్య అభివృద్ధిని వేగవంతం చేస్తున్నామని సీఎం వివరించారు. ఇప్పటికే నిర్మాణంలో ఉన్న, ప్రతిపాదిత పోర్టులకు అనుసంధానంగా షిప్‌ బిల్డింగ్‌, షిప్‌ రిపేర్‌, మెరైన్‌ ఇంజినీరింగ్‌ వంటి రంగాలను అభివృద్ధి చేస్తే పెద్దఎత్తున ఉపాధి, పెట్టుబడులకు అవకాశాలు ఏర్పడతాయని తెలిపారు. శ్రీకాకుళం జిల్లాలోని మూలపేట పోర్టు అభివృద్ధితో ఉత్తరాంధ్రలో వాణిజ్య కార్యకలాపాలు మరింత ఊపందుకుంటాయని సీఎం పేర్కొన్నారు. పోర్టుకు అవసరమైన టెర్మినల్‌, అనుబంధ మౌలిక వసతుల అభివృద్ధికి కేంద్రం నుంచి అవసరమైన సహకారం అందించాలని కోరారు.
Nara Chandrababu Naidu Sarbananda Sonowal

25 ఏళ్ల పాలనా ప్రస్థానంపై ప్రధాని శ్రీ నరేంద్ర మోదీకి ముఖ్యమంత్రి శ్రీ నారా చంద్రబాబు నాయుడు శుభాకాంక్షలు తెలిపారు. దేశ ...
08/10/2026

25 ఏళ్ల పాలనా ప్రస్థానంపై ప్రధాని శ్రీ నరేంద్ర మోదీకి ముఖ్యమంత్రి శ్రీ నారా చంద్రబాబు నాయుడు శుభాకాంక్షలు తెలిపారు. దేశ సేవలో అరుదైన ఘనత సాధించిన ఆయన సేవలను నేడు ఢిల్లీ లో కలిసిన సందర్భంగా కొనియాడారు. ముఖ్యమంత్రిగా, ప్రధాన మంత్రిగా స్ఫూర్తిదాయక నాయకత్వాన్ని చూపారని, క్రమశిక్షణ, నిబద్ధతతో దేశానికి సేవలు అందించారని అన్నారు. దూరదృష్టి, స్పష్టమైన లక్ష్యం, ధృడమైన నిర్ణయాలు, సమర్థవంతమైన పాలనతో భారత్‌ను ప్రపంచ శక్తిగా మలిచారని కీర్తించారు. సంక్షేమం, అభివృద్ధి, సుపరిపాలనతో భారత దేశ గమనాన్ని మర్చారని సిఎం అన్నారు. ముఖ్యంగా సమాఖ్య స్ఫూర్తితో రాష్ట్రాలను భాగస్వాములుగా చేసి వికసిత్ భారత్ వైపు దేశాన్ని నడిపిస్తున్నారని అన్నారు. అంతర్జాతీయ వ్యవహారాల్లో భారత్ గౌరవాన్ని, విశ్వసనీయతను మరింత పెంచేలా తోడ్పడ్డారని అన్నారు. రాష్ట్ర ప్రజల తరుపున ఈ సందర్భంగా ప్రధానికి సీఎం శుభాకాంక్షలు తెలిపారు.
Narendra Modi Nara Chandrababu Naidu
PMO India

రాష్ట్రంలో పోర్టుల ఆధారిత పారిశ్రామిక, వాణిజ్య అభివృద్ధిని మరింత వేగవంతం చేసేందుకు కేంద్ర ప్రభుత్వ ఆధీనంలోని సుమారు 20,3...
08/10/2026

రాష్ట్రంలో పోర్టుల ఆధారిత పారిశ్రామిక, వాణిజ్య అభివృద్ధిని మరింత వేగవంతం చేసేందుకు కేంద్ర ప్రభుత్వ ఆధీనంలోని సుమారు 20,378 వేల ఎకరాల ఉప్పు భూములను రాష్ట్రానికి బదలాయించాలని గౌరవ ముఖ్యమంత్రి శ్రీ నారా చంద్రబాబు నాయుడు కేంద్ర వాణిజ్య, పరిశ్రమల శాఖ మంత్రి శ్రీ పీయూష్‌ గోయల్‌ ను నేడు కోరారు. ఢిల్లీ పర్యటనలో భాగంగా జరిగిన భేటీలో సీఎం ఈ అంశాన్ని ప్రస్తావించారు. వాణిజ్య పంటలకు మెరుగైన మార్కెట్‌ అవకాశాలు కల్పించేందుకు కేంద్ర వాణిజ్య శాఖ సహకరించాలని కూడా కోరారు. రాష్ట్రంలో మిర్చి, పొగాకు, ఆక్వా తదితర వాణిజ్య పంటలకు అంతర్జాతీయ మార్కెట్లలో మంచి డిమాండ్ ఉందని, ఆయా ఉత్పత్తుల ఎగుమతులకు అవసరమైన మార్కెట్‌ లింకేజీలు, మౌలిక వసతులు, నాణ్యత ప్రమాణాలు, ప్రాసెసింగ్‌ సదుపాయాలను బలోపేతం చేయడానికి కేంద్రం సహకరించాలని కోరారు.
Nara Chandrababu Naidu Piyush Goyal

కేంద్ర రోడ్డు రవాణా, జాతీయ రహదారుల శాఖ మంత్రి శ్రీ నితిన్ గడ్కరీ తో గౌరవ ముఖ్యమంత్రి శ్రీ నారా చంద్రబాబు నాయుడు నేడు ఢిల...
08/10/2026

కేంద్ర రోడ్డు రవాణా, జాతీయ రహదారుల శాఖ మంత్రి శ్రీ నితిన్ గడ్కరీ తో గౌరవ ముఖ్యమంత్రి శ్రీ నారా చంద్రబాబు నాయుడు నేడు ఢిల్లీ లో భేటీ అయ్యారు. రాజధాని అమరావతి ఔటర్ రింగ్ రోడ్ నిర్మాణానికి పూర్తి సహకారం అందించాలని కోరారు. అలాగే రాష్ట్ర తీర ప్రాంత అభివృద్ధితో పాటు కనెక్టివిటీ పెంచేందుకు దోహదపడే బీచ్‌ రోడ్డు ప్రాజెక్టుపైనా దృష్టి సారించాలన్నారు. తీరప్రాంతంలోని నగరాలు, పర్యాటక ప్రాంతాలు, పోర్టులు, పారిశ్రామిక కేంద్రాల మధ్య మెరుగైన అనుసంధానం కల్పించేందుకు బీచ్ రోడ్ ఉపయోగపడుతుందని సిఎం తెలిపారు. పోలవరం ప్రాజెక్టు వద్ద ఎడమ, కుడి గట్లను కలిపేలా ఐకానిక్ బ్రిడ్జి నిర్మాణానికి సహకారం అందించాలని విజ్ఞప్తి చేశారు.
Nara Chandrababu Naidu Nitin Gadkari

Address

Tadepalli

Website

Alerts

Be the first to know and let us send you an email when Andhra Pradesh CM posts news and promotions. Your email address will not be used for any other purpose, and you can unsubscribe at any time.

Shortcuts

Share

Category