http://zpthane.maharashtra.gov.in/

ZILLA PARISHAD THANE, Thane (2026)

02/10/2026

ठाणे जिल्हा परिषदेत पेन्शनधारकांना महिन्याच्या पहिल्याच दिवशी पेन्शन!

राज्यात प्रायोगिक तत्त्वावर राबविण्यात आलेल्या उपक्रमांतर्गत २,२५० पेन्शनधारकांना वेळेत पेन्शन अदा

ठाणे, दि. ०१ ऑक्टोबर २०२६ — जिल्हा परिषद, ठाणे अंतर्गत पेन्शनधारक अधिकारी व कर्मचाऱ्यांना महिन्याच्या पहिल्याच दिवशी पेन्शन त्यांच्या खात्यावर जमा करण्याची कार्यवाही पूर्ण करण्यात आली.

📍 जिल्हा परिषद मुख्यालय – ४२४
📍 मुरबाड – ३४४
📍 शहापूर – ४४९
📍 भिवंडी – २६१
📍 कल्याण – ४८०
📍 अंबरनाथ – २९२

या उपक्रमामुळे पेन्शनधारकांना महिन्याच्या सुरुवातीलाच आर्थिक उपलब्धता होऊन त्यांच्या आर्थिक नियोजनास सुविधा होणार आहे.

मुख्य कार्यकारी अधिकारी रणजित यादव यांच्या मार्गदर्शनाखाली मुख्य लेखा व वित्त अधिकारी वैजनाथ बुरडकर आणि उपमुख्य कार्यकारी अधिकारी (सामान्य प्रशासन) अविनाश फडतरे यांच्या विशेष प्रयत्नातून वित्त व सामान्य प्रशासन विभाग तसेच तालुकास्तरीय अधिकारी-कर्मचाऱ्यांच्या समन्वयातून ही कार्यवाही निर्धारित वेळेत पूर्ण करण्यात आली.

💻 डिजिटल माध्यमांचा प्रभावी वापर | वेळबद्ध सेवा | कार्यक्षम समन्वय

पेन्शनधारकांच्या सेवेसाठी वेळेवर आणि सुलभ प्रशासकीय कार्यवाही — जिल्हा परिषद ठाणेचा पुढाकार!

#जिल्हापरिषदठाणे #पेन्शन

02/10/2026

जिल्हा परिषद ठाणे येथे महात्मा गांधी जयंतीनिमित्त अभिवादन 🙏🏽

राष्ट्रपिता महात्मा गांधी यांच्या जयंतीनिमित्त जिल्हा परिषद, ठाणे येथे अभिवादन कार्यक्रम आयोजित करण्यात आला.

📅 दि. २ ऑक्टोबर २०२६
📍 जिल्हा परिषद सभागृह, ठाणे

यावेळी सहाय्यक जिल्हा आरोग्य अधिकारी डॉ. दिनेश सुतार यांच्या हस्ते महात्मा गांधी यांच्या प्रतिमेचे पूजन करून पुष्पहार अर्पण करण्यात आला.

महात्मा गांधी यांच्या सत्य, अहिंसा, स्वच्छता, स्वावलंबन आणि सेवाभावाच्या विचारांचे स्मरण करून स्वच्छता, आरोग्य आणि सामाजिक बांधिलकीला प्राधान्य देण्याचा संदेश यावेळी देण्यात आला.

‘स्वच्छता ही सेवा’ या विचारातून प्रेरणा घेत, सेवा संकल्प अभियानाच्या माध्यमातून स्वच्छ, निरोगी आणि सक्षम समाजनिर्मितीसाठी योगदान देण्याचा संकल्प करूया.

यावेळी कनिष्ठ प्रशासन अधिकारी भीमा शेळके तसेच जिल्हा परिषदेचे अधिकारी व कर्मचारी उपस्थित होते.

🙏🏽 राष्ट्रपिता महात्मा गांधी यांना जयंतीनिमित्त विनम्र अभिवादन!

#गांधी_जयंती #जिल्हापरिषदठाणे #स्वच्छताहीसेवा

02/10/2026

राष्ट्रपिता महात्मा गांधी व माजी पंतप्रधान भारतरत्न लाल बहादूर शास्त्री यांच्या जयंतीनिमित्त विनम्र अभिवादन! 🙏🏽

महात्मा गांधी यांच्या सत्य, अहिंसा आणि स्वच्छतेच्या विचारांना वंदन.
लाल बहादूर शास्त्री यांच्या साधेपणा, प्रामाणिकपणा आणि ‘जय जवान, जय किसान’ या प्रेरणादायी विचारांना नमन.

या महान राष्ट्रपुरुषांच्या विचारांनी प्रेरित होऊन सत्य, स्वच्छता, स्वावलंबन आणि राष्ट्रसेवेचा संकल्प करूया.

महात्मा गांधी जयंती व लाल बहादूर शास्त्री जयंतीच्या हार्दिक शुभेच्छा!

#गांधी_जयंती #शास्त्री_जयंती #जिल्हापरिषदठाणे

01/10/2026

‘स्वच्छता ही सेवा २०२६’ अभियानांतर्गत ठाणे जिल्ह्यात महा श्रमदान दिन उत्साहात!

भिवंडी तालुक्यातील कारिवली ग्रामपंचायतीत संत गाडगेबाबांच्या प्रतिमेचे पूजन करून महा श्रमदान दिनाचा शुभारंभ करण्यात आला. यावेळी स्वच्छतेची शपथ, ग्रामपंचायत सफाई कर्मचाऱ्यांची आरोग्य तपासणी व सेवा सन्मान, सार्वजनिक ठिकाणांची स्वच्छता, परिसर साफसफाई आणि वृक्षारोपण असे विविध उपक्रम राबविण्यात आले.

या कार्यक्रमास पाणीपुरवठा व स्वच्छता विभागाचे उपमुख्य कार्यकारी अधिकारी पंडित राठोड, भिवंडी पंचायत समितीचे गटविकास अधिकारी गोविंद खामकर, विस्तार अधिकारी (पंचायत) राजू भोसले, सरपंच, महिला बचत गटांच्या सदस्या, ग्रामपंचायत पदाधिकारी व कर्मचारी, ग्रामस्थ, शिक्षक आणि विद्यार्थी उपस्थित होते.

ठाणे जिल्ह्यातील सर्व ग्रामपंचायतींमध्ये १ ऑक्टोबर रोजी श्रमदान व स्वच्छता उपक्रम राबविण्यात आले. ग्रामपंचायत परिसर, सार्वजनिक ठिकाणे, रस्ते, चौक, शाळा परिसर आणि पाणीपुरवठा स्रोत परिसराची स्वच्छता करण्यात आली.

‘एक दिवस, एक तास, एक साथ’ या भावनेतून नागरिकांनी स्वच्छतेसाठी योगदान देत स्वच्छ, सुंदर आणि निरोगी गाव निर्मितीचा संकल्प केला.

#स्वच्छताहीसेवा२०२६ #महा_श्रमदान_दिन #एकदिवसएकतासएकसाथ #स्वच्छठाणे #स्वच्छगाव #स्वच्छसुंदरनिरोगीगाव #कारिवली #जिल्हापरिषदठाणे

01/10/2026

शासकीय सेवा आता WhatsApp वर!!

30/09/2026

🩸 सेवा संकल्प अभियानांतर्गत जिल्हा परिषद ठाणे येथे रक्तदान शिबिर उत्साहात संपन्न! 🩸

“रक्तदान हे सर्वश्रेष्ठ दान” — सामाजिक बांधिलकी जपत अधिकारी-कर्मचाऱ्यांनी रक्तदानात सहभागी होण्याचे आवाहन मुख्य कार्यकारी अधिकारी रणजित यादव यांनी केले.

‘सेवा संकल्प अभियान’ तसेच १ ऑक्टोबर रोजी साजरा होणाऱ्या जागतिक रक्तदान दिनानिमित्त जिल्हा परिषद ठाणे येथे आज रक्तदान शिबिराचे आयोजन करण्यात आले. मुख्य कार्यकारी अधिकारी रणजित यादव यांच्या हस्ते भगवान धन्वंतरि यांच्या प्रतिमेचे पूजन व दीपप्रज्वलन करून शिबिराचे उद्घाटन करण्यात आले.

यावेळी रणजित यादव यांनी रक्तदानाचे महत्त्व अधोरेखित करत, आपल्या रक्तदानामुळे गरजू रुग्णाला जीवनदान मिळू शकते, असे सांगितले. अधिकारी व कर्मचाऱ्यांनी स्वेच्छेने रक्तदान करून सामाजिक बांधिलकी जपावी, असे आवाहन त्यांनी केले.

या शिबिरास अतिरिक्त मुख्य कार्यकारी अधिकारी अजिंक्य पवार, उपमुख्य कार्यकारी अधिकारी (सामान्य प्रशासन) अविनाश फडतरे, जिल्हा आरोग्य अधिकारी डॉ. गंगाधर परगे, उपमुख्य कार्यकारी अधिकारी (स्वच्छ भारत मिशन) पंडित राठोड, सहाय्यक संचालक रक्तपेढी डॉ. महेंद्र केंद्रे, जिल्हा माता व बालसंगोपन अधिकारी डॉ. स्वाती पाटील तसेच जिल्हा परिषद ठाणे आणि जिल्हा सामान्य रुग्णालय, ठाणे येथील अधिकारी-कर्मचारी उपस्थित होते.

🤝 सेवाभावातून सामाजिक बांधिलकी… रक्तदानातून जीवनदान!

#सेवा_संकल्प_अभियान #रक्तदान #रक्तदान_हे_सर्वश्रेष्ठ_दान #जागतिक_रक्तदान_दिन #जिल्हा_परिषद_ठाणे #सामाजिक_बांधिलकी #सेवाभाव #रक्तदान_शिबिर

30/09/2026

🌱 ‘स्वप्नातील गाव’च्या दिशेने शहापूर तालुक्याची वाटचाल! 🏡✨

सेवा संकल्प अभियानांतर्गत जिल्हा परिषद ठाणेचे मुख्य कार्यकारी अधिकारी रणजित यादव यांनी शहापूर तालुक्यातील भोसपाडा, देवगाव व कोठारे या गावांना भेट देऊन स्वदेस फाऊंडेशनच्या माध्यमातून कार्यरत गाव विकास समित्यांच्या कामाची पाहणी केली.

या वेळी एकलव्य गाव विकास समिती – भोसपाडा, गावदेवी गाव विकास समिती – देवगाव आणि सावित्रीबाई फुले गाव विकास समिती – कोठारे यांच्या पदाधिकारी व ग्रामस्थांशी संवाद साधत गाव विकासाचा आढावा घेण्यात आला.

🌿 मुख्यमंत्री समृद्ध पंचायतराज अभियानांतर्गत वृक्षारोपण
🏫 जिल्हा परिषद शाळेची पाहणी व विद्यार्थ्यांशी संवाद
🏠 घरकुलाची पाहणी व लाभार्थ्याच्या घरी ‘आशीर्वादाचा दिवा’ प्रज्वलित
💧 शोषखड्डे व सांडपाणी व्यवस्थापनाची पाहणी
🧹 स्वच्छता, ओला-सुका कचरा व्यवस्थापनाचा आढावा
💡 सोलर पथदिवे, रस्ते, अंगणवाडी, समाजमंदिर, दफनभूमी आदी मूलभूत सुविधांची पाहणी
👩‍🌾 महिला बचत गट, गृहउद्योग, कुक्कुटपालन व शेळीपालनातून उपजीविका निर्मितीबाबत मार्गदर्शन

‘स्वप्नातील गाव’ संकल्पनेतील स्वच्छ, सुंदर, स्वस्थ, साक्षर, समृद्ध आणि सृष्टी या सहा घटकांच्या माध्यमातून गावाचा सर्वांगीण व शाश्वत विकास साधण्यासाठी ग्रामस्थांचा सक्रिय सहभाग, गाव विकास समित्यांची भूमिका आणि शासकीय यंत्रणांशी प्रभावी समन्वय महत्त्वाचा आहे, यावर यावेळी भर देण्यात आला.

🤝 गाव विकास समिती, शासन आणि स्वदेस फाऊंडेशन यांनी एकत्रितपणे नियोजनबद्ध काम केल्यास गावाच्या विकासाचा आदर्श निर्माण होऊ शकतो, असे मुख्य कार्यकारी अधिकारी रणजित यादव यांनी यावेळी नमूद केले.

ग्रामस्थांनीही उत्स्फूर्त प्रतिसाद देत “पुढील दोन वर्षांत आपले गाव ‘स्वप्नातील गाव’ बनवू” असा संकल्प व्यक्त केला. 🌱🏡

#सेवा_संकल्प_अभियान #स्वप्नातील_गाव #शहापूर #गाव_विकास #गाव_विकास_समिती #स्वदेस_फाऊंडेशन #जिल्हा_परिषद_ठाणे #ग्रामविकास #शाश्वत_विकास #मुख्यमंत्री_समृद्ध_पंचायतराज_अभियान

29/09/2026

🏗️ जिल्हा परिषद ठाणे येथे अभियंता दिन उत्साहात साजरा! 👷‍♂️👷‍♀️

जिल्हा परिषद, ठाणे व महाराष्ट्र राज्य जिल्हा परिषद अभियंता संघटना, शाखा ठाणे यांच्या संयुक्त विद्यमाने अभियंता दिन उत्साहात साजरा करण्यात आला.

📍 स्थळ: समिती सभागृह, बी. जे. हायस्कूल, ठाणे
📅 दिनांक: २८ सप्टेंबर २०२६
कार्यक्रमात गुणवंत अभियंत्यांचा पुरस्कार देऊन गौरव, तसेच पदोन्नती प्राप्त व सेवानिवृत्त अभियंत्यांचा सत्कार करण्यात आला.

💬 मुख्य कार्यकारी अधिकारी रणजित यादव यांनी अभियंत्यांना शुभेच्छा देताना सांगितले की,
“We are the makers of the world.” अभियंते हे समाजाच्या विकासाचे निर्माते असून, तांत्रिक ज्ञान, कौशल्य आणि कल्पकतेच्या माध्यमातून समाजाच्या जीवनमानात सुधारणा घडवून आणण्याची महत्त्वाची जबाबदारी अभियंत्यांची आहे.

🔹 विकासकामांना अधिक गती देण्यासाठी प्रशासन आणि अभियंता संघटनेने समन्वयाने काम करण्याची गरज.
🔹 सेवानिवृत्त व पदोन्नती प्राप्त अभियंत्यांच्या अनुभवाचा नवीन पिढीला लाभ मिळावा.
🔹 अभियंत्यांच्या तांत्रिक कौशल्यवृद्धीसाठी आवश्यक प्रशिक्षण आयोजित करण्यावर भर.

अतिरिक्त मुख्य कार्यकारी अधिकारी अजिंक्य पवार यांनी अभियंत्यांनी बदलत्या तंत्रज्ञानासोबत स्वतःला अद्ययावत ठेवण्याचे आवाहन केले.
कार्यक्रमाची सुरुवात डॉ. भारतरत्न सर मोक्षगुंडम विश्वेश्वरैय्या यांच्या प्रतिमेचे पूजन करून करण्यात आली. ग्रामीण भागातील पायाभूत सुविधा, पाणीपुरवठा, सिंचन, रस्ते, शासकीय इमारती आणि विविध विकासकामांमध्ये अभियंत्यांच्या योगदानाचा यावेळी गौरव करण्यात आला.

अभियंत्यांच्या योगदानाला मनःपूर्वक सलाम! 💐

#अभियंतादिन #जिल्हापरिषदठाणे

29/09/2026

🩸 सेवा संकल्प अभियानांतर्गत भव्य रक्तदान शिबिर!

जिल्हा परिषद, ठाणे यांच्या वतीने ‘सेवा संकल्प अभियान’ अंतर्गत भव्य रक्तदान शिबिराचे आयोजन करण्यात आले आहे.

📅 दिनांक: ३० सप्टेंबर २०२६
⏰ वेळ: सकाळी १०.३० वाजता
📍 स्थळ: जिल्हा परिषद, ठाणे मुख्यालय

आपले रक्तदान, कोणासाठी तरी जीवनदान!

जिल्हा परिषद अधिकारी, कर्मचारी तसेच इच्छुक नागरिकांनी मोठ्या संख्येने सहभागी होऊन रक्तदान करावे आणि या सामाजिक उपक्रमात आपला सहभाग नोंदवावा.

चला, रक्तदान करूया... जीवन वाचवूया!

#रक्तदान #रक्तदानशिबिर #जिल्हापरिषदठाणे

25/09/2026

विसर्जनात भक्ती… आणि प्रत्येक कृतीत निसर्गाची काळजी! 🌿🙏
अनंत चतुर्दशीच्या हार्दिक शुभेच्छा! 💐

ZILLA PARISHAD THANE

02/10/2026

02/10/2026

02/10/2026

01/10/2026

01/10/2026

30/09/2026

30/09/2026

29/09/2026

29/09/2026

25/09/2026

Address

Website

Alerts

Contact The Organization

Shortcuts

Share

Category

Listing takedown request