Haritha Keralam Mission, Haritha Keralam Mission, BSNL BHavan, Third Floor, Uppalam Road, Statue, Thiruvananthapuram (2026)

25/08/2026

പൂക്കളവും പ്രകൃതിയും ഒന്നിക്കുന്ന ഈ ഓണക്കാലം എല്ലാവരുടെയും ജീവിതത്തിൽ സമൃദ്ധിയും സന്തോഷവും സമാധാനവും നിറയ്ക്കട്ടെ. ഹരിതകേരളം മിഷന്റെ ഭാഗമായി പ്രകൃതിയെ സംരക്ഷിച്ചുകൊണ്ട് ഈ ഓണം നമുക്ക് ഒരുമിച്ച് ആഘോഷിക്കാം. നമ്മുടെ നാടിനെ പച്ചപ്പണിയിക്കാൻ ഓരോരുത്തരും കൈകോർക്കാം.

എല്ലാവർക്കും ഹൃദയം നിറഞ്ഞ ഓണാശംസകൾ

06/08/2026

ചങ്ങാതിക്കൊരു തൈ – മാതൃകയായി വിദ്യാർത്ഥിനി വേദ💚

ഹരിത കേരളം മിഷന്റെ ആഭിമുഖ്യത്തിൽ എറണാകുളം ഭവൻസ് വിദ്യാമന്ദിർ, എളമക്കരയിൽ സംഘടിപ്പിച്ച "ചങ്ങാതിക്കൊരു തൈ" ക്യാമ്പയിന്റെ ഭാഗമായി ആറാം ക്ലാസ് വിദ്യാർത്ഥിനിയായ വേദ തന്റെ സുഹൃത്തിൽ നിന്ന് ഒരു പേരത്തൈ സമ്മാനമായി സ്വീകരിച്ചിരുന്നു.
ഒരു ചെടിയെ വെറും സമ്മാനമായി കാണാതെ, ജീവന്റെ ഉത്തരവാദിത്വമായി ഏറ്റെടുത്ത വേദ അതിനെ സ്നേഹത്തോടെയും കരുതലോടെയും ആ തൈ പരിപാലിച്ചു. അവളുടെ ആത്മാർത്ഥമായ പരിചരണത്തിന്റെ ഫലമായി ആ തൈ ആദ്യമായി കായ്ച്ചപ്പോൾ ലഭിച്ച ആദ്യ പേരയ്ക്ക സ്കൂൾ പ്രിൻസിപ്പൽ മിനി കെ യ്ക്ക് സമർപ്പിച്ചു. ഒരു ചെറിയ തൈയിൽ നിന്ന് വളർന്നത് ഒരു വൃക്ഷം മാത്രമല്ല. പരിസ്ഥിതിയോടുള്ള പ്രതിബദ്ധതയും പങ്കുവെക്കലിന്റെ മഹത്വവും നന്ദിയുടെയും ഉത്തരവാദിത്തത്തിന്റെയും മൂല്യങ്ങളും കൂടിയാണ്. "ചങ്ങാതിക്കൊരു തൈ" എന്ന പദ്ധതിയുടെ യഥാർത്ഥ ലക്ഷ്യം ജീവിതത്തിൽ എങ്ങനെ സാക്ഷാത്കരിക്കാമെന്ന് വേദയുടെ ഈ മാതൃകാപരമായ പ്രവർത്തനം തെളിയിക്കുന്നു. പ്രകൃതിയെ സ്നേഹിക്കുകയും സംരക്ഷിക്കുകയും ചെയ്യുന്ന ഒരു പുതുതലമുറയെ വാർത്തെടുക്കുന്നതിൽ ഇത്തരം പ്രവർത്തനങ്ങൾ എന്നും പ്രചോദനമാകട്ടെ💚

25/07/2026

എറണാകുളം കെ.എസ്.ആർ.ടി.സി ബസ് ടെർമിനിലിൽ ഇനിമുതൽ ഭക്ഷണ മാലിന്യം വളമാകും

കൊച്ചി നഗരസഭ, ഹരിതകേരളം മിഷന്റെ നേതൃത്തിൽ ഇന്ത്യൻ ഓയിൽ കോർപ്പറേഷന്റെ സാമ്പത്തിക സഹായത്തോടെ സ്ഥാപിച്ച ജൈവ മാലിന്യ സംസ്ക്കരണ യൂണിറ്റ് - ബയോ കമ്പോസ്റ്റ് ബിന്നിന്റെ ഉദ്ഘാടനം എറണാകുളം ടി.ജെ വിനോദ് എംഎൽഎ നിർവഹിച്ചു. കൊച്ചിൻ നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ സീന ഗോകുലൻ അധ്യക്ഷത വഹിച്ചു. മാലിന്യ സംസ്കരണം ശാസ്ത്രീയമായി നടപ്പിലാക്കുന്നതിനെക്കുറിച്ച് ബന്ധപ്പെട്ട ജീവനക്കാർക്ക് ഹരിത കേരളം മിഷന്റെ നേതൃത്വത്തിൽ പരിശീലനം നൽകി.

03/07/2026

മാറ്റാം നമ്മുടെ ശീലങ്ങൾ; വീണ്ടെടുക്കാം കേരളത്തെ!

കേരളത്തിൽ പ്രതിദിനം ടൺ കണക്കിന് പ്ലാസ്റ്റിക് മാലിന്യമാണ് ഉണ്ടാകുന്നത്. ഇതിൽ വലിയൊരു പങ്ക് ഒരിക്കലും മണ്ണിൽ അലിയാത്ത പ്ലാസ്റ്റിക് കവറുകളാണ്. ലോകമെമ്പാടും ഉള്ള കണക്കു നോക്കിയാൽ ഓരോ മിനിറ്റിലും പത്ത് ലക്ഷത്തിലധികം പ്ലാസ്റ്റിക് ബാഗുകളാണ് ആളുകൾ ഉപയോഗിക്കുന്നത്; ഒരു വർഷത്തിൽ ഇത് ഏകദേശം അഞ്ച് ലക്ഷം കോടിയോളം വരും!

പത്തോ ഇരുപതോ മിനിറ്റ് വരെ മാത്രം നമ്മൾ ഉപയോഗിക്കുന്ന ഒരു പ്ലാസ്റ്റിക് കവർ പൂർണ്ണമായി മണ്ണടിയാൻ കുറഞ്ഞത് നൂറ് മുതൽ അഞ്ഞൂറ് വർഷം വരെയെടുക്കും. അതായത്, ഇന്ന് നമ്മൾ ഉപയോഗിക്കുന്ന ബാഗ് നമ്മുടെ തലമുറകൾ കഴിഞ്ഞാലും ഇവിടെ അവശേഷിക്കുമെന്ന് ചുരുക്കം. നമ്മുടെ പുഴകളും കടലുകളും മണ്ണും ഈ പ്ലാസ്റ്റിക് വിപത്തിൽ ശ്വാസം മുട്ടുകയാണ്.

റിപ്പോർട്ടുകൾ പ്രകാരം കടലിലെത്തുന്ന പ്ലാസ്റ്റിക് ബാഗുകൾ ആഹാരമായും മറ്റും തെറ്റിദ്ധരിച്ച് വിഴുങ്ങുന്നത് വഴി ഓരോ വർഷവും പത്ത് ലക്ഷത്തിലധികം കടൽ പക്ഷികളും ഒരു ലക്ഷത്തിലധികം കടൽ ജീവികളുമാണ് ദാരുണമായി ചത്തൊടുങ്ങുന്നത്. ഈ പ്ലാസ്റ്റിക്കുകൾ പിന്നീട് 'മൈക്രോപ്ലാസ്റ്റിക്' കണികകളായി മാറി നമ്മൾ കഴിക്കുന്ന മീനിലൂടെയും കുടിക്കുന്ന വെള്ളത്തിലൂടെയും മനുഷ്യശരീരത്തിൽത്തന്നെ തിരിച്ചെത്തുകയും ചെയ്യുന്നു! ഇന്ന് നാമുപേക്ഷിക്കുന്ന പ്ലാസ്റ്റിക്, നാളെ നമ്മെത്തന്നെ വിഴുങ്ങും!

നിയമങ്ങൾക്കപ്പുറം, നമ്മുടെ ഒരോരുത്തരുടെയും ബോധപൂർവമായ ഇടപെടലിലൂടെ മാത്രമേ ഈ വിപത്തിനെ തടയാനാകൂ. ഇനി നമ്മൾ മാറിയില്ലെങ്കിൽ മറ്റെപ്പോഴാണ്?

നമുക്ക് എന്ത് ചെയ്യാനാകും ?

# പുറത്തുപോകുമ്പോൾ എപ്പോഴും ഒരു തുണിസഞ്ചിയോ ചണസഞ്ചിയോ കയ്യിൽ കരുതാം. അതൊരു ശീലമാക്കാം.

# കടകളിൽ നിന്ന് സാധനങ്ങൾ വാങ്ങുമ്പോൾ പ്ലാസ്റ്റിക് കവറുകൾ കർശനമായി നിരസിക്കുക. 'വേണ്ട' എന്ന് പറയാൻ ശീലിക്കാം.

# വീടുകളിലെ ചടങ്ങുകളിലും വിപണിയിലും പ്ലാസ്റ്റിക്കിന് പകരം പരമാവധി പരിസ്ഥിതി സൗഹൃദ ഉത്പന്നങ്ങൾ ഉപയോഗിക്കാം.

ഒരു ചെറിയ പ്ലാസ്റ്റിക് കവർ വേണ്ടെന്ന് വെക്കാൻ കാണിക്കുന്ന മനസ്സ് നിങ്ങൾ സംരക്ഷിക്കുന്നത് ഒരു വലിയ ആവാസവ്യവസ്ഥയെയാണ്; നമ്മുടെ ഭൂമിയെയും ഭാവിയെയും കൂടിയാണ്. വരുംതലമുറയ്ക്കായി ഹരിതാഭമായ ഒരു കേരളത്തെ കാത്തുസൂക്ഷിക്കാൻ ഇന്ന് തന്നെ പ്രതിജ്ഞയെടുക്കാം.

ഇന്നു മുതൽ പ്ലാസ്റ്റിക് ബാഗുകളോട് 'നോ' പറയാം!

ഇന്ന്, ജൂലൈ 3 - ലോക പ്ലാസ്റ്റിക് ബാഗ് വിരുദ്ധ ദിനം.
Breaking Free from Single-Use Plastics: Towards a Sustainable Future

01/07/2026

കൊച്ചി കോർപ്പറേഷൻ ബ്രഹ്മപുരം മാലിന്യ സംസ്കരണ പ്ലാന്റിന്റെ പരിസരത്ത് സ്ഥാപിച്ച പച്ചത്തുരുത്ത് ഉദ്ഘാടനം മേയർ അഡ്വ. വി.കെ മിനിമോൾ നിർവ്വഹിച്ചു. വിദ്യാർത്ഥികളിൽ പരിസ്ഥിതി സംരക്ഷണം ഒരു ലഹരിയാകണമെന്ന് പച്ചത്തുരുത്ത് ഉദ്ഘാടനം ചെയ്തുകൊണ്ട് കൊച്ചി മേയർ പറഞ്ഞു.
ബ്രഹ്മപുരം മാലിന്യ സംസ്കരണ പ്ലാന്റിന്റെ സമീപത്ത് വച്ച് നടന്ന പരിപാടിയിൽ ജില്ലാ കളക്ടർ ജി.പ്രിയങ്ക ഐ. എ.എസ് മുഖ്യാതിഥിയായിരുന്നു. പരിസ്ഥിതി സംരക്ഷണ പ്രവർത്തനങ്ങളിൽ പങ്കാളികളായ വിദ്യാർത്ഥികളെ കളക്ടർ അഭിനന്ദിച്ചു. കൊച്ചി കോർപ്പറേഷൻ ആരോഗ്യകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ സീന ഗോകുലൻ അദ്ധ്യക്ഷത വഹിച്ചു. കൊച്ചി കോർപ്പറഷേൻറേയും ഹരിതകേരളം മിഷൻറേയും സംയുക്താഭിമുഖ്യത്തിലാണ് പച്ചത്തുരുത്ത് നിർമ്മിക്കുന്നത്. അതിജീവനത്തിനായി ആഗോളതാപന പ്രതിഭാസത്തിന്റെ സ്വാധീനത്തെ ചെറുക്കാൻ കഴിയുന്ന ഒരു പ്രായോഗിക ഇടപെടൽ ആണ് പച്ചത്തുരുത്ത്. പൊതുസ്ഥലങ്ങളിലുള്‍പ്പെടെ ഉപയോഗിക്കാതെ കിടക്കുന്ന സ്ഥലങ്ങള്‍ കണ്ടെത്തി തനതായ വൃക്ഷങ്ങളും തദ്ദേശീയമായ സസ്യങ്ങളും ഉള്‍പ്പെടുത്തി സ്വാഭാവിക വനമാതൃകകള്‍ സൃഷ്ടിച്ചെടുത്ത് സംരക്ഷിക്കാനാണ് പച്ചത്തുരുത്ത് എന്ന പദ്ധതിയിലൂടെ ലക്ഷ്യമിടുന്നത്💚

#ഹരിതകേരളംമിഷൻ

04/06/2026

നമ്മുടെ മണ്ണും ജലാശയങ്ങളും കാത്തുസൂക്ഷിച്ചും, പച്ചപ്പ്‌ നിലനിർത്തിയും മുന്നോട്ട് പോകാം, പരിസ്ഥിതിസംരക്ഷണ പ്രവർത്തനങ്ങളിൽ നമുക്കും പങ്കാളികളാകാം. ഒരു തൈ നട്ടുപിടിപ്പിച്ചും മാലിന്യങ്ങൾ ശരിയായി സംസ്കരിച്ചും ഈ നാടിനെ നമുക്ക് സുന്ദരമാക്കാം.

പ്രകൃതിയിൽ നിന്ന് പ്രചോദനം ഉൾക്കൊണ്ട്, നമ്മുടെ കാലാവസ്ഥയ്ക്കായും സുരക്ഷിതമായ ഭാവിക്കായും ഒരുമിച്ച് കൈകോർക്കാം!
എല്ലാവർക്കും ലോക പരിസ്ഥിതി ദിനാശംസകൾ!

#പരിസ്ഥിതിദിനം #ഹരിതകേരളംമിഷൻ

14/04/2026

വിഷു ആശംസകൾ💚

04/04/2026

ഈസ്റ്റർ ആശംസകൾ💚

31/03/2026

ഹരിത മൊബൈൽ കീപ്പിംഗ് പൗച്ച്💚

തിരഞ്ഞെടുപ്പ് വരാനിരിക്കെ വേറിട്ട ഹരിത മാതൃകയുമായി എറണാകുളം ജില്ലാ ഭരണകൂടം. വീടുകളിൽ ഉപയോഗിക്കാതെ കിടക്കുന്ന തുണികൾ ശേഖരിച്ച് പോളിങ് ബൂത്തുകളിൽ മൊബൈൽ ഫോണുകൾ സൂക്ഷിക്കാനുള്ള 'ഹരിത മൊബൈൽ കീപ്പിംഗ് പൗച്ച്' ആക്കി മാറ്റുന്ന പദ്ധതി ജില്ലാ കളക്ടർ ജി.പ്രിയങ്ക നിർവഹിച്ചു.
ഹരിത കേരളം മിഷൻ,ശുചിത്വ മിഷൻ എന്നിവയുമായി സഹകരിച്ചാണ് ഈ പുതിയ ഉദ്യമം.
പഴയ തുണികൾ ശേഖരിച്ച് പോളിങ് ബൂത്തുകളിൽ മൊബൈൽ ഫോണുകൾ സൂക്ഷിക്കാനുള്ള 'ഹരിത മൊബൈൽ കീപ്പിങ് പൗച്ച്' ആക്കി മാറ്റുന്ന പദ്ധതിയുടെ ഭാഗമായി കാക്കനാട് സിവിൽ സ്റ്റേഷനിൽ കളക്ഷൻ സെന്റർ ആരംഭിച്ചു .
പൊതുജനങ്ങൾക്ക് വ്യാഴാഴ്ച്ച വരെ പഴയ തുണികൾ കളക്ഷൻ സെന്ററിൽ നൽകാം. പഴയ വസ്ത്രങ്ങൾ, സാരികൾ, ബെഡ്ഷീറ്റുകൾ എന്നിവയാണ് സ്വീകരിക്കുക. കോട്ടൺ തുണികൾ മാത്രമേ സ്വീകരിക്കുകയുള്ളൂ.
ഇത്തരത്തിൽ ശേഖരിക്കുന്ന തുണികൾ ഉപയോഗിച്ച് 9 മുതൽ 12 ഫോണുകൾ വരെ സൂക്ഷിക്കാവുന്ന മൊബൈൽ ഫോൺ പൗച്ചുകൾ നിർമ്മിക്കുന്നത് കുടുംബശ്രീ യൂണിറ്റുകളാണ്. ജില്ലയിലെ 3,148 ബൂത്തുകൾക്കുമായി ഏകദേശം 3,200 പൗച്ചുകളാണ് നിർമ്മിക്കുക.
ഐ. എം. എ ഹൗസ്, സെന്റ് ആൽബർട്ട് കോളേജ്, സെന്റ് തെരേസാസ് കോളേജ് എന്നിവിടങ്ങളിലും കളക്ഷൻ സെന്ററുകൾ പ്രവർത്തനം ആരംഭിച്ചു.

23/03/2026

മാതൃകയായി പയ്യന്നൂർ കോളേജ് വിദ്യാർത്ഥികൾ; ലോക ജലദിനത്തിൽ എടാട്ട് പറമ്പത്ത് കുളം ശുചീകരിച്ചു💚

ലോക ജലദിനത്തോടനുബന്ധിച്ച് ജലസ്രോതസ്സുകൾ സംരക്ഷിക്കുക എന്ന സന്ദേശമുയർത്തി കണ്ണൂർ
പയ്യന്നൂർ കോളേജ് വിദ്യാർത്ഥികളുടെ നേതൃത്വത്തിൽ 'ജലാശയ ശുചീകരണ യജ്ഞം' സംഘടിപ്പിച്ചു. പദ്ധതിയുടെ ഒന്നാം ഘട്ടമായി എടാട്ട് പറമ്പത്ത് കുളമാണ് വിദ്യാർത്ഥികൾ വൃത്തിയാക്കിയത്.
ഞായറാഴ്ച രാവിലെ 9 മണിക്ക് ആരംഭിച്ച ശുചീകരണ പ്രവർത്തനങ്ങളിൽ നിരവധി എൻ.എസ്.എസ് വോളന്റിയർമാരും മറ്റ് വിദ്യാർത്ഥികളും പങ്കെടുത്തു.
ഹരിതകേരളം മിഷന്റെ ലക്ഷ്യങ്ങൾക്ക് കരുത്തുപകരുന്നതായിരുന്നു വിദ്യാർത്ഥികളുടെ ഈ കൂട്ടായ്മ. അവധി ദിവസമായിട്ടുപോലും വലിയ ആവേശത്തോടെയാണ് വിദ്യാർത്ഥികൾ കുളത്തിലിറങ്ങി മാലിന്യങ്ങളും ചെളിയും നീക്കം ചെയ്തത്. വേനൽ കടുക്കുന്ന സാഹചര്യത്തിൽ വറ്റിവരളുന്ന ജലാശയങ്ങളെ വീണ്ടെടുക്കാനും വരും തലമുറയ്ക്കായി ജലം സംരക്ഷിക്കാനുമുള്ള വലിയൊരു സന്ദേശമാണ് ഈ കൂട്ടായ്മയിലൂടെ സമൂഹത്തിന് നൽകുന്നത്.

Haritha Keralam Mission

25/08/2026

06/08/2026

25/07/2026

03/07/2026

01/07/2026

04/06/2026

14/04/2026

04/04/2026

31/03/2026

23/03/2026

Address

Website

Alerts

Contact The Organization

Shortcuts

Share

Listing takedown request