Kerala State Electricity Board, Vyduthi Bhavan, Thiruvananthapuram (2026)

06/10/2026

പുരപ്പുറ സൗരോർജ്ജ പദ്ധതിയായ പി എം സൂര്യഘർ മുഫ്ത് ബിജിലി യോജനയുടെ പ്രചാരണാർത്ഥം സംഘടിപ്പിച്ചിരിക്കുന്ന സേവ സേതു കാമ്പെയ്ൻ 2026 ഒക്ടോബർ 7,8,9 എന്നീ ദിവസങ്ങളിലൊന്നിൽ എല്ലാ കെ എസ് ഇ ബി ഇലക്ട്രിക്കൽ സർക്കിൾ കേന്ദ്രീകരിച്ചും നടത്തുന്നതാണ്.

കാമ്പെയ്ൻ കേന്ദ്രങ്ങളിൽ, പുതുതായി പുരപ്പുറ സൗരോർജ്ജ നിലയങ്ങൾക്കായി രജിസ്റ്റർ ചെയ്യാനും അംഗീകൃത സോളാർ വെൻഡർമാരെ പരിചയപ്പെടാനും ബാങ്ക് ലോൺ സാധ്യത ആരായാനും അവസരമുണ്ടായിരിക്കും. നിലവിലെ ഉപഭോക്താക്കൾക്ക് സംശയനിവാരണത്തിനായി ഹെൽപ്ഡെസ്കും സജ്ജീകരിക്കുന്നതാണ്.

ഏവർക്കും സ്വാഗതം.

06/10/2026

ഇടമൺ 400 കെ.വി. ജി.ഐ.എസ്. സബ്സ്റ്റേഷന്റെ നിർമ്മാണോദ്ഘാടനം ഇന്ന് ബഹു. വൈദ്യുതി വകുപ്പ് മന്ത്രി അഡ്വ. സണ്ണി ജോസഫ് നിര്‍‍വ്വഹിക്കും.

ഇടമണ്‍ 400 കെ.വി. ജി.ഐ.എസ്. സബ്സ്റ്റേഷന്റെ നിര്‍‍മ്മാണോദ്ഘാടനം ബഹു. വൈദ്യുതി, പരിസ്ഥിതി, പാര്‍‍ലമെന്ററികാര്യ വകുപ്പ് മന്ത്രി അഡ്വ. സണ്ണി ജോസഫ് ഇന്ന് നിര്‍വ്വഹിക്കും. ശ്രീ. സി. അജയപ്രസാദ് എം എൽ എയുടെ അധ്യക്ഷതയില്‍‍ ചേരുന്ന യോഗത്തില്‍‍ ശ്രീ. എന്‍‍.കെ. പ്രേമചന്ദ്രന്‍‍ എം.പി. മുഖ്യാതിഥിയായിരിക്കും. കൊല്ലം ജില്ലാപഞ്ചായത്ത് പ്രസിഡന്റ് ശ്രീമതി ആര്‍‍. ലതദേവി, ജില്ലാ കളക്ടര്‍‍ ശ്രീമതി ആനി ജൂല തോമസ് ഐ.എ.എസ്., ജനപ്രതിനിധികള്‍, വിവിധ രാഷ്ട്രീയകക്ഷി നേതാക്കള്‍‍ തുടങ്ങിയവര്‍‍‍ ആശംസകള്‍ അര്‍‍പ്പിക്കുന്ന യോഗത്തില്‍‍ കെ.എസ്.ഇ.ബി. ചെയര്‍മാന്‍‍ & മാനേജിംഗ് ഡയറക്ടര്‍‍‍ ഡോ. എം.ജി. രാജമാണിക്യം ഐ.എ.എസ്. സ്വാഗതപ്രസംഗവും, ട്രാന്‍സ്മിഷന്‍‍‍ & സിസ്റ്റം ഓപ്പറേഷന്‍‍ വിഭാഗം ഡയറക്ടര്‍‍‍ ശ്രീ. ശിവദാസ് എസ്. റിപ്പോര്‍‍ട്ട് അവതരണവും നടത്തും.

വോള്‍ട്ടേജ് ക്ഷാമം പരിഹരിക്കുന്നതിനും, പ്രസരണ നഷ്ടം കുറയ്ക്കുന്നതിനും ഉപഭോക്താക്കള്‍‍ക്ക് ഗുണമേന്മയുള്ള വൈദ്യുതി തടസ്സരഹിതമായി എത്തിക്കുന്നതിനുമായി പ്രസരണ മേഖല ശക്തിപ്പെടുത്തുകയെന്ന ലക്ഷ്യത്തോടെ നിരവധി പദ്ധതികളാണ് സംസ്ഥാന സര്‍‍ക്കാരും കെ.എസ്.ഇ.ബി.യും ആസൂത്രണം ചെയ്ത് നടപ്പാക്കി വരുന്നത്.

1978-ല്‍‍‍‍ പ്രവര്‍‍‍ത്തനമാരംഭിച്ച ഇടമണ്‍‍ 220 കെ.വി. സബ്സ്റ്റേഷന്‍‍‍‍ തെക്കന്‍‍ കേരളത്തിലെ പ്രസരണ ശൃംഖലയില്‍‍‍ ഒരു സുപ്രധാന കേന്ദ്രമായാണ് കണക്കാക്കപ്പെടുന്നത്. ഈ സബ്സ്റ്റേഷന്റെ ശേഷി 400 കെ.വി.യായി ഉയര്‍‍ത്തുന്നതോടെ കോട്ടയം, കൊച്ചി, തിരുനെല്‍വേലി എന്നിവിടങ്ങളിലെ 400 കെ.വി. സബ്സ്റ്റേഷനുകള്‍ തമ്മില്‍‍ കണക്റ്റിവിറ്റി സാധ്യമാകും. ഇതിലൂടെ കേരളത്തിന്റെ ഭാവി വൈദ്യുതി ആവശ്യം നിറവേറ്റുന്നതിനായി വൈദ്യുതി ഇറക്കുമതിശേഷി വര്‍ദ്ധിപ്പിക്കുവാന്‍‍ കഴിയും. കൂടാതെ തലസ്ഥാന ജില്ലയായ തിരുവനന്തപുരത്തിനും കൊല്ലം, പത്തനംതിട്ട, ആലപ്പുഴ എന്നീ ജില്ലകളിലും സുസ്ഥിരവൈദ്യുതി ലഭ്യത ഉറപ്പാക്കാനും ഈ പദ്ധതി സഹായകരമായിത്തീരും.

403.5 കോടി രൂപയുടെ ഭരണാനുമതി ലഭിച്ച ഈ പദ്ധതി 42 മാസത്തിനുള്ളില്‍‍ പൂര്‍‍ത്തീകരിക്കാനാണ് ലക്ഷ്യമിടുന്നത്.

രാവിലെ 10ന് ഇടമൺ മോറിയ മാർത്തോമ പാരിഷ് ഹാളിലാണ് ഉദ്ഘാടനച്ചടങ്ങ് നടക്കുക.

ഏവർക്കും സ്വാഗതം

05/10/2026

മുരിക്കാശ്ശേരി 110 കെ വി സബ്സ്റ്റേഷൻ നാടിനു സമർപ്പിക്കുന്നു

05/10/2026

നിർമ്മലാസിറ്റി 220 കെ വി ഗ്യാസ് ഇൻസുലേറ്റഡ് സബ്സ്റ്റേഷൻ നിർമ്മാണോദ്ഘാടനം നിർവ്വഹിക്കുന്നു

05/10/2026

പുഷ്പകണ്ടം 110 കെ വി ഗ്യാസ് ഇൻസുലേറ്റഡ് സബ്സ്റ്റേഷൻ നിർമ്മാണോദ്ഘാടനം നിർവ്വഹിക്കുന്നു

04/10/2026

മുരിക്കാശ്ശേരി 110 കെ.വി. സബ്സ്റ്റേഷന്‍‍ ബഹു. വൈദ്യുതി വകുപ്പ് മന്ത്രി
അഡ്വ. സണ്ണി ജോസഫ് നാടിന് സമർപ്പിക്കും

മുരിക്കാശ്ശേരി 110 കെ.വി. സബ്സ്റ്റേഷന്‍ ബഹു. വൈദ്യുതി, പരിസ്ഥിതി, പാര്‍ലമെന്ററികാര്യ വകുപ്പ് മന്ത്രി അഡ്വ. സണ്ണി ജോസഫ് ഒക്ടോബര്‍ 5-ന് ഉദ്ഘാടനം ചെയ്യും.

സബ്സ്റ്റേഷന്‍‍ പരിസരത്ത് വൈകിട്ട് 4-ന് നടക്കുന്ന ചടങ്ങില്‍ ഇടുക്കി എം.എല്‍.എ. ശ്രീ. റോയി കെ. പൗലോസ് അധ്യക്ഷത വഹിക്കും. സര്‍ക്കാര്‍‍ ചീഫ് വിപ്പ് ശ്രീ. അപു ജോണ്‍‍ ജോസഫ് മുഖ്യാതിഥിയും ഇടുക്കി എം.പി. അഡ്വ. ഡീന്‍ കുര്യാക്കോസ് വിശിഷ്ടാതിഥിയുമാവുന്ന യോഗത്തില്‍ ഇടുക്കി ജില്ലാ പഞ്ചായത്ത് പ്രസിഡണ്ട് പ്രൊഫ. ഷീല സ്റ്റീഫന്‍, ഇടുക്കി ജില്ലാ കളക്ടര്‍‍ ഡോ. ദിനേശ് ചെറുവാട്ട് ഐ.എ.എസ്., ജനപ്രതിനിധികള്‍‍, വിവിധ രാഷ്ട്രീയ കക്ഷി പ്രതിനിധികള്‍‍ എന്നിവര്‍‍ ആശംസകള്‍ അര്‍പ്പിക്കും. കെ.എസ്.ഇ.ബി.എല്‍ ചെയര്‍മാന്‍‍ & മാനേജിംഗ് ഡയറക്ടര്‍‍ ഡോ. എം.ജി. രാജമാണിക്യം ഐ.എ.എസ്. സ്വാഗതവും, ട്രാന്‍‍സ്മിഷന്‍‍ & സിസ്റ്റം ഓപ്പറേഷന്‍‍സ് വിഭാഗം ഡയറക്ടര്‍‍ ശ്രീ. ശിവദാസ് എസ്. റിപ്പോര്‍‍ട്ടും അവതരിപ്പിക്കും.

മലയോര മേഖലയില്‍‍ വൈദ്യുതി രംഗത്തെ സമഗ്രവികസനം ലക്ഷ്യമിട്ട് നിരവധി പദ്ധതികള്‍‍ സര്‍‍ക്കാരും കെ എസ് ഇ ബിയും ആസൂത്രണം ചെയ്ത് നടപ്പാക്കി വരികയാണ്. വാത്തിക്കുടി ഗ്രാമപഞ്ചായത്തിലെ ഉപഭോക്താക്കള്‍ക്ക് ഗുണമേന്മയുള്ള വൈദ്യുതി ലഭ്യമാകുമെന്ന് മാത്രമല്ല, കാര്‍‍‌ഷിക മേഖലയുടെ അഭിവൃദ്ധിക്കും ഈ സബ്സ്റ്റേഷന്‍‍‍ വലിയ പങ്കായിരിക്കും വഹിക്കുക.

04/10/2026

പുഷ്പകണ്ടം, നിര്‍മ്മലാസിറ്റി ജി.ഐ.എസ്. സബ്സ്റ്റേഷനുകളുടേയും അനുബന്ധ ലൈനുകളുടേയും നിര്‍‍മ്മാണോദ്ഘടനം നാളെ
ബഹു. വൈദ്യുതി വകുപ്പ് മന്ത്രി അഡ്വ. സണ്ണി ജോസഫ് നിര്‍‍വ്വഹിക്കും.

110 കെ.വി. പുഷ്പകണ്ടം ജി.ഐ.എസ്. സബ്സ്റ്റേഷന്റേയും, അനുബന്ധ ലൈനുകളുടേയും നിര്‍മ്മാണോദ്ഘാടനം തൂക്കുപാലം മംഗല്യ ഓഡിറ്റോറിയത്തില്‍‍ ഒക്ടോബര്‍‍ 5 രാവിലെ 10.30-നും, 220 കെ.വി. ജി.ഐ.എസ്. സബ്സ്റ്റേഷന്‍‍ നിര്‍‍മ്മാലാസിറ്റിയുടേയും അനുബന്ധ ലൈനുകളുടേയും നിര്‍മ്മാണോദ്ഘാടനം കട്ടപ്പന മുനിസിപ്പല്‍‍ ഹാളില്‍‍‍ ഉച്ചയ്ക്ക് 2.30-നും ബഹു. വൈദ്യുതി, പരിസ്ഥിതി, പാര്‍‍ലമെന്ററി കാര്യവകുപ്പ് മന്ത്രി അഡ്വ. സണ്ണി ജോസഫ് നിര്‍‍വ്വഹിക്കും.

ഉടമ്പന്‍ചോല എം.എല്‍.എ അഡ്വ സേനാപതി വേണുവിന്റെ അധ്യക്ഷതയില്‍‍ പുഷ്പകണ്ടം 110 കെ.വി. സബ്സ്റ്റേഷന്‍ നിര്‍മ്മാണോദ്ഘാടനവും, ഇടുക്കി എം.എല്‍.എ. ശ്രീ. റോയ് കെ. പൗലോസിന്റെ അധ്യക്ഷതയില്‍‍‍‍ നിര്‍‍മ്മലാസിറ്റി 220 കെ.വി. സബ്സ്റ്റേഷന്റെ നിര്‍‍മ്മാണോദ്ഘാടനവും നടക്കും. ഇരു യോഗങ്ങളിലും ഇടുക്കി എം.പി. അഡ്വ. ഡീന്‍ ‍കുര്യാക്കോസ് മുഖ്യാത്ഥിയായി പങ്കെടുക്കും.

ഇടുക്കി ജില്ലാപഞ്ചായത്ത് പ്രസിഡന്റ് പ്രൊഫ. ഷീല സ്റ്റീഫന്‍‍, ഇടുക്കി ജില്ലാകളക്ടര്‍ ഡോ. ദിനേശന്‍ ചെറുവാട്ട് ഐ.എ.എസ്., ജനപ്രതിനിധികള്‍‍‍, വിവിധ രാഷ്ട്രീയകക്ഷി നേതാക്കള്‍‍‍ എന്നിവര്‍ ആശംസാ പ്രസംഗങ്ങള്‍ നടത്തും. കെ.എസ്.ഇ.ബി. ചെയര്‍മാന്‍‍ & മാനേജിംഗ് ഡയറക്ടര്‍ ഡോ. എം.ജി. രാജമാണിക്യം ഐ.എ.എസ്. സ്വാഗതമാശംസിക്കുന്ന ചടങ്ങില്‍‍ ട്രാന്‍‍സ്മിഷന്‍‍ & സിസ്റ്റം ഓപ്പറേഷന്‍‍‍ വിഭാഗം ഡയറക്ടര്‍ ശ്രീ. ശിവദാസ് എസ്. റിപ്പോര്‍ട്ട് അവതരിപ്പിക്കും.

ഇടുക്കി ജില്ലയിലെ പുനരുപയോഗ ഊര്‍‍ജ്ജ സ്രോതസ്സുകള്‍‍ പരമാവധി ഉപയോഗപ്പെടുത്തുന്നതിനും, ഉപഭോക്താക്കള്‍ക്ക് ഗുണമേന്മയുള്ള വൈദ്യുതി എത്തിക്കുന്നതിനും കാര്‍ഷിക, വ്യാവസായിക, വാണിജ്യ മേഖലയുടെ സമഗ്ര പുരോഗതി ലക്ഷ്യമിട്ടും വിഭാവന ചെയ്തിട്ടുള്ള രാമക്കല്‍മേട് ഗ്രീന്‍ എനര്‍‍ജി കോറിഡോര്‍‍ പദ്ധതിയുടെ ഭാഗമായാണ് ഈ രണ്ട് സബ്സ്റ്റേഷനുകളും നിര്‍‍മ്മിക്കുന്നത്. ഇടുക്കി ജലവൈദ്യുത പദ്ധതിയുടെ രണ്ടാംഘട്ട വികസനത്തിലൂടെയും അഞ്ചുരുളി ഫ്ലോട്ടിംഗ് സോളാര്‍‍ പദ്ധതിയിലൂടെയും ഉത്പാദിപ്പിക്കുന്ന വൈദ്യുതി സംസ്ഥാന ഗ്രിഡില്‍ എത്തിക്കുന്നതിനും ഈ സബ്സ്റ്റേഷനുകള്‍ സഹായിക്കും.

03/10/2026

വൈദ്യുതി ലൈനിലെ അറ്റകുറ്റപ്പണികൾക്കിടെയുണ്ടായ അപകടത്തിൽ കെ എസ് ഇ ബി കുറവിലങ്ങാട് സെക്ഷനിലെ ലൈൻമാനായ വിനോദ് ജോർജ് (50) മരണമടഞ്ഞു.

ആദരാഞ്ജലി 🙏🏽

01/10/2026

വൈദ്യുതി ലൈനിനു സമീപമുള്ള വൃക്ഷത്തലപ്പുകൾ നീക്കം ചെയ്യുന്നത് നമ്മുടെ സുരക്ഷയ്ക്കായാണ്.

30/09/2026

കുറ്റിക്കോല്‍ 110 കെ.വി. സബ്സ്റ്റേഷന്‍ വൈദ്യുതി വകുപ്പ് മന്ത്രി
അഡ്വ. സണ്ണി ജോസഫ് നാടിന് സമർപ്പിക്കും

കാസര്‍ഗോഡ് ജില്ലയിലെ കുറ്റിക്കോല്‍ 110 കെ.വി. സബ്സ്റ്റേഷന്‍‍ വൈദ്യുതി, പരിസ്ഥിതി, പാര്‍ലമെന്ററികാര്യ വകുപ്പ് മന്ത്രി അഡ്വ. സണ്ണി ജോസഫ് നാളെ ഉദ്ഘാടനം ചെയ്യും. കുറ്റിക്കോല്‍ 110 കെ.വി. സബ്സ്റ്റേഷന്‍ പരിസരത്ത് വൈകിട്ട് 4-നാണ് ഉദ്ഘാടന ചടങ്ങ് സംഘടിപ്പിച്ചിട്ടുള്ളത്. ഉദുമ നിയോജക മണ്ഡലം എം.എല്‍.എ. ശ്രീ. കെ. നീലകണ്ഠന്‍ അധ്യക്ഷത വഹിക്കുന്ന യോഗത്തില്‍ അഡ്വ. രാജ്മോഹന്‍‍‍ ഉണ്ണിത്താന്‍ എം.പി. വിശിഷ്ടാതിഥിയായിരിക്കും. മുന്‍‍ എം.എല്‍‌.എ. ശ്രീ.സി.എച്ച്. കുഞ്ഞമ്പു, ജില്ലാ പഞ്ചായത്ത് പ്രസിഡണ്ട് ശ്രീ. സാബു എബ്രഹാം, ജില്ലാ കളക്ടര്‍ ശ്രീമതി ശ്രീധന്യ സുരേഷ് ഐ.എ.എസ്., ജനപ്രതിനിധികള്‍, വിവിധ രാഷ്ട്രീയകക്ഷി പ്രതിനിധികള്‍, ഉദ്യോഗസ്ഥ പ്രമുഖര്‍ തുടങ്ങിയവര്‍ ആശംസകൾ അർപ്പിക്കും.

കെ.എസ്.ഇ.ബി. ചെയര്‍മാന്‍‍ & മാനേജിംഗ് ഡയറക്ടര്‍ ഡോ. എം.ജി. രാജമാണിക്യം ഐ.എ.എസ്. സ്വാഗതം ആശംസിക്കുന്ന ചടങ്ങില്‍ ട്രാന്‍‍സ്മിഷന്‍‍‍‍ & സിസ്റ്റം ഓപ്പറേഷന്‍‍സ് വിഭാഗം ഡയറക്ടര്‍ ശിവദാസ് എസ്. റിപ്പോര്‍‍ട്ട് അവതരിപ്പിക്കും.

ഗുണമേന്മയുള്ള വൈദ്യുതി തടസ്സരഹിതമായി ഉപഭോക്താക്കള്‍ക്ക് ലഭ്യമാക്കുന്നതിന് പ്രസരണ-വിതരണ മേഖലകളില്‍ നിരവധി നൂതന പദ്ധതികള്‍ സര്‍‍ക്കാരും ബോര്‍ഡും ആസൂത്രണം ചെയ്ത് നടപ്പാക്കി വരികയാണ്. പ്രസരണ മേഖലയില്‍ നിലവിലുള്ള സബ്സ്റ്റേഷനുകളുടെ ശേഷി വര്‍ദ്ധിപ്പിക്കുന്നതിനും പുതുതായി സബ്സ്റ്റേഷനുകള്‍ ആരംഭിക്കുന്നതിനുമുള്ള പ്രവര്‍ത്തനങ്ങള്‍ വളരെവേഗം പുരോഗമിക്കുകയാണ്. കുറ്റിക്കോല്‍, ബേഡഡുക്ക പഞ്ചായത്തുകളുടെ സുസ്ഥിര വികസനത്തിന് കുറ്റിക്കോല്‍ 110 കെ.വി. സബ്സ്റ്റേഷന്‍ വഴിയൊരുക്കും.

Kerala State Electricity Board

06/10/2026

06/10/2026

05/10/2026

05/10/2026

05/10/2026

04/10/2026

04/10/2026

03/10/2026

01/10/2026

30/09/2026

Address

Telephone

Website

Alerts

Contact The Organization

Shortcuts

Share

Category

Listing takedown request