http://www.foodsafety.kerala.gov.in/, https://www.instagram.com/cfskerala?utm_source=ig_web_button_share_sheet&igsh=ZDNl

Food Safety Kerala, Commissioner of Food Safety, Thycaud P. O Thiruvananthapuram/Kerala. Phno :0471/2322833, 2322844, Thiruvananthapuram (2026)

Q: What is the address?

Commissioner Of Food Safety, Thycaud P. O Thiruvananthapuram/Kerala. Phno :0471/2322833, 2322844

30/09/2026

ഓപ്പറേഷൻ തെളിമ | സംസ്ഥാനവ്യാപക RUCO പ്രത്യേക ഡ്രൈവ്

ഉപയോഗിച്ച പാചക എണ്ണ വീണ്ടും വീണ്ടും ചൂടാക്കി ഭക്ഷണത്തിൽ ഉപയോഗിക്കുന്നതിനെതിരെ കേരള ഭക്ഷ്യസുരക്ഷാ വകുപ്പിന്റെ ശക്തമായ പരിശോധന!

ഹോട്ടലുകൾ, റെസ്റ്റോറന്റുകൾ, ചായക്കടകൾ, തട്ടുകടകൾ, വഴിയോര ഭക്ഷണശാലകൾ, പൊരിച്ച പലഹാരങ്ങൾ തയ്യാറാക്കുന്ന സ്ഥാപനങ്ങൾ എന്നിവിടങ്ങളിൽ Evening & Night Squads പ്രത്യേക പരിശോധന നടത്തി.

ഒറ്റ രാത്രി, 998 പരിശോധനകൾ!
71 പ്രത്യേക സ്ക്വാഡുകൾ
407 ലിറ്റർ നിലവാരമില്ലാത്ത എണ്ണ നീക്കം ചെയ്തു
54 സാമ്പിളുകൾ ശേഖരിച്ചു
39 സ്ഥാപനങ്ങൾ അടച്ചുപൂട്ടി
72 നോട്ടീസുകൾ നൽകി
229 സ്ഥാപനങ്ങൾക്ക് പിഴ ചുമത്താൻ ശുപാർശ

⚠️ TPC 25% കടന്നാൽ, ആ എണ്ണ ഭക്ഷണത്തിലേക്ക് ഇല്ല!
ഉപയോഗിച്ച എണ്ണ വീണ്ടും ഭക്ഷണത്തിലേക്കല്ല; RUCO സംവിധാനത്തിലൂടെ സുരക്ഷിതമായ പുനരുപയോഗത്തിലേക്ക്.

ഇത് ഒരു ദിവസത്തെ പരിശോധനയല്ല, ഓപ്പറേഷൻ തെളിമ തുടരും!

തെളിമയുള്ള എണ്ണ… സുരക്ഷിതമായ ഭക്ഷണം… ആരോഗ്യകരമായ കേരളം!

#ഓപ്പറേഷൻതെളിമ #ആരോഗ്യകരമായകേരളം

28/09/2026

പാക്കറ്റ് ഫുഡ് വാങ്ങുമ്പോൾ ലേബലിൽ INS 2XX, INS 1XX, INS 6XX പോലുള്ള നമ്പറുകൾ ശ്രദ്ധിച്ചിട്ടുണ്ടോ?
ഇത് വെറും നമ്പറല്ല! ഭക്ഷണത്തിൽ ചേർത്ത അഡിറ്റീവുകളെ തിരിച്ചറിയാനുള്ള അന്താരാഷ്ട്ര കോഡ് (International Numbering System) ആണ്.

ഇനി മുതൽ ശ്രദ്ധിക്കാം:
ലേബലിലെ ചേരുവകളുടെ പട്ടിക (Ingredients list) വായിക്കുന്നത് ശീലമാക്കുക
ചില അഡിറ്റീവുകളോട് അലർജിയുള്ളവർ INS നമ്പർ നോക്കി ഉൽപ്പന്നം തിരഞ്ഞെടുക്കുക
കുട്ടികൾക്കുള്ള ഭക്ഷണത്തിൽ കൃത്രിമനിറങ്ങളും പ്രിസർവേറ്റീവുകളും പരിമിതപ്പെടുത്തുക
ചേരുവകളോ അഡിറ്റീവ് വിവരങ്ങളോ ഇല്ലാത്ത പായ്ക്കറ്റ് ഭക്ഷണം ഒഴിവാക്കുക
ഓർക്കുക: INS നമ്പർ ഉണ്ടെന്നത് കൊണ്ട് മാത്രം അഡിറ്റീവ് സുരക്ഷിതം എന്നല്ല അർത്ഥം. FSSAI അനുവദിച്ച അളവിലും തരത്തിലും മാത്രമേ ഇത് ഉപയോഗിക്കാവൂ. FSS (Labelling and Display) Regulations, 2020 പ്രകാരം, അഡിറ്റീവുകൾ ഫങ്ഷൻ പേരും INS നമ്പറും സഹിതം ലേബലിൽ കാണിക്കണം.
ലേബൽ വായിക്കാൻ മാറ്റിവെക്കുന്ന ഓരോ നിമിഷവും ആരോഗ്യത്തിലേക്ക് നയിക്കുന്ന മികച്ച തീരുമാനമാണ്.

ഈ അറിവ് നിങ്ങളുടെ കുടുംബത്തിനും സുഹൃത്തുക്കൾക്കും കൂടി പങ്കുവെക്കൂ! കൂടുതൽ വിവരങ്ങൾക്കും അപ്‌ഡേറ്റുകൾക്കുമായി ഈ പേജ് ഫോളോ ചെയ്യുക.

food

09/09/2026

പാക്കറ്റ് ഭക്ഷണങ്ങൾ വാങ്ങുമ്പോൾ ഇത് ശ്രദ്ധിക്കാറുണ്ടോ?

നാം വാങ്ങുന്ന പ്രോസസ്സ് ചെയ്ത ഭക്ഷണങ്ങളുടെ കവറുകളിൽ 'Total Sugar', 'Added Sugar' എന്നിങ്ങനെ രണ്ട് കാര്യങ്ങൾ എഴുതിയിരിക്കുന്നത് കാണാറില്ലേ? ഇവ തമ്മിലുള്ള പ്രധാന വ്യത്യാസം എന്താണെന്ന് അറിയാം:

📍 Total Sugars (ആകെ പഞ്ചസാര): ഭക്ഷണത്തിൽ സ്വാഭാവികമായി അടങ്ങിയിരിക്കുന്ന മധുരവും (ഉദാഹരണത്തിന് പഴങ്ങളിലെയും പാലിലെയും മധുരം) പുറമെ നിന്ന് ചേർക്കുന്ന മധുരവും ചേർന്ന ആകെ അളവാണിത്.
📍 Added Sugars (ചേർത്ത പഞ്ചസാര): ഭക്ഷണപദാർത്ഥങ്ങൾ ഉണ്ടാക്കുമ്പോഴോ പാകം ചെയ്യുമ്പോഴോ രുചിക്കും കേടാവാതിരിക്കാനുമായി പുറമെ നിന്ന് ചേർക്കുന്ന മധുരമാണിത്. ആരോഗ്യത്തിന് ഏറ്റവും ഹാനികരമാകുന്നതും ഇതാണ്.

ലേബൽ വായിക്കുമ്പോൾ ശ്രദ്ധിക്കേണ്ട കാര്യങ്ങൾ:
🛑 Added Sugars പ്രത്യേകം നോക്കുക: ഫുഡ് ലേബലുകളിൽ 'Total Sugars' മാത്രം നോക്കാതെ 'Added Sugars' എത്രത്തോളമുണ്ടെന്ന് പ്രത്യേകം പരിശോധിക്കുക.
🛑 FSSAI (Food Safety and Standards Authority of India) നിയമപ്രകാരം പാക്കറ്റ് ഭക്ഷണങ്ങളുടെ ന്യുട്രീഷൻ പാനലിൽ Total Sugars, Added Sugars എന്നിവയുടെ അളവ് നിർബന്ധമായും രേഖപ്പെടുത്തിയിരിക്കണം.
🛑 ഒരു സാധാരണ വ്യക്തിക്ക് (2000 kcal ഡയറ്റ് അടിസ്ഥാനമാക്കി) ഒരു ദിവസം ഉപയോഗിക്കാവുന്ന 'Added Sugar'-ന്റെ പരമാവധി അളവ് 50 ഗ്രാം മാത്രമാണ്.
നല്ല ആരോഗ്യം ഉറപ്പാക്കാൻ പാക്കറ്റ് ഭക്ഷണങ്ങൾ വാങ്ങുമ്പോൾ ലേബൽ വായിക്കാൻ ഏതാനും നിമിഷങ്ങൾ മാറ്റിവെക്കൂ. നിങ്ങളുടെ ഈ ചെറിയ ശ്രദ്ധ മികച്ചൊരു ആരോഗ്യകരമായ തീരുമാനത്തിലേക്കുള്ള ആദ്യപടിയാണ്!

കൂടുതൽ വിവരങ്ങൾക്കും അപ്‌ഡേറ്റുകൾക്കുമായി ഈ പേജ് ഫോളോ ചെയ്യുക.

KnowYourFood

05/09/2026

ട്രാൻസ് ഫാറ്റ് എന്ന നിശബ്ദ കൊലയാളി!
നിങ്ങളുടെ പ്രിയപ്പെട്ട പലഹാരങ്ങൾ നിങ്ങളുടെ ഹൃദയത്തിന് ഹാനികരമാവാം. പാക്കറ്റ് ഭക്ഷണങ്ങൾ വാങ്ങുമ്പോൾ ശ്രദ്ധിക്കേണ്ട ചില കാര്യങ്ങൾ ഇതാ:

ലേബൽ പരിശോധിക്കുക: ഭക്ഷണത്തിന്റെ കവറിലെ 'Nutrition Facts' ലേബലിൽ ട്രാൻസ് ഫാറ്റിന്റെ അളവ് എത്രയാണെന്ന് കൃത്യമായി പരിശോധിക്കുക.

ചേരുവകൾ ശ്രദ്ധിക്കുക: ചേരുവകളുടെ ലിസ്റ്റിൽ (Ingredients List) "Partially Hydrogenated Vegetable Oil" (ഭാഗികമായി ഹൈഡ്രജനേറ്റഡ് പച്ചക്കറി എണ്ണ) അല്ലെങ്കിൽ "വനസ്പതി" (Vanaspati) എന്ന് കണ്ടാൽ അത് ഒഴിവാക്കുന്നതാണ് നല്ലത്.

ഫുഡ് സേഫ്റ്റി ആൻഡ് സ്റ്റാൻഡേർഡ്സ് ആക്റ്റ് 2006 പ്രകാരം, ഒരു ഭക്ഷണ പദാർത്ഥത്തിലെ മൊത്തം എണ്ണ/കൊഴുപ്പിന്റെ 2%-ൽ കൂടുതൽ ട്രാൻസ് ഫാറ്റ് ഉണ്ടാകാൻ പാടില്ല.
100 ഗ്രാം അല്ലെങ്കിൽ 100 മില്ലി ലിറ്ററിൽ 0.2 ഗ്രാമിൽ താഴെ മാത്രമാണ് ട്രാൻസ് ഫാറ്റ് എങ്കിൽ മാത്രമേ ഉൽപ്പന്നങ്ങളിൽ TRANS FAT FREE എന്ന് രേഖപ്പെടുത്താൻ അനുമതിയുള്ളൂ.

ട്രാൻസ് ഫാറ്റ് ഇല്ലാത്ത ആരോഗ്യകരമായ ഭക്ഷണങ്ങൾ തിരഞ്ഞെടുക്കുക. നിങ്ങളുടെ ആരോഗ്യം നിങ്ങളുടെ കൈകളിലാണ്!
കൂടുതൽ വിവരങ്ങൾക്കും അപ്‌ഡേറ്റുകൾക്കുമായി ഈ പേജ് ഫോളോ ചെയ്യുക.

02/09/2026

ലേബൽ വായിക്കാം, ഹെൽത്തിയായിരിക്കാം🚨

നമ്മൾ മലയാളികൾ വലിയ ഭക്ഷണപ്രിയരാണ്, എന്ത് പുതിയ രുചി വന്നാലും അത് എവിടെയാണെങ്കിലും നമ്മൾ അത് തേടി പോകും.
എന്നാൽ നമ്മൾ കഴിക്കുന്ന ഭക്ഷണം എത്രത്തോളം സുരക്ഷിതമാണെന്ന് ചിന്തിച്ചിട്ടുണ്ടോ? അത് എത്ര നല്ല ബ്രാന്ഡായിക്കോട്ടെ, നല്ല പാക്ക് ആയിക്കോട്ടെ, ഇനി മുതൽ എങ്കിലും പാക്കേജ് ഭക്ഷണം വാങ്ങും മുൻപ് ആ ലേബൽ ഒന്ന് വായിച്ചു നോക്കാം.

ഭക്ഷ്യ സുരക്ഷാ വകുപ്പിന്റെ പുതിയ കാമ്പെയ്നായ 'Know your Food' നൊപ്പം (നിങ്ങളുടെ ഭക്ഷണത്തെ അറിയൂ) നമുക്കൊന്നിച്ചു പുതിയൊരു ശീലം തുടങ്ങാം.

എന്തുകൊണ്ട് നമ്മൾ കഴിക്കുന്ന ഭക്ഷണത്തെ അറിയണം?
നാം വാങ്ങുന്ന പാക്കറ്റ് ഭക്ഷണങ്ങൾ, മറ്റ് ഭക്ഷ്യവസ്തുക്കൾ എന്നിവയിൽ അടങ്ങിയിരിക്കുന്ന ചേരുവകളെയും (Ingredients) അവയുടെ ഗുണനിലവാരത്തെയും കുറിച്ച് ബോധവാന്മാരായിരിക്കുക എന്നത് ഓരോ ഉപഭോക്താവിന്റെയും അവകാശമാണ്.
മായം കലർന്നതും കാലഹരണപ്പെട്ടതുമായ (Expired) ഭക്ഷണസാധനങ്ങൾ തിരിച്ചറിയാനും, കൃത്യമായ ലേബലിംഗ് പരിശോധിച്ചു മാത്രം വാങ്ങാനും ഈ കാമ്പെയ്ൻ ഓർമ്മിപ്പിക്കുന്നു.
"സുരക്ഷിത ഭക്ഷണം, ആരോഗ്യകരമായ ജീവിതം" എന്ന ലക്ഷ്യത്തിലേക്കായി ഉപഭോക്താക്കളായ നമുക്കും ഈ കാമ്പെയ്നൊപ്പം കൈകോർക്കാം; ജാഗ്രത പുലർത്താം.
സംശയങ്ങളോ പരാതികളോ ഉണ്ടെങ്കിൽ ബന്ധപ്പെടുക: ടോൾ ഫ്രീ നമ്പർ: 1800 425 1125
ഭക്ഷ്യ സുരക്ഷാ വകുപ്പ്, കേരള സർക്കാർ

01/09/2026

നമ്മൾ വാങ്ങുന്ന ഓരോ പാക്കറ്റ് ഭക്ഷ്യവസ്തുവിനും ഒരു കഥയുണ്ട്. ആ കഥ പറയുന്നത് അതിലെ ലേബലാണ്.
ഭക്ഷണം വാങ്ങുന്നതിന് മുമ്പ് അതിലെ ഘടകങ്ങൾ (Ingredients), പോഷക വിവരങ്ങൾ (Nutrition Facts), നിർമ്മാണ തീയതി, കാലാവധി, അലർജി മുന്നറിയിപ്പുകൾ, FSSAI ലൈസൻസ് നമ്പർ എന്നിവ വായിച്ച് മനസ്സിലാക്കുക.
ലേബൽ വായിക്കുന്നത് ഒരു ശീലം മാത്രമല്ല, നിങ്ങളുടെയും കുടുംബത്തിന്റെയും ആരോഗ്യത്തെ സംരക്ഷിക്കുന്ന ഉത്തരവാദിത്തമുള്ള ഒരു തീരുമാനമാണ്. കൂടുതൽ പഞ്ചസാര, ഉപ്പ്, കൊഴുപ്പ് എന്നിവ അടങ്ങിയ ഉൽപ്പന്നങ്ങൾ തിരിച്ചറിയാനും ആരോഗ്യകരമായ തിരഞ്ഞെടുപ്പുകൾ നടത്താനും ലേബൽ സഹായിക്കുന്നു.
നിങ്ങളും കുടുംബവും കഴിക്കുന്ന ഭക്ഷണം എന്താണെന്ന് അറിയാനുള്ള അവകാശം നിങ്ങൾക്കുണ്ട് - അതിനുള്ള ആദ്യപടിയാണ് ലേബൽ വായന.
ഇതിന്റെ അടിസ്ഥാനത്തിൽ, ജനങ്ങളിൽ ലേബൽ വായനയെക്കുറിച്ചുള്ള അവബോധം വളർത്തുക എന്ന ലക്ഷ്യത്തോടെ ഭക്ഷ്യ സുരക്ഷാ വകുപ്പ് ഒരു ബോധവൽക്കരണ ക്യാമ്പയിൻ ഉടൻ ആരംഭിക്കുകയാണ്...
"Know Your Food - Look, Read and Choose Right" എന്ന സന്ദേശവുമായി കൂടുതൽ വിവരങ്ങൾ വരും ദിവസങ്ങളിൽ പങ്കുവെക്കുന്നതാണ്.
കൂടുതൽ അപ്‌ഡേറ്റുകൾക്കായി ഞങ്ങളോടൊപ്പം തുടരുക...
Stay tuned...

29/08/2026

ഓണക്കാലത്ത് കേരളത്തിലേക്ക് അതിർത്തികൾ കടന്നെത്തുന്ന പാലിന്റെ ഗുണനിലവാരം ഉറപ്പാക്കാൻ ഭക്ഷ്യസുരക്ഷാ വകുപ്പിന്റെ സ്പെഷ്യൽ സ്ക്വാഡ് ചെക്ക്‌പോസ്റ്റുകളിൽ നടത്തിയ മിന്നൽ പരിശോധനകളുടെ ദൃശ്യങ്ങളാണിത്

ജനങ്ങൾക്ക് സുരക്ഷിതമായ ഭക്ഷണം ലഭ്യമാക്കുന്നതിന്റെ ഭാഗമായി സംസ്ഥാന അതിർത്തികളിലും പ്രധാന ചെക്ക്‌പോസ്റ്റുകളിലും എത്തിച്ചേർന്ന മിൽക്ക് വാനുകളും ടാങ്കറുകളും കേന്ദ്രീകരിച്ച് വ്യാപക പരിശോധനകൾ പൂർത്തിയാക്കി. വെളിച്ചെണ്ണ, ശർക്കര, പായസം മിക്സ്, നെയ്യ് എന്നിവയുടെ സാമ്പിളുകൾക്കൊപ്പം പാലിന്റെ സാമ്പിളുകളും ശേഖരിച്ച് ലാബ് പരിശോധനയ്ക്ക് അയക്കുകയും ഉൽപ്പന്നങ്ങളുടെ കാലാവധി (Expiry Date), സംഭരണ താപനില, ലേബലിംഗ് എന്നിവ കർശനമായി വിലയിരുത്തുകയും ചെയ്ത ഭക്ഷ്യസുരക്ഷാ വകുപ്പ് നിയമലംഘനം നടത്തിയ സ്ഥാപനങ്ങൾക്കെതിരെ ശക്തമായ നടപടികളാണ് സ്വീകരിച്ചു വരുന്നത്.

25/08/2026

എല്ലാവർക്കും ഭക്ഷ്യസുരക്ഷാ വകുപ്പിന്റെ ഹൃദയം നിറഞ്ഞ ഓണാശംസകൾ!

ഐശ്വര്യത്തിന്റെയും സമൃദ്ധിയുടെയും ഈ ഓണക്കാലത്ത് സുരക്ഷിതവും ആരോഗ്യകരവുമായ ഭക്ഷണം ഉറപ്പാക്കാൻ ഭക്ഷ്യസുരക്ഷാ വകുപ്പ് നിങ്ങൾക്കൊപ്പമുണ്ട്. മായമില്ലാത്ത വിഭവങ്ങളുമായി സന്തോഷത്തോടെ സദ്യയുണ്ണാം, ആഘോഷങ്ങൾ കൂടുതൽ മനോഹരമാക്കാം.

ഒന്നിച്ചു ഒരുമയോടെ ഓണമുണ്ണാം ഭക്ഷ്യ സുരക്ഷാ വകുപ്പിനൊപ്പം!

സുരക്ഷിതവും ആരോഗ്യകരവുമായ ഭക്ഷണരീതികളെക്കുറിച്ചുള്ള കൂടുതൽ വിവരങ്ങളും നിർദ്ദേശങ്ങളുമായി ഭക്ഷ്യസുരക്ഷാ വകുപ്പ് ഈ ഓണക്കാലത്ത് നിങ്ങൾക്കൊപ്പമുണ്ട്. തുടർന്നുള്ള അപ്‌ഡേറ്റുകൾക്കായി ഈ പേജ് ഫോളോ ചെയ്യുക!

ഭക്ഷ്യസുരക്ഷ സംബന്ധിച്ച സംശയങ്ങൾക്കും പരാതികൾക്കും ബന്ധപ്പെടുക:
Toll Free: 1800 425 1125
eatright.foodsafety.kerala.gov.in

24/08/2026

ഓണക്കാലത്ത് അയൽസംസ്ഥാനങ്ങളിൽ നിന്ന് മായം കലർന്ന പാൽ കേരളത്തിലേക്ക് എത്തുന്നത് തടയാൻ ഭക്ഷ്യസുരക്ഷാ വകുപ്പ് അതിർത്തി ചെക്ക്‌പോസ്റ്റുകളിൽ പ്രത്യേക പരിശോധന ശക്തമാക്കിയിട്ടുണ്ട്.

ഇതിന്റെ ഭാഗമായി വാളയാർ, മീനാക്ഷിപുരം, ആര്യങ്കാവ് തുടങ്ങിയ പ്രധാന ചെക്ക്‌പോസ്റ്റുകളിൽ 24 മണിക്കൂറും പ്രവർത്തിക്കുന്ന മൊബൈൽ ഫുഡ് ടെസ്റ്റിംഗ് ലാബുകൾ സജ്ജമാക്കി പാൽ ടാങ്കറുകൾ പരിശോധിച്ചു വരുന്നു. പാലിൽ സാധാരണയായി ചേർക്കാറുള്ള വെള്ളം, യൂറിയ, സ്റ്റാർച്ച്, ഡിറ്റർജന്റ്, ഹൈഡ്രജൻ പെറോക്സൈഡ് മറ്റ് രാസവസ്തുക്കൾ എന്നിവ തൽസമയം കണ്ടെത്താനുള്ള സാങ്കേതിക വിദ്യകളാണ് ഈ ലാബുകളിലുള്ളത്. പ്രാഥമിക പരിശോധനയിൽ തൃപ്തികരമല്ലാത്തതോ ഗുണനിലവാരമില്ലാത്തതോ ആയ പാൽ ടാങ്കറുകൾ അതിർത്തിയിൽ നിന്ന് തന്നെ തിരിച്ചയക്കുകയും, കുറ്റക്കാർക്കെതിരെ ഫുഡ് സേഫ്റ്റി സ്റ്റാൻഡേർഡ്സ് ആക്ട് പ്രകാരം കർശനമായ നിയമനടപടികൾ സ്വീകരിക്കുകയും ചെയ്യുന്നു.

ഈ ഓണം സേഫാക്കാം ഭക്ഷ്യ സുരക്ഷാ വകുപ്പിനൊപ്പം

സുരക്ഷിതവും ആരോഗ്യകരവുമായ ഭക്ഷണരീതികളെക്കുറിച്ചുള്ള കൂടുതൽ വിവരങ്ങളും നിർദ്ദേശങ്ങളുമായി ഭക്ഷ്യസുരക്ഷാ വകുപ്പ് ഈ ഓണക്കാലത്ത് നിങ്ങൾക്കൊപ്പമുണ്ട്. തുടർന്നുള്ള അപ്‌ഡേറ്റുകൾക്കായി ഈ പേജ് ഫോളോ ചെയ്യുക!

ഭക്ഷ്യസുരക്ഷ സംബന്ധിച്ച സംശയങ്ങൾക്കും പരാതികൾക്കും ബന്ധപ്പെടുക:
Toll Free: 1800 425 1125
eatright.foodsafety.kerala.gov.in

23/08/2026

ഓണവിപണിയിൽ സുരക്ഷിതമായ ഭക്ഷണം ഉറപ്പാക്കാൻ ഭക്ഷ്യസുരക്ഷാ വകുപ്പിന്റെ വൻ പരിശോധന!

ഓണക്കാലത്ത് ഓൺ‌ലൈൻ ആപ്പുകൾ വഴിയുള്ള വിപണനം വർധിച്ച സാഹചര്യത്തിൽ Flipkart, BigBasket, Blinkit തുടങ്ങിയ ഇ-കൊമേഴ്സ് ഡാർക്ക് സ്റ്റോറുകളിൽ ഭക്ഷ്യസുരക്ഷാ സ്പെഷ്യൽ സ്ക്വാഡ് മിന്നൽ പരിശോധന നടത്തി.

80-ഓളം ഡാർക്ക് സ്റ്റോറുകളിൽ പരിശോധന പൂർത്തിയാക്കി.
വെളിച്ചെണ്ണ, ശർക്കര, പായസം മിക്സ്, നെയ്യ് എന്നിവയുടെ സാമ്പിളുകൾ ശേഖരിച്ച് ലാബ് പരിശോധനയ്ക്ക അയച്ചു.
ഉൽപ്പന്നങ്ങളുടെ കാലാവധി (Expiry Date), സംഭരണ താപനില, ലേബലിംഗ് എന്നിവ കർശനമായി വിലയിരുത്തി.
നിയമലംഘനം നടത്തുന്ന സ്ഥാപനങ്ങൾക്കെതിരെ ഭക്ഷ്യസുരക്ഷാ നിയമപ്രകാരം കർശന നടപടി സ്വീകരിക്കും. ഹോട്ടലുകൾ, ബേക്കറികൾ, തട്ടുകടകൾ എന്നിവ കേന്ദ്രീകരിച്ചുള്ള പരിശോധനകൾ തുടർ ദിവസങ്ങളിലും തുടരും!

ഈ ഓണം സേഫ് ആക്കാം ഭക്ഷ്യ സുരക്ഷാ വകുപ്പിനൊപ്പം.

Food Safety Kerala

30/09/2026

28/09/2026

09/09/2026

05/09/2026

02/09/2026

01/09/2026

29/08/2026

25/08/2026

24/08/2026

23/08/2026

Address

Telephone

Website

Alerts

Contact The Organization

Shortcuts

Share

Category

Listing takedown request