SFI TIRUR

29/09/2026

സെപ്റ്റംബർ 29
സ: പി.കെ രമേശൻ
രക്തസാക്ഷി ദിനം

കോഴിക്കോട് ജില്ലയിലെ മടപ്പള്ളി ഗവണ്മെൻ്റ് കോളേജിലെ ഒന്നാം വർഷ പൊളിറ്റിക്കൽ സയൻസ് വിദ്യാർത്ഥിയായിരുന്നു സഖാവ് പി. കെ രമേശൻ. ഭൂരിപക്ഷ വർഗീയവാദികളുടെ ആശയങ്ങൾ കടന്നുവരാൻ കഴിയാത്ത വിധം ക്യാമ്പസിൽ ആശയരംഗത്ത് എസ്.എഫ്‌.ഐക്ക് മേൽകൈ ഉണ്ടായിരുന്നു. അത് തകർക്കാൻ അക്രമത്തിലൂടെ കഴിയുമെന്ന വ്യാമോഹമാണ് എ. ബി. വി. പി സംഘത്തെ നയിച്ചത്. കോളേജ് യുണിയൻ തിരഞ്ഞെടുപ്പിനു ശേഷം എസ്. എഫ്. ഐ പ്രവർത്തകരെ ഭീകരമായി ആക്രമിച്ചു. ക്യാമ്പസിൽ നിന്നും കുറേ ദിവസം മാറിനിന്ന് അക്രമിസംഘം പുറത്തുനിന്നുള്ള ആർ.എസ്.എസ് കാപാലികരുമായി ചേർന്ന് 1994 സെപ്റ്റംബർ 26ന് എസ്. എഫ്. ഐ സഖാക്കളെ ആക്രമിച്ചു. തുടയെല്ലിനും തലയ്ക്കും പരിക്കേറ്റ് മെഡിക്കൽ കോളേജ് ആശുപത്രിയിൽ പ്രവേശിക്കപ്പെട്ട സഖാവ് രമേശൻ 1994 സെപ്റ്റംബർ 29 ന് നമ്മെ വിട്ടുപിരിഞ്ഞു. സ്വന്തം അധ്വാനത്തിലൂടെ പഠനത്തിന് പണം കണ്ടെത്തിയും പാവപ്പെട്ട കുടുംബത്തിന് താങ്ങായും നിന്ന വിദ്യാർത്ഥികളുടെ പ്രിയപ്പെട്ട നേതാവായിരുന്നുന്നു സഖാവ് രമേശൻ.

20/09/2026

സെപ്റ്റംബർ 20
സ: സെയ്താലി
രക്തസാക്ഷി ദിനം

പട്ടാമ്പി സംസ്കൃത കോളേജിലെ എസ്‌. എഫ്‌. ഐ പ്രവർത്തകനായിരുന്ന സെയ്‌താലി ക്യാമ്പസിലെ അരാജകവാദികൾക്കെതിരെ നിലപാടെടുത്തതിൻ്റെ ഭാഗമായി കൊലക്കത്തിക്കിരയായി. പെൺകുട്ടികളെ ശല്യം ചെയ്യുന്നതിൽ ആഹ്ലാദം കണ്ടെത്തിയ ക്യാമ്പസ് തെമ്മാടികൾ സഖാവിനെ സംഘം ചേർന്ന് കൊലചെയ്‌തു. 1974 സെപ്റ്റംബർ 19 ന് സെയ്‌താലി, സുന്ദരരാജൻ, കൃഷ്‌ണകുമാർ, മൊയ്‌തീൻ കുട്ടി, ഖാലിദ് എന്നീ എസ്. എഫ്. ഐ പ്രവർത്തകരെ പെൺകുട്ടികളെ ശല്യപ്പെടുത്തിയതിനെ ചോദ്യം ചെയ്‌തതിൻ്റെ പേരിൽ ഒരു തെമ്മാടി സംഘം ആക്രമിച്ചു. സെപ്റ്റംബർ 20ന് എ.ബി.വി.പി,കെ. എസ്. യു ഗുണ്ടാസംഘം ഭീകരമായ ആക്രമണം നടത്തി. അധികാരികളുടെ ഒത്താശയോടെ ആസൂത്രിതമായി ആക്രമികൾ എസ്. എഫ്. ഐ പ്രവർത്തകരെ അടിച്ചുവീഴ്ത്തി. ഇരുമ്പുദണ്ഡ് കൊണ്ട് തലക്കടിയേറ്റു വീണ സഖാവ് സെയ്‌താലിയുടെ മാറിൽ വിദ്യാർത്ഥികളും അധ്യാപകരും നോക്കിനിൽക്കെ കാപാലികർ കഠാര കുത്തിയിറക്കി. സെയ്താലിയുടെ പിതാവ് മൊയ്‌തുണ്ണി മാസ്റ്ററുടെ വാക്കുകൾ വിദ്യാർത്ഥിസംഘടനാ പ്രവർത്തകർക്ക് ആവേശമാണ്, ‘എൻ്റെ മകൻ വിശ്വസിച്ച പ്രസ്ഥാനം തളരാതെ മുന്നോട്ടു പോവുക തന്നെ ചെയ്യും.

17/09/2026

16/09/2026

_സോഷ്യലിസമാണ് ഭാവി_
_മതനിരപേക്ഷതയാണ് കരുത്ത്_

CHAIRMAN
*VAISHNAV. KP*

VICE CHAIRMAN
*AKSHAY. P*

LADY VICE CHAIRMAN
*ASWANI. S*

GENERAL SECRETARY
*NASIH. M*

POLY UNION COUNCILOR
*RAMSHAD. P*

MAGAZINE EDITOR
*MOHAMED ASHMIL. M*

ARTS CLUB SECRETARY
*ANIRUDH. KP*

*SFI സ്ഥാനാർഥികളെ വിജയിപ്പിക്കുക.*

*SFI TIRUR POLY🚩❤️‍🩹*

07/09/2026

സെപ്റ്റംബർ 7
സ: എം എസ് പ്രസാദ്
രക്തസാക്ഷി ദിനം

പത്തനംതിട്ട കാത്തലിക്ക് കോളേജ് എസ്. എഫ്. ഐ യൂണിറ്റ് സെക്രട്ടറിയും എസ്. എഫ്. ഐ ജില്ലാ വൈസ് പ്രസിഡന്റും കാത്തലിക് കോളേജ് മുൻ ചെയർമാനുമായിരുന്നു. 1984 ലെ തിരുവോണനാളിൽ ചിറ്റാർ ഡിപോക്കു സമീപം ഡി. വൈ. എഫ്. ഐ പ്രവർത്തകാരുമായി സംസാരിച്ചു നിൽക്കുകയായിരുന്ന പ്രസാദിനെ ഐ.എൻ. ടി. യു. സി കോൺഗ്രസ്സ് ഗുണ്ടകൾ കുത്തിപ്പരിക്കേൽപ്പിച്ചു. ജീവൻ രക്ഷിക്കാനായി വാസു എന്നയാളുടെ വീട്ടിലേക്ക് ഓടി കയറിയ പ്രസാദിനെ പിൻതുടർന്ന് ഗുണ്ടാസംഘവുമെത്തി. കട്ടിലിൽ കമിഴ്ന്നു‌ വീണ പ്രസാദിനെ കട്ടിലിനോട് ചേർത്തുകെട്ടി 17 തവണ വെട്ടി. സി. വി. ജോസ് കൊലക്കേസിലെ ഒന്നാം സാക്ഷി ആയിരുന്ന സഖാവിനെ വകവരുത്തിയാൽ നിയമത്തിന്റെ പിടിയിൽ നിന്നും തങ്ങൾക്ക് രക്ഷപെടാമെന്ന, ഈ നാവറുത്താൽ ഇരുമ്പഴികളിൽ നിന്നും ഒഴിഞ്ഞു മാറാമെന്ന് കൊലയാളികളുടെ വ്യാമോഹമാണ് ഈ കൊടുംപാതകത്തിന് ഹേതുവായത്. തങ്ങൾക്കാധിപത്യം സ്ഥാപിക്കാൻ കഴിയാത്ത എം എസ് പ്രസാദ് യൂണിയൻ ചെയർ മാനായി തെരഞ്ഞെടുക്കപ്പെട്ടു. ഇതാണ് പ്രസാദെന്ന ചെറുപ്പക്കാരൻ്റെ മരണ വാറണ്ട് തയ്യാറാക്കാൻ ഈ പൈശാചിക സംഘത്തെ പ്രേരിപ്പിചത്.

03/09/2026

സെപ്റ്റംബർ 3
സ: അജയ്
രക്തസാക്ഷി ദിനം

ചെമ്പഴന്തി എസ്.എൻ കോളേജിലെ രണ്ടാം വർഷ പ്രീഡിഗ്രി വിദ്യാർത്ഥിയും എസ്. എഫ്. ഐ യൂണിറ്റ് കമ്മിറ്റി അംഗവുമായിരുന്നു സഖാവ് അജയ്. ചെമ്പഴന്തി കോളേജിലേക്കുള്ള യാത്രയിൽ ചെമ്പഴന്തിക്ക് മുമ്പുള്ള ഉദയഗിരി ജംഗ്ഷനിൽ ബസ് തടഞ്ഞുനിർത്തി ഭീകരമായി കൊലപ്പെടുത്തുകയായിരുന്നു. നിരവധി കൊലക്കേസുകളിൽ പ്രതികളായ ആർ.എസ്.എസ് സംഘം ഉദയഗിരി ജംഗ്ഷനിൽ ബസ് തടഞ്ഞു നിർത്തിയ ശേഷം യാത്രക്കാരെയും നാട്ടുകാരേയും ഭയപ്പെടുത്തി ഓടിച്ച് അജയുടെ കാലിൻ്റെ കുതിരമ്പിന് വെട്ടിവീഴ്ത്തി. റോഡിൻ്റെ ഇടതുവശത്തേക്ക് വലിച്ചിഴച്ച ശേഷം വെട്ടിനുറുക്കുകയായിരുന്നു. കൊല്ലരുതെന്ന് അപേക്ഷിച്ച് കൂപ്പിയ ഇരുകൈകളും അക്രമികൾ വെട്ടിമാറ്റി. വർഗീയ ഫാസിസ്റ്റ് ശക്തികൾക്കെതിരായ പോരാട്ടത്തിന് നേതൃത്വം കൊടുത്തതാണ് കൊലയ്ക്ക് കാരണം.

16/08/2026

ആഗസ്റ്റ് 16
സഃ മുഹമ്മദ് മുസ്തഫ
രക്തസാക്ഷി ദിനം
മണ്ണാർക്കാട് എം. ഇ. എസ് കോളേജിലെ പ്രീഡിഗ്രി വിദ്യാർത്ഥിയും എസ്. എഫ്. ഐ യൂണിറ്റ് എക്‌സിക്യൂട്ടീവ് അംഗവും ആയിരുന്നു സഖാവ് മുസ്‌തഫ. 1976 ജൂൺ 26 ന് അടിയന്തരാവസ്ഥ പ്രഖ്യാപിച്ചു. പരിമിതമായ സംഘടനാ പ്രവർത്തനങ്ങൾ പോലും നിരോധിക്കപ്പെട്ടു. ഈ പ്രയാസകരമായ സാഹചര്യത്തിലും കേന്ദ്രഭരണാധികാരികളുടെ ജനാധിപത്യക്കുരുക്കിനെതിരെയും ഫീസ് വർദ്ധനവിനെതിരെയും മണ്ണാർക്കാട് എം.ഇ. എസ് കോളേജിൽ ശക്തമായ സമരം സംഘടിപ്പിക്കപ്പെട്ടു. 1976 ജൂലൈ 22 ന് അവസാന വർഷ ബികോം വിദ്യാർത്ഥി അബ്ദുൾ റസാഖ് എന്ന എസ്.എഫ്.ഐ പ്രവർത്തകനെ അകാരണമായി സസ്പെൻഡ് ചെയ്‌ത നടപടിക്കെതിരെ ഒരാഴ്‌ച നീണ്ടുനിന്നു പഠിപ്പുമുടക്കു സമരം നടന്നു. സസ്പെൻഷൻ പിൻവലിക്കാം എന്ന ഉറപ്പിൽ സമരം ഒത്തുതീർപ്പായി. ജൂലൈ 28 ന് അർധരാത്രി എസ്. എഫ്. ഐ യൂണിറ്റ് എക്‌സിക്യൂട്ടീവ് അംഗം മുഹമ്മദ് മുസ്‌തഫ ഉൾപ്പെടെ 9 പ്രവർത്തകരെ പോലീസ് മിസ പ്രകാരം അറസ്റ്റ് ചെയ്‌തു. മണ്ണാർക്കാട് സബ്‌ജയിലിൽ അടച്ചു. ഭീകര മർദ്ദനം നടന്ന ജയിലിൽ വച്ച് ഗുരുതരമായി ന്യൂമോണിയ ബാധിച്ച് മുഹമ്മദ് മുസ്‌തഫ 1976 ഓഗസ്റ്റ് 16ന് ധീരരക്തസാക്ഷിത്വം വരിച്ചു. എസ്. എഫ്. ഐയിൽ നിന്നും രാജിവെച്ചാൽ പുറത്തു വിടാമെന്ന പോലീസിന്റെ കല്‌പനകളെ എൻ്റെ ജീവിതത്തിൽ നിന്ന് രാജിവെച്ചാലും എസ്. എഫ്. ഐയിൽ നിന്നും രാജിവെക്കില്ലെന്ന പ്രഖ്യാപനത്തോടെ നേരിട്ട സഖാവ് അമിതാധികാരവാഴ്‌ചക്കെതിരായ പോരാട്ടത്തിന്റെ ഊർജ്ജമായിരുന്നു.

09/08/2026

ആഗസ്റ്റ് 09
സ: അജീഷ് വിശ്വനാഥൻ
രക്തസാക്ഷി ദിനം

കോട്ടയം സി. എം. എസ് കോളേജിലെ പ്രീഡിഗ്രി വിദ്യാർത്ഥിയായിരുന്നു. 1992 ആഗസ്റ്റ് 6 ന് കോളേജ് ക്യാമ്പസിൽ മാരകായുധങ്ങളുമായി താണ്ഡവമാടിയ എ.ബി.വി.പി കാപാലിക സംഘം കണ്ണിൽ കണ്ടവരെയെല്ലാം തല്ലിയോടിച്ചു. കോളേജിലെ പൊതുമണ്ഡലത്തിൽ നിന്നും ഒറ്റപ്പെട്ട അക്രമിസംഘം കാൻ്റീനിലേക്ക് പോവുകയായിരുന്ന സഖാവ് അജീഷ് വിശ്വനാഥനെ ഭീകരമായി ആക്രമിച്ചു. രോഗിയായ തന്നെ ഒന്നും ചെയ്യരുതെന്ന് അപേക്ഷിച്ചിട്ടും അക്രമികൾ അത് ചെവിക്കൊണ്ടില്ല. അടിയേറ്റു വയറ്റിൽ രക്തം കട്ടപിടിച്ച് ആശുപത്രിയിൽ പ്രവേശിക്കപ്പെട്ട സഖാവ് ആഗസ്റ്റ് 9 ന് നമ്മെ വിട്ടുപിരിഞ്ഞു. എസ്.എഫ്‌.ഐ അംഗമായിരുന്ന സഖാവിന്റെ മരണശേഷം എസ്.എഫ്.ഐ ക്കാരുടെ മർദനമേറ്റ് ആണ് അജീഷ് മരിച്ചതെന്നും എ.ബി.വി.പി അനുഭാവിയായിരുന്നു എന്നുമുള്ള പ്രചരണത്തിന് എ.ബി.വി.പി ക്കാർ നേതൃത്വം കൊടുത്തു.

29/07/2026

മതനിരപേക്ഷ കേരളത്തിനായി
സമര വിദ്യാർത്ഥിത്വം

*എസ്.എഫ്.ഐ*

തിരൂർ ഏരിയ തല
ക്യാമ്പസ് മെമ്പർഷിപ്പ് ഉദ്ഘാടനം

2026 ജൂലൈ 30 വ്യാഴം
TMG കോളേജ്

*SFI TIRUR AC*