27/08/2026
കേരള റിയൽ എസ്റ്റേറ്റ് റെഗുലേറ്ററി അതോറിറ്റിയുടെ (K-RERA) സ്ഥാപക ചെയർപേഴ്സണും മുൻ IAS ഉദ്യോഗസ്ഥനുമായ ശ്രീ. പി. എച്ച്. കുര്യന്റെ സാർ നിര്യാണത്തിൽ K-RERAയുടെ അഗാധമായ ദുഃഖവും അനുശോചനവും രേഖപ്പെടുത്തുന്നു.
ദീർഘവീക്ഷണമുള്ള ഭരണാധികാരിയും പ്രഗത്ഭനായ ഉദ്യോഗസ്ഥനുമായിരുന്ന അദ്ദേഹം K-RERAയുടെ ശക്തമായ അടിത്തറ പാകുന്നതിൽ നിർണായക പങ്കുവഹിച്ചു. സുതാര്യവും ഉത്തരവാദിത്വപരവും കാര്യക്ഷമവുമായ ഒരു റിയൽ എസ്റ്റേറ്റ് നിയന്ത്രണ സംവിധാനത്തിന് കേരളത്തിൽ രൂപം നൽകുന്നതിൽ അദ്ദേഹത്തിന്റെ നേതൃത്വവും കാഴ്ചപ്പാടും ഏറെ വിലപ്പെട്ടതായിരുന്നു.
അദ്ദേഹത്തിന്റെ ലാളിത്യവും ജ്ഞാനവും ജനക്ഷേമത്തോടുള്ള പ്രതിബദ്ധതയും K-RERAയുടെ പ്രവർത്തനങ്ങളിൽ എന്നും പ്രചോദനമായി നിലനിൽക്കും. അദ്ദേഹത്തിന്റെ സേവനങ്ങളും സംഭാവനകളും K-RERAയുടെ ചരിത്രത്തിൽ എന്നും സ്മരിക്കപ്പെടും.
അദ്ദേഹത്തിന്റെ കുടുംബാംഗങ്ങൾക്കും സുഹൃത്തുക്കൾക്കും സഹപ്രവർത്തകർക്കും ഞങ്ങളുടെ ഹൃദയംഗമമായ അനുശോചനം രേഖപ്പെടുത്തുന്നു.
