K Rajan

#പുത്തൂർ_ഗവൺമെന്റ്_ഹയർ_സെക്കൻഡറി_സ്കൂളിന്_സമഗ്ര_മാസ്റ്റർ_പ്ലാൻ_തയ്യാറാക്കി

പുത്തൂർ ഗവൺമെന്റ് ഹയർ സെക്കൻഡറി സ്കൂളിന് സമഗ്ര മാസ്റ്റർ പ്ലാൻ തയ്യാറാക്കിയാതായി..
പുത്തൂർ ഹയർ സെക്കൻഡറി സ്കൂളിന്റെയും , ഹൈസ്കൂളിന്റെയും തുടർന്നുള്ള പ്രവർത്തനങ്ങൾക്ക് വേണ്ടിയിട്ടുള്ള സമഗ്ര മാസ്റ്റർ പ്ലാൻ തയ്യാറാക്കുന്നതിന് വേണ്ടിയുള്ള യോഗം ചേർന്നു. പുതിയതായി ലഭ്യമായിട്ടുള്ള 6 കോടി രൂപയുടെ നിർമ്മാണ പ്രവർത്തനങ്ങളുടെ ഡിസൈൻ യോഗം അംഗീകരിച്ചു. തുടർന്ന് ടെക്നിക്കൽ സാങ്ഷനും ടെൻഡർ നടപടികൾക്കും രൂപം നൽകി. പുതിയ കെട്ടിടം പണിയുന്നതിനോടൊപ്പം പഴയ പൊളിച്ചുകളയേണ്ട കെട്ടിടത്തിന്റെ ടെൻഡർ നടപടികൾ ഇതിനകം പൂർത്തീകരിച്ചിട്ടുണ്ട്. പുതിയ കെട്ടിടം പണിയാനുള്ള ടെൻഡർ നടപടികൾ പൂർത്തീകരിക്കുന്നതിനോടൊപ്പം പഴയ കെട്ടിടങ്ങൾ പൊളിച്ചുകളയാനുള്ള സൗകര്യവും ഏർപ്പാടാക്കിയിട്ടുണ്ട്. പുതിയതായിട്ടുള്ള അടുക്കളയുടെ നിർമ്മാണത്തിന്റെയും ബാത്റൂം കോംപ്ലക്സിന്റെ നിർമ്മാണത്തിന്റെയും മാസ്റ്റർ പ്ലാൻ ഇതോടൊപ്പം തയ്യാറാക്കി.

​ആധുനിക രീതിയിലുള്ള കമ്പ്യൂട്ടറൈസഡ് ലൈബ്രറി കൂടി പുത്തൂർ ഹയർ സെക്കൻഡറി സ്കൂളിൽ തയ്യാറാക്കുന്ന വിധത്തിലാണ് പുതിയ മാസ്റ്റർ പ്ലാൻ തയ്യാറാക്കിയത്. ഇതോടൊപ്പം നിലവിൽ പുതിയ കെട്ടിടം പണിയുന്നതിന് പുറമേ ഭിന്നശേഷിക്കാരായിട്ടുള്ള കുട്ടികൾക്ക് വേണ്ടി പുതിയ സൗകര്യങ്ങൾ ഒരുക്കാൻ ലഭ്യമായിട്ടുള്ള ഒരു കോടി രൂപയുടെ മാസ്റ്റർ പ്ലാൻ കൂടി യോഗം അംഗീകരിച്ചു. ഇതിന്റെ അടിസ്ഥാനത്തിൽ ലിഫ്റ്റ് ഉൾപ്പെടെയുള്ള സൗകര്യങ്ങൾ തയ്യാറാക്കുന്നതിനുള്ള നടപടികളുടെ സ്ഥലം എംഎൽഎയുടെ നേതൃത്വത്തിൽ ജനപ്രതിനിധികളും ഉദ്യോഗസ്ഥന്മാരും ചേർന്ന് പരിശോധിച്ചു. ഇതിനകം പൂർത്തീകരിച്ചുകൊണ്ടിരിക്കുന്ന കളിക്കളത്തിലെ ഫ്ലഡ് ലൈറ്റ് സ്ഥാപിക്കാനും ബാക്കി വരുന്ന അറ്റകുറ്റപ്പണികൾ പൂർത്തിയാക്കാനും ബന്ധപ്പെട്ട ഉദ്യോഗസ്ഥന്മാരും ജനപ്രതിനിധികളും അടങ്ങുന്ന സംഘം സന്ദർശിച്ചു. ആവശ്യമായിട്ടുള്ള നിർദ്ദേശങ്ങൾ നൽകി.
​ഇതെല്ലാം കൂട്ടിവെച്ചുകൊണ്ട് എൽപി, ഹൈസ്കൂൾ, ഹയർ സെക്കൻഡറികൾ സ്കൂളുകളെ ചേർത്തുകൊണ്ടുള്ള വളരെ വിപുലമായിട്ടുള്ള ഒരു മാസ്റ്റർ പ്ലാൻ ആണ് പുത്തൂർ ഹയർ സെക്കൻഡറി സ്കൂളിന് വേണ്ടി തയ്യാറാക്കുന്നത്.

കേരളത്തിലെ തന്നെ ഏറ്റവും ശ്രദ്ധേയമായിട്ടുള്ള ഒരു മോഡലാക്കി പുത്തൂർ സ്കൂളിനെ മാറ്റുകയാണ് ലക്ഷ്യം.
ബ്ലോക്ക് പഞ്ചായത്ത് പ്രസിഡന്റ് ശ്രീവിദ്യ രാജേഷ്, ബ്ലോക്ക് പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർമാൻ മിനി ഉണ്ണികൃഷ്ണൻ, ബ്ലോക്ക് പഞ്ചായത്ത് മെമ്പർ പി എസ് അഖിൽ, ഗ്രാമപഞ്ചായത്ത് മെമ്പർ സേതുമാധവൻ സ്കൂളിലെ അധ്യാപകരായ സുനിത ടീച്ചർ, ടിനോ മൈക്കിൾ, മരതകം ടീച്ചർ,സ്പോർട്സ് അസിസ്റ്റന്റ് എക്സിക്യൂട്ടീവ് എൻജിനീയർ, പിഡബ്ല്യുഡി ബിൽഡിംഗ് എൻജിനീയർ, പിടിഎ ഭാരവാഹികൾ, എം പി ടി എ ഭാരവാഹികൾ, ഒ എസ് എ ഭാരവാഹികൾ,തുടങ്ങിയവർ സന്നിഹിതരായിരുന്നു

ശ്രീ എം പി വിരേന്ദ്രകുമാർ ആറാം അനുസ്മരണ സമ്മേളനത്തിൽ പങ്കെടുത്തു സംസാരിക്കുന്നു

പ്രതിഭ സംഗമം 2026 ഒല്ലൂർ എംഎൽഎ അവാർഡ് സംഘാടകസമിതി യോഗം

ലോക പരിസ്ഥിതി ദിനത്തിനോട്‌ അനുബന്ധിച്ച് തൃശ്ശൂർ സി അച്യുതമേനോൻ പാർക്കിൽ സിപിഐ സംസ്ഥാന സെക്രട്ടറി സ:ബിനോയ് വിശ്വം വൃക്ഷത്തൈ നടന്നു.
ആന്തമാൻ നിക്കോബാർ ദ്വീപ് സമൂഹങ്ങളിലെ മരങ്ങൾ ആകെ മുറിച്ചു കൊണ്ട് ആന്തമാൻ നിക്കോബാർ ദീപ് നിവാസികൾക്കും പരിസ്ഥിതിക്കും നേരെ കേന്ദ്രസർക്കാറിന്റെ നടപടിക്കെതിരായും ആന്തമാൻ നിക്കോബാർ ദ്വീപ് സമൂഹത്തിലെ മനുഷ്യരോടുള്ള ഐക്യദാർഢ്യം പ്രഖ്യാപിക്കുക കൂടിയായിരുന്നു ലക്ഷ്യം

ഒല്ലൂർ വൈലോപ്പിള്ളി ശ്രീധരമേനോൻ സ്‌മാരക ഗവണ്മെൻ്റ് വൊക്കേഷണൽ ഹയർ സെക്കന്റ്ററി സ്‌കൂളിലെ കാർഷിക പ്രവർത്തനങ്ങൾക്ക് ജൂൺ 5 പരിസ്ഥിതി ദിനത്തിൽ തുടക്കം കുറിക്കുന്നതിന്റെ വിത്തിടൽ കർമ്മം ഉദ്ഘാടനം നിർവഹിക്കുന്നു

ലോക പരിസ്ഥിതി ദിനത്തോടനുബന്ധിച്ച് കേരള സ്റ്റേറ്റ് കർഷക തൊഴിലാളി ഫെഡറേഷൻ (BKMU) തൃശ്ശൂർ ജില്ലാ കമ്മിറ്റിയുടെ നേതൃത്വത്തിൽ സംഘടിപ്പിച്ച ജില്ലാതല തരിശുനില പച്ചക്കറി കൃഷി അന്തിക്കാട് വയ്ച്ചു ഉദ്ഘാടനം നിർവഹിക്കുന്നു

ജൂൺ 5 – ലോക പരിസ്ഥിതി ദിനം

പ്രകൃതിയാണ് നമ്മുടെ ജീവന്റെ അടിസ്ഥാനം. ശുദ്ധമായ വായുവും വെള്ളവും പച്ചപ്പും വരുംതലമുറകൾക്കും ലഭിക്കണമെങ്കിൽ പരിസ്ഥിതി സംരക്ഷണം ഓരോരുത്തരുടെയും ഉത്തരവാദിത്തമാണ്.

ഒരു മരം നട്ടുപിടിപ്പിക്കാം, പ്ലാസ്റ്റിക് ഉപയോഗം കുറയ്ക്കാം, പ്രകൃതിയെ സ്നേഹിക്കാം. ഭൂമിയെ സംരക്ഷിക്കുന്ന ഓരോ ചെറിയ പ്രവർത്തനവും വലിയ മാറ്റങ്ങൾക്ക് വഴിയൊരുക്കും.

"നമുക്ക് ഭൂമിയെ സംരക്ഷിക്കാം, നമുക്ക് ഭാവിയെ സുരക്ഷിതമാക്കാം."

ലോക പരിസ്ഥിതി ദിനാശംസകൾ!