https://www.facebook.com/613777755414676/

V Joy MLA, CPI(M) Area Committee Office, Maithanam, Varkala, Trivandrum city (2026)

27/10/2026

സിപിഐ(എം) തിരുവനന്തപുരം വിപുലീകൃത ജില്ലാ കമ്മിറ്റി പൊതു സമ്മേളനം.

27/10/2026

ചിറയിൻകീഴ് പോലീസിന്റെ മർദ്ദനത്തിൽ മരണപ്പെട്ട പെരുങ്ങുഴി സ്വദേശി സജിയുടെ കുടുംബം പ്രതിപക്ഷ നേതാവിന് നൽകിയ പരാതി നിയമസഭയിൽ ഉന്നയിച്ച് പ്രതിപക്ഷ നേതാവ് സഖാവ് പിണറായി വിജയൻ.

27/10/2026

തിരുവനന്തപുരം ജില്ലയിലെ പശ്ചിമഘട്ട മലയോര മേഖലകളായ തെന്നൂർ, പെരിങ്ങമല, വിതുര, മണ്ണൂർക്കര, കള്ളിക്കാട്, വാഴിച്ചൽ, അമ്പൂരി എന്നീ വില്ലേജുകളെ ബാധിക്കുന്ന പരിസ്ഥിതിലോല മേഖലാ വിജ്ഞാപനത്തിൽ നിന്നും ജനവാസമേഖലകളെയും കൃഷിഭൂമിയെയും പൂർണ്ണമായും ഒഴിവാക്കുക എന്ന ആവശ്യമുയർത്തിക്കൊണ്ട് നടക്കുന്ന ജില്ലാ മലയോര ഹർത്താലിന് ഐക്യദാർഢ്യം അറിയിച്ചുകൊണ്ട് കേരള കർഷക സംഘം സംഘടിപ്പിച്ച ഐക്യദാർഢ്യ മാർച്ച് സ. കെ. എൻ. ബാലഗോപാൽ ഉദ്ഘാടനം ചെയ്തു.

27/10/2026

മുൻ മന്ത്രി സഖാവ് സി.ദിവാകരന്റെ ഭാര്യ ഹേമലത മരണപ്പെട്ടു.
ആദരാഞ്ജലികൾ...

26/10/2026

പാറശ്ശാല നിയോജകമണ്ഡലത്തിലെ അമ്പൂരി ഗ്രാമപഞ്ചായത്തിൽ കരിപ്പയാറിന് കുറുകെ നിർമ്മിച്ച കുമ്പിച്ചൽകടവ് പാലം സന്ദർശിച്ചു. ഇടതുപക്ഷ സർക്കാരിന്റെ വികസനക്കാഴ്ചപ്പാടും കിഫ്ബിയിലൂടെ കേരളം നടപ്പാക്കിയ അടിസ്ഥാനസൗകര്യ വികസനവും നേരിട്ടറിയിക്കുന്ന അഭിമാനകരമായ പദ്ധതിയാണിത്.

കിഫ്ബിയുടെ ധനസഹായത്തോടെ ഏകദേശം 27 കോടി രൂപ ചെലവിൽ നിർമ്മിച്ച കുമ്പിച്ചൽകടവ് പാലം അമ്പൂരി നിവാസികളുടെയും നെയ്യാർഡാം റിസർവോയറിന്റെ മറുകരയിലെ പതിനൊന്നോളം ഗോത്രവർഗ്ഗ ഉന്നതികളിലായി താമസിക്കുന്ന ആയിരത്തിലധികം കുടുംബങ്ങളുടെയും ദീർഘകാല സ്വപ്നമാണ് യാഥാർഥ്യമാക്കിയത്. ഒറ്റപ്പെട്ടുകിടന്ന ഗോത്രവർഗ്ഗ ജനവാസകേന്ദ്രങ്ങളെ പുറംലോകവുമായി ബന്ധിപ്പിക്കുന്നതിലൂടെ യാത്രാദുരിതങ്ങൾക്ക് വലിയ പരിഹാരമാണ് ഈ പാലം.

253.4 മീറ്റർ നീളത്തിൽ ഏഴ് സ്പാനുകളിലായി നിർമ്മിച്ച പാലത്തിന് 11 മീറ്റർ വീതിയുണ്ട്. വാഹനങ്ങൾക്കായുള്ള റോഡിനൊപ്പം ഇരുവശങ്ങളിലും നടപ്പാതകളും ഒരുക്കിയിട്ടുണ്ട്. കേന്ദ്ര വനം-പരിസ്ഥിതി മന്ത്രാലയത്തിന്റെ അനുമതി ഉൾപ്പെടെ ആവശ്യമായ അനുമതികൾ നേടിയെടുത്ത് പദ്ധതി യാഥാർഥ്യമാക്കുന്നതിൽ പാറശ്ശാല എംഎൽഎ സഖാവ് സി. കെ. ഹരീന്ദ്രൻ നടത്തിയ ഇടപെടലുകളും പരിശ്രമങ്ങളും പ്രത്യേകം എടുത്തുപറയേണ്ടതാണ്.

വികസനം എന്നത് റോഡുകളും പാലങ്ങളും നിർമ്മിക്കുന്നതിൽ മാത്രം ഒതുങ്ങുന്നതല്ല; ജനങ്ങളുടെ യാത്രാദുരിതങ്ങൾ പരിഹരിക്കുകയും പിന്നാക്ക ജനവിഭാഗങ്ങൾക്ക് മെച്ചപ്പെട്ട ജീവിതസാഹചര്യങ്ങൾ ഉറപ്പാക്കുകയും ചെയ്യുക എന്നതുകൂടിയാണ്. ആ അർത്ഥത്തിൽ കുമ്പിച്ചൽകടവ് പാലം ഒരു ഗതാഗതസൗകര്യം മാത്രമല്ല, സാമൂഹികനീതിയുടെയും ജനകീയ വികസനത്തിന്റെയും പ്രതീകം കൂടിയാണ്.

പാലത്തിന് താഴെ പില്ലറുകൾക്കിടയിൽ ഒരു കോടി രൂപ ചെലവിൽ 'വി പാർക്ക്' നിർമ്മാണ പ്രവർത്തനങ്ങളും ആരംഭിച്ചിരിക്കുകയാണ്. കഫറ്റീരിയ, ചിൽഡ്രൻസ് പാർക്ക്, ഗെയിംസ് സോൺ, സെൽഫി പോയിന്റ്, കലാപരമായ പെയിന്റിങ്ങുകൾ, വൈദ്യുത ദീപാലങ്കാരം തുടങ്ങിയ സൗകര്യങ്ങളോടെ ഈ പ്രദേശത്തെ ആകർഷകമായ വിനോദസഞ്ചാര കേന്ദ്രമാക്കി വികസിപ്പിക്കുകയാണ് ലക്ഷ്യം.

കരിപ്പയാറിന്റെ മനോഹാരിതയും നെയ്യാർഡാം റിസർവോയറും പശ്ചിമഘട്ട മലനിരകളും അഗസ്ത്യാർകൂടത്തിന്റെ വിദൂരദൃശ്യങ്ങളും ഗോത്രഗ്രാമങ്ങളുടെ തനിമയും ഒത്തുചേരുന്ന ഈ പ്രദേശം വിനോദസഞ്ചാര ഭൂപടത്തിലും ശ്രദ്ധേയമായ ഇടം നേടാനുള്ള സാധ്യതകളാണ് തുറന്നിടുന്നത്.

ഇന്ന് കിഫ്ബിക്കെതിരെ വലതുപക്ഷ പ്രചാരണങ്ങൾ ശക്തമാകുമ്പോൾ, കുമ്പിച്ചൽകടവ് പാലം പോലുള്ള യാഥാർഥ്യങ്ങൾക്കു മുന്നിൽ വികസനവിരുദ്ധ വാദങ്ങൾക്കുള്ള മറുപടി ജനങ്ങൾക്കുതന്നെ കണ്ടെത്താനാകും. ദീർഘകാലമായി ജനങ്ങൾ കാത്തിരുന്ന വലിയ അടിസ്ഥാനസൗകര്യ പദ്ധതികൾ സാമ്പത്തിക പരിമിതികളെ മറികടന്ന് എങ്ങനെ യാഥാർഥ്യമാക്കാം എന്നതിന്റെ നേർസാക്ഷ്യമാണ് ഈ പാലം.

കിഫ്ബി വെറുമൊരു ധനസമാഹരണ സംവിധാനമല്ല; കേരളത്തിന്റെ വികസനത്തിന് ദിശയും വേഗവും നൽകിയ ഇടതുപക്ഷ സർക്കാരിന്റെ ജനകീയ വികസന മാതൃകയുടെ കരുത്താണ്.

25/10/2026

തിരുവനന്തപുരം ജില്ലയിലെ പശ്ചിമഘട്ട മലയോര മേഖലകളായ തെന്നൂർ, പെരിങ്ങമല, വിതുര, മണ്ണൂർക്കര, കള്ളിക്കാട്, വാഴിച്ചൽ, അമ്പൂരി എന്നീ വില്ലേജുകളെ ബാധിക്കുന്ന പരിസ്ഥിതിലോല മേഖലാ വിജ്ഞാപനത്തിൽ നിന്നും ജനവാസമേഖലകളെയും കൃഷിഭൂമിയെയും പൂർണ്ണമായും ഒഴിവാക്കുക എന്ന ആവശ്യമുയർത്തിക്കൊണ്ട് ഒക്ടോബർ 27-ന് നടക്കുന്ന മലയോര ഹർത്താലിന്റെ പ്രചരണാർത്ഥം സംഘടിപ്പിച്ച വാഹന പ്രചാരണ ജാഥയുടെ സമാപന പൊതുസമ്മേളനം ഇന്ന് അമ്പൂരിയിൽ ഉദ്ഘാടനം ചെയ്തു.

130-ൽ അധികം വരുന്ന ആദിവാസി സെറ്റിൽമെന്റുകളുടെയും ആയിരക്കണക്കിന് കർഷക കുടുംബങ്ങളുടെയും ആശങ്കകൾ കണ്ടില്ലെന്ന് നടിക്കാൻ നമുക്കാവില്ല. നമ്മുടെ മലയോര ജനതയുടെ ജീവനും ഉപജീവനവും സംരക്ഷിക്കാനുള്ള ഈ പോരാട്ടത്തിൽ അവർ ഒറ്റയ്ക്കല്ല. കർഷകരുടെയും ആദിവാസി വിഭാഗങ്ങളുടെയും കിടപ്പാടവും കൃഷിഭൂമിയും സംരക്ഷിക്കാനുള്ള ഈ പോരാട്ടത്തിൽ ഈ നാടും പ്രസ്ഥാനവും അവർക്കൊപ്പം എക്കാലവും ഉറച്ചുനിൽക്കും.

25/10/2026

ഫോർട്ട് കൊച്ചിയും വർക്കലയും വിവിധ സംസ്കാരങ്ങൾ സംഗമിക്കുന്ന, ചരിത്രങ്ങൾ ഇഴചേരുന്ന, വൈവിധ്യം നിറഞ്ഞുനിൽക്കുന്ന ഇടങ്ങളാണ്. എന്നാൽ, സാമ്പത്തിക ലാഭത്തിനായി വിദ്വേഷം പ്രചരിപ്പിക്കുന്ന ഒരു വ്ലോഗർ ഈ പ്രദേശങ്ങൾക്ക് വർഗീയ നിറം നൽകാൻ ശ്രമിക്കുകയാണ്.

കേരളത്തെ വിഭജിക്കാനുള്ള ശ്രമങ്ങൾ പരാജയപ്പെട്ടതോടെ, സംഘപരിവാർ തങ്ങളുടെ വിദ്വേഷ പ്രചാരണങ്ങൾ ഇപ്പോൾ ഇത്തരം ഓൺലൈൻ പ്രകോപനകാരികൾക്ക് പുറംകരാർ നൽകിയിരിക്കുകയാണ്. എന്നാൽ, ഇത്തരം വിദ്വേഷ രാഷ്ട്രീയത്തിന് മുന്നിൽ കേരളത്തിന്റെ മതേതര മനസ്സ് ഒരിക്കലും കീഴടങ്ങില്ല.

വർക്കല ശ്രീനാരായണ ഗുരുവിന്റെ നാടാണ്. എല്ലാകാലത്തും മതേതരത്വം ഉയർത്തിപ്പിടിച്ച, വർഗീയ ചിന്തകളില്ലാത്ത ഒരു മാനവസമൂഹമാണ് വർക്കലയിലുള്ളത്. അതിനെ ആര് വിചാരിച്ചാലും ഇല്ലാതാക്കാൻ സാധിക്കില്ല. സമൂഹത്തിൽ വർഗീയ ശത്രുത പടർത്തുന്ന ഇവർക്കെതിരെ സംസ്ഥാന സർക്കാർ കർശനമായ നിയമനടപടികൾ സ്വീകരിക്കണം.

25/10/2026

ദേശാഭിമാനി അക്ഷരമുറ്റം ടാലൻ്റ് ഫെസ്റ്റ് 2026-ൻ്റെ ജില്ലാ മത്സരം ഉദ്ഘാടനം ചെയ്തു.

25/10/2026

ഒക്ടോബർ 25
സഖാവ് ആർ.സുധാകരൻ അനുസ്മരണം.

V Joy MLA

27/10/2026

27/10/2026

27/10/2026

27/10/2026

26/10/2026

25/10/2026

25/10/2026

25/10/2026

25/10/2026

Address

Telephone

Website

Alerts

Contact The Organization

Shortcuts

Share

Category

Listing takedown request