29/09/2026
ಇಂದು(29.09.2026)ಮಧುಗಿರಿ ತಾಲ್ಲೂಕು ಪಂಚಾಯತ್ ನ ಸಾಮರ್ಥ್ಯ ಸೌಧದಲ್ಲಿ ಶ್ರೀ ದಂಡಿಮಾರಮ್ಮ ಸಂಜೀವಿನಿ ಮಹಿಳಾ ಕಿಸಾನ್ ಉತ್ಪಾದಕರ ಕಂಪನಿ(ರಿ) ನ ಮೂರನೇ ವಾರ್ಷಿಕ ಮಹಾ ಸಭೆಯನ್ನು ಮಾಡಲಾಯಿತು. ಈ ವಾರ್ಷಿಕ ಸಭೆಯಲ್ಲಿ ಮಾನ್ಯ ಕಾರ್ಯನಿರ್ವಾಹಕ ಅಧಿಕಾರಿಗಳಾದ ಶ್ರೀಯುತ ಬಿ.ಕೆ.ಉತ್ತಮ ಅವರು ಮಾತನಾಡಿ ಮಾರುಕಟ್ಟೆ ವಿಸ್ತರಣೆ, ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಹಾಗೂ ಲೆಕ್ಕಿಗ ಹುದ್ದೆ ನೇಮಕಾತಿ, ಸಮಿತಿ ಬದಲಾವಣೆ ಹಾಗೂ ವಾರ್ಷಿಕ ವಹಿವಾಟು ಬಗ್ಗೆ ಚರ್ಚಿಸಿದರು. ಬಳಿಕ ಷೇರುದಾರರಿಗೆ ಷೇರು ಪ್ರಮಾಣಪತ್ರ ವಿತರಣೆ ಮಾಡಲಾಯಿತು. ನಂತರ ಸಮಿತಿಯ ಪದಾಧಿಕಾರಿಗಳ ಬದಲಾವಣೆ ಮಾಡಲಾಯಿತು. ಈ ವೇಳೆ ತಾಲ್ಲೂಕು ಯೋಜನಾಧಿಕಾರಿಗಳಾದ ರಾಜೇಂದ್ರ ಪ್ರಸಾದ್, ಜಿಲ್ಲಾ ಪಂಚಾಯತ್ ನ ಎನ್.ಆರ್.ಎಲ್.ಎಂ ವಿಭಾಗದ ಸಿಬ್ಬಂದಿ ಕೃಷ್ಣಮೂರ್ತಿ, ಮಧುಗಿರಿ ತಾಲ್ಲೂಕು ಅಭಿಯಾನ ನಿರ್ವಹಣಾ ಘಟಕದ ತಾಲ್ಲೂಕು ಕಾರ್ಯಕ್ರಮ ವ್ಯವಸ್ಥಾಪಕರಾದ ತಿಪ್ಪೇಸ್ವಾಮಿ, ತಾಲ್ಲೂಕು ವ್ಯವಸ್ಥಾಪಕರಾದ ವಿಷ್ಣುವರ್ಧನ ನಾಯ್ಕ ಹಾಗೂ ರಂಗರಾಜು ಎನ್.ಆರ್, ವಲಯ ಮೇಲ್ವಿಚಾರಕರಾದ ನಾಗರಾಜ ಜೆ.ಸಿ, ಸಮಗ್ರ ಕೃಷಿ ಸಮೂಹರಾದ ದಿವ್ಯ, ಡಿಇಓ ಮುಬಾರಕ್ ಬಾನು, ಕಮಲಮ್ಮ ಇದ್ದರು.
