Ge.a Gamani Bidik

SRI (System of Rice Intensification)Demonstration Carried out at various blocks of West Garo Hills.
Mi ge'aniko SRI ni niamo jarike dingtang dingtang Garo Hills ni block rango ge'angaha . Indake ge'anichi bitchil, chi aro korosrang komian baksana bite rang bangbate nanganiko nikna man'a . Uni gimin Hai anching gimikan ia indake ge'na jotton ka'na .Talbate Masina gita Agriculture Departmentchi reange singsandina gita mangen.

Do Check out the discussion on Millets also known as 'Misi' in Garo language. May this discussion be the stepping stone in Conservation & Harnessing the full potential of this traditionally important crop !

Millet Recipe Competition at Sadolpara village, Dadenggre Block

Dragon fruit bipangni sabisirangko masina gita Dadenggre Block ni Nengchonggre songchi reange Agriculture aro Horticulture Department ni nirok sandianiko dakangaha .
Nie nikani jamano ia bipangrangko Antracnose aro Stem rot sabisi rangko manenga ine uina man.aha.
1. Antracnose - Ian ge.sa fungus Colletotrichum gloeosporioides ni a.sel ongronga. Ian orange aro rimit dake circle ka.a gita sochenga uni jaman k**a gita gipokemung rankraka. Iara k**achi bigilrang soe bonen ba jadil dongrikugenchim ongoba aro kosak bipang tangkuenga ongoba biterang nangskaja aro agre fungus infection ongode Sina gitaba manaia uni gimin simsakna gita nanga.
2. Stem rot- Soft Stem rot Ian bacteria Erwinia carotovora ni a.sel ongronga. Agre sal dingoba bipang sal kamenbana ia sabisi ong.na altua.Calcium aro nitrogen chuongjaoba ia sabisiko mana altua. Bipangni bonchotgipa bak nom.enbana rimita aro sona a.bachengon stem rot sabisi ine Masina gita mangen.
Treatment/Prevention.
1. Sabisi onggipa bako rate galanian skanggipa dakna nanggni ong.a.Rate galani bakko ge.gipa sepango galna gita nangja indiba chelachi sa galna gita nanga maina ianoni sabisi batrikrikgen.Mongsongbate Copper fungicide ko ia sabisirangna Jakalbata.Ia samrangko jakkalenggon sabisiko cure ka.na gita de ong.ja indiba champenganisan aro batririaniko komiatanisan ong.a.Uni gimin sabisi man.gimin bakkode rate galnan nangtela.
2. Bordeaux Mixture - 1kg Chun ko Chi litre 50 o gongonbo.
1kg Copper Sulphate koba dingtang bucket o chi litre 50 o gongonchengbo . Uni jaman ia copper sulphate solution ko Chun aro chi mix kagipa bucket o kasine ruate gongonate ia Sam ko spray bottle rango chipe bipang aro a.ao satna mangen.
Bordeaux Mixture paste- 1kg Chunko 5litre chio mix ka.bo.
1kg Copper Sulphate ko 5 litre chio dingtang mix ka.bo.
Apsan daken Copper Sulphate paste ko Chun mixture kagipao ruate mix ka.bo . Ia Sam ko sabisi ong.gipa bako rate galani jaman noge dona man.gen .
3. Sabisi onggipa bakko ratna jakalani bosturangko alcohol chi sterilize ka.na gita nanggen.
4. Bipangni wilwilako rongtale rakina gita nang.a maina iachin sabisirang batrikrika. Samsirangko orokna gita nanggen.
5. Sabisiko Champengna gita Neem oil aro Trichoderma rangkoba jakkalsona gita man.gen
6. Agre sal dingoba sabisirangko bangata uni gimin sal rakdugaode salakim tarina gita nanggen

Meghalaya Adok Organic state ongna jaku de.ani rangko dakeng on, game ge.e chagiparangna chemicals rangko jakalgija gipin chol jekai cultural, mechanical/physical ba uan dake biological control rangchi mi misi aro mesu samjak rangni jo.ong ba sabisi rang ko champengna gita iarangko dake jarikna didiani ko dakenga. Ia janap gimin control methods rangni gimin kandike k**ao se.e talatenga:

Cultural method:
1. Dingkario a.a ko ningtue gamani.
2. Apsan biap o mi misi ba mesu samjak rokom sa ko san geai gija gipin rokom ni mi misi ba mesu samjak rangko geani.
3. Field o jo.ong chagimin ba sabisi mangimin pang rang ko jadil gnang pikroke ba oroke uko name dake soe ba gope galani.

Mechanical/Physical method:
1. Mi misi ko nosto kagipa jo.ong rang ko field o nikon jakchi so.ote galani.
2. Trap ba jaga sa ni rang ko dakani.

Biological control : Janggi gnang gipa jonturangko jakkale mi misi nosto kagipa jo.ong rang aro mi misi ni sabisi rangko warachakna jakalani kon biological control ine agana. Iarang rokom gittam donga:
1. Predators: gipin jo.ongrangko cha.e janggi tanggipa
2. Parasitoid: gipin jo.ong rang ni bitchio bitchi pegipa
3. Pathogens: mikronchi nikna mangija gipa bacteria, virus, fungi aro protozoa rang.

Iarangni biding o reangipa 11th April, 2023 tariko Demdema C&RD Block ni Lower Wadagokgre song o Agriculture Technology Management Agency(ATMA) ni gita training cm farmers interaction programme ko ba ongatangaha aro biocontrol agents rangko ba sualangaha. Sualatgipa biocontrol agents rangni bimungrang:
1. Trichoderma (a.a gita batrorogipa sabisirang jekai jadil so.ani, jata ba bita soani aro japang sogropani ko namatna jakkala).
2. Metarhizium (a.a o donggipa jo.ongrang aro jongsurangna jakkala).
3. Pseudomonas fluorescens (mi birong ong.aniko champenggipa sabisi, bijak su.tota gita dakgipa sabisi, sigropgipa sabisi rangna jakala).

Oyester Mushrooms are type of edible fungi . Usually grown in winter season but can be grown all throughout the year indoors under controlled conditions. The method of growing Oyster Mushrooms is very easy and is a good opportunity for women especially SHGs to start taking up mushroom Cultivation as a means of livelihood as there is high demand in the market for mushrooms.
Note: Interested farmers/SHGs can contact their respective ADOs for further details on mushroom cultivation.
Garo Translation
Oyester Mushroomra megimu ni dol ong•a. Ia mushroom ko anching ode sinkario geronga indiba bilsi gimikba nok ningao biap kasinao ge'ode tangaia. Ia mushroom ko ge•na namen altua aro anchingni songni mechikmarangna ba Self Help Group rangna mingsa janggi tangani chol ong•gen maina Ian namen dam rakbegipa cha•ani ong•a aro iako brena sandigipa bangronga.
Note: Ge•na sikgiparang talbate Masina skode antang tangni block ni ADO rangchi singsandina mangen.

2023 is declared as 'International Year of Millets ' by UN(United Nations) to draw attention and promote this lesser known Crop. Millet is a nutri-cereal also known as Super food as it is packed with vitamins & minerals ( rich in vit A,B, calcium, iron & fibre etc).It is a climate resilient crop and require minimum inputs. There is a high market demand for this crop but sadly the production is low in our state and people are still unaware of its nutritional benefits and enterprise potential.
Garo Translation:
2023 kora "Misini Bilsi" ine UN (United Nations) donaha maina Misini gamchataniko masiani komikuengani gimin pilak biapchina masiatna miksonge ragataha. Misi mingsa bite nanggipa samsi ong•a jeon be'en namgipa vitamins aro mineral bang'a jekai vit A,B, Calcium,iron aron fibre). Misiko geon agre nirok simsakna nangja maina ua altuae nosto ong•ja . Misiara blongen bading chiwalna aro palna namgipa ong•a indiba anching A•doko iako gegipa komia maina bangbata manderangan Misini be•enna namgniko aro jakkaltobeaniko masiani komienga.

Some Activities relating to Millets undertaken by Agriculture Department, WGH are as follows:

These are Comilla Cotton grown in Sadolpara village under Dadenggre Block.
Some facts about this crop
•This Cotton is known as "Comilla Cotton" because during the pre-independence period traders from Garo Hills used to sell this cotton in the markets of Comilla district of Bangladesh.
•Its Scientific name is Gossypium arboreum L. (Known for its coarse texture and short staple and a climate resilient crop)
•Usually grown under Jhum Cultivation in a mixed cropping pattern
•It has a great market potential and should be promoted
Garo Translation
Ian Sadolpara song Dadenggre Blockni ningao gegipa Comilla Cotton ba Kil ong•a.
Ia Kilni gimin bangija uiatanirang
•Ia kilko "Comilla Cotton" ine mingaha maina India jakgitel ong•na skang ia Garo Hills ni Kilko bading chiwalgiparang Bangladesh ni Comilla districto palrongachim.
•Ia kilni Scientific name/bimungra Gossypium arboreum L. Ong•a. (Rim•e nio skakgipa, kilding kandikgipa aro mikka balwa sabisirangna nosto ongninggijagipa bipang ong•a)
•Ia kilko a•bao geronga aro dingtang dingtang mesurang baksa gebrina.
•Blongen dam rang nama aro bading chiwalna namgipa chol ong•enga A•chik manderangna .Uni gimin ia kilko ge•aniko baridapatna aro masiatna anching kam ka•na nangenga.