CPIM Vadakkencherry AC

08/10/2026

കണ്ണമ്പ്ര പഞ്ചായത്തിലെ
പണി പൂർത്തീകരിച്ച
രക്കാണ്ടി - തൊഴുത്ത് പാറ
റോഡ് ഉത്ഘാടനം.

08/10/2026

പാർട്ടി 🚩

08/10/2026

കാസർകോട്ടെ കേരള കേന്ദ്ര സർവ്വകലാശാലയിൽ ആർഎസ്എസ് പരിപാടിക്ക് കേരള പോലീസ് സംരക്ഷണം ഒരുക്കിയ നടപടി അത്യന്തം അപലപനീയമാണ്. സംഘപരിവാർ സംഘടനയൊഴികെയുള്ള മറ്റു വിദ്യാർത്ഥി സംഘടനകളാകെ പ്രതിഷേധിച്ചിട്ടും പരിപാടിക്ക് സർക്കാർ ഒത്താശ ചെയ്യുകയാണുണ്ടായത്. ഉന്നത വിദ്യാഭ്യാസ സ്ഥാപനങ്ങളെ കാവിവൽക്കരിക്കാനും ക്യാമ്പസുകളിൽ വർഗീയ അജണ്ടകൾ നടപ്പിലാക്കാനുമുള്ള സംഘപരിവാർ ഗൂഢാലോചനയ്ക്ക് യുഡിഎഫ് സർക്കാർ കൂട്ടുനിൽക്കുന്നത് പതിവുസംഭവമായി മാറിയിരിക്കുകയാണ്.

വന്ദേമാതരത്തിന്റെ 150-ാം വാർഷികത്തോടനുബന്ധിച്ച് സംഘടിപ്പിച്ച ദേശീയ സെമിനാറിന്റെ രാഷ്ട്രീയം പ്രകടമാണ്. അക്കാദമിക് പരിപാടിയാണെന്നാണ് വാദമെങ്കിൽ ഇതിലേക്ക് അക്കാദമിക് പശ്ചാത്തലമില്ലാത്ത ആർഎസ്എസ് നേതാവിനെ ക്ഷണിച്ചതിന് എന്തു ന്യായീകരണമാണ് സർവ്വകലാശാല അധികൃതർക്ക് പറയാനുള്ളത്? പരിപാടിക്കായി മുൻകൂട്ടി രെജിസ്റ്റർ ചെയ്ത വിദ്യാർത്ഥികളെപ്പോലും ഹാളിലേക്ക് പ്രവേശിപ്പിക്കാതെ തടഞ്ഞുനിർത്തുന്ന സ്ഥിതിയുമുണ്ടായി.

വിദ്യാഭ്യാസ കേന്ദ്രങ്ങളെ വിദ്വേഷ പ്രചാരണങ്ങളുടെയും വർഗീയതയുടെയും ഇടങ്ങളാക്കി മാറ്റാനുള്ള ശ്രമങ്ങളെ കേരളം എക്കാലത്തും ശക്തമായി പ്രതിരോധിച്ചിട്ടുണ്ട്. എന്നാൽ, ഇത്തരം അറുപിന്തിരിപ്പൻ ശക്തികൾക്ക് താവളമൊരുക്കാൻ സംസ്ഥാന പോലീസിനെ ഉപയോഗിക്കുന്നത് യുഡിഎഫ് സർക്കാരിന്റെ ആർഎസ്എസ് പ്രീണന നയമാണ് വ്യക്തമാക്കുന്നത്. സംഘപരിവാറിന് കേരളത്തിന്റെ ഉന്നതവിദ്യാഭ്യാസ രംഗത്ത് യഥേഷ്ടം വിഹരിക്കാൻ പോലീസ് കാവലൊരുക്കുന്നത് മതനിരപേക്ഷ കേരളത്തോടുള്ള വെല്ലുവിളിയാണ്. ഈ വിഷയത്തിൽ ശക്തമായ പ്രതിഷേധം പൊതുസമൂഹത്തിൽ നിന്നും ഉയരേണ്ടതുണ്ട്.

സ. പിണറായി വിജയൻ
പ്രതിപക്ഷനേതാവ്

08/10/2026

രാജ്യത്തിൻ്റെ തെരഞ്ഞെടുപ്പ് പ്രകിയയുടെ വിശ്വാസ്യത സംഘപരിവാറിന് പണയപ്പെടുത്തിയ മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ്കുമാറിനെ നീക്കം ചെയ്യുന്നതിന് വേണ്ടിയുള്ള പ്രക്ഷോഭം പുതിയ ചരിത്രമെഴുതുകയാണ്. രാജ്യത്തൊട്ടാകെയും ഡൽഹിയിൽ പ്രത്യേകിച്ചും സമരം പുതിയ മാനങ്ങളിലേക്ക് എത്തിക്കഴിഞ്ഞു. കേരളം വിട്ടാൽ മറ്റെവിടെയുണ്ട് എന്ന് ചിലർ പരിഹസിച്ച സി.പി.ഐ (എം ) ൻ്റെയും ഇടതുപക്ഷത്തിൻ്റേയും സമരക്കരുത്തിനാണ് ഇക്കഴിഞ്ഞ ദിവസങ്ങളിൽ ഡൽഹിയും രാജ്യവും സാക്ഷ്യം വഹിച്ചത്. ഈ സമരത്തിൻ്റെ ചാലകശക്തിയായി നിലകൊള്ളുന്നത് ഇടതുപക്ഷ പാർട്ടികളും ഇടതു വിദ്യാർത്ഥി, യുവജന സംഘടനകളുമാണെന്ന്, വിമർശകർക്ക് തന്നെ അംഗീകരിക്കേണ്ടിവന്നു.

പ്രതിപക്ഷ പാർട്ടികൾ ഒറ്റക്കെട്ടായി നടത്തിയ സമരത്തിലേക്ക് എത്തിയതോടെ ഈ ജനകീയ മുന്നേറ്റത്തിൻ്റെ ആഴവും പരപ്പും കൂടി. ഇടതു വിദ്യാർത്ഥി, യുവജന സംഘടനകളും സി ജെ പി യും നടത്തിയ സമരങ്ങളെ അടിച്ചമർത്താനും വനിതകളേയും മാധ്യമപ്രവർത്തകരേയും ആക്രമിക്കാനുമാണ് പോലീസ് ശ്രമിച്ചത്. നേതാക്കളും എം.പിമാരുമുൾപ്പെടെ ഒട്ടേറെ പേർക്ക് മർദ്ദനമേറ്റു. എല്ലാ അടിച്ചമർത്തലുകളേയും നേരിട്ട് വിശ്രമമില്ലാതെയും നിരന്തരമായും സമരത്തിൽ അണിനിരക്കുന്ന പ്രക്ഷോഭകാരികൾ ആവേശം നിറക്കുന്നുണ്ട്. ഇതിലൂടെ ഉന്നയിക്കുന്ന മുദ്രാവാക്യം ഈ രാജ്യത്തിൻ്റെ ജനാധിപത്യ സംരക്ഷണത്തിന് വേണ്ടിയാണെന്ന ബോധ്യം ജനങ്ങളും പങ്കുവക്കുന്നു.

ഇപ്പോൾ ഗ്യാനേഷിനും തുടർച്ചയിൽ സംഘപരിവാറിനും പുറത്തക്കുള്ള വഴികാട്ടിയായി ഈ സമരം മാറുമെന്നതിൽ സംശയമില്ല.

സ. പി രാജീവ്

08/10/2026

08/10/2026

മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഡൽഹിയിൽ സമാധാനപരമായി പ്രതിഷേധിച്ച പ്രതിപക്ഷ എം.പിമാർക്ക് നേരെ നടന്ന പോലീസ് അതിക്രമം അങ്ങേയറ്റം അപലപനീയമാണ്. രാജ്യത്തെ തെരഞ്ഞെടുപ്പ് പ്രക്രിയയുടെ വിശ്വാസ്യതയെ സംബന്ധിച്ച് ഗൗരവതരമായ ആശങ്കകൾ നിലനിൽക്കുന്ന സാഹചര്യത്തിൽ അതിന് മറുപടി പറയേണ്ടത് പ്രതിഷേധിക്കുന്ന ജനപ്രതിനിധികളെ അടിച്ചമർത്തിക്കൊണ്ടല്ല. തെരഞ്ഞെടുപ്പ് കമ്മീഷന്റെ നിഷ്പക്ഷതയും സ്വതന്ത്ര സ്വഭാവവും സംരക്ഷിക്കപ്പെടുക എന്നത് ജനാധിപത്യ സംവിധാനത്തിന്റെ നിലനിൽപ്പിന് തന്നെ അനിവാര്യമാണ്.

പ്രതിഷേധ സ്വരങ്ങളെ ഇല്ലാതാക്കുന്ന ഏകാധിപത്യ സമീപനം കേന്ദ്ര സർക്കാർ അടിയന്തരമായി ഉപേക്ഷിക്കണം. ഉയർന്നുവന്ന ജനാധിപത്യപരമായ ചോദ്യങ്ങളോട് കൂടുതൽ ഉത്തരവാദിത്തത്തോടെ പ്രതികരിക്കാൻ സർക്കാർ തയ്യാറാകണം.

സ. പിണറായി വിജയൻ
പ്രതിപക്ഷ നേതാവ്

08/10/2026

08/10/2026