09/03/2026
आज रोजी दिनांक ०५/०३/२०२६ रोजी पंचायत समिती मावळ येथे सर्व नवनिर्वाचित जिल्हा परिषद सदस्य व पंचायत समिती सदस्य यांचा स्वागत समारंभ उत्साहपूर्ण वातावरणात पार पडला.
या कार्यक्रमात मुख्यमंत्री समृद्ध पंचायतराज अभियानाबाबत सविस्तर चर्चा करण्यात आली. तसेच सर्व खाते प्रमुख, अधिकारी/कर्मचारी व ग्रामपंचायत अधिकारी यांची समन्वय सभा आयोजित करण्यात आली. या सभेमध्ये अभियानातील विविध उपक्रमांची माहिती देण्यात आली तसेच ग्रामपंचायत स्तरावर अभियान प्रभावीपणे राबविण्यासाठी आवश्यक मार्गदर्शन करण्यात आले.
सभेमध्ये मुख्यमंत्री समृद्ध पंचायतराज अभियानांतर्गत मा. सदस्यांना २१ ग्रामपंचायती दत्तक देण्यात आल्या. त्यामुळे ग्रामविकासाच्या कामांना अधिक गती मिळून अभियान प्रभावीपणे राबविण्यास मदत होईल, असे मत व्यक्त करण्यात आले.
तसेच स्वच्छता, प्लास्टिकमुक्त गाव, घनकचरा व्यवस्थापन, जलसंवर्धन, वृक्षलागवड, ग्रामविकासाची कामे तसेच नागरिकांचा सहभाग वाढविणे या विषयांवरही सविस्तर चर्चा करण्यात आली.
यावेळी उपस्थित लोकप्रतिनिधी व प्रशासकीय अधिकारी यांनी परस्पर समन्वय साधून मावळ तालुक्याच्या सर्वांगीण विकासासाठी एकत्रितपणे कार्य करू, असे मत व्यक्त केले.
यावेळी गट विकास अधिकारी मा. श्री. के. के. प्रधान साहेब, तसेच मा.श्री. विठ्ठल अण्णा शिंदे माजी सभापती पंचायत समिती मावळ, मा. श्री. गणेश भाऊ खांडगे राष्ट्रवादी काँग्रेस तालुका अध्यक्ष, सहायक गट विकास अधिकारी मा. श्री. एस. डी. थोरात साहेब तसेच सर्व खाते प्रमुख, अधिकारी/कर्मचारी व ग्रामपंचायत अधिकारी उपस्थित होते. तसेच जिल्हा परिषद सदस्य मा. श्री. अनंता हनुमंत पावशे, मा. श्रीमती पल्लवी संदीप दाभाडे, मा. श्रीमती दिपाली दीपक हुलावळे, मा. श्री. संतोष गबलू राऊत, मा. श्रीमती मनीषा नितीन मुऱ्हे तसेच पंचायत समिती सदस्य मा. श्रीमती प्राची देविदास गायकवाड, मा. श्रीमती आशा ज्ञानेश्वर मोरमारे, मा. श्री. राजेंद्र गुलाब कडलक, मा. श्री. दिलीप नामदेव ढोरे, मा. श्री. समीर खंडू जाधव, मा. श्रीमती रेश्मा राजू देवकर, मा. श्री. योगेश मुलीधर लोहर, मा. श्रीमती शैला रामचंद्र कालेकर, मा. श्री. साहेबराव नारायण कारके, मा. श्रीमती सुनिता मनोहर येवले उपस्थित होते
