11/07/2025
“உயிரை விட மானம் பெரிது!” என முழங்கி, ஆங்கிலேய ஏகாதிபத்தியத்திற்கு எதிராக 18-ஆம் நூற்றாண்டிலேயே விடுதலை நெருப்பை மூட்டியவர் மாவீரன் #அழகுமுத்துக்கோன் !
ஆங்கிலேயர்களுக்கு வரி செலுத்த மறுத்து, மூன்று முறை போரில் அவர்களை வென்று, தமிழ் மண்ணின் மானத்தைக் காத்தவர். துரோகத்தால் வீழ்த்தப்பட்ட போதும், பீரங்கியின் முன் நின்று, "என் உயிரை விட என் நாட்டின் சுதந்திரமும் தன்மானமுமே முக்கியம்" என வீர கர்ஜனை செய்தவர்.
மன்னிப்புக் கேட்டால் உயிரையும் ஆட்சியையும் திருப்பித் தருவதாக ஆங்கிலேயர் ஆசை காட்டிய போதும், அதற்கு பணியாது, தன் நெஞ்சில் குண்டுகளைத் தாங்கி, ஆயிரமாயிரம் தேசபக்தர்களுக்கு உத்வேகமளித்த அவரது தியாகம் என்றும் போற்றுதலுக்குரியது.
அவரது பிறந்தநாளில், அந்த மாவீரனின் தியாகத்தையும், வீரத்தையும் போற்றி இன்று தூத்துக்குடி வடக்கு மாவட்டம் கட்டாளங்குளம் கிராமத்தில் உள்ள அவரது திருவுருவச்சிலைக்கு பாஜக தென்காசி மாவட்ட,ஒன்றிய நிர்வாகிகள் தொண்டர்களோடு மாலை மரியாதையுடன் வணங்கினோம்....
