09/10/2026
അനശ്വരവിപ്ലവകാരി ചെ ഗുവേര രക്തസാക്ഷിത്വം വരിച്ചിട്ട് 59 വർഷങ്ങൾ. ലോകമെങ്ങുമുള്ള അധ്വാനിക്കുന്ന ജനവിഭാഗങ്ങളുടെയും, ചൂഷിതരുടെയും ആവേശമായി ചെ ഗുവേരയുടെ ഓർമ്മകൾ നിലകൊള്ളുന്നു. സാമ്രാജ്യത്വവിരുദ്ധ സമരങ്ങൾക്കും, നീതിക്കായുള്ള പോരാട്ടങ്ങൾക്കും ചെയുടെ ആദര്‍ശങ്ങളും പ്രവര്‍ത്തനങ്ങളും ആവേശം നല്‍കുന്നു. ചെയുടെ രക്തസാക്ഷിത്വം സ്ഥിരീകരിച്ച് കാസ്ട്രോ പറഞ്ഞത് "ചെ മരിച്ചതോടെ അദ്ദേഹത്തിന്റെ ആശയങ്ങള്‍ക്ക് അന്ത്യമായെന്ന് കരുതിയവര്‍ക്ക് തെറ്റുപറ്റി. ആയിരംമടങ്ങ് ശക്തിയോടെ തന്റെ കൊലയാളിക്കെതിരെ പോരാടാന്‍ ആ ഓര്‍മ കരുത്ത് നല്‍കും.'' എന്നാണ്. ആ വാക്കുകളെ അന്വർത്ഥമാക്കും വിധം ചെഗുവേരയുടെ ഓർമ്മകൾ ലോകമെമ്പാടുമുള്ള സാമ്രാജ്യത്വ വിരുദ്ധ പോരാട്ടങ്ങൾക്ക് കരുത്താവുന്നു.
