Emad Hussain

خەلاتێ رێزلێنانێ ب پۆلیسێن ئاکرێ مە هاتە بەخشین

ئەڤرۆ ئەفسەرێ رێڤەبەریا مە ( مقدمێ پولیسا ـ عـمـاد حسین ابراهیم ) ب نوینەراتیا بەرێز رێڤەبەرێ پولیسێن ئـاکـرێ خەلاتێ رێزلێنانێ پێ هاتە بەخشین ژلایێ کومپانیا ئەتلس کروز (Atlas Cruise) ژ پێخەمەت رولێ پولیسێن ئـاکـرێ ژبۆ پاراستنا رێورەسمێن هەرسێ رۆژێن دووەمین ڤیستەڤالا ئـاکرێ یا بەرهەمێن خۆمالی تاکو ئەڤرۆ رۆژا دوماهیێ کو ژلایێ ئەفسەر و کارمەندێن مە ژ بەشێ پولیسێن پاراستنا چالاکیێن مەدەنی و پۆلیسێن هەوارهاتنێ ڤە د هاتە پاراستن لپێناڤ پاراستنا سەلامەتیا گیانێ هاولاتی و گەشتیار و جوتیار و خودان بەرهەمێن خۆمالی و ئامادەبوویێن ڤیستەڤالێ ب گشتی كو ل سەنتەرێ بازرگانی یا هەڤچەرخ ل ئاکرێ برێڤەدچوو.

پولیسێن ئـاکـرێ بنگەهێن ئەزموونی پاراستن

کارمەندێن مە ژ هەمی میلاکاتێن رێڤەبەریا پولیسێن ئـاکـرێ ل هەردوو قەزایێن ئاکرێ و بەردەرەش هەر ژ دەستپێکا دەستپێکرنا خولا دووێ یا ئەزموونێن پولا ١٢ێ ئامادەیی یێن سالا خاندنێ ٢٠٢٤ ـ ٢٠٢٥ و ب هەماهەنگی دگەل رێڤەبەریێن پـەروەردێن قەزا ئـاکـرێ و قەزا بەردەرەش .
تاکو ئەڤرۆ دوماهیك ئەزموون ل هەمی بنگەهێن ئەزموونی د ئەرکی دابوون پێخەمەت پاراستنا ئێمناهیێ و ماموستا و قوتابیان لدەمێ ئەنجامدانا ئەزموونان ل بنگەهێن ناڤبری.

رێڤه‌بەرێ پولیسێن پارێزگه‌ها دهوكێ هاته‌ خانه‌نشینكرن

ئه‌ڤرۆ ل ب ئاماده‌بوونا رێزدار « دکتور عه‌لی ته‌ته‌ر» پارێزگارێ دهوكێ و ب بەرهەفبوونا «عەمیدێ پولیسا ـ قاسم محمدصالح عبدالوهاب» رێڤەبەرێ پولیسێن ئـاکـرێ و هژمارەکا رێڤەبەرێن پولیسان ل دیوانا پارێزگه‌ها دهوكێ ولدیف سالبەندیا خانه‌نشینكرنێ هێژا « عه‌میدێ پولیسا ـ فه‌خری ئه‌حمه‌د مجید » رێڤه‌به‌رێ پولیسێن پارێزگه‌ها دهوكێ هاته‌ خانه‌نشینكرن.
جەنابێ پارێزگارێ دهوكێ و ئامادەبوویان رولێ ناڤبری د سالێن خزمه‌تێ دا و ب تایبه‌ت د بوارێ ئێمناهیا پارێزگه‌ها دهوكێ بلند نرخاند.
هەردیسان رێڤەبەرێ رێڤەبەریا مە زۆر سوپاسیا بەرێز «عەمید فەخری» کر ژ پێخەمەت هاریکاری و هەماهەنگیا وان دگەل رێڤەبەریا پولیسێن ئـاکـرێ دماوێن بوریدا و دەست خۆش و هیڤیا سەرکەفتنێ و ژیانەکا بەختەوەر بۆ خاست.

روينشتنا دوماهیك هاتنا پرۆژێ هەڤکاری و هەماهەنگیا رێکخراوا سالار ـ ئیرفاد بۆ پێشخستنا حوکمرانیا خوجهی

ئەڤرۆ ب نوینەراتیا رێڤەبەریا مە «مقدمێ پولیسا ـ نویژان صلاح رشید» ئەفسەرێ بنگەهێ پولیسێن سنێلا ل هەولێرا پایتەخت پشکداری د روینشتنا دوماهیکێ یا «پرۆژێ پێشخستنا حوکمرانیا خوجهی» کر ئەوێ هاتیە برێڤەبرن د ماوێ بوریدا ژلایێ هەردوو رێکخراوێن کومەلگەیێن مەدەنی «دەزگەهێ ئیرفاد یێ عێراقی و رێکخراوا سالار یا نێڤدەولەتی» لدۆر پاراستنا زاروکان و پەروەردا گشتگیر و سیستەمێ چاڤدێری و گەشەپێدانا جڤاکی و رێبەرێ هشیاریا کومەلایەتی ل هەرێما کوردستانێ.
هەژی زانینێ یە کو هەردوو رێکخراوان ب سوپاسی ڤە زۆر هاریکاریا ڤەکرنا بنگەهێ پولیسێن سنێلا ل ئاکرێ سەر ب رێڤەبەریا مە کریە و زۆر سوپاسیا هاریکاری و هەماهەنگیا وان دکەین دگەل رێڤەبەریا مە.

ل شەڤا دەربازبووی دەمژمێر ( ٠٠ : ١١ شەڤ ) پولیسێن بەردەرەش سەر ب رێڤەبەریا مە هاتنە ئاگەهدارکرن ب هەبوونا حالەتەکێ تەقەکرنێ دناف کومەلگەها بشیریان سەر ب ناحیا کەلەك دەمودەست پولیسێن قەزا بەردەرەش ژ بنگەهێ پولیسێن پاراستنا چالاکیێن مەدەنی و بنگەهێ پولیسێن هەوارهاتنێ و بنگەهێ پولیسێن کەلەك لجهێ رویدانێ ئامادەبوون و دەست ب ڤەکولینان کر و دیاربوو کو ب ئەگەرێ کێشەکا کۆمەلایەتی تەقە هاتیەکرن دنافبەرا دوو لایەنان دا و د هەمان دەمدا ترومبێلەك دەربازبوویە لسەر جادا سەرەکی بەردەرەش ـ کەلەك دناف کومەلگەها بشیریان کو چ پەیوەندی ب کێشەیێ ڤەنەبوویە و تەقە لێ هاتیەکرن کو خێزانەکا پێنج کەسی دناف دابوویە و د ئەنجام دا بمخابنیڤە دوو کچ بناڤێن « أ . ش . ع » تەمەن ١٠ سالی و « ئا . ش . ع » تەمەن ٨ سالی هاتینە کوشتن و سێ کەسێن دی کو دایك و باب و کچەكا وان برینداربووینە و بریندار هاتینە رەوانەکرن بۆ نەخۆشخانێ.
پولیسێن بەردەرەش « ٥ تومەتبار » سەرا تاوانێ دەستسەرکرینە ژ هەردوو لایەنان و ب فەرمانا رێزدار دادوەرێ ڤەکولینا بەردەرەش لدیف بەندێ « ٤٠٦ ی.س » تومەتبار هاتینە راگرتن ، دۆز بۆ تاوانێ هاتیە ڤەکرن ل بنگەهێ پولیسێن کەلەك و ڤەکولین بەردەوامە.

رێڤەبەرێ پولیسان رێز و سوپاسی و دەست خۆشی ل ئەفسەرەكى و دوو کارمەندان کر

ئەڤرۆ «عەمیدێ پولیسا ـ قـاسـم محمدصالح عبدالوهاب» رێڤەبەرێ پولیسێن ئـاکـرێ رێز و سوپاسی ئاراستەی ئەفسەرەك و دوو کارمەندێن بنگەهێ پولیسێن بەردەرەش/ بەشێ پولیسێن قەزا بەردەرەش سەر ب رێڤەبەریا مە کرن ، پشتی کو ئەرك و کارێن خۆ ب رێك و پێکی و دلسۆزی جێ بەجێ کرین تایبەت ژبۆ گرتنا تومەتبارا لەوما دەست خۆشی ل ناڤبریان هاتەکرن و هیڤی خاست ببنە نموونە بۆ هەمی ئەفسەر و کارمەندێن رێڤەبەریا مە.

رێڤەبەرێ پۆلیسێن ئـاکـرێ رێز و سوپاسی ئاراستەی بنگەهێ ئاسایشا زالگەهێن ئـاکـرێ کرن

ئەڤرۆ «عەمیدێ پولیسا ـ قـاسـم محمدصالح عبدالوهاب» رێڤەبەرێ پولیسێن ئـاکـرێ رێز و سوپاسی ئاراستەی «رائید ـ معروف عیسی محمود» بەرپرسێ بنگەهێ ئاسایشا زالگەهێن ئـاکـرێ دگەل هژمارەکا ئەفسەرێن بنگەهێ ناڤبری کرن ژ پێخەمەت هەمائاهه نگی و هەڤکاریا وان یا بەردەوام دگەل پۆلیسێن ئاکرێ ژبۆ دەستەسەرکرنا تومەتبارا د چارچوڤێ پاراستنا ئێمناهیێ لسنورێ رێڤەبەریا مە و لەوما دەستخۆشی ل وان کر و هیڤی خاست ببنە نمونە ژبۆ پاراستنا ئارامی دەڤەرێ ل ژێر ئالایێ پیرۆزێ کوردستانێ.

#سەرەدان
ئەڤرۆ «عەمیدێ پولیسا ـ قـاسـم محمدصالح عبدالوهاب» رێڤەبەرێ پولیسێن ئـاکـرێ و ب یاوەریا رێزدار «دکتور ـ دلاوەر بۆزۆ میکائیل» دەڤەردارێ دەڤەرداریا ئـاکـرێ و هژمارەکا رێڤەبەرێن فەرمانگەهێن میری و دەزگەهێن ئێمناهیێ و هژمارەکا ئەفسەرێن رێڤەبەریا مە سەرەدانا بارەگایێ لقا 9 یا پارتی دیموکراتی کوردستان کر و هاتنە پێشوازیکرن ژلایێ بەرێزان «د. مەردان خـدر» بەرپرسێ لقا ٩ یا پ.د.ك و هژمارەکا ئەندام و کادرێن لقا ٩ ، مەرەم ژ سەرەدانێ ئاراستەکرنا پیرۆزباهیێن جەژنا قوربانێ بوون.

ل مزگەفتێن ئاکرێ و بەردەرەش د ئەرکی دابوون

ئەڤرۆ پولیسێن ئـاکـرێ ژ پێخەمەت پاراستنا مزگەفتان لدەمێ ئەنجامدانا نڤێژا ب کۆمەل یا جەژنا قوربانا پیرۆز لبەر دەرگەهێ مزگەفتێن هەردوو قەزایێن ئاکرێ و بەردەرەش د ئەرکی دابوون.
زێدەباری رێزگرتنێ ل هاولاتیان و د چارچوڤێ پاراستنا ئارامیێ و دیڤچوون و نەهێلانا دیاردا خازخازوکیێ و دەستەسەرکرن وان و وەرگرتنا رێکارێن یاسایی دگەل کەسێن سەرپێچکار .

جەژنا قوربانێ ل هنگو پیروزدکەم خودێ خازم هەمی روژێت هنگو جەژن و خوشی بن هەر ساخ و سەرکەفتی بن🌺

#پیرۆزباهی
ب هەلکەفتا هاتنا «جەژنا قوربانێ» بناڤێ خۆ و هەمی ئەفسەر و کارمەندێن رێڤەبەریا پولیسێن ئـاکـرێ گەرمترین پیروزباهیان ئاراستەی تەڤایا موسلمانێن جیهانێ ب گشتی و موسلمانێن کوردستانێ تايبەتی و خەلکێ مە ل هەردوو دەڤەرێن ئاکرێ و بەردەرەش دکەین.
ئومێدێ خازین ئەڤ جەژنا پیروز ببیتە دەرگەهێ دلوڤانی و خێر و بەرەکەتێ و خوشیێ بو هەمی موسلمانان.
ژ خودایێ مەزن و دلوڤان داواکارین حەجا کوردستانیێن مە قەبیل کربیت و بخێر و سەلامەتی ب زڤرنەڤە ناڤ کەسوکارێن خۆ.
هیڤیدارین ژخەلکێ خو ب دل و دەروونێن ئارام و گیانێ لێبورینێ پیرۆزباهیێن جەژنێ ل ئێك و دوو قەبیل بکەن هاریکاری و پشتەڤانێن هێزێن مە یێن پولیسان بن لپێناڤ ئارامیێ و پاراستنا سەرومالێن هاولاتیێن مە یێن خۆشتڤی.
دووبارە جەژنا هنگۆ هەمیان پیرۆزبیت ...

عەمیدێ پولیسا
قـاسـم محمدصالح عبدالوهاب
رێڤەبەرێ پولیسێن ئـاکـرێ
٥ / ٦ / ٢٠٢٥