Tori hawbashi rekxrawakan-تۆڕی هاوبەشی رێکخراوەکان

٣١/٣/٢٠٢٦
تۆڕی هاوبەشی ڕێکخراوەکان کۆبونەوەی مانگانەی خۆی ئەنجامداو چەندبڕیارو کارێک و شێوازی کارکردن لەڕابردوو ئایجدە گفوگۆی لەسەرکراو باس لەئایندەی تۆڕکەکرا،
بەئامادەبونی سەرجەم ئەندامانی تۆڕ
سوپاسی پەیمانگای سمارت کرا کە شوێنی کۆبونەوەیان بۆ ئامادەکربوین

پرسەنامە

بەداخێكی زۆرەوە هەواڵی كۆچی دوایی خوشکی ئەندامی تۆڕی هاوبەشی ڕێکخراوەکان خاتوو(جیهان ساڵح)ڕادەگەیەنین لەو پێوەندە خەمناكەدا پرسە و سەرەخۆشیی لە هاوکارمان و کەسوکار و خانه‌واده‌ بەڕێزەکەیان دەکەین و خۆمان بە هاوبەشی خەمیان دەزانین .
ئومێدەوارین ئەمە دواخەم و ناخۆشیان بێ ، ڕۆحی کۆچکردوو بە بەهەشتی بەرین شاد بێ.
سەبر و ئارامی بۆ هەمووان

پرسەی ژنان لە خەلیفاوایە
‌٢٤/٣/٢٠٢٦
تۆری هاوبەشی رێکخراوەکان

٩/٣/٢٠٢٦
بەدروشمی
کۆمەڵگای ئاشتی بەڕێزگرتن لەژنان دەست پێدەکات
تۆڕی هاوبەشی ڕێکخراوەکان لەچوارچێوەی کاروچالاکیەکانی ڕۆژی هەشتی مارس پانێلێکی سازکرد بۆهەریەک لە
خاتووکەوسەر حەسەن / پانێلست
بەناونیشانی( هیچ تاکێک ئازاد نابێت تائابوریەکی سەربەخۆی نەبێت)
خاتووتارامحمدکریم/ پانلیست
بەناونیشانی (کێشە باوەکانی سەردەم)

بەیاننامەی پاڵپشتی تۆڕی هاوبەشی ڕێکخراوەکانی بۆ گەلی کورد لە ڕۆژئاوای کوردستان.
کۆمەڵانی خەڵکی کوردستان، ڕای گشتی جیهانی،
لەم قۆناغە مێژووییەدا، خاوەنداری لە بەرخودانی گەلی رۆژئاوا دەکەین و یەکێتی گەلی کورد دەخەینە سەرووی هەموو شتێکەوە.
​ئێمەش لای خۆمانەوە دووپاتی دەکەینەوە کە چارەنووسمان یەکە و سنوورە دەستکردەکان هیچ کات ناتوانن لە یەکترمان جیا بکەنەوە،
لە کاتێکدا ناوچەکە بە قۆناغێکی سەخت و هەستیاردا تێدەپەڕێت، خوشک و برایانمان لە ڕۆژئاوای کوردستان ڕووبەڕووی هەڕەشە و ئاستەنگی گەورە دەبنەوە ، ئێمە وەک ئەرکێکی نەتەوەیی، مرۆیی و ئەخلاقی، و نیشتمانی و مرۆڤایەتی ، دەنگی خۆمان دەخەینە پاڵ دەنگی خۆڕاگریی ئەوان و ئەم بەیاننامەیە ڕادەگەیەنین:
١. ستایشی خۆڕاگری و قوربانیدان
ئێمە بەوپەڕی ڕێزەوە سەیری ئەو قارەمانێتییە دەکەین کە گەلی کورد لە ڕۆژئاوا پیایدا تێپەڕیوە ، نەک تەنها بۆ پاراستنی خاکی خۆیان، بەڵکو وەک سەنگەرێکی پێشەوە بۆ بەرگریکردن لە بەها مرۆییەکان و تێکشکاندنی تیرۆری نێودەوڵەتی ،
٢. بانگەواز بۆ کۆمەڵگەی نێودەوڵەتی
داوا لە نەتەوە یەکگرتووەکان و هێزە کاریگەرەکانی جیهان دەکەین
• کە هەوڵە دیپلۆماسییەکانیان چڕتر بکەنەوە بۆ پاراستنی سەقامگیری لە ناوچەکانی ڕۆژئاوای کورردستان .
• ڕێگری بکەن لە هەر دەستوەردانێکی سەربازی کە ببێتە هۆی کۆچی زۆرەملێ و گۆڕینی دیمۆگرافیای ناوچەکە.
٣. یەکڕیزی و یەک هەڵوێستی
لەم کاتەدا لە هەموو کات زیاتر پێویستمان بە یەکڕیزی نێوان لایەنە کوردییەکان و پشتگیری جەماوەری هەیە. پێویستە پرسی ڕۆژئاوا وەک پرسێکی نەتەوەیی باڵا سەیر بکرێت و دوور بخرێتەوە لە ململانێیە حزبییە بەرتەسکەکان و بێ جیاوازی هیچ ئایدۆلۆژیایەک ،
لە کۆتایدا
ئێمە لەگەڵتانین بە ورەیەکی پۆڵایینەوە هیوامان بە سەرکەوتن و ئاشتی هەیە،
ئازاری ئێوە ئازاری ئێمەیە و ئاشتی و ئارامی بۆ خاکی ڕۆژئاوا بژی خەباتی ژنانی ڕۆژئاوای کوردستان
بژی بەرخودانی شەرەڤانی ڕۆژئاوا.

١٨/١/٢٠٢٦
وەفدێک کە پێک هاتبوون لە خاتوو سارکارو خاتوو سایەو خاتووفریشتە بەنوێنەرایەتی تۆڕی هاوبەشی ڕێکخراوەکان سەردانی ڕێکخراوی خوشکانیان کرد بەمەبەستی پیرۆزبای دەستپێکی خولی تازەی مەکتەبەکەیان

١٣/١/٢٠٢٥
کۆبونەوەی گشتی تۆڕی هاوبەشی ڕێکخراوەکان
تایبەت بەخۆڕێکخستنەوەو و دانای بەرنامەی کار بۆ ساڵی نوێ
لەکۆبونەوەدا میوانداری نوێنەری هاوپەیمانی ندا کراو باسی لە کارو دامەزراندن وبەڕێوەچونی کارەکانی کرا

بەناونیشانی (کوشتن خۆکوشتن لەهەرێمی کوردستان )
٧/١٢/٢٠٢٥
لەمیانەی کارو چالاکییەکانی هەڵمەتی شانزەڕۆژەی بەرەنگاربونەوەی توندوتیژی بەرامبەر ژنان
تۆڕی هاوبەشی ڕێکخراوەکان بهاوبەشی لەگەڵ سەنتەری ڕاوێژکاریدەرونی و کۆمەڵایەتیزانکۆ پانێڵێکیان سازدا