دەستەبەری کۆمەڵایەتی بۆکرێکاران سلێمانی

ڕاگەیەندراوێکی گرنگ بۆ سەرجەم خاوەنکاران و کرێکاران
وەرگرتنی "کۆمپیالە" یان "کەفالەى دارایی" لە کرێکاران بە هەموو شێوەیەک قەدەغەیە

پاڵپشت بە یاسای کار ژمارە (٧١)ی ساڵی ١٩٨٧ و نووسراوە فەرمییەکانی بەڕێوەبەرایەتیی گشتیمان و وەزارەتی دادی حکومەتی هەرێمی کوردستان، ئاگاداری سەرجەم خاوەنکاران دەکەینەوە:
وەرگرتنی کۆمپیالە، کەفالەی دارایی، یان ناچارکردنی کرێکار بە "خۆقەرزارکردن" وەک مەرجێک بۆ دامەزراندن یان بەردەوامبوون لە کاردا، پێچەوانەی یاسایە و بە هەموو شێوەیەک قەدەغەیە.

هەروەها سەرجەم ئەو خاوەنکارانەی پێشتر ئەم کارە نایاساییەیان ئەنجام داوە، پێویستە بە زووترین کات هەموو ئەو پابەندییە داراییانە لەسەر کرێکاران هەڵبوەشێننەوە. بەپێچەوانەوە، ڕووبەڕووی سزای توندی یاسایی دەبنەوە، چونکە ئەم کارە دەبێتە ئامرازێک بۆ فشاری نایاسایی لە دەرەوەی بەندەکانی گرێبەستی کار.

داوا لە سەرجەم کرێکارانیش دەکەین ڕێگە نەدەن ئەم پێشێلکارییەیان بەرامبەر بکرێت، لە کاتی هەر ناچارکردن یان بەدیکردنی ئەم سەرپێچیانەدا، دەتوانن بە شێوەیەکی نهێنی و پارێزراو بەم ڕێگایانەى خوارەوە ئاگادارمان بکەنەوە:
هێڵی گەرمی هۆشیاریی کرێکاران ژمارە (5500)
دەتوانیت لە ڕێگەى پەیوەندی تەلەفۆنى یان لە ڕێگەى (واتسەپ، ڤایبەر) نامە بنێرى بۆ ژمارە (07511225500) یان (07721225500) چ بە شێوەى نووسین یان پەیامى دەنگى.
دەتوانیت لە ڕێگەى سیستمى سکاڵاى ئەلیکترۆنى لە ڕێگەى ئەم بەستەرەى خوارەوە سکاڵا تۆمار بکەیت و ئاگادارمان بکەیتەوە:
https://skala.gkrd.krd/ComplianceProcess

بۆ بینینى بەڵگە فەرمییەکان سەردانى پۆرتاڵی کار بکە:
https://kar.molsa.gov.krd/News/f8357ddf-32ca-4016-81bd-2ea05f22ccb0

ڕاگەیاندنى بەڕێوەبەرایەتیی گشتیی کار و دەستەبەرى کۆمەڵایەتى

بەبۆنەی جەژنی پیرۆزی قوربانەوە، پیرۆزباییەکی گەرم لە سەرجەم موسڵمانانی جیھان بەگشتی و موسڵمانانی کوردستان بە تایبەت دەکەین.
ئومێده‌وارین ئەم بۆنە پیرۆزه‌ ببێتە مایەی خێر و خۆشی و ئارامی و سه‌قامگیریی زیاتر بۆ گەلی كوردستان .
دووباره‌ جه‌ژنی قوربانتان پیرۆز بێت.
ڕاگەیاندنی بەڕێوەبەرایەتی دەستەبەری کۆمەڵایەتی بۆ کرێکاران / سلێمانی

سەردانێک لەپێناو چارەسەرکردن

لقی سلێمانی/کۆمەڵەی کاسبکاران، سەردانی بەڕێوەبەرایەتیی دەستەبەری کۆمەڵایەتی بۆ کرێکاران/سلێمانی-یان کرد.
لەسەردانەکەییاندا کە لەلایەن شیروان مجید صادق بەڕێوەبەری بەڕێوەبەرایەتیی ناوبراوەوە پیشوازیان لێکرا کۆمەڵەکە باسییان لەکێشەو گرفتەکانی پیشەوەرانی ناوچەی پیشەسازی هوانە کرد، لەگەڵ باسکردن لەهەڵمەتی هۆشیارکردنەوەی کاسبکاران لەبارەی دەستەبەری کۆمەڵایەتیی.
لەکۆتایشدا بەڕێوەبەری بەڕێوەبەرایەتییەکە سوپاسی کۆمەڵەکەی کرد کە لەخەمی کاسبکاراندان و بەڵێنی هەماهەنگی پێدان لە چارەسەرکردنی گرفتانەی کە پەیوەندی بە بەڕێوەبەرایەتییەکەیانەوە هەبێت لەگەڵ هۆشیارکردنەوەی کرێکاران لەبارەی دەستەبەری کۆمەڵایەتی.
ڕاگەیاندنی بەڕێوەبەرایەتی دەستەبەری کۆمەڵایەتی بۆ کرێکاران / سلێمانی

بەبۆنەى ڕۆژى جیهانى کرێکاران، گەرمترین پیرۆزبایی ئاڕاستەى کرێکارانى کوردستان و سەرجەم کرێکارانى جیهان دەکەین.
کرێکاران لەکوردستان ڕۆڵى باڵایان هەیە لەپرۆسەى ئاوەدانکردنەوەو بنیادنانى ژێرخانى ئابورى، هەر بۆیە شایەنى ئەوەن کە بەدەستەبەرکردنى ژیانێکى باشترو بەرزکردنەوەى ئاستى گوزەرانیان و هەلى کارى زیاتر و دابینکردنى بیمەى تەندروستى، ڕۆڵ و خزمەتى کرێکاران بەرز بنرخێنرێت. دووبارە پیرۆزە ڕۆژى جیهانى کرێکاران، بەهیواى لەش ساغى و سەلامەتى بۆ هەموو کرێکاران.
ڕاگەیاندنی بەڕێوەبەرایەتی دەستەبەری کۆمەڵایەتی بۆ کرێکاران / سلێمانی