بەڕێوەبەرایەتی گشتی گەشت وگوزاری هەڵەبجە

#ئاگاداری
پاڵپشت بە مادەی (٣٣) لە یاسای ژمارە (١) ساڵی (٢٠٢١) یاسای فرۆشتن و بەکرێدانی موڵک و ماڵی دەوڵەت ، ئاماژە بە خاڵی (٦) لە بانگەوازی بەکرێدانی پڕۆژەی کابینە گەشتیارییەکانی ئاوێسەر ، سەرجەم ئەو بەشداربووە بەڕێزانە ئاگادار دەکەینەوە کە خواستی بەشداریکردنیان هەیە لە زیادکردنەکەدا لەبەرئەوەی سبەینێ پێنجشەمە کە دەکاتە بەرواری (٢٠٢٦/٦/٤ ) ڕۆژی کردنەوەی بانگەوازەکەیە بەهۆی جەژنی ( غەدیر) پشووی فەرمییە کردنەوەکە ئەنجامنادرێت و دواخراوە بۆ ڕۆژی یەکشەممە بەرواری (٢٠٢٦/٦/٧) بۆ ئاگاداریتان لەگەڵ ڕێزدا .

ڕاگەیاندنی بەڕێوەبەرایەتی گشتی گەشتوگوزاری هەڵەبجە

#ڕاگەیاندنی #ئامار

ئەمڕۆ (٢٠٢٦/٥/٣٠ ) کۆتا ڕۆژی جەژنی قوربانی پیرۆز تیمەکانی بەڕێوەبەرایەتی گشتیمان پێشوازییان لە گەشتیارانی ئازیزی پارێزگای هەڵەبجە کرد.

بەناوی بەڕێوەبەرایەتی گشتیمانەوە سوپاس و دەستخۆشی لە سەرجەم تیمەکانی بەڕێوەبەرایەتی گشتیمان دەکەین کە بەوپەڕی دڵسۆزی و ماندونەبونەوە توانییان بەشێوەیەکی سەرکەوتوانە پلانی ڕۆژانی جەژنی قوربان جێبەجێ بکەن بە پێدانی ڕێنمایی و چاودێری نرخ و پاك و خاوێنی و پاراستنی ژینگەی ناوچە گەشتیارییەکان.

هەروەها زۆر سوپاسی بەڕێزان پارێزگاری هەڵەبجە و قایمقامی هەڵەبجە و دەزگا ئەمنیەکان لە بەڕێزان ( ئاسایش ، پۆلیس ، بەرگری شارستانی ، پۆلیسی هاتوچۆ ، تیمەکانی تەندروستی ، بەڕێوەبەرایەتی گشتی شارەوانیەکانی هەڵەبجە ،لیژنە هاوبەشەکانی قایمقامیەتی هەڵەبجە ، کۆمپانیای بیڤان) بەڕێوەبەرایەتی ناحیەکانی خورماڵ و بیارە کە هاوکارو هەماهەنگی بەڕێوەبەرایەتی گشتیمان بوون لە پاراستنی سەلامەتی و ئەمنیەت و پاکردنەوەی ناوچە گەشتیارییەکانمان .
هەروەها سوپاسی بەڕێوەبەرایەتی ئاسایشی بازگەکانی شارەزور و بازگەی خورماڵ دەکەین کەپێکەوە توانیما پپێشوازی بکەین لە زیاتر ( ١٠٠ ) سەد هەزار گەشتیار و سەردانیکەر لە ماوەی ڕۆژانی جەژندا ، هەروەها ( ٨٢) ئاگادار کردنەوە دراوە بە شوێنە گەشتیارییەکان و سوپاس بۆخوای گەورە هیچ ڕوداوێکی نە خوازراو ڕوینەدا.

ڕاگەیاندنی بەڕێوەبەرایەتی گشتی گەشتوگوزاری هەڵەبجە.

بەئامادەبونی نوێنەری بەڕێوەبەرایەتی گشتیمان لە لیژنەهاوبەشەکانی قایمقامیەتی هەڵەبجە هەڵمەتێکی گەڕان و پشکنینیان لە هاوینە هەواری ئەحمەدئاوا ئەنجامدا.
لە ئەنجامی ئەم بەسەرکردنەوەیەدا، شەش شوێنکار غەرامە کران و سێ شوێنکاری تریش ئاگادارکرانەوە.
​هەروەها لیژنەکەمان دەستی بەسەر ١٠٠ جۆر خواردن، خواردنەوە و کەرەستەی بەکارهاتوودا گرت کە شیاوی بەکارهێنان نەبوون، هاوکات بڕێک دۆندرمە و شیرینی کە شیاوی خواردن نەبوون لەناوبران.
لیژنەکانمان بەردەوام دەبن لە گەڕان و چاودێریکردنی وردی شوێنەکان، لەپێناو پاراستنی تەندروستیی گشتی و ڕەچاوکردنی بەرژەوەندیی سەرجەم هاوڵاتییان.

ئەمڕۆ ( ٢٠٢٦/٥/٢٩ ) ئەندازیار ( چیا قاسم ) بەڕێوەبەری گشتی گەشتوگوزاری هەڵەبجه بەمەبەستی جەژنە پیرۆزە و بەسەرکردنەوەی تیمەکانی بەڕێوەبەرایەتی گشتیمان سەردانی هاوینە هەواری ئەحمەدئاوا _ سەرچاوەی زەڵمی کرد و سوپاسی تیمەکانی بەڕێوەبەرایەتی گشتیمانی کرد کە سەرەڕای پشو بەشێوەیەکی جوان و دڵسۆزانە ڕێنمایی دەدەن بە خاوەن شوێنە گەشتیارییەکان و چاودێری نرخ و پاك و خاوێنی ناوچە گەشتیارییەکان دەکەن.
هاوکات تیمەکانی بەرگری شارستانی و هاتوچۆی بەسەرکردەوە و سوپاسی سەرجەم دەزگا ئەمنی و تەندروستی و شارەوانیەکان و کۆمپانیای پاکەوانی بیڤانی کرد بۆ ئامادەبونیان لە ناوچە گەشتیارییەکان لە پێناو پاراستنی سەلامەتی گەشتیاران و ژینگەی ناوچە گەشتیارییەکان.

ڕاگەیاندنی بەڕێوەبەرایەتی گشتی گەشتوگوزاری هەڵەبجە.

#ئاگادارى
بەڕێوەبەرایەتی گشتی گەشتوگوزاری هەڵەبجە و لیژنەی چاکسازی ڕێگای دەرەی مەڕ ئاگاداری گەشتیاران و هاوڵاتیانی خۆشەویست دەکات لە ئێستادا ڕێگای ( سێ داران _ دەرەی مەڕ) بەکار نەهێن بە هۆی فراوانکردن و چاکسازی کردن لە ڕێگەکەدا ، ڕێگاکە داخراوە.

ڕاگەیاندنی بەڕێوەبەرایەتی گشتی گەشتوگوزاری هەڵەبجە.

ئەمڕۆ ( ٢.٢٦/٥/٢٨) دووەم ڕۆژی جەژنی قوربانی پیرۆز تیمەکانی بەڕێوەبەرایەتی گشتیمان پێشوازییان لە گەشتیارانی ئازیزی پارێزگای هەڵەبجە کرد ، هاوکات چاودێری و ڕێنمایی بە خاوەن شوێنەگەشتیارییەکان دەدەن.
ڕاگەیاندنی بەڕێوەبەرایەتی گشتی گەشتوگوزاری هەڵەبجە.