مجاناً في بغداد

My dream

متبرعة طيبة كريمة
مستمرة ويانا
اليوم كان الها مساهمة ويانا كالت اليوم ذكرى وفاة والدي
وردت اسوي اله ثواب
وفعلاً ساهمت بموضوع الكرسي المتحرك للبنية الي نشرنا عنها يوم امس
الله يرحم والدها يارب
فعلاً هنيئاً اله الي يبقى اولاده يذكرونه بعمل الخير والدعاء
وان شاء الله العربانة نوصلها للبنية هاي اليومين

الصورة 👇🏻
لتسليم سرير +دوشك/ عدد2
لاحدى العوائل المتعففة قبل قليل
#مجاناـ في بغداد

من نزلت صورة الفلوس لحد الان اقسم بديني ومعتقدي اكثر من ٣٥٠ مناشدة نساء رجال شباب مرضى مديونين مكروبين ومضنوكين بيكم حيل انزل وحدة وحدة اهل الخير عيون هاي الناس عليكم مثل ما نعرفكم الله منعم عليكم وتارس ايدكم عينكم على اهلكم هذا قرض لله ومن يقرض الله قرض حسن
متتوصون ابد اغلب الحاجة مادية
مجاناَ في بغداد
محمدمنهاج

الله عز وجل هو القائل
الانسان اما شاكر او كفورا

صدق الله العلي العظيم

هاي رسالة من احدى الاخوات تحتاج وقفتكم بكرسي
الكم نص الرسالة واني شفت كل الاثباتات
السلام عليكم استاذ
اني من فترة كنت متابعتكم
وعندي طلب منكم في حال تكدر اتساعدني بي اتمنى ما اتقصر وطبعا انتو دائما سباقين للخير
بس احجيلك مختصر
اني .من بغداد مدينة الصدر
ابوية متوفي من قبل ١٤ سنة
وامي راح يصير سنة ونص من اتوفت بسبب انسداد بصمام القلب وسوت عمليه وما نجحت العملية وانضربة جلطة وماتت 💔 وقبل امي اخوية هم اتوفى موت مفاجئة يعني قبل سنتين
فبقينا حاليا اني واختي واختي معاقة عوق ولادي من الطفوله شلل ورحنا عشنا يم بيت ابن عمي .
لان بقينا بس اني واختي وما عدنا بعد احد .ووضعنا المادي مو تمام لان ما عدنا معين وحتى ابن عمي هم على كد وضعه حالته بس يعني اختي عدهه راتب رعايه الي هو ١٢٤ الف شهريا هذا عايشين بي
ومرات اهوايه تحتاج شغلات بس ما عدنا نشتري لان ما يكفي ولا اكدر اطلب من الاقارب لان هم هم نفس الوضع واني طلبي منك محتاجة عربانه معاقين الاختي لان عربانته اتكسرت والعربانه الي محتاجته مو كهربائية من هذه الدفع اليدوي .الكرسي الاعتيادي للمعاقين
بس هذا طلبي
اذا تكدر عليه
وطبعا استاذ اني اهوايه دورت على شغل حتى ما احتاج واعيش بدون طلب بس ما حصلت شي مناسب الي وقريب بالمدينة . واسفه على الاطاله
مجاناَ في بغداد
محمدمنهاج

حكاية لارا
اليوم لارا اول يوم الها بالروضة بعد ان تكفل بشهرين اخونا المحترم يرحم ابوه ويحسن اليه
مجاناَ في بغداد
محمدمنهاج
احبكم في الله والوطن

الي صارلهم سنين ياخذون فلوس ومساعدات ماشفت منكم وحدة ترد احد يغلط ويشكك يعني محايدين والمحايد في وقت الحق هو مع الباطل
محمدمنهاج

اجتني عشرة الاف لمنشور مال التبرع
واجتي ٢٥ الف
واجتي عشرة
المجموع ٤٥ على الماستر
والي اجاني كاش من صديقتي ٣٠٠٠$دولار توقعتني اني الي محتاجهم
واجتني من صديقي ٥٠٠ الف لكيتها بالبيت مخليها
واخر خابرني كال عندي مليون باجر اجيبها
واخر كال الف دولار باجر يمك
تدرون ليش اخذتهم وباجر ارجعهم لان كتبت بمنشوري فقط الي يثقون بية مية بالمية
واني ماعندي مشكلة بتفكير اي احد
يهمني الي يعرفوني ومواقفهم مشرفة واكللهم موضوع مو شخصي والقرأن
موضوع للناس وكلت اقضي حاجاتهم بالكتمان من يكمل يعرفون كل تفاصيله
مجاناَ في بغداد
محمدمنهاج