عراقي الهوى والهوية لاللتبعية

اكو قرية مال كلاوجية كاعدين لا شغل ولا عمل عايشين عالكلاوات ، فد يوم واحد منهم گال الربعه راح اجيبلكم شغلة نعيش منها العمر كله .
گالوله :: توكل ،،
اكو قصر مال ملك بالولاية راح هذا الكلاوجي للقصر طب ع الملك سلم عليه و كاله :: يا ملكنا احنا القرية الفلانية و احنا شغلتنا نحوك زوالي و نريد نحوكلك زولية .
كاله :: الملك ما محتاجين زوليتك القصر متروس زوالي
كاله :: ملكنا الزولية إلي نحوكها الك تختلف عن كل الزوالي اليمك .
كاله :: شلون يعني ؟
كاله :: ملكنا احنا نخلي وي الصوف مواد بحيث الزولية ما يشوفها ابن الحرام بس ابن الحلال يشوفها .
تعجب الملك و صدكه .
المهم اتفقوا على السعر و چان السعر كلش ثكيل و اتفقوا شهر وتخلص الزولية .
وره شهر اجه الكلاوجي هو و ربعه واحد يمشي وره الثاني و جفوفهم بمستوى جتافاتهم كأنما شايلين شي و همة كلشي ما شايلين .
طبوا للقصر نزلوا اديهم و دفعوا الهواء كأنما يفرشون زولية ،،،
وزراء الملك ضلوا واحد يكول للثاني عاشت اديهم و الثاني يكول ألوانها حلوة و الثالث يكول شغلها مرتب
الكلاوجي كال للملك ::
ها ملكنا شلونها الزولية ؟ الملك اخذله صفنه كال اخاف احجي و يكولون ابن حرام ،،،،
المهم كال :: عاشت إيدكم وبالعافية عليكم الفلوس ،،،
رباط سالفتنا 🤔🤔🤔🤔
الجماعة كل اربع سنوات يحوكونا زولية
واحنا حايرين مثل الملك 🤔

#الخرنكعيه و #الكعيبر

#عندما غزا التتر والمغول بغداد تعاون معهم عدد من المحسوبين على اهالي بغداد وأعانو المحتل على إحتلالها وقتل أهلها ودمار تراثها ونهب ثرواتها فوصفهم أشراف بغداد بنعت يليق بهم وهو أنهم (نقاع خراء المحتل) أي عصير نجاستهم ..
ولكون المحتل أعجمي (أي اجنبي) فأنه يقدم ويؤخر بكلام البلد المحتل ويبلع الحروف أحيانا، فقد سمى هؤلاء بنفس المسمى ولكن بصيغة (خره نقاع إنتي) وتحولت فيما بعد الى (خرنكعي).
#أما كلمة (كعيبر) فجاءت عندما أصدر نوري السعيد رئيس الوزراء في العهد الملكي في العراق أمره بعدم دخول زوار العراق من الدول الاخرى الا بوثائق ثبوتية، فحصلت على اثر ذلك مشاكل كثيرة من الزوار على الحدود في ظل عدم إصدار بلدانهم التي لا زالت في تخلف وثائق لمواطنيهم، وعندها أصدر أمراً لاحقاً لذلك بأن يعتبر الزائر من هؤلاء كعابر سبيل، وشرطتنا في ذلك الوقت كانوا كلما أتى واحد من هؤلاء الى الحدود نادوا عليه بعبارة (كعابر) وتحولت فيما بعد باللهجة العراقية المستريحة
الى كلمة (كعيبر)
وعممت على كل من لاهوية له ولا انتماء.

ثعلب السياسة
#الباشا نوري سعيد
عَيَّنَ شاه إيران رضا بهلوي وزير دفاع ايراني يكن كرها شديدا للعراق ، إستشار الباشا نوري السعيد الوزراء حول هذا الوزير و كل ادلى بدلوه عن كيفية ازاحة هذا الوزير و الباشا يرفض كل فكرة تصدر من الوزراء .
ثم طلب الباشا من وزير الخارجية العراقي ترتيب طلب زيارة الى ايران باي عذر ، و لما وصل طهران كان باستقباله الوزراء الايرانيين و منهم وزير الدفاع ، فلما وصله ضمه الباشا نوري السعيد بشوق و قبله على خديه أكثر من مرة و كأنه صديق حميم ، و بعد رجوع الباشا للعراق بأقل من اسبوع احيل وزير الدفاع الايراني على التقاعد حيث ظن الشاه رضا بهلوي بأن وزير دفاعه عميل لنوري السعيد .
هؤلاء هم من كانوا رجال سياسة و حكم و ليس شعيط و معيط و جرار الخيط .