فريق اغلاق الصفحات

#تنويه

اترجاكم اترجاكم اخوتي واخواتي الي يرسل لا يبقى كل شوية ها شصار وها وينكم وها تجذبون يعني بس اتحملونا شوية احنة مو مكائن ولا 24 ساعة كاعدين مكابلين البيج واكو رسائل هواي يمكن باليوم 30-60 حالة توصل لازم نتاكد ولازم نرتبهة حتى ننشر بس تحملونا يعني هم بشر وجاي نسوي هل شي مساعدة للعالم لا ناخذ علية اجور ولا شيء وهي صفحتكم اعيد واكرر واذا ما ننشرلكم اليوم ننشرلك باجر مو باجر بعد اسبوع بس خلي ببالك ننشرلك الي اريدة منك تصبر وتنطينة عطوة وما تاخذ من عدنا بس الي يرضيك ومتطلع الا وانت مدلل علينة وبخدمتك احنة وماي العين الك , اعتبروا هل شي طلب اخوي وتحملونا شوية واحنة بخدمتكم ياطيبين وراح ننشر وجبات وجبات وان شاء الله ينغلقن ونخلص ونفرح بيهن .

الله يساعدكم اخوتي واخواتي الاعزاء نعتذر لهل كم يوم الراحن ما نشرنا شي بسبب الانشغال واليوم جهزت الكم ان شاء الله مجموعة منشورات نستهدفها من صفحة واحد من المشعوذين هذا العمل هم بي اجر وهم بي ستر للعالم وهم نعتبره اول حملة نبدي بيهة لتنظيف الفيس بوك من هل قذارات , طريقة البلاغ على كل الرابطين وكل يوم نحذفلة لحد ما نسد الصفحة وهكذا , بخصوص الحالات الي عدنا راح نستقبل جديدة وننشر القديمات الي ما انغلقن وجاهزين للعمل وبقوة تحياتي للكل :-

الرابط الاول

http://bit.ly/2yGMHiq

الرابط الثاني

http://bit.ly/2txoWDV

هذا العمل بي اجر وخاصة هل صفحات تهجم بيوت العالم + تخمط رصيد + يضحكون على بنات العالم وياخذون صورهن ويسوون بيهن ابتزاز وبقت يمكم واني اخوكم .

الحمدلله العيد جان امن وامان على كل اخوتنا واخواتنا بالعراق الحبيب وياربي يكون الكل بخير
من باجر إن شاء الله رح تبدي حملتنا بتنظيف الفيسبوك من حسابات الدجالين والمشعوذين ورح نبقى مستمرين لحد إغلاق اخر حساب بيهم

احنا وصلنا بالـ2018 وننقهر من نشوف وحدة من بنات هل بلد تروح ورة ساحر/ة مشعوذ/ة

رح نسوي فقرة عدنا بالصفحة اسمها
#تفكّر
هذه الفقرة رح تكون شرح لـ ظاهرة سلبية معينة في المجتمع العراقي يوكعون بيها الشباب او البنات ضحايا بس لو هم يرجعون يفكرون بنفس الطريقة الي رح نطرح بيها الموضوع رح يتراجعون عن الشي الي قاموا بي
تدرون حملتنا مستمرة ضد محاربة السحرة والمشعوذين واليوم رح نضيفلهم الروحانيين : (المجموعة الي مسوية روحها تشتغل بنور الله )
#الخيرة
اول ما اكول هل كلمة ببالك او بالج اعرف شنو رح تفكر او تريد بس اني اليوم رح اشرحها بالطريقة المنطقية
الخيرة هي إختيار يعني تخير
حتى نكون اوضح عندك لونين
اسود - ابيض
تختار واحد من ضمنهم ميصير تختار غير لون لان هي الخيارات المتاحة كدامك بس
ممكن انت متكدر تختار تستعين بشخص يختارلك هل لون او شخص صاحب اختصاص لنفترض رسام
بس امورك الحياتية الخاصة من تريد تجي تسوي شي الانسان يكون اقرب لربه والقران هو الوسيلة الي تكلم بيها رب العالمين
يلجأون لموضوع اسمة الخيرة وهي انو الله سبحانه وتعالى شنو يشوفلك رح يطلعلك ضمن الاختيار
زين بهل حالة افتهمنا الخيرة شنو وشنو مفهومها
لعد من اروح على روحاني واكلة احب وحدة واريد اتزوجها اخذلي خيرة عليها شوفها حتزوجها لو لا ؟
ويكلك اي تدلل ويفتحلك القران
زين هنا وين الاختيار بالموضوع ؟؟ وين الخيرة ؟
هنا رح ندخل بعلم الغيب ؟ زين هو منو يكدر يعلم الغيب غير الله سبحانه وتعالى
والمشكلة انت او انتي تصدكون من يكلك هاي عليها عمل ومتصير الك كذا وكذا وكذا
لو وحدة تروح اخذلي خيرة زوجي ديخوني لو لا ؟ او شوكت يصير زين وياية ؟
الاختيار بالموضوع وين ؟؟؟ هم علم غيب
يعني بنهاية الموضوع كل الموضوع كذب بدجل
رسول الله صلى الله عليه وآله وصحبه عندة حديث يقول بي : من صدّق كاهناً أو عرّافاً أو منجّماً، فقد كفر بما أنزل على محمد
اتمنى وضحت الفكرة وياريت الي استفاد من المنشور هذا او هاي الفقرة يدعم على استمراريتها يعلق او يشارك المنشور

اليوم اريد اتكلم نبذة عن الفريق وليش احنة وشنو غايتنا ومثل ميكولون كم شخص وين نريد نوصل راح اجاوب الاسئلة الي توصلنا :-

س \ انتم كم شخص ؟
ج \ احنة 5 شباب بينا طلاب كليات وبين موظفين عاديين وحالنا من البشر .

س \ وين تريد توصل بهل بيج وليش شنو غايتك ؟
ج \ الشغل هذا صدقة جارية للكل ولا انتم تربحون شي ولا احنة غير نستر اعراض العالم والبيج شوكت ما اشوفة انرفض من قبلكم دقيقة ما يبقى والله .

س \ معقولة ما وراكم جهة وكاعد وتنشر ؟
ج \ اي شخص وراه جهة ميكلك اني وراية فلان والله يزكي الانفس والايام تثبت دائما منو الصالح ومنو الطالح وشنو الغاية من العمل .

س \ معقولة عايف شغلك وهيج صاير خير ؟
ج \ ما عايف شغلي والعباس ولا الشباب هسة عطلة ودائما شغلنا بالليل من ماعدنا شي , خير ام مو خير الله اعلم بكل شخص شنو ومنو .

س \ ليش متنشر الرابط بشكل مباشر ونبلغ ؟
ج \ يابة والله نشرنا مرة وابتلينا صارت من محاربة الى ترويج مجاني وانلاصت وتوبت .

س \ ليش تختصرون بموقع bitly لازم تحصلون فلوس منة ؟
ج \ عمي الموقع هذا دينار احمر مينطي وهذا شركة عالمية تختصر 600 مليون رابط بالشهر يعني ما عايزتلي حتى تنطيني فلوس بس نستخدمة حتى نوحد بي البلاغ وتنقر مباشرة تقديم وبس .

س \ ليش مرات ميفتح الرابط ؟
ج \ اجهزة ايفون تفتح الرابط من داخل التطبيق وميسمح يبلغ هيج شي لذلك حاول من قناة التلكرام اشترك وبلغ .

س \ انتم هكر ضد العالم ؟
ج \ الله يالتقني ولا يكعد راحة ستيف جوبز واكتشف احنة هكر ! عمي اي شي تقني ناقشني بي وشرط متحذف تعليقك ورة ما اقنعك .

اي سؤال يوصلنا انشرهن كل فترة واجاوبهم وتدللون علينة الشفافية والمصداقية حلوة بين الاخوة , تحياتنا .

اخواتي واخواني الطيبين شلونكم فطور العافية يارب , اليوم جمعت الكم حسابات ابتزاز وحسابات مخترقة للعالم وكلهة تشكل خطر على اعراض الناس واني اتحمل مسؤوليتها امام الله الي احتاجة منكم البلاغ على كل الروابط واحد واحد وحياكم الله :

http://bit.ly/2MjiKIj

http://bit.ly/2JvGmvg

http://bit.ly/2JzjWVZ

http://bit.ly/2Mkk6Cj

http://bit.ly/2JCwTi3

http://bit.ly/2y2zK2p

http://bit.ly/2y2ylc0

http://bit.ly/2HEnwwk

http://bit.ly/2MjiKIj

مجموع اسبوع كامل والحمد لله احب ابشركم ان مجموع البلاغات على حسابين بهل اسبوع جانت تفتح النفس مثل ما بالصورة بأول تعليق شكرا الكم يا شرفاء للي راح يبلغ والي ميبلغ هم شكرا وهاي ثقتكم ان شاء الله امانة عدنا وهاي صفحتكم اي مشكلة عندكم وحقيقية تنشر وبأي وقت احنة سند الكم وانتم سند النة بهل تواصل المظلم .

السحر والشعوذة وإنتشارها بالفيس بوك


السحر والشعوذة و و و و
ملاحظة : اغلب المنتحلين صفة ساحر او مشعوذ بالفيس بوك هو شاب مراهق يريد يضحك عليج حتى يحقق غايتة
اذا نجي للمنطق وللواقع السحر والمحبة وغيرها هي كلها اساليب دجل اكو منها حقيقية لكن لا تتوقع انت او انتي
انو الساحر كاعد يروج لعمله بالفيس بوك وياخذلة جم كارت رصيد
وانتي يا اختي ترة احنا ندري انو السحارة الحقيقيين جماعة السحر الاسود يحتاج انه يسوي العمل على نجاسة وهل سوالف
بس مال تدزين صورج بدون هدوم حتى يشتغل على العمل ترة هاي مهزلة انتي فكري بيها بينج وبين نفسج
شيسوي بالصور اذا ما جان رايد يبتزج بعدين
وشنو اغراضج علمود تروحين على سحار علمود محبة
ترة المحبة من الله مو من بشر
ليش تلجأون لأمور تصير بيها كارثة وبعدين تكولين ياريتني ما سويت
ماكو ساحر حقيقي على الفيس بوك واذا جان موجود على الواقع مرح يشتغل بهل تفاليس لان ارقامة ملايين
وميدورج ولا يدورني اتمنى ان يرتقي الشارع العراقي بالتفكير ومحاربة هل ظاهرة
واحنا بدورنا ك فريق توعوي ومساهم في عملية تطهير الفيس بوك بالشارع العراقي من هل نماذج
مستعدين نحارب اي ساحر حقيقي اذا يفكر يلجأ الى الفيس بوك ونحارب اي شخص ينتحل شخصية ساحر حتى يبتز البنات

الله يساعدكم شباب حساب ابتزاز ونشر صور نحتاج الهمة الهمة البلاغ على الرابطين :

بلاغ على صورة منشورة
http://bit.ly/2MemDOs

بلاغ على الحساب كامل
http://bit.ly/2l1zqr8

بالليل ان شاء الله انشر البقية على شكل وجبات ..

#تنبيه

اخواتي الكريمات اريد احذر من شي كلش مهم ومثل ما جاي توصلنا حالات هو صفحات( اخذ الخيرة وجلب الحبيب والروحانيات ) ومن هل خريط ترة هاي صفحات ابتزاز وراح يجمعون معلوماتج وصورج ورقمج ويهجمون بيتج ويبتزونج ديري بالج لو يكلج اني اجيبلج حبيبج للبيت وتشوفين بعينج لاتصدكين والله كارثة جاي نشوف من الابتزاز والمصايب , والله يستر الجميع .

الله يساعدكم اخوتي واخواتي

اليوم راح انشر وجبتين للبلاغات ان شاء الله وهذه اول وجبة التبليغ مثل كل مرة تنقر على رابط رابط وتبلغ واذا تعيد البلاغ اكثر من مرة بعد احسن , احتاج همة من الكل حتى نساعد العالم لان الحالات 3 وكلهن ابتزاز ومستعجلات :

http://bit.ly/2sMzNJA

http://bit.ly/2Jpfnh3

http://bit.ly/2swqOfu

شارك المنشور حتى جماعتك هم يشوفونة ويبلغون لان هاي اعراض عالم ومحتاج نخوتكم وياي .