قفشــات شعــريه عراقيـة

شكد بعيني بعدج مرت وجوه
عدن وانتي ظليتي اعله بالي

المابي ريحتج ميمر ع البال
ماخونج جنت حتى بخيالي

وانتي اكبالي بس عينج ع الوياي
وبعدني اكبالج وصار ابدالي

استعجلتي تره الخنتيني وياه
اتعنالج لان.. فاركله غالي

الفرق مابين نيتي ونيته وياج
رادج للهو .. وردتج حلالي

راد براسج انتي يخلص الليل
وانا ردتج تصيرين ام جهالي

مابيه نقص جان النقص بيج
لان تردين واحد لا ابُالي

الطيب بكلشي الاول يصير
اذا ميخون ينذب عالتوالي

ذكي هو بكلامه بالغ وياج
وانه هم بالغت بس بدلالي..!

ولهسه اكول الطيبه ذله والغدر عاش
واشوفج وارجع لطبعي المثالي

لهسه وكلبي يمج ماله رداد
اجي كامل واردن صدري خالي

واحير الشافني مذلول مهيوب
نازل راسي لكن دمعي عالي

وبعد شيفيدني تصغرين بالعين
صغرتي وكبرت بعيني الليالي

ضعتي وشربت اجدامي الدرابين
واثر خطوه اعله بالج مابقالي

وياي ومو علي ثكلانه الوجوه
ميت يمشي بين الناس حالي

وطبعا ماكو واحد يضحك وياي
انا خليت واحد مابجالي..!

لسه وكلبي يمج ماله رداد
اجي كامل واردن صدري خالي

واحير الشافني مذلول مهيوب
نازل راسي لكن دمعي عالي..!

لــ رائد ابو فتيان

إدارة الصفحة

منصورين احنه برآية #العباس ..
خل داعش يضل برآيته السودة..
..منقول

إدارة الصفحة

فگدناك وفگده وياك الاحساس
وفارگنه المشاعر والمواويل
يحيدر من رحت ماضلت احلام
ضل بس أبرها وما اجه الابابيل
.............
نعزي صاحب العصر والزمان الامام المهدي ع.ج
بذكرةستشهاد جتة الامام علي ابن ابي طالب علة السلام

بجامعتكم ينشلع گ‍لبه العميد ...
المبدع ايهاب المالكي الى طالبة الجامعه حصرأأأأأ

يكول



بجامعتكم ينشلع گ‍لبه العمــــــــيد
لازم يحط يم رحلتج سيطره

اتدنك الكليه لاتستغربيـــــــــــــــن
فرصه من اتطيح منج مسطره

شنو تركيا عمت عيــــــــن اردوكان

كون فدوه تروحلج كل (انقره )

لازم ترسبين دعما للحيــــــــــــــاة
الجامعه بدونج اتصبح مگ‍بره

منقول

ادارة الصفحة

حينما يشاء الله فلا خوف عليكم ايها العاشقون ...
الى كل القلوب الخاليه من الغدر
والى مجهولتي تحديداً..


مني تخجل والخجل ينطـــــــيهه لون
تحمر الوجنه وتغير ارسومهه
.
تستـــــــحي بكثر الزعل وكت الدلال
وحيل تثكل ماتلمهه اهدومهه
.
هس فرحانه صــــــــــدك والملكه عيد
كبل جانت تحتفل بهمومهه
.
ماسه واغله من الذهــــب ماريد اكول
الماسه سلعه واعتيادي انسومهه
.
وهي ذيج الــــــــطاهره الما الهه سوك
العفه تاخذ من سترهه وصومهه
.
الحلقه يمكن هذا اقل واجب يصـــير
وحكهه تعشك لانضل انلومهه
.
الله يفرح للصدك يعشــــــــك حلال
مو مثل ذاك اليطـش اعلومهه........
.

الشاعـــــرمحمد العصمي

...ادارةالصفحة

المايشتاگ..كافر دينه الفراگ
اليؤمن بالعشگ بگليبه حضره..
كون الي يحب يعگد علگ شوگ
موش اعله الشجر يكتبلي ذكره
اليعشگ من صدگ خطواته تسبيح
من خيط الشمس بعيونه نظره
اريد الي يحبني بالوفه استاذ
موش ال بالخيانه اتشوفه خبره..


الشاعرعلي الشيخ ابوشمريه

ادارة الصفحة

الجفن وثياب العرس نفس الفصال
ثنينهن يتشابهن رحلة عمر
مايعيش آلبي مواجع كربلاء
بديرة كل ادروبهة صوط وشمر
منقول

نونة

(خلك مجروح)

بعد ماضل امل غافي بخلك مجروح
وعلى الفاكد وليفة شينكلب خلكــة

ترس روحة الهضم والحزن ريت ميت
متفرزن نفس مر بيهة لو شبكــة

على طولة حلم لاكن بجفن الغير
وكلشي البي فقير ومنوخذ حكــة

وماجذب اعيوني الضحكة خرسة شوف
فرق بين الموادع والزعل شبكــة

الرابي وية الورد مايهم للعاكول
يتنفس فراش بساعة الملكــة

زف بيدة الشمس بمرادم العميان
ورد كايد فشلتة ودمعتة اتسبكــة

الكلب نفسة الكلب بس تختلف مرات
بحضن ام وحبيبة الدكة عالدكــة

نعش ثوب التفائل شيعة الحرمان
ولبس ثوب الصبر من النحر شكــة

على اجروف النهر متبسم الناعور
يلم حصرة عطش ويطشر بحركــة

الوركة التنسلع شالت حلم عصفور
عش بحسابة ابد ماتنحسب وركــة

ويمد جنحة لحد اخر ضوة مخنوك
وتجي فوكاهة طاري المغرب اتشيكــة

الليل ابلا نجم ماينفع السهران
يحسب بيش حتى يهون الفركــة

ويم الحزن طاري الفرح ماينجاب
يم صوت المدافع عاكر التفكــة

بخلكة لاتدور ماكو بس عطاب
ليل ومكبرة وهلهولة ماتلكــة

ويرسم بالامل مرجوحة من دخان
يسامرهة الهوة وتتبعثر بخفكــة

يكضي العمر بين الانسة احسن جاي
بقة وشلت عمر قط مازغر فتكــة

البشر من يحترك مو شرط شابك نار
مرات النفس من يطلع يحركــة

وعلى الفاكد وليفة شتنفع الحصراة
عكب انفاس خلة الرازقي يخنكــة

....الشاعر علي الركابي......

ادارة الصفحة رسول السيد

شاب علم ان حبيبته اليوم تتم خطوبتها
فذهب مسرعا الى بيتها ولم يفكر بالعواقب
التي يمكن ان يتلقاها عندما اراد الشيخ
ان يعقد لها مع خطيبها دخل الشاب وقال
ـــــــــــــــــــــــــــــــــــــــــــــــــــــــ
اوكف شيخنه امشي عليك الله
اسألنك كبل لا تعقدلهه
السارق والسارقه اقطعو يديهما بالخلاف
شني البوكه يشيخ الشرع حللهه
هاي البنت الي والباكهه الجاباك
واذا ممصدك انت كبالك اسألهه
ـــــــــــــــــــــــــــــــــــــــــــــ
الشيخ يسأل الفتاة
يا بنتي الحجي السمعيته موجود
حبيبج هذا هسه الواكف اكبالي
حبيبي سابقا لا هسه خلي يروح
خلي يروح شيخ يعوفني بحالي
ما يكدر يحطني ابيت للايجار
ذهب سياره هذا وبيت خلالي
ـــــــــــــــــــــــــــــــــــــــــــــــ
سمعت الحجي وليدي كبالك الصار
ما مقسومه الك يوليدي انساهه
شيخ انساها كتلي يعني راح تروح
وانه حتى بمنامي كبالي الكاهه
ــــــــــــــــــــــــــــــــــــــــــــــــ
الله وياج روحي موفقه وعالخير
وما الومج ابد لا هذا حقج
بس حجاية اكلج وانهي الموضوع
الله وياج روحي والله اليوفقج

اذا مر عيد خدي تبوسه بس دموع
واحس روحي غريب ابين المعيدين
العمر رمضان عدنه بس بدون فطور
وعدنه فطور دمعي مفطر الخدين

نــونة

حبيتك قبل متشوفك العين...
حب كلش مقدس مو قصد غايه...
واعرفك ماتصدك من احاجيك...
وما دخلت بعقلك هاي الحجايه...
ولكن راح اوضح ابقه لحظه وياي...
هسه المعنى يوضح من تجي الآيه...
(وجعلنا من ألماء كل شي حي)
هسه المعنى واضح يمكن هوايه...
يعني الماي انت وزرع هاي الناس...
ويازرع الغشيم المايحب مايه

جمل الفتيات حبيبتي

فهي احلى من فتاة دمشقية

و ارشق من ارشق لبنانية

وعيناها اجمل من العيون الخليجية

اجمل الفتيات صغيرتي

فدمها المعسول بماء دجلة احلى بكثير من الفرعونية

وبياضها تتمناه الفتاة الروسية

والرمش الاسود الساحر تغار منه اليمنية

اجمل الفتيات صديقتي

ابتسامتها لا تقارن ببنت فرنسية

والشعر الاسود يذهل لوحده أي بنت ايرانية

وثقافتها لا تجاريها لا البنت الجزائرية

ولا المغربية

ولا التونسية

فقد اختصر الخالق جمال البشرية

في صورة ملاك وقدمها لي هدية

فاجمل الفتيات حبيبتي

لانها في الاصل عراقية