پەیمانگەی كۆمپیوتەری هەولێر

ئەم پەیمانگەیە لە ساڵی 2006 دامەزراوە لەلایەن کۆمپانیایەکى نەمساوى لە ژێر بڕیارو ڕێنمایی وەزارەتی پەروەردەی حکومەتی هەرێمى کوردستان. مەبەست لە دامەزراندنى ئەم پەیمانگەیە بۆ زیادکردن و بە ئەکادیمى کردنى هێزى کارە لە بازارەکانى هەرێمى کوردستان لە بوارەکانى کۆمپیوتەر و تەکنەلۆژیاى زانیارى.

پەیمانگەكەمان لە ژێر ڕێنمایى و بڕیارەكانی وەزارەتی پەروەردە هەڵدەستێت بە وەرگرتنی قوتابیانی دەرچووی پۆلى نۆیەمی بنەڕەتی بە چەند مەرجێكی دیاریكراو و سنووردار.

ماوەی خوێندن لە پەیمانگەیە پێنچ ساڵە, فێرخواز دواى دەرچوونى لە قۆناغەکانى خوێندن بەسەرکەوتوویی بڕوانامەی دبلۆمی باوەڕپێکراوى پێ دەبەخشرێت لەلایەن وەزارەتى پەروەردەى حکومەتی هەرێمی کوردستان.

فێرخوازانى یەکەم و دووەم و سێ یەم لە زانکۆ حکومیەکانى هەرێمى کوردستان وەردەگیرێن و دەتوانن پەرە بە خوێندن بدەن و بڕوانامەى بە کالۆریۆس بەدەست بهێنن, ئەمە جگە لەوەى فێرخوازەکانى تریش دەتوانن لە زانکۆ ئەهلیەکانى ناوەوە و دەرەوە هەرێم بەردەوامى بە خوێندنیان بدەن.

بابەتەکانی خوێندن لە قۆناغەکانی (یەکەم و دووەم و سێیەم) بەو شێوەیەی خوارەوە دابەش دەبێت و دەخوێندرێت ، وانەکان لە سەرجەم قۆناغەکان بە شێوەی ئەکادیمی بڕیاری لەسەر دراوە کە تێیدا قوتابی پلە بە پلە وانەکان لە قۆناغەکان وەردەگرێت و شارەزای لەو بابەتانە پەیدا دەکات کە دەیخوێنێت.
***************
قۆناغی یەکەم:
بیرکاری
کوردی
ئینگلیزی
فیزیا
ماف
عرەبی
ئاین
وەرزش
‏.Information technology
‏.Operating system windows
‏.Internet-communication Technology
‏.Microsoft office word
***************
قۆناغی دووەم:
بیرکاری
کوردی
ئینگلیزی
فیزیا
عرەبی
ئاین
وەرزش
‏.Adobe Photoshop
‏.Data base - Access
‏.Power point
‏.Spreadsheets - Excel
***************
قۆناغی سێیەم:
بیرکاری
کوردی
ئینگلیزی
فیزیا
ئاین
عرەبی
وەرزش
‏.Workstation Administration
‏.Kali Linux
‏.Visual basic
‏.Cisco system
‏.Html
****************
لە دوای قۆناغی سێیەمەوە خوێندنی بابەتەکانی کۆمپیوتەر دەست پێدەکات و دەخوێندرێن کە ئەویش لە قۆناغی چوارەوە دابەش دەبێت بۆ سێ بەشی جیاواز وەک: (نێتۆرک، پڕۆگرام ، وێب دیزاین) قوتابی ئەو بەشەی کە حەزی لێیەتی هەڵی دەبژێرێت و دەیخوێنێت و لە قۆناغی (چوارەم) وانەکانی (عرەبی ، فیزیا ، کوردی ) کۆتایی پێدێت و ناخوێندرێت و لە قۆناغی (پێنجەم) یش بە هەمان شێوە وانەکانی (عرەبی ، فیزیا ، بیرکاری ، کوردی) کۆتایی دێت.
****************
بەشەکان پێکدێن لە:
١- ڕایەڵە- Net work
یەکێک لە بەشەکانی پەیمانگەی کۆمپیوتەری هەولێر بەشی ڕایەڵە (نێتۆرک) کە لە قۆناغی چوارەمەوە قوتابی دەتوانێت بە خواستی خۆی ئەم بەشە هەڵبژێرێت و تێیدا تواناکانی بخاتە گەڕ لەبواری دروستکردن و بەڕێوەبردنی ڕایەڵەو کارکردن لەسەر ڕەقە کاڵاکانی ڕایەڵە، دوای تەواوکردنی ئەم وانانە و تەواوکردنی پەیمانگە خوێندکار بڕوانامەی دبلۆم لە دروستکردن و دیزاینکردنی جۆرەکانی بەڕێوەبردنی ڕایەڵە وەردەگرێت.
****************
٢- پڕۆگرامسازی Program
یەکێک لە بەشەکانی تری پەیمانگەی کۆمپیوتەری هەولێر بەشی (پڕۆگرام) کە لە قۆناغی چوارەمەوە قوتابی دەتوانێت بە خواستی خۆی ئەم بەشە هەڵبژێرێت و تێیدا تواناکانی بخاتە گەڕ لەبواری پڕۆگرامسازی و دروستکردنی پڕۆگرام ، دروستکردن و بەڕێوەبردنی بنکەی (داتابەیس) دوای تەواوکردنی ئەم وانانە و تەواوکردنی پەیمانگە خوێندکار بڕوانامەی دبلۆم لە پڕۆگرامسازی و دروستکردنی پڕۆگرام وەردەگرێت.
***************
٣- وێب داڕشتن Web Design
یەکێک لە بەشەکانی تری پەیمانگەی کۆمپیوتەری هەولێر بەشی (وێب دیزاین) کە لە قۆناغی چوارەمەوە قوتابی دەتوانێت بە خواستی خۆی ئەم بەشە هەڵبژێرێت و تێیدا تواناکانی بخاتە گەڕ لەبواری دیزاین کردن و داڕشتنی وێبسایت دوای تەواوکردنی ئەم وانانە و تەواوکردنی پەیمانگە خوێندکار بڕوانامەی دبلۆم لە بواری دیزاین کردن و دروستکردنی وێبسایت وەردەگرێت.