کۆمەڵەی ڕووەکناسانی کوردستان جمعية العشابين الكردستانية

بەیاننامەی قەدەغەکردنی مامەڵە و بەکارهێنانی ڕووەکی داتورا Datura .

(تکایە ئەم پۆستە شەیر بکەن بۆ بەرژەوەندی گشتی)

لە ڕۆژانی ڕابردوودا وەزارەتی ناوخۆی حکومەتی ناوەند بە بڕیارێک هەموو جۆرە مامەڵەیەکی لەشێوەی بەکارهێنان و چاندنی ڕووەکی خۆڕسکی داتورا ( ناسراو بە گوڵە زوڕنا) قەدەغە کرد بەهۆی ئەوەی ڕووەکێکی ژەهراوییە و گومان دەکرێت وەکو ڕووەکێکی بێهۆشکەر بەکار بهێنرێت.
ئێمەش لە کۆمەڵەی ڕووەکناسانی کوردستان داوا لە ئەندامانی بەڕێز و سەرجەم هاوڵاتیان دەکەین لە کاتی بینینی ئەم ڕووەکەدا ، ڕاستەوخۆ پەیوەندی بە هێزە ئەمنییەکان یان لانیکەم بەرپرسانی کۆمەڵەوە بکەن بۆ ئەنجامدانی مامەڵەی دروست لەگەڵیدا.

ڕاگەیاندنی گشتی
کۆمەڵەی ڕووەکناسانی کوردستان

چەند ڕاستییەکی پزیشکی دەربارەی باڵابەرز کردن بە دەرمان

TikTok · Doctor Hazhar

بابەتێکی زانستی بەسوود سەبارەت بە دابەشکردن و پۆلێنکردنی ڕووەکەکان

ڕاگەیاندنی گشتی
کۆمەڵەی ڕووەکناسانی کوردستان

مێوەی عـەنناب ، العناب
ناوی زانستی
Ziziphus jujuba

* میوەی بەرهەمی خێزانی دارێکی پیرۆزە لە وڵاتانی چین و ژاپۆن وباشوری ڕۆژهەڵاتی ئاسیا، لە خێزانی سیدرییەکانە
* تامێکی خۆش و تایبەتی هەیە
* مێژوی بەکارهێنانی دەگەڕێتەوە بۆ ۲٥۰۰ ساڵ لەمەوبەر
* بەهای خۆراکی گرنگی هەیە
وەکو صابونینات و فلافونیات
دەوڵەمەندە بە ڤیتامین و کانزاکان
وەکو ڤیتامین A
ڤیتامین B2
ڤیتامین C
ئاسن
فسفۆڕ
کالسیۆم

*عەناب بەسودە بۆ :
١- زیادکردنی کێش
٢- بەرگری بەهێز دەکات
٣- هێزی ماسولکە باشتر دەکات
٤- دژە هەستیاری یە
٥- بۆ جگەر بەسودە

* توێژینەوەی زانستی:
توێژینەوەکانی ژاپۆن دەریدەخەن کە بەرگری لەش بەرزدەکاتەوە،
لە چین بۆیان دەرکەوتوە عەنناب کێشیان زیاد دەکات
لە یەکێک لە توێژینەوەکان کە لەسەر ۱۲ نەخۆش کە کێشەی جگەریان هەبوو شەوان عەنناب و فستق سودانی و شەکری قاوەییان پێدراوە بۆ ماوەی چوار هەفتە ئەنزیمەکانی جگەریان باش بوە

سەرچاوە
الطب البدیل
التدواي بالاعشاب والنباتات الطبیة
ٱندور شوفالیە
اکادیمیا
لاپەڕە ۲٨۱

نوسین ئامادەکردنی
محمد نجات ئاغۆک
قوتابی قۆناغی سێی
کۆلێژی کشتوکاڵ

ڕاگەیاندنی گشتی
کۆمەڵەی ڕووەکناسانی کوردستان

جەژنی قوربان لە هەموان پیرۆز بێت

خوای گەورە عیبادەت و خواپەرستی هەموان و حاجیانی ماڵی خوا بەتایبەتی قبوڵ بکات

ڕاگەیاندنی گشتی
کۆمەڵەی ڕووەکناسانی کوردستان.

بە دروشمی
(هەنگ 🐝 بچووکە بەڵام ڕۆڵی گەورەیە)
پیرۆزبایی خۆمان ئاراستەی سەرجەم هەنگەوانانی کوردستان و کۆمەڵە و ڕێکخراوەکانی بواری هەنگەوانی ئەکەین و هیوای سەركەوتنیان بۆ دەخوازین

ڕاگەیاندنی گشتی
کۆمەڵەی ڕووەکناسانی کوردستان

هۆشداری دەدرێت سەبارەت بە ڕوەکێکی ژەهراوی...

وەزارەتی ناوخۆی عێراق هۆشداریدا لە مەترسیی ڕووەکی داتۆرا Datura، کە بە «بوقی شەیتان یان گوڵە زوڕنا» ناسراوە و ماددەی ژەهراوی کاریگەر لەسەر سیستەمی دەمار تێدایە.
وەزارەت جەختی کردەوە کە ئەم ڕووەکە دەبێتە هۆی لەدەستدانی هۆش، و ژەهراوی بوون و ڕەنگە کەسەکە بکوژێت، و داوای لە هاووڵاتیان و جوتیاران کرد ئەگەر شوێنی بوونیان دیاری کرد، لە ڕێگەی ژمارەی فریاگوزاری 911 ئاگاداری دەسەڵاتە پەیوەندیدارەکان بکەن

ڕاگەیاندنی گشتی
کۆمەڵەی ڕووەکناسانی کوردستان

🌿 تۆڵەکە، الخبازي البرية
(Malva sylvestris) 🌿
ڕووەکێکی دەرمانی سروشتی

📖 پێشەکی:
تۆڵەکە (Malva sylvestris) یەکێکە لە کۆنترین و ناسراوترین ڕووەکە دەرمانییەکان کە لە مێژووی مرۆڤایەتیدا وەک خۆراک و چارەسەر بەکارهاتووە.
ئەم ڕووەکە بەهۆی بوونی ماددە لینجەکان (Mucilage)، فلاڤۆنۆیدەکان، Anthocyanins و چەندین پێکهاتەی کیمیایی سوودبەخش، جێگەی بایەخی پزیشکیی میللی و توێژینەوە زانستییە نوێیەکان بووە.
تۆڵەکە بە تایبەتی بە تایبەتمەندییە دژەهەوکردن، نەرمکەرەوە ناسراوە ، هەروەها لە بواری تەندروستی پێست و سیستەمی هەرسدا بە شێوەیەکی فراوان بەکاردێت.

گرنگترین سوودە تەندروستییەکان:
1️⃣ یارمەتیدەرە بۆ چارەسەری گرفتەکانی سیستەمی هەرس
بەهۆی تایبەتمەندی نەرمکەرەوەی (Laxative)، تۆڵەکە یارمەتی چارەسەری قەبزی، سووتانی گەدە و ئارامی هێنانی سیستەمی هەرس دەدات.
2️⃣ دژەهەوکردن و ئازارشکێن:
پێکهاتە چالاکەکانی ئەم ڕووەکە کاریگەرییەکی دژەهەوکردنی سروشتی هەیە و یارمەتی کەمکردنەوەی ئازار و هەڵاوسان دەدەن.
3️⃣ یارمەتیدەرە بۆ پاراستنی جگەر و گورچیلەکان
هەندێک توێژینەوە ئاماژە بەوە دەکەن کە تۆڵەکە دەتوانێت یارمەتیدەربێت بۆ کەمکردنەوەی زیانی ماددە ژەهراوییەکان و ڕۆڵێکی پاراستنی هەبێت بۆ جگەر و گورچیلەکان.
4️⃣ یارمەتیدەرە بۆ تەندروستی پێست
بەکارهێنانی تۆڵەکە یارمەتی ئارامکردنەوەی هەستیاری پێست، سووتان و برینە دەرەکییەکان دەدات.

⚠️ تێبینی پزیشکی:
بەهۆی هەبوونی ماددە لینجەکان (Mucilage)، تۆڵەکە دەتوانێت هەڵمژینی هەندێک دەرمان خاو بکاتەوە، بۆیە پێویستە لانی کەم دوو کاتژمێر مەودا هەبێت لە نێوان بەکارهێنانی تۆڵەکە و هەر دەرمانێکی دیکە.

✍️ ئامادەکراوە لەلایەن:
هدی رحمان عبدالقادر
خوێندکاری قۆناغی چواری بەشی کیمیا
چارەسەرسازی پزیشکی تەواوکاری
(Acupuncture, Moxibustion, Herbal Medicine & Cupping Therapy)
ئەندامی کۆمەڵەی ڕووەکناسانی کوردستان

📚 سەرچاوە زانستییەکان:
1- Gasparetto, J. C., Martins, C. A. F., Hayashi, S. S., Otuky, M. F., & Pontarolo, R. (2012). Ethnobotanical and scientific aspects of Malva sylvestris L.: a millennial herbal medicine. Journal of Pharmacy and Pharmacology, 64(2), 172-189.
2- Batiha, G. E. S., et al. (2023). The phytochemical profiling, pharmacological activities, and safety of Malva sylvestris: a review. Naunyn-Schmiedeberg's archives of pharmacology, 396(3), 421-440.
3- Razavi, S. M., Zarrini, G., Molavi, G., & Ghasemi, G. (2011). Bioactivity of Malva sylvestris L., a medicinal plant from Iran. Iranian journal of basic medical sciences, 14(6), 574.
4- Tabaraki, R., Yosefi, Z., & Gharneh, H. A. A. (2012). Chemical composition and antioxidant properties of Malva sylvestris L.
5- Barros, L., Carvalho, A. M., & Ferreira, I. C. (2010). Comparative study of the nutraceutical potential and composition of Malva sylvestris. Food and Chemical Toxicology, 48(6), 1466-1472.
6- Benso, B., et al. (2016). Anti-inflammatory and antioxidant effects of Malva sylvestris extract. PLoS One, 11(9), e0162728.
7- Marouane, W., et al. (2011). Protective effect of Malva sylvestris on rat kidney damaged by vanadium. Lipids in Health and Disease, 10(1), 65.
8- Esteves, P. F., et al. (2009). Antinociceptive activity of Malva sylvestris L. Latin American Journal of Pharmacy, 28(3), 454-456.

9- Cheng, C. L., & Wang, Z. Y. (2006). Bacteriostasic activity of anthocyanin of Malva sylvestris. Journal of Forestry Research, 17(1), 83-85.

10- Jabri, M. A., Wannes, D., Hajji, N., Sakly, M., Marzouki, L., & Sebai, H. (2017). Role of laxative and antioxidant properties of Malva sylvestris leaves in constipation treatment. Biomedicine & pharmacotherapy, 89, 29-35.

ڕاگەیاندنی گشتی
کۆمەڵەی ڕووەکناسانی کوردستان

ئەمڕۆ ڕۆژی زمانی کوردییە...

کێمان لەگەڵە لە زاراوە جیاوازەکان با لایک بکات و دەستخۆشیەک بۆ بنووسێت بە زاراوەی ناوچەی خۆی (بادینی، سۆرانی، کەلهوڕی، هەورامی، .....)، سوپاستان ئەکەین

زمانی کوردی بەگشتی چوار زاری ھەیە کە خۆیان پێک دێن لە چەندین شێوەزاری دیکە.
ئەم چوارە بریتین لە:
١- کوردیی سەروو: ئەوەی کە پێی دەگوترێت کورمانجی و شێوازە ستانداردەکەی دیاربەکرییە.
٢- کوردیی ناوەڕاست: ئەوەی کە ئێستا پێی دەگوترێت سۆرانی و شێوازە ستانداردەکەی سلێمانییە.
٣- کوردیی خواروو: ئەوەی کە ئێستا بە کەلھوڕی یان گۆرانی ناو دەبرێت و شێوازە ستانداردەکەی کرماشانییە.
٤- کوردیی ماچۆ: ئەوەی کە ئێستا بە لاشێوەزارەکانی ھەورامی، زازاکی و شەبەک ناو دەبرێت و شێوازە ستانداردەکەی لە ھەورامانە.

ڕاگەیاندنی گشتی
کۆمەڵەی ڕووەکناسانی کوردستان