پۆلیسی چالاکیە مەدەنیەکانی هەولێر

پۆلیسی چالاکییە مەدەنییەکان

قۆناغی کرداری ڕیفۆرم لە پۆلیس دەستی پێکرد

قۆناغی کرداری ڕیفۆرم لە پۆلیس بە هەماهەنگی و بەشداریی پۆلیسی ئەورووپی لە سنووری پارێزگای هەولێر لە بنکەی پۆلیسی کەسنەزانی سەر بە بەڕێوەبەرایەتیی پۆلیسی پارێزگای هەولێر دەستی پێکرد.

لەم قۆناغە کردارییەدا، بە هەماهەنگی لەگەڵ راوێژکارانی دەستەی ڕاوێژکاریی یەکێتیی ئەورووپا (EUAM) و بەڕێز "رۆندک فارس" بەڕێوەبەری ئەکادیمیای سەرکردایەتی و بەڕێوەبردن، کار دەکرێت لە پێناو دروستکردنی پردی متمانە و ڕێز لە نێوان پۆلیس و هاووڵاتییان و چۆنیەتیی مامەڵەکردن لەگەڵ هاووڵاتیاندا.

بەهێزکردنی متمانەی هاووڵاتی بە دامەزراوەی پۆلیس و بایەخدان و دروستکردنی پەیوەندییەکی پتەو و تۆکمە لەگەڵ هاووڵاتیان و چەسپاندنی بنەماکانی مافی مرۆڤ لە پێشينەی کارەکانی حکومەتی هەرێمی کوردستان و وەزارەتی ناوخۆیە.

زۆرینەی راپرسیەكان و رای خەڵك دەڵێن: "رێبەر ئەحمەد" باشترین كاندیدە بۆ پۆستی سەرۆككۆماری عێراق.

ریفۆرم لە پۆلیسی کوردستان دەکرێت

دوای نیوەڕۆی چوارشەممە 22ـی تشرینی یەکەمی 2025، بەڕێز ڕێبەر ئەحمەد وەزیری ناوخۆی حکومەتی هەرێمی کوردستان پێشوازی کرد لە یەکێک لەو لێژنانە کە بۆ پێداچوونەوە بە ئەرک
و پەیکەر و شێوازی مامەڵە و ڕاهێنان و پەرەپێدانی توانای جەستەیی و هزری پۆلیسی کوردستان ڕاسپێردراون.

بەڕێز وەزیری ناوخۆ لە سەرەتای کۆبوونەوە خۆشحاڵی خۆی دەربڕی بۆ ئەو دیدارە و پوختەیەکی لەسەر دونیابینی کابینەی نۆیەمی حکومەتی هەرێمی کوردستان بە سەرۆکایەتی ڕێزدار مسرور بارزانی بۆ شێوازی مامەڵەکردنی حکومەت بە دامەزراوە و فەرمانبەرەکانی لەگەڵ هاووڵاتیان خستە ڕوو کە بریتییە لە پەیڕەوکردنی میتۆدی بەسەنتەرکردنی هاووڵاتی لە خزمەتگوزارییەکان.

هەروەها باسی لە پێویستی پێداچوونەوەی جددی بە کەرتی پۆلیس کرد بە هەموو ئەرک و سێکتەر و بەرنامەکانەوە، بە جۆرێک کە لەگەڵ پێداویستییەکانی سەردەم و تێڕوانین و چاوەڕوانی هاووڵاتیانی کوردستان بگونجێت.

بۆ ئەم مەبەستە ئەکادیمیای سەرکردایەتی و بەڕێوەبردن لە دیوانی وەزارەتی ناوخۆ و بەڕێوەبەرایەتی گشتی پۆلیس هاوشان لەگەڵ لێژنەیەکی دیکەی باڵا کە بۆ ئەرکی ئامادەکردن و نوسینەوەی ڕێبەری کاری پۆلیسی لە کوردستان پێکهاتووە، بۆ ئەو ئەرکە ڕاسپێردراون.

بەڕێز وەزیری ناوخۆ لێژنەی ڕاسپارد کە بیرۆکە و وردەکاری ئەو پڕۆژەیە لە گەڵ کارمەند و ئەفسەران لەسەر ئاستی کوردستان لە ڕێی ئەنجامدانی کۆبوونەوە و ورک شۆپ بەش بکرێت و ڕا و سەرنج و بۆچوونەکانیان بۆ دەوڵەمەندکردنی بە هەند وەربگیرێ. هەروەها سوود لە ئەزموونی وڵاتانی پێشکەوتوو بە گونجاندنی لەگەڵ سروشت و ژینگەی کۆمەڵگەی کوردستان و پاڵپشتی ئاژانس و دامەزراوە نێودەوڵەتییەکان وەربگیرێ.

لە لایەکی دیکە جەنابی وەزیری ناوخۆ جەختی لە پێویستی ئامادەکردن و ڕاهێنانی بەردەوامی جەستەیی و هزری بۆ کارمەندان و ئەفسەران کرد و ئەکادیمیای سەرکردایەتی و بەڕێوەبردن، بەڕێوەبەرایەتییەکانی مەشق و شیاندن، بەڕێوەبەرایەتی و بەشەکانی ئاراستەکردن و ڕابەریکردنی مەعنەوی،و بەڕێوەبەرایەتی پۆلیسی کۆمەڵگەیی ڕاسپارد بۆ ڕێکخستنی خ*ل و ڕاهێنانی بەردەوام.

پێداچوونەوە بە پەیکەری گشتی پۆلیس، ئەرکەکان، بنکەکانی پۆلیس وەکو یەکەی بنەڕەتی کاری پۆلیس، سوود وەرگرتن لە تەکنۆلۆژیای مۆدێرن بۆ ئاسانکردنی ئەرکەکان، پەروەردەکردنی سەرکردە و دابەشکردن و شۆڕکردنەوەی ئەرکەکان، و چەندین تەوەری دیکە بە وردی گفتوگۆیان لەسەر کرا.

ئامادەبووان بە پەرۆشییەوە سوپاسی بەڕێز وەزیری ناوخۆیان کرد بۆ ئەو کۆبوونەوە گرنگە و گفتوگۆکردن لەسەر وردەکاری بیرۆکە و پڕۆژەی چاکسازیکردن لە پۆلیسی کوردستان و سەرنجەکانیان بۆ قۆناغی ئایندە و دابەشکردنی ئەرکەکان خستە ڕوو.

بەرێوبەری پۆلیسی چالاکیە مەدەنیەکانی هەولێر
کەسێکی خــۆشەویــست لە ناو کــارمــەندەکانـی
زۆر بەرێز مقەدەم شڤان
ــ
كــــردارەكــان هەميشه دەيسەلمێنن
كه قسەكردن هيچ بەهایەکیان نیيە