Halgord Shex Najeeb

Directions Contact the organization

Halgord Shex Najeeb The Head of Soran Administration

ئەمڕۆ، سێشەممە ١٣ی تشرینی یەکەمی ٢٠٢٦، قوتابخانەی هاشم ڕێکانی لە گەڕەکی زارگەلی بە ئامادەبوونی د. ئالان حەمەسەعید، وەزیر...
13/10/2026

ئەمڕۆ، سێشەممە ١٣ی تشرینی یەکەمی ٢٠٢٦، قوتابخانەی هاشم ڕێکانی لە گەڕەکی زارگەلی بە ئامادەبوونی د. ئالان حەمەسەعید، وەزیری پەروەردە، کەسایەتی و مامۆستا و قوتابی و ژمارەیەک لە بەرپرسانی حزبی و حکومی و ئیداری کرایەوە.

ئەم پڕۆژەیە لەسەر ئەرکی بەڕێز ئەحمەد ڕێکانی جێبەجێ کراوە؛ کە وەزیری پەروەردەی حکومەتی هەرێمی کوردستان لە مەراسیمەکەدا دەستخۆشیی لە بەرێزیان کرد بۆ خزمەتە خێرخوازییەکانی لە کەرتی پەروەردەدا.

هەڵگۆرد شێخ نەجیب

یادی ١٦ـی ئاب بەرز ڕاگیرائێوارەی ڕۆژی یەکشەممە، ١٦ـی ئابی ٢٠٢٦، لە بارەگای لقی ۱۰ بەشداریمان کرد لە مەراسیمێکی تایبەت ب...
16/08/2026

یادی ١٦ـی ئاب بەرز ڕاگیرا

ئێوارەی ڕۆژی یەکشەممە، ١٦ـی ئابی ٢٠٢٦، لە بارەگای لقی ۱۰ بەشداریمان کرد لە مەراسیمێکی تایبەت بەبۆنی یادی لەدایکبوونی جەنابی سەرۆک بارزانی و ساڵیادی دامەزراندی پارتی دیموکراتی کوردستان کرد.

لە مەراسمەکەدا، بە ئامادەبوونی بەڕێز بڵند ئیسماعیل بەرپرسی لق و ژمارەیەک لە کەسایەتی، تێکۆشەران، پێشمەرگەکانی شۆڕشی ئەیلوول و گوڵان، بنەماڵەی سەربەرزی شەهیدان و هاووڵاتیان ئامادە بوون.
لە میانەی مەراسیمەکەدا پانێڵێک بەڕێوەچوو و تێدا تیشکخرایە سەر خەبات و قوربانیدانی پارتیمان و رۆڵی جەنابی سەرۆک بارزانی لە پاراستنی دەستکەوتە نیشتیمانی و نەتەوەییەکانی خەڵکی کوردستان.

هەڵگۆرد شێخ نەجیب
١٦ی ئابی ٢٠٢٦

بۆ مەراسیمی چلەی ئیمام حوسێن، ئامادەکارییەکانمان بۆ پێشوازیکردن لە زیارەتکاران تاوتوێ کردرۆژی یەکشەممە، ١٢ی تەمووزی ٢٠٢٦...
12/07/2026

بۆ مەراسیمی چلەی ئیمام حوسێن، ئامادەکارییەکانمان بۆ پێشوازیکردن لە زیارەتکاران تاوتوێ کرد

رۆژی یەکشەممە، ١٢ی تەمووزی ٢٠٢٦، لەگەڵ بەڕێز ئومێد خۆشناو پارێزگاری هەولێر و د.هێمن میرانی بەڕێوەبەری گشتیی دیوانی وەزارەتی ناوخۆ، سەرپەرشتی کۆبوونەوەی تایبەتی لیژنەی باڵای هاتنی زیارەتکارانی کۆماری ئیسلامی ئێرانمان کرد بۆ مەراسیمی چلەی ئیمام حوسێن (ع).
لە کۆبوونەوەکەدا، کە سەرپەرشتیاری دەروازەی نێودەوڵەتی حاجی ئۆمەران جێگرانی پارێزگار و ئیدارەی سۆران، و لایەنە ئەمنی و خزمەتگوزارییەکان ئامادەی بوون، بە وردی پلان و ئامادەکارییەکانمان بۆ پێشوازیکردن و بەڕێکردنی زیارەتکاران هەڵسەنگاند.

جەختمان لەسەر پێویستی هەماهەنگی تەواو لەنێوان سەرجەم دامەزراوە حکومییەکان و تیمە مەیدانییەکان کردەوە، بۆ ئەوەی لە ڕێگەی دەروازەی نێودەوڵەتی حاجی ئۆمەرانەوە، باشترین خزمەتگوزاری لە بوارەکانی (تەندروستی، ئەمنی، گواستنەوە، شوێنی حەوانەوە و پێداویستییە سەرەکییەکان) بە هاوکاری دەزگای خێرخوازیی بارزانی پێشکەش بە زیارەتکاران بکرێت.

بڕیارە پرۆسەی هاتنی زیارەتکاران لە ١٥ی تەممووزی ٢٠٢٦ دەست پێبکات، وەک هەمیشە هەموو ئاسانکارییەک دەکەین بۆ ئەوەی ئەم پرۆسە گرنگە بە شێوەیەکی سەرکەوتوو و بێ گرفت بەڕێوەبچێت.

هەڵگورد شێخ نەجیب

پرسەنامە:بەناوی خوای بەخشندە و میهرەبانبۆ بنەماڵە و دۆست و هاوسەنگەرانی تێکۆشەر و پێشمەرگەی دێرین و رۆشنبیر و مێژوونوس (...
06/07/2026

پرسەنامە:

بەناوی خوای بەخشندە و میهرەبان

بۆ بنەماڵە و دۆست و هاوسەنگەرانی تێکۆشەر و پێشمەرگەی دێرین و رۆشنبیر و مێژوونوس (کازم شاندەری - شێروانی):

بەداخ و پەژارەیەکی زۆرەوە، هەواڵی کۆچی دوایی پێشمەرگەی کۆماری کوردستان لە مەهاباد، تێکۆشەری هەردوو شۆڕشی ئەیلوول و گوڵان و هاوڕێی بارزانیی نەمر بۆ یەکێتی سۆڤیەت خوالێخۆشبوو (مام کازم شاندەری)مان پێگەیشت.

مام کازم نموونەی فیداکاری، دڵسۆزی و نیشتمانپەروەری بوو، کە تەمەنێکی درێژی لە پێناو ئازادیی کوردستان و خزمەتکردنی دۆزە ڕەواکەماندا بەخشی. کۆچی دوایی ئەو زاتە تێکۆشەرە، خەسارەتێکی گەورەیە بۆ گەل و مێژووی پڕ لە سەروەریی پێشمەرگایەتی.

بەم بۆنە خەمناکەوە، سەرەخۆشی لە خۆمان، بنەماڵەی بەڕێز و سەربەرزیان، تەواوی خزم و دۆستان و هاوسەنگەرانی دەکەین. لە خوای گەورە داواکارین ڕۆحی کۆچکردوو بە بەهەشتی بەرین شاد بکات و سەبووری و دڵنەوایی بە هەموو لایەک ببەخشێت.

انا لله وانا الیه راجعون

هەڵگۆرد شێخ نەجیب
٦ی تەممووزی ٢٠٢٦

ئەمڕۆ بەشداریمان کرد لە کۆبوونەوەی فراوانی مەکتەبی ڕێکخستنی پارێزگای هەولێرله‌ درێژه‌ی كار و چالاكییه‌ ڕێكخراوه‌ییه‌كاند...
02/07/2026

ئەمڕۆ بەشداریمان کرد لە کۆبوونەوەی فراوانی مەکتەبی ڕێکخستنی پارێزگای هەولێر

له‌ درێژه‌ی كار و چالاكییه‌ ڕێكخراوه‌ییه‌كاندا، ئه‌مڕۆ پێنجشەممە بەشداریمان کرد لە کۆبوونەوەیەکی فراوان کە بە سەرپەرشتی بەرپرسی مەکتەبی ڕێکخستنی پارتی دیموکراتی کوردستان لە پارێزگای هەولێر بەڕێوەچوو. لە کۆبوونەوەکەدا بەڕێزان وەزیری شارەوانی و گەشتوگوزار، پارێزگاری هەولێر، یاریدەدەرانی مەکتەبی ڕێکخستن، بەرپرسی لقەکان و ژمارەیەک لە بەرپرسانی حزبی و حکومی ئامادەی بوون.

لە تەوەرێکی سەرەکیدا، گفتوگۆیەکی هەمەلایەنە لەسەر بارودۆخی سیاسی بەگشتی و دەستپێشخەرییەکەی جەنابی سەرۆک مەسعود بارزانی بۆ چارەسەرکردنی دۆخی سیاسی هەرێمی کوردستان کرا. لەم چوارچێوەیەدا جەخت لەوە کرایەوە کە پارتی دیموکراتی کوردستان، لەپێناو پاراستنی بەرژەوەندییە باڵاکانی گەلەکەمان و لەسەر بنەمای بەرپرسیاریەتی مێژوویی، ئەوپەڕی نەرمی و سەخاوەتی نواندووە، بەڵام بەداخەوە لە بەرانبەردا وەڵامێکی بەرپرسیارانە نەدراوەتەوە.

لە تەوەرێکی تری کۆبوونەوەکەدا، بە گرنگییەوە جەخت لەسەر ڕێنمایی و راسپاردەکانی جەنابی سەرۆکی حکومەتی هەرێمی کوردستان کرایەوە. لەم ڕووەوە، داوا لە سەرجەم لایەنە پەیوەندیدارەکان و دامەزراوەکان کرا کە کارئاسانی تەواو بۆ کاروباری هاووڵاتیان بکەن و مامەڵەکانیان بە زووترین کات ڕایی بکەن، هەروەها جەختمان لەسەر پێویستیی هەماهەنگیی تەواو لە نێوان سەرجەم ئۆرگانەکاندا کردەوە لەپێناو پێشکەشکردنی باشترین خزمەتگوزاری بە هاووڵاتیانی خۆشەویست.

هەڵگۆرد شێخ نەجیب

بەبۆنەی تێپەڕبوونی ٢١ ساڵ بەسەر دامەزراندنی دەزگای میدیایی زاری کرمانجی، گەرمترین پیرۆزبایی لە تەواوی کارمەندانی بەڕێزی ...
19/06/2026

بەبۆنەی تێپەڕبوونی ٢١ ساڵ بەسەر دامەزراندنی دەزگای میدیایی زاری کرمانجی، گەرمترین پیرۆزبایی لە تەواوی کارمەندانی بەڕێزی ئەم دەزگایە دەکەم.

زاری کرمانجی لە مێژوو و ڕابردووی خۆیدا، هەمیشە وەک قوتابخانەیەکی گرنگی ڕۆژنامەگەریی کوردی درەوشاوەتەوە. ئەم دەزگایە ڕۆڵێکی دیار و مێژوویی بینیوە لە پاراستنی زمانی کوردی و بەرزکردنەوەی ئاستی هۆشیاری و کولتووری لە ناوچەکەدا،
هیوای سەرکەوتنی بەردەوامتان بۆ دەخوازم .

هەڵگۆرد شێخ نەجیب

بەناوی خودای بەخشندە و میهرەبانبەبۆنەی هاتنەوەی سەری ساڵی نوێی کۆچی (١٤٤٨ی کۆچی)، گەرمترین پیرۆزبایی ئاڕاستەی سەرجەم موس...
16/06/2026

بەناوی خودای بەخشندە و میهرەبان

بەبۆنەی هاتنەوەی سەری ساڵی نوێی کۆچی (١٤٤٨ی کۆچی)، گەرمترین پیرۆزبایی ئاڕاستەی سەرجەم موسڵمانانی جیهان بەگشتی، و کوردستان و سنووری ئیدارەی سەربەخۆی سۆران بەتایبەتی دەکەم.

لە خودای گەورە داواکارین ئەم ساڵە نوێیە ببێتە مایەی خێر، خۆشی، ئاشتی و تەبایی بۆ گەلەکەمان.

ساڵی نوێتان پیرۆز بێت، هەر شاد و سەرفراز بن.

هەڵگورد شێخ نەجیب
١ی موحەڕەمی ١٤٤٨ی کۆچی

سەردانێکی فەرمی و چەند دیدارێکی گرنگ لە شاری وانی باکووری کوردستانبە یاوەریی شاندێکی باڵای هەرێمی کوردستان، لەوانە: بەڕێ...
09/06/2026

سەردانێکی فەرمی و چەند دیدارێکی گرنگ لە شاری وانی باکووری کوردستان

بە یاوەریی شاندێکی باڵای هەرێمی کوردستان، لەوانە: بەڕێز ئومێد خۆشناو پارێزگاری هەولێر، د.عەلی تەتەر پارێزگاری دهۆک و جێگری سەرپەرشتیار، جێگری پارێزگاری سلێمانی و قایمقامەکانی ئیدارەی سۆران ، سەرپەرشتیاری دەروازەی نێودەوڵەتی زێت و نوێنەری دەزگای خێرخوازی بارزانی، بەشداریمان لە چالاکییەکانی ڕۆژی جیهانیی نانی بەیانی (تێشت) لە شاری وان کرد؛ لە پەراوێزی ئەم ڤستیڤالە لەگەڵ بەرپرسانی کارگێڕی و ژووری بازرگانی شارەکە کۆبووینەوە بە ئامانجی پتەوکردنی پەیوەندییە ئابووری، کولتووری و گەشتیارییەکانی نێوان هەرێمی کوردستان و شاری وان.

لە درێژەی سەردانەکەشماندا، چەند دیدارێکی گرنگمان ئەنجامدا:
دیدار لەگەڵ (دەم پارتی): لەگەڵ هاوسەرۆک و پەرلەمانتارانی پارتەکە کۆبووینەوە و جەختمان لەسەر گرنگیی پڕۆسەی ئاشتی، دیالۆگ و سەقامگیری سیاسی و ئابووری بۆ تەواوی ناوچەکە کردەوە.

کۆبوونەوە لەگەڵ بناڵی یڵدرم: لە دیدارێکدا لەگەڵ سەرۆک وەزیرانی پێشووی تورکیا، بەڕێزیان سڵاو و ڕێزی تایبەتی خۆی و ئاکپارتی ئاراستەی جەنابی سەرۆک مەسعود بارزانی و سەرۆکایەتییەکانی هەرێمی کوردستان کرد. هاوڕابووین لەسەر پەرەپێدانی زیاتری پەیوەندییە مێژوویی و ستراتیژییەکانی نێوان هەرێمی کوردستان و تورکیا.
"هەر لەو دیدارەدا، داوامان لە بەڕێز (بناڵی یڵدرم) کرد کە هاتوچۆی هاووڵاتیان و گەشتیاران لە دەروازەی نێودەوڵەتیی زێت لە تەواوی ڕۆژانی هەفتەدا بەردەوام بێت، هاوکات ڕێگە بە هاتوچۆی ئۆتۆمبێلیش بدرێت.بەرێزیان بەڵێنیدا کە ئەم بابەتە بە جیدی تاوتوێ بکەن، بە مەبەستی بڕیاردانی پێویست لەبارەیەوە.”

لە دواوێستگەش دا سەردانی قائیمقامیەتی قەزای شەمزینانمان کرد، دواتر لەگەڵ قائمقامی دەرەجیک لە دەروازە کۆتایمان بەم گەشتە هێنا ، سوپاسی هەماهەنگی و پاڵپشتی و ئاسانکاری بۆ هاتوچۆی هاوڵاتیان لە دەروازەی زێت وە ئەو پێشوازیە گەرمەی بەرێزانمان کردن .

هەڵگۆرد شێخ نەجیب

ئەمرۆ لە پێشوازی و خزمەتی جەنابی سەرۆک بارزانی و بەشداربووانی پرسەی شەش شەهیدی بە ناحەق شەهید کراوی ئیدارەی سەربەخۆی سۆر...
25/03/2026

ئەمرۆ لە پێشوازی و خزمەتی جەنابی سەرۆک بارزانی و بەشداربووانی پرسەی شەش شەهیدی بە ناحەق شەهید کراوی ئیدارەی سەربەخۆی سۆران بووین.

هەڵگۆرد شێخ نەجیب
٢٥ی ئاداری ٢٠٢٦

Address

Irbil

Website

Alerts

Be the first to know and let us send you an email when Halgord Shex Najeeb posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Halgord Shex Najeeb:

Shortcuts

Share

Category