د. ڤیان سلێمان

بهەلکەفتا سیھ و ئێک سالیا دامەزراندنا بنگەهێ لالش مە ب هەڤشاندیا بەڕێز سەربەست لەزگین بەرپرسێ مەکتەب ڕێکخستنا پارێزگەها دهۆک، سەرەدانا بنگەهێ لالش کر.
بنگەهێ لالش وەکوو ناڤەندەکا ڕۆشەنبیری هەر ژ دەمێ دامەزراندنێ و هەتا نها ڕۆڵەکێ کاریگەر د پاراستنا چاند و کولتوورێ ئیزدیا وەکوو پێکهاتەیەکێ ڕەسەنێ کوردستانێ هەبوویە. هەروەسا ئالاڤەکێ کاریگەرە بۆ بەلاڤکرنا ڕۆشەنبیرییا کۆمەڵایەتی و بنەجهکرنا بنەمایێن پێکڤەژیانێ. هەوڵ و پرۆژەیێن ئەوان جهێ ڕێز و دەستخۆشی یە.
ــــــــــــــــــــــ

لە یادی ٣١ ساڵەی دامەزراندنی بنکەی لالش، بە یاوەری بەڕێز سەربەست لەزگین بەرپرسی مەکتەبی ڕێکخستنی دهۆک، سەردانی بنکەی لالشمان کرد.
بنکەی لالش وەکوو ناوەندێکی ڕۆشنبیری لە کاتی دامەزراندنی و تا ئێستاش ڕۆڵێکی کاریگەری لە پاراستنی چاند و کولتووری ئێزدی وەکوو پێکهاتەیەکی ڕەسەنی گەلی کوردستان هەروەها بڵاوکردنەوەی ڕۆشنبیری کۆمەڵایەتی و قووڵبوونەوەی بنەماکانی پێکەوەژیان هەبووە و هەوڵ و پرۆژەکانیان مایەی دەستخۆشی و ستایشە.

ئەڤرۆ ٧ی ٥ی ٢٠٢٤ ب نوێنەرایەتییا مەکتەب ڕێکخستنا پارێزگەها دهۆک دگەل هەڤالێن خۆ ، بەرپرس و کادرێن بەش و ژوورا یاساییا مەکتەبێ بەشداری دەم شادیا گەشتە بهارییا سەندیکا پارێزەرێن کوردستانێ - لقێ دهۆک و ئیدارەیا سەربەخۆیا زاخۆ بووین.
ــــــــــــــــــــــــــــ

ئەمڕۆ ٧ـی٥ـی٢٠٢٤ بە نوێنەرایەتی مەکتەبی ڕێکخستنی دهۆک، لەگەڵ هەڤاڵانمدا، بەرپرس و کادرانی بەش و ژووری یاسایی مەکتەب هاوبەشی کاتە شادەکانی لقی دهۆک و ئیدارەی سەربەخۆی زاخۆی سەندیکای پارێزەرانی کوردستان بووین لە گەشتێکی بەهارەدا.

ئەڤرۆ ڕێکەفتی ٩-٥-٢٠٢٤ ب بابەتەکێ بەشداربووم د کۆربەندێ سەنتەرێ یەکسانییا جێندەری- زانکۆیا دهوک ب هەماهەنگی دگەل کوژیێ زانکۆیا ئەمریکی دهۆک ل ژێر ناڤونیشانێن (ئافرەتا ئاکادیمیا سەرکردە).
دەستخۆشیێ ل هەردوو ناڤەندان دکەم بۆ ڕەخساندنا ئەڤێ دەرفەتێ و ڕێکخستنا ئەڤی کۆڕبەندی ل پارێزگەها دهۆک. بێگومان گرنگیەکا زوور هەیە، ئافرەتا سەرکردە و ئەکادیمی کو لدویف بنەمایێن ئەکادیمیانە ڕەگەزێن سەرکردەییێ تێدا بن، دشێت ب دیدەکا زانستیانە بوارێن جودا ڤەخوینتەڤە و فاکتەرێ پێشکەفتنێ و دروستکرنا گۆڕانکاریێ بیت د کایەیێن جڤاکی دا.
———————————-

ئەمڕۆ ٩ـی٥ـی٢٠٢٤ بە باسێک بەشداربووم لە کۆڕبەندی سەنتەری یەکسانی جێندەری زانکۆی دهۆک بە هاوبەشی لەگەڵ گۆشەی زانکۆی ئەمریکی دهۆک لەژێر ناونیشانی (ئافرەتی ئەکادیمی سەرکردە).
دەستخۆشی لە هەر دوو ناوەند دەکەم بۆ ڕەخساندنی ئەم دەرفەتە و ڕێکخستنی ئەم کۆڕبەندە لە پارێزگای دهۆک، کە بە دڵنیاییەوە گرنگی زۆری هەیە، ئافرەتی سەرکردە و ئەکادیمی کە بە بنەمای ئەکادیمیانە ڕەگەزەکانی سەرکردەی تێدا بێت دەتوانێت لە دیدی زانستییەوە خوێندنەوەی بۆ بوارە جیاجیاکان هەبێت و فاکتەری پێشکەوتن بێت لە ناوەندە جیاجیاکان بەو شێوەیەش دروستکردنی گۆڕانکاری لە کایەکانی کۆمەڵگە.

رۆژا سێشەمبی رێكەفتی ٧ـی٥ـی٢٠٢٤ ب ئامادەبوونا بەڕێز فازڵ میرانی بەرپرسێ دەستەیا كارگێریا مەكتەبا سیاسی، ل مەکتەب ڕێکخستنا پارێزگەها دهۆک، ل ژێر ڕۆشنایی بەرنامێ بەشێ دیراسات و پێگەهاندنا پارتییا مە، کۆمبوونەک هاتە ئەنجام دان و چەند بابەتەکێن گرنگ هاتنە گفتوگۆکرن.

ڕێکەفتی ٧ ی ٥ ب ئامادەبوونا بەڕێز سەربەست لەزگین بەرپرسێ مەکتەب ڕێکخستنا دهۆک دیدارەکا فراوان بۆ د.چنار سەعد بەرپرسا بەشی دیراسات و پێگەیاندن دگەل بەرپرس وستافێ لقێن سنوورێ مەکتەبێ لسەر بەرنامەیێ بەشێ دیراساتا بۆ پێگەهاندنا کادران بڕێڤە چوو.

ئەڤرۆ ٢-٥-٢٠٢٤ ب هەڤشاندیا سەربەست لەزگین بەرپرسێ مەکتەب ڕێکخستنا پارێزگەها دهۆک، سەرەدانا تەلەڤزیونا دهۆکێ کر و پیرۆزباهیێن مەکتەب ڕێکخستنێ بۆ ٣٢ساڵیا دامەزراندنا کەناڵێ ئاراستەکر و بەڕێز هەڤال سەربەست لەزگین د وتەیەکێ دا ڕوڵێ کاریگەرێ کەناڵێ هەر ژ ڕۆژا دامەزراندنێ هەتا نهۆ و ئەرک وماندیبوونا ستافێ وێ بەرز نرخاند و ئامادەیی و پشتەڤانییا مەکتەبێ بۆ زێدەتر پێشخستنا تەلەڤزیۆنا دایک و ڕۆلێ وان د بزاڤا ڕۆشنبیری و کلتۆری دەربڕی و هیڤییا سەرکەفتنێ بۆ خواست.

ئەڤرۆ ئێکی ئەیارێ ٢٠٢٤ ب هەڤشاندیا بەڕێز سەربەست لەزگین بەرپرسێ مەکتەب ڕێکخستنا پارێزگەها دهۆک و بۆ مەبەستا گەهاندنا پەیاما پیرۆزباهیێ ب هەلکەفتا ڕۆژا جیهانییا کرێکاران مە سەرەدانا لقا دهۆک-سەندیکا کرێکارێن کوردستانی کر.
کەد و شەقیاتیا کرێکاران ڕۆڵەکێ مەزن د بنیاتناناکوردستانێدا هەیە، ئەڤ جەژنە پیرۆز بیت و کرێکار و هەموو خەلکێ کوردستانێ د خێر و خوشیا دا بن.
______

ئەمڕۆ یەکی ئایاری ٢٠٢٤ بە یاوەری بەڕێز ”سەربەست لەزگین” بەرپرسی مەكتەبی رێكخستنی دهـوک و بە مەبەستی گەیاندنی پەیامی پیرۆزبایی بەبۆنەی ڕۆژی جیهانی کرێکاران سەردانی لقی دهۆکی سەندیكای كرێكارانی كوردستانمان كرد.
دەستی کاری کرێکاران ڕۆڵی گەورەی لە بنیاتنانی کوردستان هەیە، ئەم جەژنە پیرۆز بێت و کرێکاران و هەموو خەڵکی کوردستان لە خێر و خۆشیا بن.

ڕێکەفتی ٣٠-٤-٢٠٢٤، دگەل هەڤاڵێن بەڕێز هاریکار و بەرپرسێ بەشێ ڕێکخستنا مەکتەب ڕێکخستنا پارێزگەها دهۆک، ل دوو سەرەدانێن جودا ل باژێرێ دهۆک و زاخۆ ، بۆ هەر ئێک ژ هەڤاڵ مەحمود خۆرشید کارگێرێ لقا هەشت- و هەڤاڵ ئیبراهیم ئەحمەد کارگێرێ لقا هەژدە بووین . هایداری ڕەوشا ساخلەمیا هەردوو هەڤاڵان بووین و داخازا ساخی و سەلامەتیێ بۆ وان خواست .
—————
بە هەڤاڵێنی بەڕێزان یاریدەدەر و بەرپرسی بەشی رێکخستنی مەکتەبی رێکخستنی دهۆک، بۆ مەبەستی لە نزیکەوە پرسین لە دۆخی تەندروستییان سەردانی هەر یەکە لە هەڤاڵانمان مەحمود خورشید کارگێڕی لقی هەشت و ئیبراهیم ئەحمەد کارگێڕی لقی هەژدەمان کرد.
بۆ هەر دوو هەڤاڵی ئازیزمان هیوای باشی و تەن دروستیمان خواست.

ڕێکەفتی ٢٩-٤-٢٠٢٤ د چارچۆڤێ پرۆگرامێ هەفتیانەیێ پێگەهاندنا کادران، کو ژ لایێ بەشێ ڕۆشنبیری و ڕاگەهاندن و پێگەهاندنا مەکتەب ڕێکخستنا پارێزگەها دهۆک بڕێڤە دچیت.
من سمینارەک ب ناڤونیشانێ ( ڕۆلێ کادری د پێشڤەچوونا جڤاکێدا ) پێشکێش کر.
———-
لە چوارچێوەی پرۆگرامی پێگەیاندنی کادیران، کە لەلایەن بەشی رۆشنبیری و ڕاگەیاندن و پێگەیاندنی مەکتەبمان بەڕێوەدەچێت، لە خولی هەفتانە بۆ پێگەیاندن بۆ کادیرانی مەکتەب و بە ناونیشانی (ڕۆڵی کادیران لە پێشڤەچوونی جڤاکدا) ، سمینارێکم پێشکەش کرد.

ڕێکەفتی ٢٨-٤-٢٠٢٤ ب نوێنەراتییا مەکتەب ڕێکخستنا پارێزگەها دهۆک، ئامادەبووم د ڤەکرنا سێیەمین خیڤەتگەها پەیمانگەها «ڤیا» یا پەروەردا وەرزشی- ناحکومی لژێر دروشمێ( کوردستانا پێکڤەژیانێ).
ئەڤ خیڤەتگەهە بۆ ماوێ سێ ڕۆژان دێ یا بەردەوام بیت و قوتابیێن پەیمانگەهێ و ئامادەییا ڤیا یا پیشەیی تێدا بەشدار دبن و چەندین چالاکیێن ڕۆشنبیری و هۆشیاریا نەتەوەیی ، هەروەسا دەربارەی وەرزش و لایەنێ دەروونی و ژمارەک چالاکییێن دی ژی دێ هێنە پێشکێشکرن. بێگومان مفایەکێ مەزن دێ گەهینیتە هزر و بیرێن بەشداربوویان. دەستخۆشییێ ل خودان و دەستەیا کارگێڕی و تەڤایا مامۆستایێن پەیمانگەهێ و سەرپەرشتیکارێن خیڤەتگەهێ دکەم بۆ چالاکی و کارێ وان یێ هەژی و ڕێکوپێک و هیڤییا سەرکەفتنێ بۆ دخوازم.

ئەڤرۆ ڕێکەفتی ٢٧-٤-٢٠٢٤ ب نوینەراتییا مەکتەب ڕێکخستنا پارێزگەها دهۆک، ئامادەبووین د مەراسیما بلند ڕاگرتنا ڕۆژا جیهانییا پزیشکێن ڤێتێرنەری، کو ژلایێ سەندیکا پزیشکێن ڤێتێرنەرییا کوردستانێ هاتبوو ڕێکخستن.
بوارێ پزیشکییا ڤێتێرنەری ڕۆلەکێ گرنگ هەیە د پاراستن و خزمەتکرنا لایەنێ تەندورستیا گشتی و ئاسایشا خۆراکی د ناڤ کۆمەلگەهێدا، ژلایەکێ دیتر ئێک ژ ستوینێن سەرەکیێ بهێزکرنا پیشەسازیا خۆراکی و دروستکرنا دەلیڤێن کاری و بهێزکرنا ئابووریا وەڵاتی و پاراستنا هەڤسەنگیا دناڤبەرا پێکهاتەیێن سروشتی ژ مرۆڤ و بوونەوەر و گیانەوەران دایە.ساخکرنا ڤێ ڕۆژێ فاکتەرەکە بۆ زێدەکرنا هۆشیاری و ئاگەهییا کۆمەڵگەهێ سەبارەت گرنگی و چەوانیا سەرەدەری و زانیاریێن پێویست ب خۆدانکرنا ئاژەڵێن ماڵی و نەخۆشیێن هەڤپشک دگەل مرۆڤان یان ژی ڤەگر. هەروەسا گرنگیا ڤی بواری و کار و پیشەیا ڤی توێژێ گرنگ زێدەتر پێشان ددەت. ئەڤ هەوڵێن سەندیکایێ جهێ ڕێز و دەستخوشیێنە.
————

بە نوێنەرایەتی مەکتەبی ڕێکخستنی پارتیمان لە پاریزگای دهۆک، ئامادەبووین لە بۆنەیەک بۆ بەرزڕاگرتنی رۆژی جیهانی پزیشکانی ڤێتەرنەری، کە لەلایەن سەندیکای پزیشکانی ڤێتەرنەری کوردستان رێک خرابوو.

بواری پزیشکی ڤێتەرنەری ڕۆڵێکی بەرچاوی لە خزمەتکردنی تەندروستی گشتی و ئاسایشی خۆراک هەیە. لەلایەکی دیکەش یەکێکە لە ستونە سەرەکییەکانی پیسەسازی خۆراک و دروستکردنی دەرفەتی کار و بەهێزکردنی ئابووری وڵات. گرنگیدان بەم بۆنەیە دەرفەتێکە بۆ زیادکردنی هۆشیاری کۆمەڵگە دەربارەی بەخێوکردنی ئاژەڵی ماڵی و نەخۆشییەکانی ئاژەڵ و نەخۆشییە گوازراوەکان لە ئاژەڵەوە بۆ مرۆڤ هەیە، ئەم جۆرە چالاکیانەش ڕۆڵی بەرچاویان هەیە لە ناساندنی ئەم زانستە و ڕوونکردنەوەی ئەرکەکانی پزیشکانی ڤێتەرنەری، بۆیە جێگای ستایش و دەستخۆشییە.

ئامادە بووین ل چلەیا لاوێ بەهرەمەند «نیهاد فەیسەل» کو ژ لایێ مالا لاوان -ئێکەتیا لاوێن دیموکراتا کوردستان هاتبوو ڕێکخستن. هەر دڤێ مەراسیمێدا پەنەلێک لسەر ڕۆشنبیریا هاتوچوو و سەلامەتیا ژیانا هەڤوەڵاتیان بۆ بەڕێزان «عەمید ئیبراهیم ئامێدی» و «د.ڕێنجبەر شێخۆ» هاتبوو ڕێکخستن.