Reform

05/10/2026

هەڤاڵانی ناوەندی گەرمیانی بزوتنەوەی چاکسازیی نیشتمانی بەشداریانکرد لە کۆڕێک ..

ئەمڕۆ بەرواری ٢٠٢٦/١٠/٥ لە شاری کەلار ، هەڤاڵ مامۆستا یوسف بەهاوڕێیەتی شاندێک لە هەڤاڵانی ناوەندی گەرمیانی بزوتنەوەی چاکسازیی نیشتمانی بەشداریانکرد لە کۆڕێکی بەڕێز دکتۆر ئیدریس حەمە فەرەج بەناونیشانی کشانەوەی هێزەکانی هاوپەیمانان لە عێراق و هەرێم لە دیدی کۆمەڵناسی سیاسیەوە ..

کۆڕەکە لەلایەن کۆمەڵەی ڕوناکبیری و کۆمەڵایەتی کەرکوکەوە ڕێکخرابوو ، بەرپرسانی حزبی و حکومی و ڕۆشنبیران لە بەشداربوانی کۆڕەکە بوون ..

05/10/2026

بزوتنەوەی چاکسازی نیشیمانی: داوکارین حکومەتی هەرێم هەوڵی جدی بۆ جێبەجێکردنی داوا ڕەواکانی مامۆستایان بدات..

لەڕۆژی جیهانی مامۆستایان، بزوتنەوەی چاکسازی نیشتیمانی، پەیامێکی پیرۆزبایی ئاڕاستەی مامۆستایان کرد و تەکیدی لەجێبەجێکردنی داوا ڕەواکانیان، لەلایەن حکومەتی هەرێمی کوردستان کردەوە...

دەقی پیرۆزباییەکەی بزوتنەوەی چاکسازیی نیشتمانی...

بەبۆنەی ڕۆژی جیهانی مامۆستایان، کە ساڵانە ٥ی تشرینی یەکەم ئەم یادە پیرۆزە دەکرێتەوە، لەم ڕوەوە گەرمترین و جوانترین پیرۆزبایی ئاراستەی سەرجەم مامۆستایانی کوردستان دەکەین. مامۆستایان هەمیشە هەڵگری مەشخەڵی پەروەردە و زانست بوون و هەوڵیان داوە نەوەیەکی پڕ زانست و تەندروست بۆ کۆمەڵگا پێبگەیەنن .
ئێمە باوەڕمان وایە کە دەبێت ژیان و گوزەرانی مامۆستایان هاوتای ماندووبون و خۆتەرخان کردن و قوربانی و ئەرکەکانیان بێت، هەر بۆیە پشتیوانی تەواو لە ماف و شایستە داراییەکانیان دەکەین، داواکارین لە حکومەتی هەرێمی کوردستان هەوڵی جدی بدات بۆ جێبەجێکردنی داوا ڕەواکانی مامۆستایان.

بزوتنەوەی چاکسازیی نیشتمانی
٢٠٢٦/١٠/٥

04/10/2026

هەڤاڵ بێرون عومەر فەتاح بەشداریکرد لە مەراسیمی پەردەلادان لەسەر پەیکەری پێشمەرگە ..

بەرواری (٣-١٠-٢٠٢٦) لەشاری سلێمانی، هەڤاڵ بێرون عومەر فەتاح سکرتێری بزوتنەوەی چاکسازیی نیشتمانی بەهاوڕێیەتی شاندێک لە هەڤاڵانی بزوتنەوەی چاکسازیی بەشداریانکرد لە مەراسیمی پەردەلادان لە سەر(پەیکەری پێشمەرگە) ، کەلەلایەن پەیکەرسازی بەتوانا (بەختیار هەڵەبجەیی) دروستکرابوو ،وەمەراسیمەکە لەلایەن کۆمەڵەی پێشمەرگە دێرینەکانی کوردستان سازکرابوو ،لە کۆتایی مەراسیمەکەدا پەیامی دەستخۆشی بزوتنەوەی چاکسازیی خوێندرایەوە …

03/10/2026

بزوتنەوەی چاکسازیی نیشتمانی پیرۆزبایی لە هاوپەیمانی نیشتمانی دەکات ..

ئەمڕۆ بەرواری ٢٠٢٦/١٠/٣ لە شاری سلێمانی ،شاندێک لە هەڤاڵانی بزوتنەوەی چاکسازیی نیشتمانی کە پێکهاتبوون لە هەڤاڵان سالار حەمە و زەید بێرون و ئەیوب شێخ محمد و زانا حاجی بەمەبەستی پیرۆزبایی نۆهەمین ساڵڕۆژی دامەزراندنی هاوپەیمانی نیشتمانی سەردانی بارەگای سەرەکی ئەو حزبەیان کرد ..

لەلایەن سەرۆک و ئەندامانی هاوپەیمانی بەگەرمی پێشوازیان لێکرا ،لە دیدارێکدا هەڤاڵانی بزوتنەوەی چاکسازیی نیشتمانی وێڕای گەیاندنی پیرۆزبایی هیوای سەرکەوتنیان بۆ هاوپەیمانی نیشتمانی خواست و چەپکەگوڵی پیرۆزباییان پێشکەش کردن ..

03/10/2026

بەڕێز بـێرون عومەر فەتاح سکرتێری بزوتنەوەی چاکسازیی نیشتمانی سەردانی ئارامگەی سەرۆک مام جەلالی کرد..

ئەمڕۆ بەرواری ٢٠٢٦/١٠/٣ لە شاری سلێمانی ، بەڕێز بێرون عومەر فەتاح سکرتێری بزوتنەوەی چاکسازیی نیشتمانی بە هاوڕێیەتی شاندێک لە هەڤاڵانی بزوتنەوەی چاکسازیی بەبۆنەی نۆهەمین ساڵڕۆژی کۆچی دواییەوە سەردانی ئارامگەی سەرۆک(مام جەلال)یان کرد و تاجەگوڵینەی ڕێزو وەفایان لەسەر مەزارەکەی دانا.

03/10/2026

01/10/2026

ئەمڕۆ بەرواری ٢٠٢٦/٩/٣٠ لە شاری سلێمانی ،هەڤاڵ بـێرون عومەر فەتاح سکرتێری بزوتنەوەی چاکسازیی نیشتمانی بەشداریکرد لە دیدارێکی تایبەت بۆ ڕێزگرتن لە ڕۆڵی مێژوویی سەید محمدی جەباری سەرکردە لە شۆڕشەکانی شێخ محمود،

لە دیدارەکەدا ژمارەیەکی بەرچاو لە بەرپرسانی حزبی و حکومی و مێژوونوسان ئامادەبوون ،هاوکات باس لە ڕۆڵی سەید محمدی جەباری کرا لە شۆڕشی شێخ محمودی حەفیددا ، دیدارەکە لەلایەن ڕێکخراوی بەرزجا بۆ گرنگیدان بەمێژوو ڕێکخرابوو..

24/09/2026

کۆبونەوە لەگەڵ بازنەی سیروانی بـزوتنەوەی چـاکسازیی نـیشتمانی ..

بەرواری ٢٠٢٦/٩/٢٣ ، هەڤاڵ زەید بێرون بەهاوڕێیەتی هەڤاڵان وەرزێر مشیر و ئەیوب شێخ محمد و باخەوان ڕەحمان لەگەڵ بازنەی سیروانی بـزوتنەوەی چـاکسازیی نـیشتمانی کۆبونەوە ..

لە کۆبونەوەکەدا باس لە بارودۆخی ئێستای کوردستان و ناوچەکە کرا ، پاشان باس لە کار و چالاکیەکانی هەڤاڵان کرا لە سنوری بازنەی سیروان و فراوانبونی ڕێکخستنەکان لە سنوری بازنەکە گفتوگۆی لەبارەوە کرا ..

22/09/2026

پـێشوازیکردن لە هەڤاڵانی ناوەندی سەیدصادقی بزوتنەوەی چاکسازیی نیشتمانی

بەرواری ٢٠٢٦/٩/٢١ ،هەڤاڵ بـێرون عـومەر فـەتاح سکرتێری بزوتنەوەی چاکسازیی نیشتمانی پێشوازیکرد لە هەڤاڵانی ناوەندی سەیدصادقی بزوتنەوەی چاکسازیی نیشتمانی ،لە دیدارێکدا هەڤاڵ بێرون عومەر بارودۆخی ئێستای کوردستان و ناوچەکەی بۆ ئامادەبوان ڕونکردەوە..

هەروەها لە تەوەرێکی تردا باس لە کار و چالاکیەکانی ناوەندی سەیدصادق کرا و گەشە و فراوانبونی ڕێکخستنەکان گفتوگۆی لەبارەوە کرا ،لە کۆتایی کۆبونەوەکەدا هەڤاڵ بێرون عومەر سوپاسی هەڤاڵانی کرد بۆ بەشداری کارایان لە ساڵڕۆژی دامەزراندنی بزوتنەوەی چاکسازیی نیشتمانی

21/09/2026

ڕاگەیەندراوی بزوتنەوەی چاکسازیی نیشتمانی بەبۆنەی یەکخستنەوەی هێزی پێشمەرگەی کوردستان ..

هاوڵاتیانی خۆڕاگری کوردستان

هێزی پێشمەرگەی کوردستان هێزێکی مێژوویی و کاریگەر بووە لە قۆناغەکانی ڕابردووی خەباتی سەختی بەرگری و پاراستنی کوردستان و گەلەکەی هەرچەندە توشی چەندین کارەساتی پڕ قوربانی و هەڵدێر و هەستانەوە بۆتەوە ، بەڵام توانی زمان و کلتور و خاک و گەلەکەی لە لەناوچون بپارێزێت ، لەم قۆناغەی ئێستاشدا پێشمەرگە بووە سونبولی پاراستنی ئاشتی ناوچەکە و جیهان شان بەشانی هێزە هاوپەیمانەکان و دۆستانی گەلەکەمان ، وا ئەمڕۆ و لە دەستپێکێکی نوێدا وەک ڕوداوێکی مێژووی گرنگ هێزی پێشمەرگەی کوردستان پاش هەوڵ و تێکۆشانی دڵسۆزانە لەژێر چەتری وەزارەتی پێشمەرگەدا وەک هێزێکی یەکگرتووی نیشتمانی خۆی ڕاگەیاند کە ئەوەش جێگای دڵخۆشی هاوڵاتیانی کوردستانە هەر بۆیە پیرۆزبایی گەرمی خۆمان ڕادەگەیەنین و هیوادارین ئەم پرۆسەیە ببێتە هۆکاری کاراکردنەوەی پەرلەمان و پێکهێنانی حکومەتی نوێ ی هەرێمی کوردستان کە هۆکاری ڕەواندنەوەی هەر مەترسیەکە لەسەر ئایندەی هەرێمی کوردستان چونکە زەمین و زەمانی ئێستا پێویستی بە هێزی یەکگرتوو گەلی یەکگرتوو پەرلەمان و حکومەتی بەهێز هەیە بۆ دەستەبەرکردنی ئایندەی گەلەکەمان ، جارێکی تر پیرۆزبایی دەکەین و سڵاو و درود بۆ ڕۆحی پاکی شەهیدان دەنێرین ..

شاد و سەرکەوتووبن

بزوتنەوەی چاکسازیی نیشتمانی