بەڕێوەبەرایەتی پۆلیسی پارێزگای هەولێر

بڕێکی زۆر یاری ئاگرین و تەقەمەنی دەستی بەسەردا دەگیرێت
بەڕێوەبەرایەتی پۆلیسی پارێزگای هەولێر ڕایدەگەيەنێت لە ڕۆژانی جەژندا دەست بەسەر بڕێکی زۆر یاری ئاگرین و تەقەمەنیدا گرتووە.کە بڕەکەی زياترە لە (دوو تۆن)کە بڕیاربوو لە بازاڕەکاندا ساغ بکرێنەوە و ببنە هۆکاری شێواندنی ئارامیی هاووڵاتییان.

پۆلیسی هەولێر ئاماژەی بەوە کردووە کە ئەم هەڵمەتە تەنها تایبەت نەبووە بە ڕۆژانی جەژن، بەڵکو دوای جەژنیش پرۆسەکە بە بەردەوامی درێژەی دەبێت. ئامانج لەم ڕێوشوێنانە پاراستنی سەلامەتیی گشتی و ڕێگریکردنە لەو دیاردە نادروستانەی کە دەبنە هۆی دڵەڕاوکێ و زیانگەیاندن بە منداڵان و مێرمنداڵان.

بەردەوامیی هەڵمەتەکە: پۆلیسی پارێزگای هەولێر جەخت دەکاتەوە کە مەفرەزەکانیان لە دوای جەژنیش لەسەر شەقام و بازاڕەکان دەبن بۆ ڕێگریکردن لە فرۆشتنی ئەم ماددانە.

ڕێکاری یاسایی: بەرامبەر بەو کەسانەی کە پابەندی ڕێنماییەکان نابن و بازرگانی بەم جۆرە تەقەمەنییانەوە دەکەن، ڕێکاری توندی یاسایی دەگیرێتەبەر.

پەیامی پۆلیسی هەولێر بۆ هاووڵاتییان:
"داوا لە دایکان و باوکان دەکەین هاوکارمان بن و ڕێگری لە منداڵەکانیان بکەن لە کڕینی ئەم یارییە مەترسیدارانە، تاوەکو پێکەوە ژینگەیەکی ئارام و بێمەترسی بپارێزین."





#خزمەت

پرسە و سەرەخۆشیی خۆمان ئاراستەی بنەماڵەی کارمەندی بەڕێوەبەرایەتیەکەمان (ر.پ١، ادریس حسن محمود ) دەكەین بە ھۆی كۆچی دوایی برای بەڕێزیان.
خوای دلۆڤان سەبووریی خانەوادە بەڕێزەكەیان بدات و گیانی كۆچكردووش بە بەھەشتی بەرین شاد بكات.
‏‎إنا لله و إنا إلیە راجعون
تێبینی بەیانی دەکاتە(٢٠٢٦/٦/١)
پرسەکەی لە (مزگەوتی محمد مصطفى)يە نزیک شەریکەی٧٧

‏‎عەمید (کامل بەرزنجی)
‏‎بەڕێوەبەری پۆلیسی پارێزگای هەولێر

بەڕێوەبەری پۆلیسی پارێزگای هەولێر بەسەرکردنەوەیەکی مەیدانی بۆ سەرجەم بەش و هۆبەکانی پۆلیسی هەولێر ئەنجامدا
ئەمڕۆ، لە یەکەم ڕۆژی دەوامی فەرمی دوای پشووی جەژنی پیرۆزی قوربان، بەڕێز عەمید کامل بەرزنجی، بەڕێوەبەری پۆلیسی پارێزگای هەولێر، بەسەرکردنەوەیەکی مەیدانی بۆ سەرجەم بەش، هۆبە و بارەگای بەڕێوەبەرایەتییەکە ئەنجامدا، بەمەبەستی لەنزیکەوە ئاگاداربوون لە چۆنیەتی بەڕێوەچوونی کارەکان و گەیاندنی پیرۆزبایی جەژن بە ئەفسەر و کارمەندان.

لە میانەی ئەم بەسەرکردنەوەیەدا، بەڕێز بەڕێوەبەری پۆلیس وێڕای پێشکەشکردنی پیرۆزبایی جەژنی قوربان بە سەرجەم هێزەکانی پۆلیس، قوربانیدان و شەونخونی ئەوانی لە پێناو پاراستنی ئارامی و ئاسایشی شارەکە بەرز نرخاند.

هەروەها هیوای سەرکەوتنی زیاتری بۆ خواستن لە ئەرکەکانیاندا و جەختی لەسەر پێویستی پێشکەشکردنی باشترین خزمەتگوزاری بە هاوڵاتیان کردەوە. عەمید کامیل بەرزنجی ئاماژەی بەوەدا کە پێویستە لەسەرجەم بەشەکاندا کارئاسانی تەواو و خێرا بۆ ڕاییکردنی مامەڵەی هاوڵاتیان بکرێت، بە جۆرێک کە شایستە بە خەڵکی خۆشەویستی هەولێر بێت و متمانەی نێوان پۆلیس و هاوڵاتیان زیاتر بەهێز بکات.




#خزمەت

ڕوونکردنەوەیەک لەبەڕێوەبەرایەتی پۆلیسی پارێزگای هەولێرەوە.

دوای ئەوەی لە تۆڕە کۆمەڵایەتییەکاندا چەند وێنە و گرتەیەکی ڤیدیۆیی بڵاوبوونەوە، کە تێیدا دوو کەس پەرژينی(سياجی) باخچەی گردی (کلک مشک)لەسەر شەقامی ١٠٠ مەتری لە شاری هەولێر دەدزن،دەستبەجێ تیمەکانمان لە بەڕێوەبەرایەتی پۆلیسی پارێزگای هەولێر بەدواداچوونی بۆ بابەتەکە دەستپێکرد.
تیمەکانی بەشی نەهێشتنی تاوان (نووسینگەی ڕاستی) لێکۆڵینەوەیەکی ورد و خێرایان لەسەر ڕووداوەکە دەستپێکرد. لە ماوەیەکی پێوانەیی کەمدا، توانرا ناسنامەی تۆمەتباران دیاری بکرێت و بەپێی بڕیاری بەڕێز دادوەری لێکۆڵینەوەی هەولێر، هەردوو تۆمەتبارەکە دەستگیرکران.
لە ئێستادا پەڕاوی لێکۆڵینەوە بۆ تۆمەتباران کراوەتەوە و ڕەوانەی بەردەم دادگای بەڕێز کراون، تاوەکو ڕێکاری یاسایی توندیان لەبەرامبەردا بگیرێتەبەر.





#خزمەت

ڕاگەیاندراوێک لە بەڕێوەبەرایەتی پۆلیسی پارێزگای هەولێرەوە

دوای ئەوەی تيمەکانمان لە بەڕێوەبەرایەتی پۆلیسی پارێزگای هەولێر لە درەنگانی شەو (کاتژمێر ١:٣٠ی شەو) ئاگادارکرانەوە لە ڕووداوێکی کوشتن، دەستبەجێ تیمەکانی پۆلیس لە بەشی پۆلیسی بنەسڵاوە (بنکەی پۆلیسی کەسنەزان) گەیشتنە شوێنی ڕووداوەکە.
لە ئەنجامی لێکۆڵینەوە سەرەتاییەکاندا دەرکەوت کە تۆمەتبارێک بە ناوی (م. س. م) بەهۆی کێشەیەکی خێزانییەوە تەقەی لە باوکی خۆی بە ناوی (سفیر مراد سابیر) کردووە ، لەڕووداوەکەدا باوکی دەستبەجێ گیانی لەدەستداوە. پاشان تۆمەتبارەکە تەقەی لە برایەکی خۆی بە ناوی (میران سفیر مراد) کردووە و برینداری کردووە، کە ئێستا لەژێر چاودێری پزیشکیدایە.
تيمەکانی پۆلیس لە ماوەیەکی پێوانەیی کورتدا توانییان تۆمەتباری ناوبراو دەستگیربکەن. لە ئێستاشدا پەڕاوی لێکۆڵینەوەی بۆ ڕێکخراوە و لێکۆڵینەوەکان لەگەڵیدا بەردەوامن بۆ گرتنەبەری ڕێکارە ياساييەکان.






٢٢ی ئاياری ٢٠٢٦