Fiskistofa

01/10/2026

🎉 Í dag fagnar Guðbjörg E. Ingólfsdóttir 50 ára starfsafmæli sem er einstakur áfangi.

Gugga á Gaflinum eins og hún er gjarnan kölluð hóf störf hjá Fiskifélaginu þann 1. október 1976 og hefur því helgað störf sín sjávarútveginum og stjórnsýslu hans hálfa öld. Þegar verkefni hennar fluttust til Fiskistofu 1. janúar 1999 fylgdi hún með og hefur síðan verið órjúfanlegur hluti af starfseminni.

⚓️ Í gegnum árin hefur Gugga séð til þess að aflaskráning sé rétt og áreiðanleg og er þekkt fyrir einstaka þjónustulund og jákvætt viðmót.

🙂 Eftir 50 ár í starfi segir hún að það sé skemmtilegt að mæta til vinnu og mætir jafnan með bros á vör.

🌟 Starfsfólk Fiskistofu óskar Guggu innilega til hamingju með 50 ára starfsafmælið og óskum henni velfarnaðar og hlökkum til áframhaldandi samstarfs.

🎊 Innilegar hamingjuóskir með þennan merka áfanga okkar kæra Guðbjörg E Ingólfsdóttir

05/08/2026

Aflaheimildir til strandveiða auknar um 964 tonn:
Samkvæmt tilkynningu á vef stjórnarráðsins hefur innviðaráðherra aukið aflaheimildir til strandveiða á yfirstandandi strandveiðitímabili.

Innviðaráðherra hefur á ný aukið aflaheimildir til strandveiða á yfirstandandi strandveiðitímabili.

22/06/2026

Einn af stærstu kostunum við starf eftirlitsmanns hjá Fiskistofu er hversu fjölbreytt það er 🙂

Í síðastliðnum mánuði fóru tveir eftirlitsmenn stofnunarinnar til Lissabon í Portúgal til að taka þátt í vinnustofu á vegum Fiskveiðinefndar Norður-Atlantshafsins NAFO í höfuðstöðvum Siglingaröryggisstofnunar Evrópusambandsins European Maritime Safety Agency (EMSA)

Þar kynntu þeir meðal annars þróun og framkvæmd drónaeftirlits hjá Fiskistofu, sem hefur skipað sér í fremstu röð á heimsvísu í nýtingu dróna við fiskveiðieftirlit. Kynningin vakti mikinn áhuga þátttakenda og gaf tækifæri til að miðla reynslu og þekkingu Fiskistofu til erlendra samstarfsaðila 👨‍💼

Þátttaka í alþjóðlegu samstarfi af þessu tagi endurspeglar vel þá fjölbreytni, sérþekkingu og nýsköpun sem einkennir starfsemi Fiskistofu 👌

07/06/2026

11/05/2026

Vorfundur Fiskistofu og Landhelgisgæslu Íslands fór fram í síðustu viku ⚓️

Á fundinum var farið yfir helstu sameiginlegu verkefni stofnananna og áherslur í eftirlitsstarfi. Meðal annars var rætt um:

🎣eftirlit með lax- og silungsveiði,
🛥️strandveiðar og,
🌊sjóeftirlit.

Fundir Fiskistofu og Landhelgisgæslu Íslands gegna mikilvægu hlutverki í samráði og samvinnu stofnananna. Við á Fiskistofu erum þakklát fyrir það góða og trausta samstarf sem hefur þróast í gegnum árin.

Landhelgisgæsla Íslands fagnar 100 ára afmæli sínu á árinu og af því tilefni hvetjum við áhugasama til að kynna sér helstu atburði í sögu stofnunarinnar í tímalínu á vef hennar.
Hlekkur í fyrsta kommenti 👇

05/05/2026

Þörf áminning frá Slysavarnafélagið Landsbjörg í upphafi strandveiða⚓️🛟

17/04/2026

Umsóknarfresti fyrir strandveiðileyfi er lokið ✅🛥️

Þegar þetta er skrifað hafa 792 leyfi verið veitt og 49 umsóknir enn í vinnslu 👏

Gengið hefur vel að vinna úr umsóknum en þau leyfi sem enn eru í vinnslu snúast að mestu um vöntun á staðfestingu á haffæri 🛟⚓️

Kerfið okkar sækir upplýsingarnar sjálfvirkt til Samgöngustofu sem getur haft áhrif á afgreiðslutíma ef upplýsingarnar liggja ekki fyrir.

Listi yfir veitt leyfi er aðgengilegur á gagnasíðum Fiskistofu og svo fá útgerðaraðilar auðvitað leyfið sent í stafræna pósthólfið á Ísland.is 📩

Hlekk á lista veittra leyfa má finna í fyrstu athugasemd 👇

09/04/2026

Breyting á reglugerð um strandveiðar 👌🛥️

Helstu breytingar eru:
⚓️hægt er að sækja um þótt skilyrði um haffærisskírteini séu ekki uppfyllt.
⚓️síðasti umsóknardagur er 15. apríl 2026.

Eflaust létta þessar breytingar lundina hjá einhverjum og því um að gera að skella inn umsókn fyrir lok 15. apríl og setja sig í gírinn fyrir komandi vertíð 🐟

Nánar má lesa um málið í tilkynningu á vef Fiskistofu og í frétt frá Innviðaráðuneytið á vef Stjórnarráðsins, hlekki má finna í kommentum ℹ️👇