Bókasafn Bolungarvíkur

Síðasti tíminn fyrir sumarfrí nk þriðjudag

Bókmenntahátíð Flateyrar hefst í dag!

Viðburðaröð dagsins ‼️‼️‼️

📝 Í dag munu Eliza Reid og Ólafur Guðsteinn Kristjánsson spjalla um bókmenntir og tungumál kl. 15:00 í Samkomhúsið á Flateyri (í Grunndatíg 21 https://maps.app.goo.gl/PWuQzphCo9n7jMwv7 )

⏰ Svo mun Heiðrún Ólafsdóttir tala við Birta Ósmann Þórhallsdóttir og Brynju Hjálmsdóttir um skáldskap og umbreytingu kl. 18:00 í Bryggjukaffi

🇻🇪 Eftir það halda Luis Miguel Isava, Kristínu Guðrúnu Jónsdóttur og Helen Hafgnýr Cova málþing um bókmenntir frá Venesúela kl. 19:30 í samkomuhúsinu. Þar verðum við m.a með goðan mat og drykk frá Venesúela!!

📣📣📣 ATH

Mig langar að minna ykkur á að Bryggjukaffi er opið frá kl 11:00 og þangað til viðburðinum þar lýkur.

Gamla Bókabúðin verður opinn frá 10:00 til 17:00 á meðan hátíðin stendur.

Viðburðaröðin í dag er styrkt af Bryggjukaffi Karíba Útgáfa Verkalýðsfélag Vestfirðinga Wild Westfjords og Höllvinasamtök Samkomuhússins

Tímarit og bækur!

Í dag byrjar skráning í sumarlestur/lestrar-sprett bókasafnsins. Í ár er það Gúndi geithafur sem þarf á hjálp krakkanna að halda. Í heimahaga þar sem Gúndi býr er ekki eitt stingandi strá að bíta og garnirnar hreinlega gaula í honum. Krakkarnir eru þeir einu sem geta hjálpað aumingja Gúnda að komast á draumastað hans sem er Grænahlíð en þar er grasið alltaf grænna. Allir sem koma á bókasafnið og skrá sig fá vegabréf með korti af Dindilfirði þar sem Gúndi býr. Fyrir hvern dag sem lesið er í a.m.k. 15 mínútur kemst Gúndi svo áfram á kortinu í sífellt betri bithaga. Heppilegt er að aðstandendur komi með yngri börnunum þegar þau eru skráð svo allir séu með það á hreinu hvernig allt virkar

Nokkrar bækur sem komu í þessari viku ásamt bókinni áfall og hvað svo sem kom fyrir nokkru síðan.

Tölum íslensku saman. Það er svona einfalt :) Allavega hér :)

Hraðíslenska lýtur sömu lögmálum og hraðstefnumót nema markmiðið er ekki að ná sér í framtíðarmaka heldur æfa sig í íslensku. Móðurmálshafar æfa sig að tala við þá sem læra (já, það er kúnst) og þeir sem læra æfa íslenskuna sína. Allt í mesta bróðerni með allskonar íslensku í kjaftinum og bros á vör

Þessar komu í dag!

Þrátt fyrir að nú sé komin 18 vika ársins ætlum við að halda upp á 17 viku sem er alþjóðleg vika heimsmarkmiðanna á bókasöfnum.

Áttu ekki föt, teppi eða jafnvel tuskudýr sem þú hefur lengi ætlað að laga?
Sláðu þrjár flugur í einu höggi; vertu sjálfbær, kláraðu viðgerðirnar og hafðu gaman.
Á staðnum verða tvinnar, nálar, hugmyndir að viðgerðum og að sjálfsögðu nýja saumavélin okkar.

Verkefnið Vika 17 á uppruna sinn að rekja til Danmerkur en er í dag taka hátt í 200 bókasöfn frá 12 mismunandi löndum þátt. Markmiðið er að vekja athygli á heimsmarkmiðunum 17 með fjölbreyttum viðburðum og sýna að við getum öll lagt okkar af mörkum.

Tímarit og bækur sem bíða þín á þriðjudaginn!