Minjasafn Austurlands - East Iceland Heritage Museum

Þegar úti er veður vott, getur verið kjörið að leita skjóls inni á safni! Opið alla virka daga frá kl. 10-17 og laugardaga frá kl. 11-17. Verið öll velkomin.

Nú er tilvalið að láta ljós sitt skína í ljósmyndasamkeppni um Kjarval á Austurlandi! ✨

Viðbyggingin tekur óðum á sig mynd - en síðasta föstudag fór fyrsta sperran upp og haldið upp á það með smá reisugilli á kaffistofunni! 🍰

Hvernig líst ykkur á?

Verður gaman að fylgjast með næstu mánuði!

Það var skemmtileg umfjöllun í fréttatíma RÚV um leiðsagnir á einfaldaðri íslensku sem Minjasafnið hefur boðið upp á í vetur. Michelle Mielnik hefur leitt verkefnið ásamt Eyrúnu Hrefnu Helgadóttur, verkefnastjóra safnfræðslu og miðlunar á safninu. Við vonum sannarlega að framhald verði á þessu skemmtilega verkefni sem fékk styrk úr sjóði menningar-, nýsköpunar- og háskólaráðuneytis (Örvar) og sa.mfélagssjóði Alcoa. Slóð á fréttina er að finna í fyrstu athugasemd.

Í morgun fengum við vaska 5. bekkinga í Egilsstaðaskóla í heimsókn þar sem þau tóku þátt í lásalausnum (BreakOut) með hreindýraþema! BreakOut er kennsluform þar sem nemendur vinna saman að því að opna lása á sérstökum kassa og nota til þess fyrirliggjandi gögn og vísbendingar - að þessu sinni um hreindýrin! Hrikalega spennandi og góð stemning! Takk fyrir komuna kæru 5. bekkingar! 🙌🏼

Síðustu forvöð að sjá Kjarval á Austurlandi!

Síðustu forvöð að sjá Kjarval á Austurlandi Minjasafn Austurlands varðveitir minjar um sögu, menningu og samfélag fjórðungsins.

Frábær ganga með eldri borgurum og nýbúum á alþjóðlega safnadeginum! Takk öll sem mættu 🙌

Alþjóðlegi safnadagurinn á Minjasafninu Minjasafn Austurlands varðveitir minjar um sögu, menningu og samfélag fjórðungsins.

Það var hátíðleg stund á Kjarvalsstöðum í dag þegar Íslensku safnaverðlaunin voru veitt í fimmtánda sinn. Fimm söfn voru tilnefnd, þ. á m. Minjasafn Austurlands (í samstarfi við Sláturhúsið Menningarmiðstöð, Skaftfell Art Center og Hanna Christel Sigurkarlsdóttir) og Tækniminjasafn Austurlands/ Technical Museum of East Iceland. Forseti Íslands, frú Halla Tómasdóttir, afhenti verðlaunin sem í ár féllu Listasafni Íslands í skaut. Það er gríðarleg hvatning fyrir safnasamfélagið hér eystra að hljóta þessar tilnefningar og þær eru til marks um það metnaðarfulla og stórhuga starf sem hér er unnið.