Björgunarsveitin Brimrún

Afar slæm veðurspá á morgun, mánudag.

Viljum vekja athygli á slæmri veðurspá á morgun.

Hvetjum þá sem ekki þurfa að vera á ferðinni að vera heima. Þeir sem þurfa að vera á ferðinni fylgist vel með veðurspá og færð á vegum.

Förum varlega og komum heil heim.

vedur.is | Viðvaranir | Veðurstofa Íslands © Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350 Hafa samband | Starfsfólk | Notkunarskilmálar | Veftré | Spurt og svarað um vefinn | Persónuvernd

Gul veðurviðvörun tekur gildi í kvöld og fram yfir miðnætti á þriðjudag. Spáð er norðan fimmtán til tuttugu og þremur metrum á sekúndu með snörpum hviðum. Él eða snjókoma sem getur leitt til varasamra akstursaðstæðna, jafnvel ófærðar.

Ferðalangar hvattir til að fylgjast vel með veðurspá og færð, ekki síst á fjallvegum í umdæminu.

Björgunarsveitin Brimrún vill hér með tilkynna að sveitin hefur undanfarna mánuði unnið að umfangsmikilli fjáröflun með það markmiði að tryggja kaup á nýjum björgunarbáti, sem ætlaður var til að styrkja viðbragðsgetu sveitarinnar og efla öryggi sjófarenda á svæðinu. Markmið fjáröflunarinnar var að tryggja nauðsynlegt fjármagn til að mæta þeim kröfum sem gerðar eru til björgunarbúnaðar í dag, bæði hvað varðar tæknilega getu og rekstraröryggi.
Þrátt fyrir ríkan áhuga, rausnarleg framlög og myndarlegan stuðning fjölda einstaklinga, fyrirtækja og félagasamtaka, hefur það leitt í ljós að við munum ekki ná að safna því fjármagni sem þarf til að ráðast á kaupin. Slíkt fjármagn er óhjákvæmilegt til að tryggja öryggi- og þjónustu björgunarbáts sem starfsemi sveitarinnar krefst.

Í ljósi þessarar stöðu hefur stjórn Brimrúnar ákveðið að setja báða núverandi björgunarbáta sveitarinnar á sölu, báðir bátarnir hafa þjónað okkur og nærsamfélaginu vel um árabil en eru nú komnir til ára sinnar. Sala bátanna er hugsuð sem liður í því að skapa fjárhagslegt svigrúm til endurnýjunar björgunarbúnaðar þegar aðstæður leyfa og að tryggja áframhaldandi öryggi í starfsemi sveitarinnar.

Björgunarsveitin Brimrún vill koma á framfæri innilegum þökkum til allra þeirra sem lögðu málefninu lið með áheitum sínum, framlögum og öðrum stuðningi. Þátttaka ykkar hefur skapað mikilvægan sess í þeirri vinnu sem okkar sjálfboðaliðar lögðu í verkefnið og er það okkur dýrmæt.

Sveitin mun áfram vinna markvisst að því að tryggja viðbragðshæfni, búnaðar og starfsemi séu ávallt til fyrirmyndar.

Innköllun á Rakettupakka 2!

Slysavarnafélaginu Landsbjörg bárust í kvöld ábendingar um að galli væri í einhverjum rakettum sem seldar hafa verið í Rakettupakka 2.

Við prófun kom í ljós að einhverjar þeirra sprungu of snemma.



Því hefur verið tekin sú ákvörðun um að taka Rakettupakka 2 úr sölu og kalla inn þá pakka sem hafa verið seldir.

Þau sem hafa keypt Rakettupakka 2 eru hvött til að koma með hann á næsta sölustað og skipta honum út fyrir aðra vöru.

Hægt verður að skipta út pakkanum á morgun þar til sölustaðir loka, sem og á opnunartíma fyrir þrettándann.



Meðfylgjandi eru ljósmyndir af pakkanum og þeim rakettum sem í honum eru.



Slysavarnafélaginu Landsbjörg þykir miður að viðskiptavinir verði fyrir óþægindum vegna þessa, en öryggi okkar allra þarf alltaf að vera í fyrirrúmi.

Vegna óhagstæðs veðurs 31.desember hefur Björgunarsveitin Brimrún ákveðið að færa flugeldasýningu sína til dagsins í dag, 30. desember. Flugeldasýningunni verður skotið upp á milli kl. 20:30 og 21:00. Við vonum að sem flestir sjái sér fært að njóta sýningarinnar og þökkum sýndan skilning.

Ár hvert hafa margir samband sem vilja styrkja starf sveitarinnar án þess að versla flugelda.

Hægt er að styrkja starf Brimrúnar með frjálsu framlagi.

Styrktarreikningur okkar er:
BANKI: 0167-05-010019
KT. 710186-1389

Skrifa þarf í athugasemd með millifærslu „Styrkur 2025“ og þá fara upplýsingar um styrkinn í gagnagrunn Skattsins.

Björgunarsveitin Brimrún er á almannaheillaskrá Ríkisskattstjóra. Styrkir til sveitarinnar eru því frádráttarbærir frá skatti hvort sem um er að ræða einstaklinga eða fyrirtæki.

✨ Gleðilega hátíð! ✨
Nú fer að styttast í áramótin, Flugeldasalan er að hefjast og bjóðum við ykkur hjartanlega velkomin til okkar.

Strandgata 11