Bókasafn Gerðaskóla

Bókasafnið á þennan fínan skáp þar sem hægt er að stilla upp ýmsum skemmtilegum munum. Í dag kom nemandi færandi hendi með fótboltamyndasafnið sitt og er það nú til sýnis fyrir gesti safnsins.

Sögustund hjá 2. bekk í dag. Við lásum nýútgefna bók eftir Benný Sif Ísleifsdóttur sem heitir Einstakt jólatré 🌲

Duttum aldeilis í lukkupottinn í dag á bókasafninu. Nemendur á unglingastigi komu okkur rækilega á óvart og færðu okkur þessi dásamlegu bókamerki til að gefa bókaormum skólans ❤️

Jólabókaflóðinu fylgja auðvitað jólaskreytingar 🎅

Hrekkjavaka nálgast...nýjar bækur að detta í hús!

Bókaklúbbarnir eru vinsælir á safninu. Allir klúbbarnir eru staðsettir í sömu hillunni og því auðvelt fyrir nemendur að ná í næstu bók úr klúbbnum, svo er líka gott að kikja aðrins á hina klúbbana og fá þannig hugmyndir að næsta bókaklúbb til að lesa!

Bókaklúbbarnir byrja formlega á morgun 1. september. Margir nýjir klúbbar í boði. Það verður gaman að fylgjast með og sjá hvaða klúbbar slá í gegn. Viðurkenningar verða veittar þeim sem klára bókaklúbba. Afhending viðurkenninga fer fram annan og fjórða föstudag í mánuði.
Þeir sem ekki vilja vera í klúbb geta fengið risabókamerki og fyllt út reitina á þeim samhliða lestrinum og fengið viðurkenningu í vetur fyrir lestrardugnaðinn.

Nýtt skólaár að byrja og við byrjum veturinn á að að auglýsa eftir herra/ungfrú bókum. Safnið á eitthvað af bókum en margar eru ófáanlegar hjá útgefanda og því langar okkur að biðja ykkur að athuga hvort þær liggi í geymslum eða á hálaloftinu/í kjallaranum hjá ykkur. Okkur þætti vænt um að fá þær til okkar hér á safnið.
Í morgun áskotnaðist okkur 12 nýjar bækur, en nemandi í 3. bekk kom færandi hendi með þessar gersemar, þær eru nú á leið í plöstun og verða tilbúnar til útláns á morgun ❤️

Á vorhátíð skólans í næstu viku verðum við með bókamarkað á safninu.

Alltaf eitthvað nýtt að gerast á safninu. Endalaust hægt að breyta og bæta😀 Spil skólans eru vinsæl og eru nú komin á einn stað á safninu. Nýja hæðarlinan er vinsæl og nemendur á öllum aldri mæla hæð sína þegar þau koma á safnið. Gaman að sjá hvað skáldsagnapersónur eru hávaxnar…nú eða lágvaxnar. Við erum hægt og rólega að koma bókum fyrir yngri nemendur fyrir í hillum og sortera frá bækur fyrir leikskóla aldurinn. Leikskólabækurnar hafa svo fengið nýtt líf í leikskólanum Gefnaborg. 🙂

Hefðarkötturinn Lillý heimsótti okkur í dag 🐱 Alltaf gaman að fá gesti á safnið okkar. Lillý las enga bók en fékk smá klapp og klór 🥰