Á-listinn Rangárþingi ytra

"Leikvellir, gönguleiðir, sundlaugar, íþróttahús og samkomustaðir eru ekki aðeins mannvirki. Þetta eru staðirnir þar sem samfélagið lifir. En það er ekki nóg að reisa stórar og flottar byggingar, innra starfið er það sem skiptir öllu máli."

Þjóðhátíðarræða oddvita Rangárþings ytra - Á-listinn Rangárþingi ytra 17. júní ræða Eggerts Vals Guðmundssonar, oddvita Rangárþings ytra, um samfélag, samstöðu, innviði og lífsgæði íbúa á öllum aldri.

Gleðilegan þjóðhátíðardag kæru íbúar 🇮🇸

Í dag fögnum við 17. júní með samveru, gleði og góðum stundum í okkar góða samfélagi. Við hvetjum sem flesta til að taka þátt í hátíðarhöldunum á Hellu, í Þykkvabæ, á Brúarlundi og í Kambsrétt.

Gleðilega hátíð!

Framkvæmdanefnd Landsmóts UMFÍ 50+ árið 2027, sem haldið verður á Hellu dagana 25.–27. júní, hefur nú hafið störf. Í nefndinni sitja Guðmundur Jónasson, Guðríður Aadnegard, Anný Ingimarsdóttir, Guðrún Tryggvadóttir, Ástþór Jón Ragnheiðarson, Ösp Viðarsdóttir, Ragnheiður Högnadóttir, Eiríkur Vilhelm Sigurðarson og Jóhann G. Jóhannsson. Guðmundur Jónasson verður formaður nefndarinnar og Anný Ingimarsdóttir ritari.

Þetta er spennandi verkefni sem mun efla íþróttalíf, félagsstarf og mannlíf á svæðinu og við hlökkum til að taka vel á móti gestum á Hellu sumarið 2027 🏆

Framkvæmdanefnd Landsmóts 50+ hefur störf Eins og sunnlenska.is hefur greint frá mun Landsmót UMFÍ 50+ árið 2027 fara fram á Hellu. Framkvæmdanefnd mótsins hefur verið skipuð og hélt hún sinn fyrsta fund í síðustu viku. Nefndina skipa Guðm…

„Ég er mjög sáttur við að hafa fengið Eirík til starfa fyrir sveitarfélagið og hef miklar væntingar til þess að við eigum eftir að eiga gott samstarf um að halda áfram að byggja upp gott samfélag,“ sagði Eggert Valur Guðmundsson oddviti sveitarstjórnar þegar gengið var frá ráðningu Eiríks.

Eiríkur segir fjölmörg tækifæri felast í áframhaldandi uppbyggingu sveitarfélagsins, bæði í þjónustu við íbúa og í eflingu atvinnulífs. Hann leggur áherslu á jákvæða framtíðarsýn, framkvæmdagleði og gott samstarf við starfsfólk, kjörna fulltrúa og íbúa sveitarfélagsins í nýju hlutverki sínu sem sveitarstjóri Rangárþings ytra.

Eiríkur Vilhelm ráðinn sveitarstjóri Rangárþings ytra Eiríkur Vilhelm Sigurðarson og Eggert Valur Guðmundsson, oddviti sveitarstjórnar Rangárþings ytra, undirrituðu í dag ráðningarsamning Eiríks sem sveitarstjóra en hann mun hefja störf mánudaginn 15.…

Skipulag Gaddstaðaeyju auglýst

Sveitarstjórn Rangárþings ytra samþykkti í morgun að auglýsa tillögu að breytingu á aðalskipulagi og deiliskipulagi fyrir Gaddstaðaeyju. Um er að ræða formlegt auglýsinga- og samráðsferli þar sem íbúar, hagaðilar og umsagnaraðilar fá tækifæri til að kynna sér tillögurnar og koma á framfæri athugasemdum.

Samkvæmt skipulagstillögunni er m.a. gert ráð fyrir:
• allt að 160 herbergja hóteli
• um 80–90 störfum við fullan rekstur hótelsins, auk afleiddra starfa
• allt að 22 gestahúsum sem tengjast rekstri hótelsins
• veitingaaðstöðu og þjónustu fyrir gesti
• baðlóni og tengdri afþreyingu
• nýrri aðkomu og brú yfir í eyjuna
• tengingu við veitukerfi þéttbýlisins á Hellu
• lausnum fyrir fráveitu, ofanvatn og brunavarnir
• mögulegum bílakjallara til að draga úr umfangi bílastæða á yfirborði

Gert er ráð fyrir að uppbyggingin taki mið af sérstöðu eyjunnar og því viðkvæma og verðmæta umhverfi sem hún er hluti af.

Næsta skref er auglýsing tillagnanna. Þar með hefst mikilvægt samráð þar sem almenningi og hagaðilum gefst kostur á að fara yfir gögnin og koma sínum sjónarmiðum á framfæri. Myndirnar eru úr skipulagsgögnum málsins sem verða kynnt og auglýst.

Sveitarstjórn Rangárþings ytra samþykkti í morgun ráðningarsamning við Eirík Vilhelm Sigurðarson sem nýjan sveitarstjóra sveitarfélagsins.

Við fögnum þessum áfanga og horfum björtum augum til komandi kjörtímabils. Eiríkur kemur til starfa með góða menntun, reynslu og sterka tengingu við samfélagið. Fram undan eru stór og mikilvæg verkefni og það skiptir miklu máli að sveitarfélagið hafi skýra forystu, góða yfirsýn og öfluga eftirfylgni.

Við óskum Eiríki innilega til hamingju með ráðninguna og hlökkum til samstarfsins við að halda áfram að byggja upp gott samfélag í Rangárþingi ytra.

2. fundur sveitarstjórnar Rangárþings ytra kjörtímabilið 2026-2030
verður haldinn að Suðurlandsvegi 1-3, miðvikudaginn 10. júní 2026 og hefst kl. 08:15.

Fundarboð - 2. fundur sveitarstjórnar 2. fundur sveitarstjórnar Rangárþings ytra kjörtímabilið 2026-2030verður haldinn að Suðurlandsvegi 1-3, miðvikudaginn 10. júní 2026 og hefst kl. 08:15

Frábærar fréttir af Rökkva Hljómi Kristjánssyni frá Hólum í Rangárþingi ytra, sem lauk búfræðiprófi með glæsilegum árangri, 9,41 í einkunn.
Rökkvi hlaut jafnframt viðurkenningar fyrir framúrskarandi árangur í náminu.

Innilega til hamingju, Rökkvi Hljómur! 👏🌾

Rökkvi Hljómur lauk búfræðiprófi með 9,41 í einkunn - RÚV.is Brautskráning Landbúnaðarháskóla Íslands fór fram í dag, 5. júní, á Hvanneyri við hátíðlega athöfn. Rökkvi Hljómur Kristjánsson rakaði til sín verðlaunum fyrir frábæran árangur, en hann lauk búfræðiprófi með glæsilega einkunn, 9,41.

Nýji leikskólinn á Hellu tekur á sig mynd

Framkvæmdir við nýjan leikskóla á Hellu eru nú komnar á skrið. Eins og sjá má á myndinni er unnið að sökklum hússins þessa dagana, en byggingin verður reist á steyptum undirstöðum og forsteyptum einingum. Gert er ráð fyrir að vinnu við sökkla ljúki um miðjan júní.

Nýji leikskólinn verður 8 deilda með rými fyrir um 160 börn og aðstöðu fyrir 40–50 starfsmenn.

Á fundi Framkvæmda- og eignanefndar í mars síðastliðnum kom fram að Steypustöðin hefði átt lægsta tilboð í burðarvirki leikskólans, að fjárhæð 366.732.289 kr.