15/05/2026
Náttúrusafnið heldur uppá Alþjóðlega safnadaginn, mánudaginn 18. maí!
Í tilefni hans bjóðum við gestum að taka þátt í tveimur viðburðum sem endurspegla fjölbreytt starf safna í samfélaginu. Annars vegar gefst gestum tækifæri á að skyggnast á bak við tjöldin með leiðsögn um safngeymslu safnsins og hins vegar að taka þátt í skapandi smiðju í samstarfi við Gerðarsafn, þar sem náttúra og myndlist mætast.
Gerðarsafn Kópavogur Art Museum
- Opin safngeymsla kl. 15:30-17:30 úti á túninu milli Gerðarsafns og Náttúrusafnsins
- Sólarþrykk kl. 16:00-17:30 í Tilraunastofunni
www.natkop.is
Við hlökkum til að sjá ykkur!
Aðgangur er ókeypis öll | Öll velkomin!
01/05/2026
Það er lokað á Náttúrusafninu í dag, 1.maí á degi verkalýðsins!
The Nature Museum will be closed today on may 1st due to international workers day!
30/04/2026
Lóan er komin til landsins!
Spennandi rannsóknarverkefni í gangi hjá Rannsóknasetur Háskóla Íslands á Suðurlandi
23/04/2026
Sumardagurinn fyrsti ☀️
Nú þegar sumarið er komið er gott að spá í því hvernig það mun verða. Verður sumarið vott eða þurrt? Kalt eða hlýtt?
Hrossagaukur (Gallinago gallinago) er þekktur spádómsfugl sem var sagður geta spáð fyrir um hvernig sumarið yrði eftir því úr hvaða átt fólk heyrði hann fyrst hneggja á vorin. Spáin var samkvæmt þessari vísu:
Í austri er unaðsgaukur,
í suðri sælugaukur,
í vestri vesælgaukur,
í norðri námsgaukur.
Uppi er auðsgaukur,
niðri nágaukur.
Þó að vísindalegt gildi vísunnar sé takmarkað þá má nú samt lesa ýmislegt í veðurfari út frá lífríkinu í kringum okkur.
Margar lífverur geta nýst sem lífvísar (e. bioindicators) á loftslagsbreytingar. Blómgunartími plantna er nátengdur hitastigi. Komutími farfugla til landsins fer mikið eftir veðurfari og fæðuframboði. Mörg skordýr koma ekki fram fyrr en frost fer úr jörðu. Ef loftslag breytist hratt þá getur það raskað jafnvægi á milli þessara lífvera og þar með allrar fæðukeðjunnar.
Hvernig hljómar heimurinn í dag?
Mynd: Sigurður Ægisson.
16/12/2025
Sæeyru (Haliotidae) 🐌
Sæeyru hafa eina furðulegustu kuðunga sem fyrir finnast á meðal snigla.
Sæeyru eru stórir sjávarsniglar af sæeyrnaætt (Haliotidae) en kuðungar þeirra líkjast einmitt talsvert mannseyrum. Svona allavega ef að mannseyru væru húðuð að innan með glansandi perlugljáa.
Kuðungar sæeyrna eru mjög flatir og breiðir miðað við aðra kuðunga og á einni hlið kuðungsins eru mörg lítil g*t í skelinni. Þessi g*t býr snigillinn sjálfur til á kuðunginn og dælir svo sjó í gegnum þau til að fá nóg súrefni til að lifa góðu lífi á sjávarbotninum.
Innra borð sæeyrna er svo þakið lithverfu efni sem kallast perlumóðir. Þetta glampandi og glansandi efni er mjög fallegt í útliti en sæeyru búa það ekki til fegurðarinnar vegna því þeir hafa í raun mjög slæma sjón. Perlumóðir er hinsvegar afskaplega sterkt og sveigjanlegt byggingarefni sem að gerir kuðunga sæeyrna einstaklega sterkbyggða.
Til eru um 100 tegundir sæeyrna í heiminum og þær stærstu verða um 30 cm í þvermál.
Heil skúffa af sæeyrnakuðungum er nú til sýnis á Náttúrusafni Kópavogs!
16/12/2025