08/09/2026
Í dag, 8. september, fór fram forvarnardagur ungra ökumanna í Reykjanesbæ fyrir nemendur á fyrsta ári í Fjölbrautaskóla Suðurnesja.
Markmið dagsins er að vekja ungt fólk til umhugsunar um þá ábyrgð sem fylgir því að vera í umferðinni og þær alvarlegu afleiðingar sem umferðarslys geta haft.
Brunavarnir Suðurnesja tóku þátt í deginum með sviðsettu umferðarslysi, þar sem nemendur fengu að fylgjast með viðbrögðum við alvarlegu slysi. Starfsmenn okkar sinntu þar sjúkraflutningum og björgun úr ökutæki líkt og gert væri á raunverulegum vettvangi. 🚒🚑
Með sviðsetningunni fá nemendur að sjá með raunhæfum hætti hvernig vettvangur alvarlegs umferðarslyss getur litið út og hversu umfangsmikil viðbrögðin geta orðið.
Forvarnardagurinn er samstarfsverkefni Reykjanesbæjar, Lögreglunnar á Suðurnesjum, Brunavarna Suðurnesja, Fjölbrautaskóla Suðurnesja, Tryggingamiðstöðvarinnar og Samgöngustofu.
Við þökkum öllum sem komu að deginum fyrir gott samstarf. ❤️
