Bókasafn Mosfellsbæjar

Það var heldur betur líf og fjör í sumarlestinum í vikunni og einn heppinn þátttakandi dreginn út! 🌞

Sú heppna að þessu sinni var Sóldögg Lilja, 8 ára, sem hefur verið dugleg að lesa og taka þátt í lestrarævintýrinu með Gúnda geithafri.

Við óskum henni innilega til hamingju með vinninginn og vonum að hún haldi áfram að njóta ferðalagsins í átt að Grænuhlíð.

Langar þig líka að taka þátt? Kíktu í bókasafnið, nældu þér í vegabréf og leggðu af stað í þitt eigið lestrarævintýri með Gúnda geithafri! 🐐

Afgreiðslutími bókasafnsins í sumar:
Mánudaga til föstudaga kl. 12-18
Laugardaga er lokað frá 20. júní til og með 15. ágúst
Sunnudaga er lokað

Opið er án þjónustu á virkum dögum kl. 9-12 🌞

Fyrsti vinningshafi sumarlestursins þetta sumarið er Helga Guðný, 6 ára! 🌼

Helga Guðný hefur verið dugleg að lesa og safna mínútum í lestrarsprettinum með Gúnda geithafri og er sú fyrsta sem dettur í lukkupottinn þetta sumarið.

Við óskum Helgu Guðnýju innilega til hamingju og góðrar ferðar um Dindilfjörðinn í sumar! 📚

Langar þig líka að taka þátt? Kíktu í bókasafnið, nældu þér í vegabréf og leggðu af stað í þitt eigið lestrarævintýri ásamt Gúnda geithafri! 🐐

Nú fóru skrímslin á stjá í síðustu barnagetraun fyrir sumarfrí! 👾

Það var Fróði Franklin, 8 ára, sem reyndist vera sannkallaður skrímslasérfræðingur og svaraði öllum spurningunum rétt.
Við óskum honum innilega til hamingju og hlökkum til að sjá hann aftur í safninu😊

Við minnum á að nú hefur sumarlesturinn hafið göngu sína og Gúndi geithafur þarf aldeilis hjálp við grasleitina miklu 🐐 Það er því tilvalið að kíkja við í safninu, sækja sér vegabréf og leggja af stað í meeeeergjað lestrarævintýri með Gúnda 🌞

Til hamingju plokkarar!

Dregið var úr innsendum plokkbingóspjöldum nú á dögunum og í lukkupottinn duttu ofurplokkararnir Júlía F***g, Georgij og Fannar Leó🎉

Við þökkum öllum þátttakendum í Plokkbingóinu kærlega fyrir að gera bæinn okkar hreinni og fallegri ♻️

Gúndi geithafur er mættur í bókasafnið og hvetur öll börn á aldrinum 6–12 ára til að hjálpa sér að finna gómsætt gras til að bíta í. Með vegabréf í hönd leggja þau af stað í meeeeergjað ferðalag þar sem þau safna stimplum, happamiðum og fá spennandi þrautablöð eftir því sem lesturinn heldur áfram.

Til að vera með þurfa börnin að:
-heimsækja almenningsbókasafn
-sækja sér vegabréf
-og hefja lesturinn!

Inni í vegabréfinu er landakort þar sem svaðilförin með Gúnda geithafri hefst efst í vinstra horninu.

Markmiðið er að lesa í 15 mínútur í senn og merkja inn á kortið hversu langt barnið er komið á leiðinni í grasleitinni miklu. Eftir fjórða hvern lestur hafa börnin lesið í eina klukkustund og lenda þá á stjörnu. Fyrir hverja stjörnu fá þau stimpil í vegabréfið á næsta bókasafni ásamt happamiða í lukkupott.

Nýjustu óskilamunirnir í Bókasafni Mosfellsbæjar.