Lögreglan á Suðurnesjum

Mikilvæg áminning frá kollegum okkar fyrir norðan.

Í eftirliti okkar á flughlaði Keflavíkurflugvallar í morgun voru ökumenn á fjórða tug vinnuvéla stöðvaðir. Farið var yfir vinnuvélaréttindi, ökuréttindi og ástand ökumanna.

Skemmst er frá því að segja að allir voru með sitt á hreinu og engar athugasemdir voru gerðar. Frábært!

Öryggi á vinnustöðum byrjar hjá okkur sjálfum - og var þetta til fyrirmyndar.

17. júní á Suðurnesjum - skemmtun fyrir alla fjölskylduna! 🇮🇸

Þjóðhátíðardeginum verður fagnað víða á Suðurnesjum miðvikudaginn 17. júní og hvetjum við íbúa og gesti til að taka þátt í hátíðarhöldunum.

Við fórum aðeins yfir útgefna dagskrá sveitarfélaganna og settum saman:

📍 Reykjanesbær
• Kl. 12:00 hefst hátíðarguðsþjónusta í Keflavíkurkirkju.
• Kl. 13:00 leggur skrúðganga af stað frá kirkjunni.
• Hátíðardagskrá í Skrúðgarðinum frá kl. 13:20.
• Fjölskylduskemmtun frá kl. 14:00-16:00 með tónlist, sirkusatriðum, hoppuköstulum, andlitsmálningu, hestateymingu og fleiru.
• Ungmennadagskrá við 88 húsið frá kl. 18:00-20:00.

📍 Suðurnesjabær
• Hátíðardagskrá hefst kl. 12:00 við Gerðaskóla.
• Boðið verður upp á fjölbreytta skemmtun, sýningar, hoppukastala, andlitsmálningu, hesta, barnalest og ýmsa fjölskylduafþreyingu.

📍 Sveitarfélagið Vogar
• Fjölskylduhátíð við Stóru-Vogaskóla frá kl. 14:00-16:00.
• Á dagskrá verða m.a. hátíðardagskrá í Tjarnarsal, hoppukastalar og afþreying fyrir börn og fjölskyldur.

🚓 Við minnum vegfarendur á að búast má við aukinni umferð og tímabundnum lokunum vegna skrúðgöngu og hátíðarhalda. Sýnum tillitssemi í umferðinni og njótum dagsins saman.

Við minnum jafnframt á að flagga íslenska fánanum í tilefni þjóðhátíðardagsins þar sem því verður við komið.

Gleðilega þjóðhátíð! 🇮🇸

Samvera foreldra og barna í sumar😎

Langþráð sumarfrí grunnskóla umdæmisins er að bresta á. Þá riðlast dagleg rútína og aðhald minnkar. Af þessu tilefni langar okkur að minna á að samvera foreldra og barna er besta forvörnin. Hér má sjá nokkrar góðar hugmyndir sem foreldrar og börn geta gert saman í okkar nærsamfélagi sem kosta lítið.

✅Heimsækja allar 6 sundlaugarnar á svæðinu
✅Hjólatúr meðfram strandlengjunni frá Grófinni inn í Innri-Njarðvík
✅Heimsækja bókasafnið og leigja spil
✅Athuga með veiði í Seltjörn
✅Lautarferð á góðum stað
✅Strandferð á Garðskaga
✅Frisbígolf en 6 slíkir vellir eru á svæðinu
✅Golf á Ásbrú
✅Pútta á Mánagrund
✅Skoða brú á milli heimsálfa og fara í bíltúr um Reykjanesið
✅Fá útrás á einum af s*x ærslabelgjum á svæðinu
✅Berjamó í ágúst

Við vonum að öll grunnskólabörn njóti sumarsins.

Við óskum sjómönnum öllum til hamingju með daginn þeirra ⚓️🌊🚢

ÆFING -ÆFING
Til upplýsinga þá munum við verða við æfingar við Seltjörn í dag. Engin hætta er á ferðum og má búast við umferð lögreglutækja á svæðinu í dag sem og kajökum og fólki í þurrbúningum👮‍♂️👮🚓

📣Lögreglan á Suðurnesjum hvetur fólk til að vera á varðbergi gagnvart skilaboðum af þessu tagi en þarna er svindltilraun á ferðinni:

Í gær um kl 14:20 var ekið á gangandi vegfarenda á Aðalgötu við Nettó í Reykjanesbæ. Ökumaður ók í burtu án þess að huga að þeim sem ekið var á, en sá slasaðist nokkuð á hendi. Við leitum að vitnum að þessu óhappi sem og biðlum til þeirra sem hugsanlega gætu verið með myndavélar sem ná yfir svæðið að vera í sambandi við okkur.

Konan sem lýst var eftir í kvöld er fundin. Frekari upplýsingar verða ekki veittar.

📢 Prófanir á rýmingarflautum í Grindavík og Svartsengi
Á miðvikudaginn næstkomandi, þann 27. maí 2026 kl. 11:00, verður fyrirhuguð prófun á rýmingarflautum í Grindavík og Svartsengi.
Þetta er reglubundin prófun til að tryggja virkni búnaðar.
⚠️ ATHUGIÐ:
Flauturnar munu hjóma tvisvar:
1️⃣ Fyrst með fjarræsingu
2️⃣ Síðan aftur með handræsingu
Þetta er eingöngu prófun og engar aðgerðir eru nauðsynlegar.