Fjölskylduhjálp Íslands

um með sem minnstum tilkostnaði. Við lítum á allan kostnað sem okkar helsta óvin þar sem hann bitnar á fjölda þeirra sem við getum aðstoðað. Við viljum að fólki finnist það velkomið og sé óhrætt við að leita til okkar. Bæði þeir sem þurfa á aðstoð að halda og þeir sem vilja hjálpa okkur að hjálpa öðrum. Við erum hér fyrir fólkið.”


Fjölskylduhjálpin var stofnuð árið 2003 af fimm konum, saman höfðu þær 80 ára reynslu sem sjálfboðaliðar í góðgerðarstörfum. Erfitt var í upphafi að fá sjálfboðaliða til starfa og fékk starfsemin meðal annars hjálparhendur í gegnum fangelsismálastofnun. Í dag getur starfsemin þó valið úr góðum hópi sjálfboðaliða, 70% þeirra sem aðstoða í dag eru öryrkjar. Einnig eru margir vel menntaðir og velstæðir einstaklingar að aðstoða sem vilja láta af sér gott leiða. Allir starfsmenn Fjölskylduhjálparinnar eru sjálfboðaliðar og úthluta þeir matvælum, notuðum og nýjum fatnaði, ungbarnavörum, notuðum og nýjum leikföngum. Fjöldi fólks og fjölskyldna eru á skrá sem þurfa aðstoð í mismiklu mæli, en árið 2006 aðstoðaði Fjölskylduhjálpin yfir 15.000 manns. Til þeirra leita öryrkjar, atvinnulausir, einstæðar mæður og feður, eldri borgarar, fátækar fjölskyldur og einstæðingar. Gildi

Heilindi – Speglar einlægni og hreinskilni starfseminnar. Samstaða – Speglar það hvað allir standa og vinna vel saman. Trúnaður - Speglar þann 100% trúnað við skjólstæðinga starfseminnar. Metnaður – Speglar þá miklu vinnu sem er unnin af sjálfboðaliðum og leita nýrra leiða til að fá athygli, fjármagn og fatnað. Gegnsæi –Speglar það að bókhaldið er opið hverjum sem er og geta sýnt fram á að þínu fé er ráðstafað rétt. Framtíðarsýn
„Framtíðarsýn okkar er að vera óþörf og geta lagt starfssemina niður. Það er að segja að enginn þurfi á okkar aðstoð að halda í framtíðinni.


Í millitíðinni sækjumst við eftir að ná í það fjármagn til að hjálpa öllum þeim sem þurfa á aðstoð að halda. Mikilvægt er að fá stærra húsnæði til að geta boðið upp á betri aðstöðu fyrir þann fjölda fólks sem til okkar leitar. Við viljum geta boðið skjólstæðingum okkar upp á kaffi og börnum stað til að leika sér á, á meðan úthlutun stendur yfir. Einnig sækjumst við eftir að bæta við fleiri þjónustueiningum inn í starfsemina.


Þegar fólk hugsar um gott góðgerðarstarf þar sem almannafé og styrkjum er ráðstafað á þann veg sem best skal gera, þá hugsar það um okkur.“

Úthlutanir og önnur aðstoð

Úthlutun matvæla og nauðsynjavara
Úthlutun fer fram einu sinni í viku á miðvikudögum frá klukkan 14:00 – 16:00 og er úthlutað matvælum og helstu nauðsynjavörum.

Önnur aðstoð
Í dag er fatasala á staðnum sem er opin á sama tíma og úthlutun fer fram. Um er að ræða mjög ódýran og vel með farinn fatnað. Villt þú hjálpa? Frjáls framlög eru vel þegin og hægt er að leggja beint inn á reikning Fjölskylduhjálparinnar:

Reikningsnúmer: 101-26-66090

Kennitala: 660903-2590

SMS Styrkir

Allir einstaklingar geta á auðveldan hátt lagt okkur hjá Fjölskylduhjálp Íslands lið. Fólk skráir sig einu sinni með því að senda SMS-skilaboðin FHI í síma 1900 og er þar með komið á styrktarlista okkar. Viðkomandi fær svo sent eitt SMS á mánuði sem kostar 100 kr. Upphæðin bætist ofan á símreikning viðkomandi um hver mánaðarmót. Vilji Styrktaraðilar afsrká sig skal senda SMS-skilaboðin FHI STOP í síma 1900