Konur í Framsókn

Oft er þörf en nú er sannarlega nauðsynlegt að grípa til markvissra aðgerða í efnahagsmálum. Lilja Dögg Alfreðsdóttir er án efa sá stjórnmálamaður sem hefur hvað mesta innsýn, þekkingu og reynslu í þessum málum.

Mikil yrði lukka okkar allra nái núverandi ríkisstjórn að brjóta odd af oflæti sínu og hleypa þessum röddum og hagsmunagæslu til handa almenningi að borðinu 💚

Ný þjóðarsátt um efnahagsmál - samvinna

Við í Framsókn kynntum nýjar tillögur í efnahagsmálum!

Þróun efnahagsmála og aðgerðarleysi ríkisstjórnarinnar í þeim efnum er áhyggjuefni. Framsókn
leggur áherslu á að verðbólga og vextir lækki hraðar en núverandi horfur gera ráð fyrir og til að það
takist þarf að leggja grunn að nýrri þjóðarsátt um efnahagsmál.
Verkefnið kallar á samvinnu samfélagsins í heild og snýr að því að verja heimili og fyrirtæki, styðja
við forsendur kjarasamninga og um leið styðja við aukinn stöðugleika til framtíðar. Til þess þarf opið
og markvisst samtal helstu hagaðila þar sem stjórnvöld, sveitarfélög, fjármálakerfið,
vinnumarkaðurinn, atvinnulífið og almenningur leggjast á eitt um raunhæfar lausnir.
Þær aðgerðir sem Framsókn leggur til er ætlað létta undir með heimilum og draga úr
kostnaðarþrýstingi, meðal annars með lægri virðisaukaskatti á matvæli sem og aðgerðum sem
lækka bifreiðakostnað. Lagt er til að þær aðgerðirnar gildi frá 1. maí til 1. október 2026, eða fram yfir
endurskoðun komandi kjarasamninga.
Þá leggur Framsókn jafnframt til aðgerðir sem miða að því að halda aftur af hækkun leiguverðs.
Markmiðið er að bæta stöðu fólks hér og nú, styrkja velferð og draga úr þeim verðbólguáhrifum sem
hár framfærslukostnaður hefur haft á heimili landsins. Aðgerðirnar eru hóflegar og takmarkaðar í
umfangi.
Til lengri tíma þarf jafnframt að breyta verklagi í hagstjórn landsins. Framsókn vill leggja grunn að
nýjum leikreglum hins opinbera sem styðja við lægri verðbólgu, meiri fyrirsjáanleika og öflugri
uppbyggingu. Þar má nefna markvissara samtal um stóru málin, samræmdari gjaldtöku hins
opinbera, aukið framboð í húsnæðismálum og ný verkfæri til að meta áhrif stærri ákvarðana á
verðbólgu, heimili og fyrirtæki, svonefnda verðbólgusíu. Með þeim hætti má tengja nauðsynlegar
aðgerðir til skemmri tíma við ábyrgari og traustari stefnu til framtíðar.
Efnahagstillögur Framsóknar sem kynntar voru á kynningafundinum.
1. Samvinna og samtal – ný þjóðarsátt
2. Samræmd og fyrirsjáanleg gjaldtaka hins opinbera
3. Verðbólgusía – nýtt verklag í opinberum fjármálum
4. Lægra matarverð – tímabundin lækkun skatta
5. Lægra bensínverð – tímabundin lækkun skatta og gjalda
6. Leigumarkaður – afturköllun hækkunar skattstofns leigutekna.

Gleðilegan alþjóðlegan baráttudag kvenna!

Saga kvennabaráttunnar á Íslandi er saga þrautseigju, samstöðu og hugrekkis. Frá því að fyrstu íslensku konurnar risu upp og kröfðust menntunar, atvinnuréttinda og kosningaréttar hefur samfélag okkar tekið miklum breytingum. Þegar konur fengu kosningarétt árið 1915 var það stórt skref fram á við, en jafnframt aðeins upphafið að langri vegferð í átt að raunverulegu jafnrétti sem enn er ekki í höfn.

Áratugirnir sem fylgdu sýndu að réttindi á blaði tryggja ekki sjálfkrafa jafnrétti í reynd. Konur þurftu áfram að berjast fyrir aðgengi að menntun, áhrifum í stjórnmálum og virðingu fyrir störfum sínum. Bæði á vinnumarkaði og inni á heimilum. Kvennafrídagurinn 1975 markaði tímamót í þessari baráttu og sýndi með skýrum hætti hversu ómissandi framlag kvenna er í samfélaginu. Sá dagur varð tákn um samstöðu og kraft sem hefur mótað íslenskt samfélag allar götur síðan og hefur heimurinn allur tekið undir og horft til okkar í þessum efnum. Það eru stór fótspor að fylla í, að standa við okkar eigin stóru orð og fylgja okkar eigin orðspori eftir.

Árangurinn sem náðst hefur á Íslandi er ekki tilviljun. Hann byggir á áratugalöngu starfi fólks í stjórnmálum, sveitarstjórnum, verkalýðshreyfingu og grasrótarhreyfingum sem hafa markvisst breytt samfélaginu til hins betra. Þar hafa þingmenn og sveitarstjórnarfólk Framsóknarflokksins í gegnum tíðina lagt sitt af mörkum. Allt til að byggja upp samfélag þar sem fjölskyldur njóta stuðnings og jöfn tækifæri eru raunveruleg.

Eitt mikilvægasta skrefið í átt að jafnari stöðu kynjanna var innleiðing fæðingar- og foreldraorlofskerfisins. Með því að tryggja bæði mæðrum og feðrum sjálfstæðan rétt til fæðingarorlofs var lagður grunnur að breyttu viðhorfi til foreldrahlutverksins. Þar með varð skýrari sú sýn að ábyrgð á uppeldi barna tilheyrir báðum foreldrum. Þessi þróun hefur haft veruleg áhrif á þátttöku og tækifæri kvenna á vinnumarkaði og um leið aukið hlut feðra í daglegri umönnun barna sem hefur bein og jákvæð áhrif á þroska barna.

Sveitarstjórnir um land allt hafa einnig gegnt lykilhlutverki í þessari þróun, og þar hafa fulltrúar Framsóknarflokksins oftar en ekki sl. rúmu öld verið í fararbroddi. Uppbygging leikskólakerfisins er eitt skýrasta dæmið. Með auknu aðgengi að leikskólaplássum og dagvistun barna hafa foreldrar – ekki síst konur – fengið raunhæfari möguleika til að taka þátt á vinnumarkaði og í félagslífi. Leikskólinn er því ekki aðeins mikilvæg menntastofnun fyrir öll börn heldur einnig eitt mikilvægasta jafnréttisverkefni samfélagsins sem skal ekki gera lítið úr.

Framsóknarflokkurinn hefur frá upphafi lagt áherslu á sterkt velferðarsamfélag, jöfn tækifæri og stuðning við fjölskyldur. Sú stefna hefur í reynd verið mikilvægur þáttur í því að bæta stöðu kvenna. Þegar samfélagið tryggir góða þjónustu við fjölskyldur, menntun fyrir alla og jafnt aðgengi að tækifærum, styrkjum við jafnframt stöðu kvenna í samfélaginu.

Í alþjóðlegum samanburði stendur Ísland framarlega þegar kemur að jafnrétti kynjanna. Það er árangur sem byggir á samstilltu átaki kynslóða sem hafa unnið að breytingum – bæði innan stjórnmálanna og utan þeirra. En þó að við getum verið stolt af stöðunni er mikilvægt að muna að jafnrétti er ekki sjálfgefið. Launamunur kynjanna er enn til staðar, ábyrgð á heimilis- og umönnunarstörfum fellur enn oftar á konur og kynbundið ofbeldi er enn verulegt samfélagslegt vandamál.

Þess vegna skiptir máli að halda áfram að vinna að breytingum. Jafnrétti er ekki aðeins kvennamál – það er samfélagsmál. Til að ná raunverulegum árangri þurfa bæði konur og karlar að taka þátt.

Hlutverk karla í jafnréttisbaráttunni er lykilatriði. Karlar þurfa að vera virkir bandamenn, taka jafna ábyrgð á fjölskyldulífi og standa með konum í þeirri viðleitni að skapa réttlátara samfélag. Þegar karlar taka virkan þátt í baráttunni fyrir jafnrétti verður samfélagið allt sterkara.

Framtíðin byggir á samvinnu. Jafnrétti styrkir samfélagið allt: eykur réttlæti, bætir lífsgæði og skapar fleiri tækifæri fyrir alla. Verkefnið okkar er því ekki aðeins að minnast sögunnar heldur að halda áfram vegferðinni – með sama kjarki og konurnar sem ruddu brautina.

Baráttunni fyrir jafnrétti er ekki lokið. Hún heldur áfram og hún er verkefni okkar allra.

Ingibjörg Isaksen í viðtali um stöðuna á sjúkrahúsinu á Akureyri. Þetta mál þarf að kryfja og bregðast við hið snarasta!

Enn meira þrengt að sjúkrahúsinu á Akureyri. - Vísir Ingibjörg Ísaksen, þingflokksformaður Framsóknar, ræddi við okkur um stöðuna á sjúkrahúsinu á Akureyri.

Lilja Dögg Alfreðsdóttir nýr formaður Framsóknar!

Í dag skrifum við nýjan kafla í sögu Framsóknarflokksins. Í fyrsta sinn í tæplega 110 ára sögu Framsóknar kusu félagsmenn sér konu sem formann flokksins. Það er áfangi fyrir hreyfinguna, fyrir konur um allt land og íslenskt samfélag.

Framsóknarflokkurinn varð til úr jarðvegi bændasamfélagsins. Hann óx með fólkinu í sveitum landsins, í nánu sambandi við jörðina, fjölskylduna og samvinnuhugsjónina. Þarf ekki að upplýsa Framsóknarfólk um það lykilhlutverk sem konur gegndu í því samhengi – þó það hafi ekki alltaf verið sýnilegt í fundargerðum eða formennsku.

Konur í bændastéttinni báru ekki aðeins ábyrgð á heimili og uppeldi, heldur tóku virkan þátt í búrekstri, fjármálum og félagsmálum. Þær héldu uppi samfélögum, menningu og menntun – oft án formlegrar viðurkenningar.

Þróun og saga jafnréttis á Íslandi er merkileg. Ísland hefur árum saman skipað sér í fremstu röð þjóða heims þegar kemur að jafnrétti kynjanna. En árangurinn kom ekki af sjálfu sér. Árangurinn byggir á baráttu kvenna, samstöðu kvenna og karla og skýrum pólitískum vilja og ákvörðunum. Árangurinn byggir á hugrekki þeirra sem þorðu að stíga fram og brjóta blað.

Að kona varð nú kjörin formaður Framsóknar er viss staðfesting. Staðfesting á því að samfélagsgerðin hefur náð ákveðnum þroska, merki um að við höfum lært af fortíðinni – og staðfesting á að við ætlum að halda áfram. Jafnrétti er nefnilega ekki endastöð; það er verkefni sem þarf stöðugt að rækta, líkt og jörðina sjálfa. Jafnrétti snýst um tækifæri, áhrif og sýnileika – í stjórnmálum, í atvinnulífi og í öllum hornum samfélagsins.

Í atvinnulífinu hafa konur á Íslandi sýnt að þær standa jafnfætis körlum – sem frumkvöðlar, stjórnendur, bændur, sérfræðingar og leiðtogar. Við vitum að fjölbreytt forysta skilar betri árangri. Við vitum að þegar röddum kvenna er gefið rými, styrkist heildin.

Framsókn er hreyfiafl. Við eigum að styðja konur til áhrifa, tryggja að sjónarmið kvenna heyrist og að stefna flokksins endurspegli raunveruleika fólks um land allt – í borg og sveit.

Til hamingju með daginn kæru félagar og til hamingju nýr formaður með kjörið 💚

Áfram veginn!

Aðstöðumunur barna á leiksólum landsins getur verið gríðarlegur. Máltaka barns er viðkvæmt tímabil og jafnframt einn mikilvægasti forspárliður um framtíð þess. Að þessu þarf að huga við uppbyggingu innviða.

Dæmi um leik­skóla þar sem enginn starfs­maður talar ís­lensku - Vísir Ingibjörg Isaksen, formaður þingflokks Framsóknarflokksins hefur verulegar áhyggjur af atvinnuleysi ungs fólks á Íslandi, sem er nú um 10 prósent. Hún hefur líka áhyggjur af því að á sumum leikskólum úti á landi talar enginn starfsmaður íslensku.

Halla Hrund óskaði strax eftir sérstakri umræðu á Alþingi um aðstæður barna sem vistuð voru í Bakkakoti 💚

Í framhaldi af átakanlegri umfjöllun Kveiks um aðstæður drengja í Bakkakoti í gærkvöldi hef ég formlega óskað eftir sérstakri umræðu á Alþingi við forsætisráðherra um málið.

Þar verður meðal annars leitað svara forsætisráðherra við:

Hver verða viðbrögð ríkisstjórnarinnar við ákalli þeirra sem dvöldu í Bakkakoti?

Hvert verður ferli málsins innan stjórnkerfisins? Telur forsætisráðherra að sanngirnisbætur eigi hér við líkt og í öðrum sambærilegum málum sem komið hafa upp?

Í ljósi þessa grafalvarlega máls og annarra sem komið hafa upp á undanförnum árum - mun forsætisráðherra beita sér fyrir heildstæðri rannsókn á stöðu fósturbarna og brotalamir í eftirliti, bæði í núverandi kerfi og í umgjörð þess á síðustu áratugum?

Ég mun óska eftir þátttöku þingmanna þvert á flokka í umræðunni og samvinnu sérstaklega í undirbúning hennar við þverpólitískan hóp málsvara barna á þingi.

Hvetjum öll til lesturs á þessari grein Höllu Hrundar um fiskeldi ⬇️

„Er ekki bara best að hætta þessu fisk­eldi?” - Vísir „Er ekki bara best að hætta þessu fiskeldi?“ spurði gamall vinur mig á förnum vegi. Spurningin er skiljanleg.

Hlökkum til að sjá ykkur í Fantasíu á Vinnustofu Kjarvals þriðjudaginn 10. febrúar. Staðan í alþjóðamálum og hér á norðurslóðum rædd. Hver
er staða Íslands og hvar er okkur best borgið í breyttri heimsmynd?

Kalt og freyðandi á meðan birgðir endast og Happy Hour tilboð á barnum.

Framsóknarpartý í fjölmiðlum þennan fimmtudag!
Lilja Dögg Alfreðsdóttir varaformaður Framsóknar kemur undan feldi í vígahug. Lilju þekkja landsmenn vel og öll njóta daglega góðs af hennar verkum 💚

Gangi þér vel Lilja og sjáumst á Hilton 💪🏻💚

Lilja Dögg býður sig fram til formanns Lilja Dögg Alfreðsdóttir, varaformaður Framsóknar, hefur ákveðið að gefa kost á sér til að verða næsti formaður Framsóknarflokksins.