Ríkiskaup

Um okkur

Svo sannarlega ekki það sem kemur fyrst upp í hugann til að starta samræðum á mannamótum; ,,Hey vissirðu að Ríkiskaup gerðu magnaðan samning í gær?”.

Af lítilli ríkisstofnun að vera með aðeins um 23 starfsmenn er hlutverkið risastórt. Fyrstu lög um stofnun Ríkiskaupa þar sem kveðið er á um miðlæga innkaupastofnun fyrir ríkið voru sett þann 5. júní 1947 en starfsemin hófst þann 15. janúar 1949 og heyrir stofnunin undir Fjármála- og efnahagsráðuneytið.

Í 99. gr. núgildanda laga um opinber innkaup nr. 120/2016 segir um hlutverk miðlægrar innkaupastofnunar: ,, Ríkiskaup er miðlæg innkaupastofnun á vegum ríkisins sem heyrir undir ráðherra. Forstjóri Ríkiskaupa veitir henni forstöðu og er skipaður af ráðherra í fimm ár í senn. Forstjóri gerir fjárhagsáætlun stofnunarinnar og mótar stefnu um helstu áherslur, verkefni og starfshætti stofnunarinnar.

Ríkiskaup skulu með gagnsæjum og hagkvæmum hætti annast innkaup fyrir ríkisstofnanir, rannsaka sameiginlegar þarfir fyrir vörur og þjónustu, beita sér fyrir sameiginlegum innkaupum til þarfa ríkisins og stuðla að þróun skilvirkra innkaupakerfa. Einnig skal stofnunin láta í té aðstoð og leiðbeiningar um útboð og innkaup eftir því sem þörf krefur. Komi upp ágreiningur um ákvörðun við val á tilboðum milli Ríkiskaupa sem umsjónaraðila útboðs og kaupanda er heimilt að vísa ágreiningnum til ráðuneytisins.

 ...