Að gera neytendum kleift að forðast neyslu á varasömum matvælum á markaði.
2. Að leiðbeina neytendum þannig að þeir geti sjálfir tryggt öryggi matvæla eftir fremsta megni.
3. Að gera neytendum kleift að taka upplýsta ákvörðun við val á matvælum.
4. Að fá ábendingar frá neytendum inn í ábendingakerfi Matvælastofnunar um vanmerkt eða varasöm matvæli á markaði. Stefna Matvælastofnunar er að halda ritskoðun á Fésbókarsíðu sinni í lágmarki. Stofnunin áskilur sér þó rétt til að eyða út ummælum með fúkyrðum, nafngreiningum/persónuupplýsingum sem ekki samræmast upplýsingalögum eða lögum um persónuvernd og meðferð persónuupplýsinga, eða eru til þess fallin að rægja einstaklinga eða fyrirtæki. Matvælastofnun mun fara yfir ábendingar sem berast um efni síðunnar og uppfæra efni ef breytinga er þörf að mati stofnunarinnar.
