Björgunarsveitin Ísólfur Seyðisfirði

Gul veðurviðvörun á Austurlandi frá klukkan 19:00 Veðurstofa Íslands hefur gefið út gula veðurviðvörun fyrir Austurland sem tekur gildi mánudaginn 6. apríl klukkan 19:00

Útsýnið í Fjarðarheiðarútkalli dagsins, við gerum engan mun á dögunum þegar bregðast þarf við og veita aðstoð, gleðilega páska kæru vinir og velunnarar.

Kort af Íslandi | Map of Iceland www.map.is er í eigu og rekið af Loftmyndum ehf.

Þá er það næsta gula viðvörun, ekki ólíklegt að Fjarðarheiðin verði eitthvað leiðinleg. Förum varlega fylgjumst með veðurspám og tilkynningum.

www.vedur.is
www.umferdin.is

Uppfært:
Athugið að vindmælir á Fjarðarheiði er ekki virkur og hefur ekki verið síðustu 2 daga, þegar svo er getur verið gott að kíkja inn á Færð á Fjarðarheiði. Upplýsingar frá vegfarendum. Þar er stundum einhverjar upplysingar að hafa frá þeim sem hafa farið þar um.

Gleðilegt ár kæru vinir. Flugeldsalan okkar er opin í dag frá kl 13:00-16:00 í Sæbóli, það er eitthvað til fyrstur kemur fyrstur fær, allt á að seljast verslunin hættir, allavega fram að næstu áramótum...🙃💥💥💥

Vekjum athygli á að ákveðið hefur verið að fresta áramótabrennu og flugeldasýningu vegna veðurs, nýjar dag og tímasetningar verða auglýstar síðar.

Förum varlega þegar við skjótum upp skoteldunum um miðnættið og fylgjumst vel með glóð og látum terturnar ekki brenna eftirlitslausar þar sem gróður er þurr undir fölinni og gróðureldar fljótir að breiðast út í vindinum ef þeir mögulega kvikna.

Gleðilegt ár þökkum stuðninginn á árinu sem er að líða

Kveðja
Björgunarsveitin Ísólfur

Áramótabrennum frestað á Borgarfirði, Djúpavogi og Seyðisfirði Vegna slæms veðurútlits hefur verið ákveðið að fresta áramótabrennum og flugeldasýningum á Borgarfirði, Djúpavogi og á Seyðisfirði.

Gleðilega hátíð kæru vinir.

Það hefur færst í vöxt undanfarin ár að einstaklingar (og fyrirtæki) hafi viljað styrkja sveitina okkar með öðrum leiðum en að þurfa að versla flugelda.

Hægt er að styrkja Björgunarsveitina Ísólf um frjálst framlag með millifærslu í banka.
Bankareikningur okkar er:
0176-26-5157
kt. 580484-0349

Skýring með færslu: Styrkur

Björgunarsveitin er skráð á almannaheillaskrá Ríkisskattstjóra. Styrkir til sveitarinnar eru frádráttarbærir frá skatti og á það bæði við um einstaklinga og fyrirtæki.

Við þökkum kærlega fyrir veittan stuðning til sveitarinnar í gegnum tíðina og eigið góð og örugg áramót.

Flugeldasalan opnar á morgun 29. des og verður opin sem hér segir.

Jæja þá er búið að afhenda síðasta stóra neyðarkallinn þetta árið en það voru snillingarnir í verktakafyrirtækinu Þrándur í götu á Seyðisfirði sem styrktu okkur með kaupum á honum og þökkum við þeim kærlega fyrir.

Þetta eru ekki alltaf bara útköll og fjáraflanir, stundum þarf líka að hafa gaman við kíktum í svona líka ljómandi grillveislu og spjall hjá félögum okkar Björgunarsveitin Jökull í gærkvöldi í húsi þeirra á Hrólfsstöðum á Jökuldal, takk fyrir gott boð kæru félagar.

Stundum þarf bara að slá á létta strengi yfir góðu grilli. 17 manns í húsi í kvöld. Takk fyrir heimsóknina Björgunarsveitin Ísólfur Seyðisfirði 😀